穿上春樹的个人专页

出去旺角總會見到，就喺個街角位。望住對面啲人排日本牛肉飯，呢間就涼住冷氣去睇風景。其實呢間嘢同一般茶餐廳一樣，係個叉燒麵反而就有啲驚喜。估唔到，個早餐嘅叉燒麵份量比我想像中多，仲要係旺角喎！其他炒蛋奶茶之類都係合格嘅，炒蛋都唔會碎濕濕。好在早餐當區嘅選擇並唔算太多，路過可以再去食嘅。有幫襯，襯早。…查看更多

疫情下冇得去旅行，呢一餐一等就等咗2年。第一波爆之前仲去咗一轉日本，諗住疫情一過就去當地再食最新鮮嘅龍蝦之王- 伊勢龍蝦！一等就2年，仲要等幾耐。。。。食完刺身waiter會問你要唔要煮埋個蝦頭，識食一定會，因為感覺同印象分都滿滿！一路食一路睇Menu，又俾佢吸引到。話晒都係時下特產直送，幫襯一隻。一隻好啦，我就覺得，口感一樣，但就無咗當地嘅氣味，或者呢個就係蒸一隻同蒸一鍋嘅分別例牌野都係個句，水準啦。不過服務真係幾貼心，行過都會留意到洗唔洗加水之類。…查看更多

難得有一日可以去深水埗，路過順便食早餐。一籌莫展，又唔知可以去邊度食嘅時候;就會抽起條根諗起呢間。你問我佢係咪特別好食？非也，只係熟悉嘅味道。一餐雙併$40連凍飲，到家陣$50仲要補$1。。。。。。麵，都係平時食開嘅餐廳用大光麵; 牛，都係平時嘅口感味道;唯獨是湯頭今日無平時咁重口味; 我唔係咁Like重口味，所以今日嘅味道感覺更順滑。或者係時代嘅推進，令佢地有所調整？希望佢地接受到時代嘅轉變得黎，都仲可以保留老香港嘅味道。…查看更多

因事路過旺角，本來都唔想話留係當區食飯，奈何又有啲肚餓。本來係諗住去排下隊食個牛丼，但係見到條隊已經唔係好想排。。。只好採納老友嘅建議，就試吓好耐冇食嘅沙嗲王！上到沙嗲王，好難唔食佢哋招牌出品：白咖喱！依稀記得，好耐之前食白咖喱豬扒飯，豬扒比較硬，今次就一改作風，整隻大雞髀！唔好問我好唔好食，沙嗲王嘅味道，間間分店都一樣，keep到個好平。我反而覺得佢起埋骨，係有誠意多啲。一場嚟到，順便叫埋個小食:呢個就算啦。喺旺角，寸金尺土，一舊水食個飯真係唔可以有乜太高要求。。。…查看更多

無得去日本玩，咁有時想話食返d日本野，又唔知食咩好，所以耐唔時都會去食一次。環境承襲日本，衛生條件一貫的好。平時路過見到都要排隊，要食住西北風係門外排隊我就唔幫襯啦。咁當日難得又早起，唔洗等，即時入去食個早飯！講真，無咩特別，係同日本食到嘅一樣，唯獨是泡菜水準時有參差，有時會太酸。牛肉個質量一般，$40樓下一個餐，俾足日本早餐feel你，夫復何求？湯同飯就例牌，秋葵係套餐外另加嘅，當日嘅水準就非常好(雖然都係急凍急凍)。下次有機會，試下個外賣便當先！…查看更多

好耐之前係媒體曾經見過一次，有一間餐廳用出前一丁做主題。好多時都會經過附近，但係就冇幫襯佢。呢個星期咁岩都係附近開工，所以點都要嚟一嚟。呢個真心推介。吉列豬扒係屋企點樣整都唔會整得好食，而且無咩幾何用咁多油。唔知係我好彩定抑或係餐廳嘅好習慣，呢件油炸嘅吉列豬扒竟然冇油嗌味！食得我不知幾開心！你之前有一日去食呢個黑蒜湯底沙嗲牛肉麵，我反而覺得佢嘅煮叮叮手法仲有進步空間可能我鍾意食爽口呢個角落令我想起，呢排叫外賣係唔係應該用返佢？另外餐廳門外都有大量出前一丁相關嘅食品出售，非常經濟實惠！下次再食網球拍雞髀！…查看更多

小弟好少何去到鯉魚門，而今次去竟然唔係為咗買海鮮，係為咗西多士？！入門口，完全係細個個時樓下冰室嘅感覺！卡位，磁磚牆身，大水吧枱！真港式冰室格局！平時食西多，通常都係糖膠或者練奶，新派d就朱古力牆，士多啤梨醬之類。今次真係估佢唔到！外表平平無奇，一切開，竟然有海嘅氣息！唔通真係近海？非也，原來係因為用咗腐乳做夾心！份量都唔細，1個人(好似我。。。)食的話，食到尾會有d咸，2個人分享的話就剛剛好。另一精選當然係奶茶王啦！我心中嘅奶茶必須要夠香滑。呢杯奶茶王，你問我，我覺得值！絶對可以一試！而且可以下次再黎！臨走個時仲有小插曲！原來有台灣一間電視台黎做訪問！原來真係咁出名？…查看更多

有時候去街坊小店都會有驚喜。剛巧下午茶時間路過，一見下午茶送嘢飲，街上又熱，又好耐冇食車仔麵，所以就入去一探究竟！望下望下，車仔麵唔吸引，反而喺Menu上最吸引我嘅竟然係肉燥飯！1. 蛋就好一般，唔夠入味是常識吧。2. 但個雞扒竟然唔係好似其他餐廳咁生炸，keep到Juicy，已經加多好多分！3. 個飯底根本唔係下午茶應有嘅份量！4. 肉燥小甜，十分滿意！不過如果你唔鐘意甜甜地嘅肉燥，咁就無辦法下下幫襯大集團，不如發掘下身邊嘅小店？…查看更多

偶爾同朋友路過將軍澳，又唔知食啲咩好！於是走入一個有泊車優惠嘅商場，咁啱朋友仔就話想食Burger，又話好似聽過呢個品牌名！因利成便，就咁決定。幾經思量，最後決定都係求其一個包，不過真正吸引我嘅，係隔離一杯香蕉奶昔。依稀記得以前曾經喺灣仔飲過一杯類似嘅，係大熱天時，整返杯肯定有加雪糕嘅奶昔，簡直透心涼！或者有人會話加＄30一杯係太貴，不過足料嘅話，真係物超所值！個包？我食完就算，同Mos個d差唔多美中不足，環境就真係算啦，坐係外面，同外賣差唔多。…查看更多

為咗同太座慶祝一下一個特別日子，小弟特意在網上search咗一大輪。最後選擇咗呢間為於北角嘅小店！雖然話係小店，不過都可以坐到三，四十人，空間都算濶落具小小工業風嘅設計，望落無咁拘謹，食起上黎可以放肆一d，所以我就揀豬手，太座就揀小店其中一樣主打 - 牛護心！先上餐湯，不過不失再黎就係我嘅選擇特別值得一提嘅係 - 薯條，並非一般嘅炸薯條，而係有番薯同薯仔2種薯條係其中。口感更豐富！太座嘅精選 - 牛護心下意識認為牛扒應該係原件上嘅，一試完第一件，我同太座都覺得，切件上，更能充份感受到呢個部份嘅特色！軟，滑，而且牛味豐富！最後就係cheese cake做甜品。本身諗住無咩特別，點知又有驚喜！後方蘋果金寶味真係難得！前方的柚子味則一般。小店仲有啤酒之類，應該更配合豬手嘅，不過，開車不喝酒，喝酒不開車！下次步兵再黎過！小店加油！有興趣都可以上網search下佢地嘅開鋪經歷！…查看更多

老友好耐無見，唔知食咩好。剛好見到推介，老友話去試一試，會一會佢。一開門果然係女食客佔絶大多數！打卡位處處，可惜因爲未book枱要坐門邊吧枱位越坐越唔舒服。。。。。扣分食物方面，由於想去富士山，所以即叫！麻麻地，感覺不過不失朋友就話要呢杯。。。飲到最後，同我杯富士山又係一樣食方面本身我都唔高要求嘅，因為只係黎睇下d打卡位為主，於是叫咗all day breakfast3選1嘅第3選贊是俾牛油果的牛角包就總結而言，打卡食物一般。下次？考慮下啦。…查看更多

朋友介紹長沙灣呢間小店，仲幫我諗好食咩，咁就去啦清新嘅沙律醬汁唔會好油，應該係加入鮮果嘅效果側面仲有歐式多士！食味賣相都一流而且仲有驚喜！味道估唔到咁夾下次再encore!主菜一係牛扒，可惜因爲太香，味道太好，係不知不覺間已被清碟。不得不提，陪碟薯蓉又係誠意加驚喜之作！主菜二，雞嫩滑，伴上梨蓉主菜三帶點果香嘅醬汁，令味道更豐富！餐後黎一杯，其實我第一眼望Menu已經想叫果然幫到手真係有效清到腸胃下次再叫！…查看更多

太座表示想去遊下車河。遊到咁上下，話不如早d食dinner 無咁逼！好！沙田有咩地方唔逼？一車落大圍la！唔想食大排擋，因為有2滴雨。。。剛好路過見到風車嘅藍燈，就回想起之前食過佢嘅西班牙燒豬！見時間尚早，人又唔多，即刻入閘！頭盤幾好食，個豬腩仔再加好似tacos嘅餅，小小辣，好開胃，十足智利風！亦都因為太好食嘅關係，唔記得影我入閘嘅原因！咁耐都無變！皮脆，肉嫩！同中式燒乳豬嘅差別就係佢爽脆，中式嘅就"so"脆！太座份魚都唔錯，肉身好滑，皮剛剛好煎香！要食一餐好d嘅，有頭盤，湯，再加main course都只係200左右一個人，真係唔話得！外面幾錢租？扣埋扣埋仲有幾多你落肚？…查看更多

女神話就佢係北角食，又唔知食咩好。眼見又有米豬連又另有朋友推薦，所以就連要30幾度室外等10張枱都在所不惜。午餐人流絡繹不絕，終於等到女神，伙計亦恰巧安排到搭枱。咁無理由我同女神吹水有3唔識7嘅搭嗲ar？女神同意下我地再等！順道睇埋個lunch menu!參巴醬夠香！魚仔亦唔會軟林林！唯獨係香味唔夠，可能lunch人多，serve唔切，放耐咗呢杯就。。。。算la，特色黎嘅可能。。。咩都淡味少少。。。但如果只係拉茶的品質，呢間幾好！女神食咩古滑雞飯就唔po啦，反正我又無份食。。。…查看更多

即叫即蒸腸粉，大概係所有食客嘅基本要求。堂記收咗皮，咁今時今日，又仲有幾多度係做得到又保持到水準？我敢話，呢間，得！先聲明:分別黎幫襯咗2次，因為一份腸粉份量實在不輕，無偷工減料！第一次幫襯重口味同埋香口野一份腸份加一份蘿蔔糕已經將我肚仔填滿！第二次再去幫襯！蛋香四溢！淡淡嘅黃色！好性感！據說是全手做的，粉比較少。感覺上而家係街食到嘅都好少粉嘅感覺！以前好似仲有火鴨絲同其他唔同料，希望日後再有機會再嘗！支持小店，實質行動！…查看更多