肥力士.利的个人专页

灣仔區係近期自己比較多去食嘢嘅地區，主要原因係呢個區比較多特色餐廳，特別係西餐。然後早幾日同朋友試位於胡忠嘅意大利餐廳Landau’s，不約而同都覺得幾好食。餐廳主要提供A La Carte menu，選擇上都幾多，花多眼亂，最後前菜同主菜乜都叫咗D，有幾樣菜特別深印象：魷魚內軟外脆，食落味道新鮮，配埋上面D sauce好開胃呢個炸流心蛋好好食，配埋肉醬同蛋汁，好match手工意粉：分別叫咗3款，口感食落非常煙靭。3款意粉個人最愛truffle慕粉，上面raw black truffle，聞落好香。混合埋cheese之後，味道更濃雲尼拿gelato：勁多雲尼拿籽，同埋呢個gelato個質感無咁軟，有少少似雪糕，我個人係幾喜歡，因為外邊有D gelato勁快溶，但呢個可以慢慢食都得~另外叫咗杯cocktail，隻杯係一隻雀，都幾得意，好啱打卡Overall食物質素係好，同埋環境都幾舒服，都幾啱同d Friend收工後飲嘢同食飯，有機會會再encore！ …查看更多

幾個月前曾經食過Wakaran嘅tasting menu，overall嘅食物質素同用餐經驗都好好，知道佢哋呢期個menu轉咗，所以再次到訪試下😋今次見到drink menu 有set 加入日本生果嘅gin high ball，所以就特別order咗一set 嚟試！一嚟到嗰下！嘩！好似rainbow 咁colorful！呢幾杯high ball分別有西瓜、波蘿、檸檬等等生果，的確每杯嘅生果character 都好outstanding，同啲食物pair住嚟飲都幾refreshing! 講返tasting menu，連甜品總共7道菜。魚子醬撻有驚喜！煙薰味濃，食落好脆口！蝦充滿香濃嘅五加皮酒味香，肉質彈牙！刈包入面嘅Ham 夠薄脆，配上泰式醬食落味道幾特別！青口肉質好嫩，配上腐乳汁創新得嚟味道又夾到！至於main嘅部分二選一，分別同朋友order 魚同牛各一嚟試！魚嘅肉質嫩滑皮脆口，加入椰子sauce反而令馬友咸香味更出，surprise! 至於和牛食落肉味濃香腍滑，但油脂出奇地少，所以食完都唔會好油好肥！最後甜品嘅tiramisu 加入茅台酒取代一般會用嘅Bailey，為成個set做咗個完美ending！Overall 食物質素繼續keep到，如果之後tasting menu久唔久再轉換都會繼續幫襯！…查看更多

話說有朋友知道我鐘意飲酒🙈🙈然後介紹咗一間都有幾多酒飲兼有小食order 嘅酒吧俾我，於是趁前幾日得閒就去咗chill返下😆Drink Menu嘅選擇的確幾多，紅白酒香檳甜酒cocktail都有，大概一杯定價同出面飲嘢地方差唔多。而俾到surprise 係嘅係佢嘅食物。餐廳將佢地某啲非熱盤嘅小食放晒出面bar table，你拎張類似點心紙嘅嘢出去拎就得。當中有個八爪魚薯仔嘅串燒好好食，原因係八爪魚食落好軟身，配埋稍醃製過嘅薯仔一齊食都幾夾。餐廳亦有提供熱盤小食，個人大推potato parmentier，上面加咗隻煎鵪鶉蛋，入面Mix咗啲西班牙肉腸，成個味道好夾亦唔會好漏，好食。Pork Belly原以為會好油膩，但食落無呢個感覺，上面加咗啲蘋果同芹菜令成個pork belly 清新咗。另外牛菲力鵝肝配紅酒又係無得輸。整體餐廳定價唔算貴，偶爾同friend 收工飲返2杯食少少snack先食晚飯都幾爽皮，會再有下次。…查看更多

之前比較少去圓方食嘢，所以腦海入面從來對呢個地方嘅餐廳都好陌生。然後今次誤打誤撞下，試咗圓方頂樓上面嘅日式餐廳Iza，估唔到又有啲驚喜喎！Menu嘅選擇都幾多，有刺身、壽司、串燒、天婦羅等等。既然咁多選擇，就每樣都嗌咗啲嚟試。刺身部份夠新鮮肥美，然後all time favourite嘅海膽壽司食落都好鮮甜！蟹肉天婦羅亦都炸得唔油膩，食落好夠crispy，同埋蟹肉都好多，好正！串燒部份好有驚喜，每次都食得到好香嘅炭烤味，而且肉嘅外表都燒到脆脆地，好少可惜到串燒係可以咁濃嘅炭烤味，大推！最後仲叫咗黑松露和牛炒飯，個飯炒得幾香，加埋黑松露嘅香氣直頭冇得輸！…查看更多

今次係第二度幫襯Pica Pica，上一次係朋友請食生日飯，覺得呢間餐廳嘅嘢食都幾好。而今次就主要係衝住佢哋嘅黑松露menu，所以都想睇下keep唔keep到水準。黑松露Menu有6道菜，今次揀咗其中2個，分別係Tortilla同Beef Tenderloin。Tortilla食咗第一啖後有驚艷到我，裡面有滿滿嘅蛋漿同埋馬鈴薯，再加埋ham同黑松露，成個味道夾到不得了，可以話係超好食！強烈建議呢度坐應該放喺Regular Menu！而牛柳食落都幾腍，配黑松露片一齊食個味道都夾。除咗黑松露Menu，亦都叫咗Regular Menu上面其中3道菜我上次冇食過嘅嚟食。分別有Ham & Squid Croquettes，紅蝦熱狗同西班牙海鮮飯。Croquette食落唔會過分油膩，裡面嘅餡都幾creamy。紅蝦熱狗味道都唔錯，紅蝦肉好新鮮同食落好彈牙，如果紅蝦肉嘅份量再多啲，口感應該會更豐富同更好食。西班牙海鮮飯味道唔錯，飯嘅口感幾有咬感，飯上面嘅海鮮都好新鮮。平時red sangria飲得多，難得見到有white sangria。味道OK，配今餐有海鮮嘅食物都夾。…查看更多

灣仔船街有好幾間唔同特色嘅餐廳，每逢夜晚都有唔少人，Wakaran係其中一間連平日都好多人幫襯嘅餐廳，而餐廳夜晚主打嘅8道菜Menu，由主廚Tommy同Ray主理，呢晚選擇嚟試呢個Menu。1st: Amaebi蝦肉夠新鮮同爽口，配埋個sauce有少少青蘋果同basil味，酸酸地少少辣好開胃2nd: Oyster生蠔來自法國，所以食落個質感比較爽口，而加左少少脆米後令口感再Crispy D3rd: Abalone鮑魚好新鮮，爽口煙韌，加埋個鮑魚肝醬同埋蘑菇再提升overall味道，大推!!!4th: Threadfin呢首馬友dry aged咗4日，所以味道更加突出。加埋個sauce有少少檸檬酸，皮夠香脆，食落味道幾balance5th: Three Yellow Chicken呢道菜有雞胸同雞腿肉兩部分，雞胸無諗過咁嫩滑，而雞腿肉外脆內嫩，好食6th: Wagyu第一次試和牛配blue cheese，估唔到味道又幾夾7th: Genoise呢款蛋糕配咗少少南瓜蓉，可能我本身唔好南瓜，所以食落我嘅enjoy度就無咁高8th: Mignardises食呢舊嘢唔可以講嘢，因為入面有濃郁既薑糖水+丸子，一咬裡面嘅嘢就爆出，幾特別總結嚟講，呢個set幾款食物都食到D幾特別嘅sauce配搭，而店員都會每道菜解釋返個煮法，所以食嘅時候會有concept。而食物既味道亦非常唔錯，餐廳嘅用餐氣氛都幾chill同開心。…查看更多

自從日日食良宣佈繼續經營後，一直想搵機會再幫襯，今晚終於如願以償。日日食良有好幾間食肆，今次就揀咗珠記冰室嘅秘製咖喱雞髀飯。咖哩汁好有誠意，唔止有醬咁簡單，裡面仲有薯仔，味道唔會太辣，撈飯食好味。另外炸髀都有少少肉汁，唔算炸得過火，都幾好食。以foot court質素嚟講，都算幾好。…查看更多

近期西營盤多咗好多有特色嘅餐廳，托友人嘅福，今次有機會一試打電話落booking 打到顛嘅法國菜餐廳Batard。Batard整間餐廳裝修都係行Fine Dine路線，而今次食物部分就選擇咗set+ a la carte menu上嘅Angel hair同蘋果批。首先賣相類似春卷嘅Beef tartare食落有啲似食緊拖羅蓉咁，都幾特別。之後個angel hair係好食嘅，麵質食落爽口，配埋魚子醬同松露油啖啖都有香味喺口中瀰漫。第三道嘅tomato tart亦好好食，個酥皮做得好香脆，唔會太過油。緊接住嘅scallop rouelle，個人覺得比較似墨魚滑，唔係太食得出帶子味，但整個味道係OK嘅。主菜個烤雞好入味，個皮都算幾脆，味道幾似炸子雞。最後甜品部分嘅Madeleines 外脆內軟，而蘋果批個酥皮出色，夠薄夠脆，唔錯。整體嚟講食物質素非常唔錯，只係實在好難book，想食嘅朋友要有心理準備打幾百次電話先book到。…查看更多

作為truffle 嘅粉絲，又點可能無去過松藝館？話晒大部分菜都會加入松露，點都有一定吸引力吸引人去試。之前曾經試過散叫main course、意粉嚟食，今次就試返佢個6 course set。前菜分別有煙燻龍蝦同煎帶子，前者嘅煙燻香氣好香，龍蝦肉都幾新鮮。後者個煎帶子煎得剛好，食落肉地算軟身。至於個牛肝菌濃湯都幾香濃，加埋松露口感幾rich。另外羊肚菌芝士risotto 煮得幾腍，芝士味亦好突出。主菜部分個澳洲M6和牛表層煎得香脆，叫咗7成熟都唔算overcook，牛味幾香。甜品個薰衣草芝士蛋糕幾有驚喜，食得出幾濃嘅薰衣草味，又無諗過拍落芝士蛋糕度幾夾。整體嚟講每道菜嘅賣相係靚嘅，而大部分菜落嘅松露都唔少，只係好似落咗後未算大大提升道菜本身嘅味道，松露味唔算非常勁，個人覺得屬正常水平。…查看更多

開頭和順記喺天后開分店嗰陣，幫襯過一次已經俾佢嘅神級炸脾深深吸引。嗰次食炸脾感覺良好，因為第一次食到炸脾係外脆內嫩兼爆汁，算係我暫時食過最好食嘅炸脾。今次再度幫襯，當然炸脾雞蛋飯必定叫，再新試多一個芥末牛柳黑松露蛋飯。前者個炸脾炸過咗火，因為整體無乜肉汁，無咁嫩滑，個脆皮就依然keep到。後者係意外地好食，個牛柳好嫩，配埋芥末汁又幾惹味。而黑松露蛋又真係食到有黑松露味，因為好多時喺出面食都未必食到有味。PS. 差唔多食飽嘅時候，餐廳負責人問我哋啲食物質素時，我哋都有表達炸脾炸得太過嘅問題，負責人即時叫廚房再炸過一隻俾我哋試味。本身真係飽到上心口，負責人嘅熱情款待只好接受。今次呢隻就真係食返第一次嘅感覺，又爆汁又外脆內嫩，大滿足。好想俾返個credit 呢間餐廳，因為呢個跟進action你會睇得出佢哋係有心想提供最好嘅食物俾食客，所以會再繼續幫襯。…查看更多

向來都知灣仔區多特色餐廳，今次就選擇了於openrice 多好評的Odelice 試試！餐廳內的座位不算多，所以檯與檯之間會有少許逼。不過重點也是在食物方面，所以還是多介紹食後感！今次點了3款食物，分別是焗黑毛豬肉配紅酒燒汁，法式香煎蜜汁鴨腿，法式火腿蕎麥餅！焗黑毛豬肉很有炭烤味，而豬肉本身口感軟，配紅酒燒汁一起食味道很夾！法式香煎蜜汁鴨腿是3道菜中我極度推薦！鴨腿肉很滑嫩，而外皮煎得脆，極少脂肪，連皮吃外脆內軟，而且很入味，不會很咸！法式火腿蕎麥餅很香口，亦可一試！價錢上以法國餐來說，個人覺得非常抵！所以下次有機會經過灣仔，也是會再光顧！…查看更多

平時較少到荃灣區吃飯，所以要在此區用餐，都只好靠openrice. 而搜尋過後，見到肉餅哥-一間主打肉餅的餐廳，很特別，所以決定試試！由於主打肉餅緣故，所以餐牌上已有幾十款肉餅可供選擇，而各款肉餅都非常吸引！最後花多眼亂下，我選擇了其中一款皇牌推介：黑松露帶子煎肉餅！未吃已聞到很大的黑松露氣味，把第一口放入口中時，有很濃郁的黑松露味，而肉餅本身亦有咬感，是少有無論聞同食都有很濃的黑松露味，可說是名副其實的色香味俱全！而肉餅上的帶子都新鮮！另外它可以選擇要白飯，白粥或加錢升級菜飯！縱使這款黑松露帶子肉餅售$108, 但它絕對值得！…查看更多

坐落在香港單車館的牧羊少年，感覺上由周圍環境，以至餐廳的裝修，都是走舒服的路線！而我用餐當天是星期六，相對較多一家大小，會較嘈，所以想靜靜飲杯咖啡，建議平日去較好！再講講食物方面，以意粉及輕食類為主，今次我就點了lunch menu 上的芝士汁鮮蝦意粉！賣相不錯，望落也是很cheese 感覺，味道正常，不會覺得很好食或很難食。只是連飲品的話，相同價錢同區內會有更好選擇！總結來說，如果想靜靜飲杯嘢，食少少嘢，牧羊少年的環境是不錯。但期望食好嘢的話，建議先降低expectation.…查看更多

堅尼地城附近有好多裝修好有特式的餐廳，k-town係其中一間，成個感覺好relax,好外國,客人亦以外國人較多，亦因爲咁吸引咗我入去試。講返食物，星期日佢有breakfast menu until 4pm(如無記錯),但我反而俾佢嘅a la carte menu吸引！今次點咗2個都係廚師推介嘅菜式！脆皮鴨配薯蓉: 皮落香脆，但味道偏咸，如果喜歡濃味嘅人可能鐘意炸牛塊配薯菜: 幾鬆脆，不過無乜特別，味道可以總結來說，餐廳裝橫同格調勝過食物質素！…查看更多

這餐廳是有天跟同事誤打誤撞的情況下食的，店內座位不多，但裝修卻有著台灣cafe 的感覺。如果平日不用上班，在店內喝杯咖啡，消磨一個下午是不錯的！言歸正傳，午餐的選擇只有2至3款，平心而論，賣相很不錯，味道則屬普通，但很有在家自己弄的味道。湯烏冬味道偏淡，但牛角包卻有驚喜，是出乎意料的脆口！ 由於沒有炸蝦，所以換成這個，照燒雞扒豬骨湯烏冬。湯味道偏淡，但賣相很有家的感覺！ 吉豬牛角包，牛角包真是很脆！到了重點時間，就是不可不試的紫薯系列！點了兩款，分別是紫薯latte及紫薯waffle! 起初喝這杯紫薯latte, 沒有太濃味。但喝完頂頭的泡沫後，紫薯味開始出，而且越喝越濃！底部更有少少紫薯蓉，所以攪拌再喝的話，紫薯味更出！ 最最最重點的推介來了，是紫薯waffle！店家用上厚身waffle, 中間cream 是紫薯味，很濃郁！而且waffle 是脆脆的！還有它配以一球紫薯雪糕，非常非常好吃！將雪糕放上waffle 一起吃，一凍一熱的口感，濃濃的紫薯味在口中瀰漫，很有幸福的感覺！…查看更多