baer的个人专页

首先我一行埋去，同佢對眼，正常你係一間餐廳做reception又好樓面又好見到有客嚟你係咪應該要打招呼？ 佢唔係㗎，佢碌大對眼望住我幾秒冇講過嘢，就好似用佢個樣同表情問我想點咁Fine，我同佢講一位，佢竟然答我：你坐低就得㗎啦然後成個bar area得我一個，佢都可以用背脊得住佢唯一一個客，我真係好佩服佢我嗌佢問佢係QR code落單定點，佢終於肯過嚟答我：你同我講就得㗎啦（一臉晦氣） 其實係咪我一行過嚟就已經得罪咗佢？我再問佢有冇Menu ，然後佢攤大隻手指住Menu，冇錯，佢係冇講過嘢然後我話係咪有happy hour Menu ，咁當然佢係好唔願意（ at least個樣係好唔願意）拎咗過嚟俾我我自己都係餐飲服務業，其實見到客打招呼、留意客人需唔需要order係最基本基本，有冇諗過喺呢間酒店入面嘅唔會有一個咁嘅態度，隨便一間街檔都好過佢P.S. 佢係好年輕戴眼鏡嘅香港女仔，grooming非常差好彩之後有另一個女職員黎，態度正常，如果唔係就真係要對住個黑面神飲埋我杯嘢…查看更多