Pat Garfield的个人专页

就算港人唔北上消費，亦都唔好消費港人！未試過呢間酒店嘅自助餐，見到有買一送一嘅優惠，姑且試吓。食品方面，非常一般，所有海鮮淡而無味，食完一輪後悔放咗入肚。刺身還可以，食到兩轉。熟食就乏善足陳，唔該俾啲誠意啦。燒味差過街邊嘅兩餸飯，啲叉燒燒鵝同白切雞都煙靭都食唔到。去到燒牛肉個位，負責嗰位仁兄雖然戴住口罩，都難掩佢嘅黑口黑面，好似個個排隊問佢攞肉眼扒都係爭佢錢咁，就算行多次隊諗住攞多轉，都即刻俾個西面你嘆。甜品選擇唔多，還可以一試。總括而言，無下次。…查看更多

行過北京道，見到有間新茶餐廳，於是行入去幫襯吓試一試。早餐點咗沙嗲牛，標準嘢，炒蛋顏色有少少奇怪，食落無嘢，算，照食。蔥花餅代替多士，還可以。重頭戲嚟到沙嗲牛肉麵，一食，咦，點解啲牛肉咁奇怪？無肉味之餘，仲要質地鬆散似食緊豆腐，越食越不安，好似食緊假肉咁。同職員反映，啲肉落鬆肉粉落得重手得滯，反應是有禮貌的，但另一職員攞住一兜沙嗲牛肉出嚟話食咗冇問題，我已經無語了。最後，我同碗上面嘅疑似沙嗲牛肉講拜拜，就埋單走人。…查看更多

鍾意食酸菜魚嘅人，都會失驚無神諗返起嗰種酸麻嘅味道。除咗鄧太二開張，行過見到呢間原來已經改咗名叫騰飛嘅德利酸菜魚，於是就試吓。點知伏過唔伏，從來未試過食過咁難食嘅酸菜魚，基本上只不過係一碗有少少酸菜味驚味精魚片水！酸菜魚基本嘅材料乜都冇，食完我真係驚患上酸菜魚創傷後遺症！唔得，我要快啲食返個太二，醫番好我嘅病先！…查看更多

同個仔喺附近揾食，見到呢間意大利餐㕔，仔仔喜歡食pizza，於是衝入去試一試。Set lunch $98唔貴，包沙律/餐湯，主菜可選pizza/past/ribs with fries等，仲有餐茶或汽水。沙律新鮮，加橄欖油同醋食味道一流。餐湯味道也不錯，只可惜蒜蓉包要另外叫，所以無叫到。主菜叫咗辣肉腸pizza同ribs，個Pizza真係有驚喜，正宗意式薄底，睇住佢新鮮咁喺個焗爐攞出嚟即食，香脆得來又唔肥膩，口感一流。個ribs好入味，而且份量唔細，如果鍾意食ribs 嘅話，一定要試試。老闆兼大廚以前喺中環嘅Grappa’s做過，食物水準絕對毋庸置疑，鍾意食pizza嘅一定要試試！…查看更多

這是我們第二次來到這間餐㕔，相信不會再有第三次了，坦白説，這裡除了景色美之外，出品非常非常之一般。這次我們叫了3個午餐，原本相信2大1小的組合應該可以吧，誰不知除了蕃茄意粉大小和味道尚可之外，那魚柳和牛柳午餐連一般女仕也吃不飽。味道方面呢？魚柳牛柳淡然無味，medium的牛柳依然難以用刀叉切開，入口後開始挑戰閣下牙力……也許，那蒜蓉包是我覺得好吃的，其他？我想儘快忘記。以這個價錢，我相信很多地方可以選擇！…查看更多

不幸被其他好評騙了，以為這間酒樓位處酒店內，出品一定有水準，誰𣎴知中伏了！成間酒樓成幾十圍枱，個四眼部長夠膽死話每晩只有2、3隻片皮鴨！我地6點嚟到都無，燒鹅剩返個例牌仲要唔好食！人係多，但我相信大陸人都好多，似大陸團canteen多D! 以後都唔會嚟！…查看更多

中午來這裡試試，發覺真的很一般：份量很少、牛肉無味、河粉的湯也淡出鳥來，一點牛肉味也沒有，以這個價錢，這個質素，奇怪竟然有人排隊幫襯。可能是就腳的關係吧，但我就無下次囉！…查看更多