ChiShingChan2295的个人专页

今天星期日剛巧放假，便和太太及兒子入去屯門試下新嘢，在網上周中師傅介紹，說這間 商店可以，便膽粗粗去試下啦，地方比我想像中細及有點凌亂，但一場嚟到便坐低試下味道如何啦， 既然來到咁係試下嗰隻馬崗燒鵝如何架勢，燒肉點樣好食先，再嚟多半斤叉燒 及一碟油菜，馬岡燒鵝真係冇得頂，皮脆冇肥肉，及肌肉紮實十分好食，燒腩仔十分香脆 一流水準，叉燒就比想像中差少少，油菜係好普普通通啦，埋單都係二百七十零蚊，都算抵喎，個老細好客氣，又送例湯又送油雞髀，又送多三隻粽，真係人間有情多謝多謝！…查看更多

昨天老闆請食飯，來到福盈，即是以前富聲，一到門口即發現非常光亮，比較以前醒目很多抵讚，店内煥然一新，走活力格調，包房内比較以前更闊落40%，不過這樣門市就更縮小，食物方面保持水準， 乳豬夠脆， 燒鵝亦美味， 東星斑鮮味啖啖肉，而且起埋片同有專人分開一碟碟，就更加食得開心，叉燒也不錯 很鬆化很入味，還有這裏杏仁茶也不錯，香香杏仁味亦很滑，甜度剛剛好食落舒服，服務比以前更進步，每樣食品分開一碟，連自己起身夾餸也不用，扺讚，如果要我付款也樂意，我們一班同事也吃得很滿意，希望下個月年夜飯也來這裏。…查看更多

今天 刻意去吃這個潮州腸粉，人很多但服務員很少，比較混亂， 點了一個蠔仔麵，一個蠔仔腸粉，一個豬油渣抄菜心，蠔仔面的蠔仔比較腥，但份量很夠，至於蠔仔腸粉就真的很好吃，腸粉煙韌配料十足，至於菜心都很好吃但7拾多元就有點貴。…查看更多

今天兒子生日，和兩個兒子和老婆一起去金鑽名軒食晚飯慶祝，本來想散叫，但老婆見到套餐都幾抵，半圍都係一千蚊，就叫個套餐試下啦，套餐有乳豬半隻，龍蝦兩隻 更有魚翅羹， 有半隻紅燒雞和六件炸帶子，樣樣都幾好食，真係十分滿意。…查看更多

本月21日，公司就在富聲食年夜飯，以前在銅鑼湾西苑食開，但老闆怕了西苑太迫，而富聲就較寬敞開揚，前菜是义燒玉子豆腐，义燒就真係正，入口融化滋味無窮，可惜就是一人一塊冇得再吃，燒鵝也不錯很入味，乳豬脆皮不會肥很值得食，這三樣美食我想應該係全港數一數二！今次食了一条金老虎班，不錯！有魚味肉質又嫩！最後食燕窩蛋白燉椰皇，就十分完滿。…查看更多

昨晚和家人去食自助餐，講真的688蚊都算係 貴，但食物嘅水準很低同款式真係好少，海鮮類中的龍蝦，肉很實可能蒸熟過龍，另外得 青口和大頭蝦，其他海鮮就欠奉，連生蠔都冇 ，不過就好在有三文魚魚生都可以，還有吞拿魚魚生都可加番一啲分，但日本式炸物 ，就出得很慢， 比較好食嘅都係炸蝦和炸魚， 還有炸芋頭都可以， 不過服務方便就真係好差，嗰啲工作人員愛理不理，好像貼錢買難受一樣，要人等很久款式又少，比較失望，所以都係冇下次！…查看更多

昨晚和老婆兒子三個人，聽朋友講呢度好抵食， 所以上咗去試一試，叫咗一個羊腩煲，都只係98蚊， 一個套餐，包括一條細小小的沙巴及半隻紅燒雞， 另外叫多一個德國咸豬手煲，每樣餸菜嘅水準都好好及足料，都合我心意， 另外侍應嘅服務都一般啦，落樓都係四百零蚊，都合理及都算便宜。…查看更多