vicky0404的个人专页

觀塘出名多嘢食，今次就俾我發掘到駱駝漆入面一間私房菜,佢地主打養生燉湯套餐,午餐配個靚燉湯每人都係100蚊有找,真係自己買材料都做唔到呢個價！燉湯裡面有乾瑤柱,瘦肉,雞腳,五指毛桃,桂圓,紅棗….......多種豐富材料，熱辣辣上枱,飲落清甜無味精😋[薑絲蒸黃花魚]掌握好時間蒸熟保持鮮甜原汁,蒸好後淋上熱油、生抽、蔥絲同薑絲，肉質嫩滑,香氣四溢。我地揀配健康紅米飯,係更養生嘅選擇，紅米飯富含纖維同抗氧化物，幫助消化又有益心臟健康,好味又健康！[蒜油蒸卜卜蜆]好鮮甜，蜆肉彈牙汁多，蒜香突出帶少少油潤，配埋爽口娃娃菜，好開胃又滋味！本身我哋太鍾意食菜,所以見餐牌可以加30蚊有還原水灼油菜,又叫一碟一齊食,食食下老細同我哋傾下計再送咗兩碗西米露,食曬咁多嘢真係好飽好滿足😆傾談中得知係由23年粵菜行政總廚主理，總廚菜式分別榮獲過旅發局美食之銀獎及金獎👏,食材都係每天新鮮預備及烹調,出品質量絕對有保證🏅🐟薑絲蒸黃花魚配燉湯 $98🦪蒜油蒸卜卜蜆配燉湯 $88(可配) 陳村粉 / 香蒜飯 / 紅米飯 / 菜底(4選1) 加底+$5@palacekitchenhk📍 地址：觀塘開源道駱駝漆大廈三期7樓S☎️ 電話：63525748Whatapps： wa.me/852635257🕣 星期一至星期五 (1200-1500內供應)#香港旅游攻略 #香港 #香港生活 #我的美食日记 #美食日常 #美食探店 #香港打卡 #探店 #打卡 #香港美食推荐 #養身 #燉湯…查看更多

今日次同朋友慶祝生日左所以再次光顧,值得一提嘅係，服務質素非常好，店員都好熱情，經常主動過嚟關心我哋嘅需要，令整個用餐體驗更加愉快。雖然食物種類有限，但因為高質素嘅食物和優質的服務，整體上仍然令我感到非常滿意。花膠好大塊，之前最中意食嘅雲吞都保持水準,依然咁大粒啲蝦好大隻,薄薄的雲吞皮裹著大顆鮮蝦，咬下去蝦肉彈牙鮮甜新鮮，海鮮沒有雪藏味很鮮甜,我自己攞左兩轉長腳蟹,超級滿足,刺身正常發揮,片皮鴨鴨皮薄脆、鴨肉軟嫩，配蔥絲、黃瓜絲和甜麵醬一卷，鹹香鮮甜層次滿分，經典果然不會錯～侍應態度非常友善,性價比高,款式多,容易回本,食物亦做得好有心,服務好,收碟快,好滿意嘅一餐IMG:2]IMG:3][IMG:5]IMG:6]MG:8]MG:10]MG:12][IMG:2]…查看更多

今日嚟到葵興KCC揾食！之前有朋友食過推介我去,所以一直係我嘅收藏名單中,咁啱今晚要去葵涌就順路試下。📌手工海南雞飯呢個係餐廳嘅皇牌,上枱個樣真係整得超級似,我即刻就捉住職員問其 實係咩嚟？原來雞皮係用蝦餃皮加黃薑汁造成，外貌同口感都極似真雞皮！雞肉係腐皮層層疊，質地好實淨，不過無咩味，要靠三種醬汁調下味。配黃薑飯好香濃，唔係用一般油飯，好有誠意😍📌素乳豬拼桂花叉燒配白飯桂花叉燒外貌又係勁似,本身係用麵筋做,叉燒醬汁甜甜地,素乳豬更加有驚喜,乳豬個皮脆卜卜,內層軟嫩,配埋乳豬醬，超讚！📌素三文魚刺身三片係用蒟蒻造所以口感都幾彈牙,似模似樣嘅外表仲跟埋豉油同芥末,幾特別嘅感覺📌沙嗲牛肉串外貌似牛舌,醬汁微辣📌日式燒鰻魚外貌就冇咁似,用腐皮造成,口感香脆有層次📌炸素蠔仲有得金黃酥脆,香口惹味📌香菇素湯晚餐附送,有幾片香菇味道都幾濃郁,如果大碗啲會再開心啲😅我地6:00前食可以免加一,叫咗咁多嘢都唔過300蚊,真係又抵又驚喜,打破咗素食係清淡嘅刻版印象。…查看更多

今日嚟到九龍城揾食！俾佢哋個勁搶眼嘅霓虹燈吸引咗,見門口又好多街頭小食嘅相,就入咗去試下。座位都幾舒服同闊落,可以嘆住冷氣，坐喺度掃街,好正。店員知我哋第一次嚟,推介我哋試招牌菜式～📌大小姐艇仔粉裡面配料非常豐富,有叉燒,燒鴨,魚蛋,魚片,紅腸,津白同炸魚皮,我覺得個湯底好鮮甜,細細碗食到咁多嘢,好滿足。📌炸雞皮餃子佢係店內我第二樣最鍾意嘅嘢食,外皮脆到爆,肉質嫩滑,如果唔係本身嗌咗咁多嘢食,我實叫多碟!📌炸司華力腸外層炸得金黃脆卜卜,食落鹹香外脆內嫩,唔會太油膩,淨食已經好惹味,加茄汁更加提味。📌蒜蓉燒茄子茄子燒得軟糯入味，表面灑滿厚厚嘅蒜蓉粒,入口茄子吸飽汁水，唔會水汪汪，食落滿足又唔油膩。📌炸燒賣咬落好香口，入面燒賣餡飽滿唔會乾柴，肉香配上炸皮好有層次感。餐廳裝修好有70年代風格,裏面兩位店員都好親切,好主動同我哋傾計,本身有推介瑞士汁雞翼,不過我俾啲炸野吸引咗,留翻下次再試😆…查看更多

離開咗香港幾日,返到嚟真係好想食點心,見啟德新開咗一間酒家又試吓先～佢哋標榜全部都係手工點心,絕對唔係預製菜👍裝修係開放式廚房,可以一路睇住師傅整點心一路用餐,好似睇表演咁🤣📌百花小雲雀餐牌見到個造型好得意,叫嚟打下卡,味道都有驚喜,個頭係鵪鶉蛋,身就係大蝦加蝦膠,鮮味十足。📌啤梨鹹水角造型又係勁可愛，外皮酥脆唔會好油膩，內餡帶鹹香。📌龍蝦湯浸鮮竹卷湯底龍蝦味超濃郁，腐皮吸收曬龍蝦湯嘅精華，內餡夠嫩。📌原隻鮮蝦燒賣皇估唔到每一件燒賣裏面都有兩隻鮮蝦,真係落足料。📌銀蘿脆皮紅米腸咬落口感好得意,腸粉嘅軟中又帶啲卜卜脆。📌大地鮮蝦餃睇住師傅整摺得又快又靚,個皮嘅顏色好特別,食落爽口彈牙。📌脆皮蝦多士蝦膠香甜彈牙，多士香脆不膩，外皮炸得好金黃，入口好有層次,啖啖都食到蝦味。新開期間仲免茶芥同服務費,我揀這幾款都好有水準,好值得推介朋友仔嚟試！ 大池小館 📍地址：九龍城啟德沐禮街6號啟欣苑零售大樓1樓…查看更多

pizza 薄餅的餅底薄而酥脆，邊緣微微焦香，呈現出理想的烘焙效果。- 番茄醬鋪得均勻，紅潤鮮亮，與白色的莫札瑞拉芝士形成強烈對比。- 芝士以「點狀」分佈，融化得恰到好處，既保留了奶香，也不會過於油膩。- 酥脆的餅底搭配濃郁的番茄醬，能帶出酸甜平衡的基調。- 芝士的奶香與鹹味能提升整體風味，若是雞肉，則提供柔嫩口感與蛋白質的飽足感。厚實的漢堡排上覆蓋著濃郁的肉汁醬，醬汁的質地略帶顆粒感，加入了洋蔥或香料增添層次。上方的煎蛋蛋黃微微流動，與漢堡排一同入口，能帶來滑順與濃郁的口感交融。…查看更多

中秋節同朋友出嚟尖沙咀玩燈籠想再食好啲啲,香港磯燒海鮮始祖[焱丸水產]門面超靚,裡面裝修都好似自己好去咗日本咁😍餐廳有個巨型魚缸,放滿咗日本空運嘅生猛海鮮,講明係師傅即撈即燒,絕對新鮮!不過除咗嘢食，我想講咗兩個重點先首先係佢嘅落單方式,枱面有隻尖叫蟹俾我地落單用,我係超級E人,撳得好興奮,大力撳咗三次全場望住晒🤣,可惜朋友係I人,警告我再亂咁玩就同我分枱坐🥲其次係支飲管,兩杯特飲到咗發現竟然係膠飲管😱,好正喎,忍唔住又問吓職員點解可以用膠？原來PLA可降解飲管,其實聽完多唔多明,不過唔係紙質就開心🤭好啦，好啦，入正題!!!餐廳有專人席前燒炙，仲有餵食服務，真係可以躺平享受VIP級嘅待遇，唔使怕自己火候掌握得唔好🥰燒活鰻：燒到外皮脆卜卜,肉質嫩同彈牙。肉盛壽司盒:好多牛肉條掛喺壽司上面好得意。芝士蟹肉甲羅燒:裝滿大量蟹膏同蟹肉既蟹蓋，再混合芝士同鵪鶉蛋，燒到好香好有鮮味。漁師2人前盛:多種刺身同大蝦，鮮味爆燈，早已極速清碟。溫泉蛋天婦羅:外皮微脆，咬落蛋好滑溜，出面好少食到天婦羅溫泉蛋。焱丸水產每個細節都充滿驚喜！活海鮮即叫即做，絕對鮮味滿分😋#焱丸水產 #日本直送海鮮 #席前燒炙 #芝士蟹肉甲羅燒 #躺平用餐 #日式料理 #香港美食#日本料理 #居酒屋 #生日慶祝#磯燒#即燒海鮮 #香港磯燒始祖#躺平用餐#餵食服務 #尖沙咀美食#日本直送#活海鮮…查看更多

榴槤水晶珠珠冰水晶珠珠晶瑩剔透，搭配金黃榴槤果肉，像極了珠寶盒裡的寶石，打卡必備。底層碎冰綿密，中層水晶珠珠彈牙，頂層鋪滿榴槤果肉，三重口感一次滿足。榴槤香氣濃烈，果肉香濃綿密，入口即化，香氣在口中久久不散。類似寒天或蒟蒻，口感清爽，與榴槤的濃郁形成絕妙對比。碎冰細緻不粗糙,冰體綿密，吸附椰漿或糖水後更添風味，吃起來不會過於冰冷刺口。- 價格合理，份量足，推薦！…查看更多

今次主要想講最吸睛嘅~~彩色糯米芒果椰漿飯七彩糯米球排列成圓形，色澤鮮明，令人眼前一亮，像是藝術品般精緻。金黃熟透的芒果切成扇形，與糯米形成鮮明對比，提升整體美感。濃郁白色椰漿覆蓋糯米，增添層次。糯米軟糯不黏牙,每種顏色的糯米口感略有不同，可能使用天然色素如蝶豆花、香蘭葉、紅糯米等，味道清香。椰漿香濃滑順 ,甜度適中，椰香濃郁但不膩口，與糯米完美融合。芒果香甜多汁，果肉細緻，與椰漿糯米搭配非常和諧。…查看更多

餐廳裝潢具韓式風格，座位寬敞，氣氛舒適。附送前菜清新開胃。🌟 味道評價附送前菜清新開胃。甜辣炸雞-醬濃稠鮮紅，甜中帶辣，香氣撲鼻，令人垂涎。即使不太能吃辣的人也能接受。外皮酥脆不油膩，內裡雞肉嫩滑多汁，肉感十足。甜辣醬與炸雞完美融合，惹味十足，令人一口接一口。酥炸魷魚鬚-炸得金黃酥脆，入口即碎，沒有過厚的炸粉，保留了魷魚的彈牙口感。新鮮魷魚鬚炸後仍保有彈性，不會過韌或難咬。鹹香中帶點微辣，令人一口接一口。油份不過重，吃起來不會太膩。…查看更多

今日嚟到油麻地食「河內越式料理」，店內牆上面掛咗越南畫作同竹藤帽,面充滿越南街頭小店嘅氛圍🥰越式菠蘿炒飯：炒得好香噴噴，菠蘿果香濃厚，米飯粒粒分明，食落去有一種熱帶風情。西貢牙車快：雞絲嫩滑，配上清新的生菜，口感清新有少少辣。西貢咖喱牛腩配法包:咖喱濃郁,牛腩炆得入味軟腍,鬆脆的法包沾著咖喱牛腩醬汁,口感一流。越式香茅豬扒:豬扒外脆內嫩,香茅味濃,配埋炸蒜同香蔥,風味十足。鮮芒果椰汁西米露：椰汁味清甜,西米份量都唔少。凍越南滴漏咖啡：咖啡香濃,煉奶比例啱啱好,唔會太甜。同埋餐廳唔洗收加一服務費,但並唔係用qr code落單,而係有職員親自介紹一下菜式再幫我哋落單,感覺親切好多💯…查看更多

- 湯底選擇豐富 ：有多達10款，包括沙嗲湯、藥膳豬骨湯、芫荽皮蛋湯等，味道濃郁且不易被稀釋。- 肉類海鮮任點任食：極上無骨牛小排、安格斯黑牛、黑毛豬梅花等油花均勻、鮮嫩可口；海生蝦、白鱔片、鯇魚片品質上乘。- 自助配料區：黃巴士造型自助區提供新鮮蔬菜、丸類、台式配料如韮菜餃，皮薄肉甜。- 甜品有驚喜：即製香蕉班戟、焦糖燉蛋、朱古力窩夫等，還有多款雪糕品牌任食。- 飲品選擇多：超過20款，包括生啤、汽水、台灣飲品等，任飲回本率高。牛肉種類多，油花靚，食完一碟又一碟海蝦彈牙鮮甜，甜品係自家製掃QR code落單，幾分鐘就送到，效率高性價比超高，每人二百幾蚊食到飽飲到醉…查看更多

今日係10月1日國慶日嘅公眾假期,一出街就發現真係好熱鬧,今次我就去翻mikiki 食lunch, 等位大概等咗半個鐘這間火鍋店我真係一得閒就會過去食下,因為價錢實在太抵食,平時揀開雞肉定量套餐,儲咗啲積分,佢竟然有推廣。 只需用50積分,就可以換碟咁靚嘅牛,正常要450分㗎,同埋食嘅時間都好充足,出邊有好多蔬菜,肉丸,午餐肉等等可以任拎又有富士蘋果雪糕自己扭,調味醬料區選擇都尚算ok,甜品櫃有三款甜品可以選擇…查看更多

🍚 *主菜：白飯配肉排*這道菜的焦點是那塊煎或炸得恰到好處的肉排，表面微焦，淋上醬汁再撒上青蔥，香氣撲鼻。搭配白飯，既能吸收醬汁，又能平衡油脂，是一道經典的日式或台式便當風格。🍜 *湯品：清湯配海帶與蔬菜*湯色清澈，是以昆布或蔬菜熬煮的高湯，加入海帶和胡蘿蔔片，清爽解膩。白色湯匙點綴其中，讓整體視覺更乾淨雅緻。🍝 *炒麵：蔬菜與肉絲炒麵*炒麵色澤誘人，麵條油亮不黏，配料豐富，有胡蘿蔔、青菜與肉絲，還加入了醬油或蠔油調味，香氣十足。那片胡蘿蔔切片像是畫龍點睛，增添色彩與口感。…查看更多

將軍澳良日涮涮鍋環境感覺乾淨整潔，座位舒適，燈光明亮，氣氛輕鬆。餐廳佈局寬敞，適合朋友小聚或家庭聚餐。呢餐火鍋湯底揀咗壽喜燒，出面有好多蔬菜肉丸可以拎、大根、魚蛋、腸仔等配料，感覺清爽又有料，好健康！肉類方面揀咗雞肉,份量都俾得幾多72蚊再加一嘅價錢嚟計真係物超所值…查看更多