lovechiaki的个人专页

諗住係旺角搵台灣野食， Openrive 完大多係小食店or 台式飲品， 是旦搵左呢間近近地有肉燥飯食下，叫左個鹽酥雞雞配珍珠奶茶鹽酥雞飯。。。份量一般， 多白飯only, 超咸😧珍珠奶茶。。。得甜味， 吾好飲服務態度。。。黑口黑面， 仲差過茶記， 仲要俾佢強制調左兩次位， 吾好意思都無句，差差差😡…查看更多

今朝太早去到未有燒餅買（店員話10am 先有燒餅賣）， 結果就買左$20雞仔餅&$8袋迷你光穌餅&兩大塊光穌餅1) 雞仔餅： 好硬，吾係脆既口感，好似焗得過火 或擺左好耐，味道就一般般，基本上食左一兩塊已經吾想再食， 因為真係太硬...2)迷你光穌餅：吾知係咪因為太細粒，焗到好乾，啲邊位係好似曲奇咁脆，可惜又吾香，我真係吾多欣賞啦...3)大塊光穌餅：未試，但按個餅都幾鬆軟，希望好食啦～總結真係有d 後悔，早知無燒餅就吾買啦...…查看更多

其實已經幫襯左好多次, 但最近去左附近間什麼南寧口味既米線, 更加證實佳佳既抵食~~~令我不得不寫食評等多D人知道~~(有D HARDSELL添)佳佳一系列既酸辣米線(配豬牛雞扒肥牛排骨雞翼, 隨個人口味啦~), 我要讚既係佢既湯底配料~酸辣湯底味道適中, 加辣更滋味~比某連鎖X仔米線更加好食~配料又多又好食(唔駛加錢~), 大量芽菜, 腐皮, 酸菜, 韮菜~~真係大碗抵食~~!!!!價錢都係$25~28, 下午茶仲有免費熱飲~~其實本人一直嫌佳佳賣相不討好, 但又不明白為何附近餐廳一間接一間倒閉, 唯獨呢間不起眼既餐廳迄立不倒 一試之後, 便知道佳佳係味道質素好, 而非裝修賣相~~如果想係附近食米線, 佳佳真係一個抵食之選~~~不仿一試~~~…查看更多

馬鞍山既家庭式日本餐廳已經越來越少, 御沢開左已經一段時間, 終於搵個下午茶時間落去試下~點知......大失所望.....點左一個豚肉飯, 感覺白飯, 豚肉, 醬汁好像分開放入個碗, 食落口完全唔夾, 雖然唔係難食到嘔, 但係呢個價錢夾呢個質素, 我唔再幫親第2次... 呢種家庭式既日本餐廳本應以'平,靚,正'招來生意, 御沢價錢又唔係特別平, 菜式又唔係特別好食, 賣相更是隨隨便便(可惜冇影相), 唉......…查看更多

本人甚少寫食評, 今次去Strawberry Forever所遇到的服務, 真係令我嬲到唔寫唔得, 要俾大家知道佢既惡行!!!!今晚一行6人在新城市某餐廳食完晚餐,打算去Strawberry Forever食下甜品.8點幾去到, 餐廳有唔少位, 不過6人台要等一陣有位坐低左之後問題就發生啦~我地坐低左諗左好耐先決定落單,叫3個甜品,惡劣態度1:有一個CAKE + JUICE $38 餐, 但我地只想要CAKE $25落單時,佢反串我地: 淨係要CAKE咋? 一副睇我地好似食唔起....仲要唔係正望住我地落單, 而係斜望住我地, 好冇禮貌!惡劣態度2:當我地表明只要3個甜品時, 佢話: 下....我地有最低消費wo, 你地每人都要叫最少一樣野,當時佢已經幫我地寫左3個單, 我地聽完都即時呆左,佢冇理我地就已經行開左.....我地就諗緊佢既最低消費係咩意思,到底係點 6 個items, 定埋單要過$xx ?最大既問題係, 我地落完單你先講有最低消費, 咁即係明屈啦~惡劣態度3:甜品上台後(冇動過分毫,只影左相), 我地越諗越唔順氣,決定問下個服務員關於最低消費!我地: 點解要收最低消費ge?佢: 公司規定ga wor….我地: 你一開始又唔同我地講, 落左單先講…佢: 我個時未落單, 我已經提左你地……….dead air……. 咁你地仲要唔要?我地: (無意要走,只求明白) 咁我地係每人叫6樣野, 定係每人消費過幾多錢?佢: 你地每人至少$25, 又或者叫多3個$10 既士多啤梨, 計你6樣都得ga la….我地: …dead air…..(佢講到我地好似冇錢俾咁….)佢: 咁你地仲要唔要?我地: 咁我地唔要啦….佢: (黑曬面…)我地決定走人, 邊有餐廳趕客架, 問左我地2次”仲要唔要?”擺明唔想做我地生意啦~個服務員黑口黑面, 態度惡劣繼續係間餐廳食野, 只會食到一肚火, 去starbucks一杯任坐冇人趕你走啦~一間甜品輕食餐廳, 唔係應該俾客人輕輕鬆鬆享受一番, 以佢咁既服務態度, 想客似雲來都好難啦~佢唯一既好係:我地點既食物已經上台, 雖然未食, 佢都冇強迫我地俾錢就俾我地走不過希望佢唔好將cake擺番入櫃賣俾其他人食, 始終唔衛生…最後, 關係佢既最低消費,好多壽司店既10pm半價都有最低消費佢地係寫到明每人至少食夠幾多前, 入去前已經知道,入到去menu都有寫, 但呢間strawberry forever 咩都冇, 等你落單先講, 人已經坐定仲點會走呀…..做生意太唔老實啦~坦白講, 服務差即使食物不錯我都唔會去幫襯今次搞到我地個個都咁唔開心, 我以後都唔會再strawberry forever市面上有大把餐廳, 我無謂俾錢買難受!!!今次冇食到野, 味道方面俾中間分數無法作準, 環境還可以,服務俾最低既1分,如果有0分我一定會俾0分!!!衛生唔錯, 抵食度麻麻, 相近價錢可以食得更好,佢既食物選擇普通, 睇唔到有咩可取之處,食唔食都得, 無驚喜……講賣相不及麻布工房, 講味道不及ruby Tuesday, 食雪糕可去haagen-dazs,面食可去euro go go…..總之毫無理由令我想去幫襯strawberry forever後話: 之後去左ruby Tuesday食甜品, 叫左2個dessert,6個人食…都有d唔好意思, 個服務員問我地係咪食黎食dessert?之後仲好好人介紹飲品, 幫我地影相, 一路服務好好,仲要冇最低消費既要求!!! 大家食到好飽仲有剩,除開每人都係$27, 同strawberry forever差唔多咋!人地服務食物一流, 佢單單服務已經唔入流啦!!P.s. 其服務問題皆出自其中一位女服務員, 其外形與上一個食評中介紹相近, 我估可能係同一個人…….希望大家唔會嫌我太長氣, 因為我真係好嬲!!!…查看更多