LinaLina3084的個人專頁

唔明點解咁多人讚？第一次幫襯，見新開又好多人like又話抵食($380套餐）所以試吓。不過原來依家佢已經改咗另一個套餐$420。套餐首先佢起個醃漬沙律，但其實食落似普通蝦沙律，食完個沙律等咗好耐都未有嘢上，唯有食住前菜暖下肚，不過泡菜好鬼咸，想refil另一碟小食又話無晒，咁唯有叫仕應refil其他有嘅小食，but叫咗幾次先至嚟，唔明點解D嘢可以上得咁慢，到主菜嚟喇，講真份量唔多，食完都唔飽，而且味道亦同出面韓國餐廳差唔多，所以如果同男仔嚟食要考慮吓，唯一係餐廳經理叫做殷勤D，上菜非常之慢同多甩漏，要吹好多次先上到菜，最後餐飯由6:30pm食到10:00pm都未到齊D嘢，最後唯有將未嚟D嘢帶走。🙄食到我仲以為去咗食法國菜😆D嘢慢到…..如果趕時間就千祈唔好去。咁嘅價錢咁嘅質素出面都有好多，唯一可取係坐得舒服。麻煩請提高一下效率。…查看更多

首先位置真係好近地鐵站，真係話咁快就到，上到去真係有一種去咗旅行嘅感覺，室內裝修得好靚又可愛，影相真係一流。枱分佈得唔算密，貓有足夠空間可以走嚟走去，有時仲會擺埋你張櫈🤣當佢張梳發用，貓咪隻隻都好可愛，所以唔會特別某一隻特別多人埋身，貓貓大部份都好合作俾人任影唔嬲，所以都玩幾好開心㗎！至於食物質素方面都OK，上碟精美，職員亦非常Nice，所以有時間我都要再去多幾次。…查看更多

第一次去呢間餐廳食中午自助餐，俾人第一個感覺，餐廳外觀已經非常討好，好高級，員工非常有禮。雖然坐落係D高級商場裏面，但價錢方面真係非常經濟，真係勝價比。食物第一眼望落去已經好吸引，食落又真係好好食好新鮮，本人對甜品要求高，呢間餐廳D甜品真係樣樣都好味，我第一次食自助餐係食甜品先，因為真係太好食。海鮮方面真係好新鮮，最鍾意係蟹鉗😋，蟹腳又唔會好咸，D蝦同螺都好大隻又爽口！最正燒牛肉，好嫩滑又夠味。沙律好多選擇，唯一唔好係唔夠時間食🤣🤣🤣！…查看更多

因為疫情關係，無得去日本但又好想去食下壽司，所以去咗附近壽司郎，當食個早餐+午餐，因為未開門已經到門口，所以唔使點等已經可以入座，壽司價錢由$12起，真係勝價比，最欣賞佢大大件都係$12，油甘魚入口即溶，好肥美，生蝦大大隻都係一樣價錢！所以非常抵食，食完可以換印花，有三個印花就可以換公仔，啱晒我！…查看更多

今日下午茶食咗黑松露滑蛋牛角包+凍奶茶，牛角包夠大份兼好鬆化，滑蛋夠滑再加上黑松露，真係好香好好食，我都第一次試呢個組合，原來係咁正！加上呢間嘅奶茶真係好香滑又唔會加冰後好淡，所以我俾個👍🏻佢！估唔到小店都有咁嘅質素！下次試下其他先。…查看更多

我路經旺角海天堂，但發現並非OpenRice 所寫嘅大家姐監製嘅海天堂，而係屬於細佬嘅，有幫襯過佢哋兩間，質素差不多，不過真係細佬果間產品種類多D，不過論員工態度就真係大家姐果間好D囉。…查看更多

木筒藥膳邊爐已經特別，D湯底真係好有味，我已經食過兩次，一次係韓式湯底一次係花膠湯底都係材料十足，裏好多人蔘同花膠仲有雞，我推薦本地手切牛、墨魚丸、紫菜響鈴。手切牛有咬口墨魚丸夠爽同裏面好似有加大地魚所以食落味道非一般，紫菜響鈴好好味。服務有善材料選擇多👍🏻…查看更多

今日無意中亂入咗呢間拉麵店，本來想點期間限定嘅龍蝦拉麵，點知黎遲咗一步，龍蝦拉麵已經賣晒，原來平日限量只得十碗😭。最後揀咗海老拉麵+流心蛋。隻蛋夠流心，湯底濃而不油，叉燒唔肥又唔鞋！真係好好味。我決定下次一定要食到個龍蝦麵。…查看更多

第一次食呢間，一入去感覺係地方大又唔迫，前菜多選擇而且樣都好食，我同朋友揀咗濃味椰汁雞煲，椰汁味真係好夠，雞夠滑，真係直得一讚。仲有多款汽水同雪條選擇，$168任食真係扺到無朋友，我決定下次會再去幫襯！…查看更多