其實我每次入去任何一間餐廳食野，我都會好有禮貌企係門口話比侍應知我幾多位，等佢安排我入座，等佢地易d安排每位客人既位置，唔會影響佢地既運作，其實我坐咩野位都無咩所謂，但我今次入去，對住一位坐左係收銀位既姐姐舉起一隻手指話一位，但佢望左我一眼就無理我，咁算啦，我自己就行左入去坐係近窗口既一個自閉位，但好搞笑既係我行到過去都未坐低，個袋都未放好，果位收銀姐姐就秒速咁企左係我隔黎拎住支筆同張紙望住我好似係要我order野食，佢係無出聲問我食咩，我叫佢等一等，我menu都未睇，咁佢就行返去收銀位置，好喇，我睇好左食咩野喇，咁我就舉手啦，佢望到我，但佢好似係到玩緊手機，望一望我，眼神話比我聽佢係知我想寫野，但佢未玩完手機，叫我等等，全程都係無出聲，但我係知佢係咁既意思，好喇，呢位姐姐終於都肯幫我落單喇，我點左一個宵夜套餐，厚切豬扒飯配辣肉醬，凍檸茶，佢幫我落完單都仍然係無出聲咁就行開左喇，我有一刻真係以為佢係講唔到野，或者喉嚨唔舒服之後我望到張單我係晚上11:26分落單，我既野食到左11:48分先到，野食方便，厚切豬扒，一個字「肥」，成塊豬扒淨好出色咁整到無咬口，一咬落去就淨係感覺到肥既感覺，好似食緊一塊豬扒味既啫喱咁，之黎辣肉醬岩我呢個鐘意食辣既人，但淨係得個辣字，無咩香口同肉味既感覺，最出色真係杯凍檸茶，因為係杯凍檸茶沖啖左我口裡面既肥豬油，我係收工好肚餓咁入黎食，但我塊豬扒只係食左一半，因為真係好肥好喇我埋單喇，我行出收銀，我終於聽到呢位姐姐講左一句「四十六」，終於比我知到佢唔係啞同埋唔係唔舒服，咁我就比左$46離開了總結黎講，如果你係無咩要求，同埋只係為左食飽，或者想增肥，我誠意推介呢間餐廳，因為塊豬扒真係食到你滯一滯，夠晒飽，同埋咁多肥油，你食完想廋都難…查看更多
