skykuma的个人专页

呢度環境舒適 最啱同朋友嚟食飯傾計:)另外如果由上菜開始50分鐘內離座就會有75折 會有個鐘計時嘅 幾搞笑🤣蝦肉冬菇一上菜熱辣辣即已經知道係即刻炸起🔥冬菇菇味十足，炸嘅火候啱啱好，外脆但入面仲係十分juicy! 加埋釀入去嘅蝦肉，層次感和口感都非常豐富燒雞翼燒得好香口 個皮仲脆脆地入面釀咗好多明太子 成個口感好豐富醬油漬角切三文魚配醬燒三文魚腩個角切三文魚醃得非常美味！咸度適中，又唔會蓋過咗三文魚本身嘅鮮味。三文魚肉質都幾冧冇根仲有其他配料味道都好夾 又大份 食到好飽仲有個醬燒三文魚腩脆脆地咁 好肥味呢個鰻魚蛋飯都好有驚喜！驚喜在於個蛋係餐廳自己調配嘅蛋液，甜甜鹹鹹有玉子燒嘅風味，並且熟度啱啱好唔會過老！加埋鰻魚竟然出奇地夾😋…查看更多

有日放工好想去居酒屋食嘢飲酒，朋友介紹呢間，我未試過所以就一齊去做食～平時成日喺尖沙嘴食嘢但冇行嚟呢邊，原來呢邊都好多嘢食，係鬧市入面嘅寧靜區域！呢度好似好出名食甲羅燒 我地就一人嗌咗一個嚟試一個係芝士蟹肉 另一個係黑松露蟹肉入面有好濃郁嘅蟹膏 其他料都好多而且有職員幫手燒好好味呀！啖啖蟹膏 好滿足上面張圖仲有鮑魚殼燒 上到嚟仲郁緊 超級新鮮！鮑魚肉好大隻 煙韌得嚟又夠冧 食落都好有鮮味 職員都係會幫手燒～大蝦鬼殼磯燒隻蝦又係超大隻！望落同食落都好新鮮~啲肉夠彈牙，又有磯燒嘅香味！呢個自慢焱丸號好吸睛！有海膽、帆立貝、三文魚、吞拿魚蓉、蟹柳絲同埋三文魚子超多料 又好新鮮後面係啲小卷餸啲魚生 就咁食刺身食食下覺得溜就可以夾埋一齊食吉列帆立貝有驚喜！個皮炸漿夠薄又痴到個帆立貝帆立貝好鮮味 就咁半生熟食好好味好啱餸酒 推介！荔枝玉露茶燒酎甜甜地又有嘢咬下，唔錯嘅選擇…查看更多

Southside又開多咗好多餐廳同舖頭 今日放工就過嚟行下+ 食晚飯個menu好靚 比佢吸引咗神話豬腳紫蘇拌飯 豬腳醃得好好味 唔會太咸或太淡 啲皮好淋淋地咁 充滿骨膠原嘅feel 份量亦都好多個拌飯好香口 少少辣好惹味 飯粒分明 唔會太淋豬腳塊塊都厚切 好有口感肉質嫩滑有肉汁 一啲都唔柴呢個千層麵唔會太厚，而且肉醬嘅酸度甜度適中，加埋面頭焗到少少溶嘅芝士同埋糖心蛋，食落好夾！士多啤梨窩外脆內軟 甜度適中 又好香蛋味忌廉同士多啤梨都好新鮮呢度嘅tiramisu賣相好特別同吸睛啲手指餅有滿滿嘅酒味 加埋中間嘅蛋糕同面頭cream cheese 好邪惡！呢杯濟洲柑橘乳酪有原隻柑橘🍊放喺杯上面好適合打卡酸甜嘅乳酪，再加埋柑橘肉，飲落十分之refreshing，而且面頭嘅柑橘散發出淡淡嘅果肉清香十分推薦！朝露玫瑰花茶好清甜 真係有幾朵玫瑰花喺入面 好香濃玫瑰味 同埋成杯嘢飲甜度啱啱好 亦都係另一個refreshing之選…查看更多

喺呢頭搵食見到間座位寬敞嘅西餐廳又有酒飲，就同朋友試下～我地被安排到坐梳化卡位 好舒服 可以同朋友嚟happy hour chill下叫完嘢食首先有餐前麵包食～頭盤之一雞尾凍蝦 有8隻啲蝦新鮮彈牙 又好夠凍Cocktail sauce甜甜地 少少辣加埋少少檸檬汁 好快就清哂8隻蝦另一個頭盤叫咗炸蟹肉球伴虎蝦肉沙律炸蟹肉球外脆內軟，成個球由一絲絲嘅蟹肉組成，十分足料，啱晒鍾意食蟹又唔鐘意拆殼嘅我🤣另外配嘅虎蝦好有鮮味同彈牙，配埋微酸嘅牛油果沙律醬，夠晒開胃！個鮮藍蟹肉及露荀燴意大利飯配鮮蝦頭膏好香 啲飯粒唔會太硬或淋個汁又唔會太膩 味道啱啱好啲蟹肉同露荀都有幾多 成碟都好鮮味平時食牛同豬多 見呢度有燒春雞就轉下口味啦！好有驚喜！隻春雞燒得超香 又好多肉 唔係得啲骨同少少肉咁有好多伴碟蔬菜個蘑菇汁係點綴 好香濃 同雞肉好夾雞肉有肉汁且嫩滑 就算係胸位都滑唔會鞋炎炎夏日當然唔少得凍嘅cocktail啦…查看更多

呢日喺尖沙咀行完街想搵間居酒屋食上網搵到呢間好似幾吸引就同朋友嚟試下打頭陣係蟹籽蟹柳玉子燒玉子好香蛋味 上到嚟仲係熱辣辣一層層足料得嚟夠鬆軟個沙律醬薄薄地唔太膩 同玉子個味夠夾蟹柳同蟹子份量都好慷慨 鍾意食玉子嘅你地一定唔可以錯過！和風天婦羅魷魚鬚好鬆軟唔韌 炸漿夠哂薄 又痴倒啲魷魚點埋蛋黃醬食勁滿足 食唔停口餸酒小食必點呢個月見雞肉棒串除咗有肉仲有啲軟骨 食落口感豐富同埋啲肉好新鮮同唔肥膩 炭燒令佢更香口唔係每間居酒屋都會見到燒飯團 見到Menu上嘅明太子燒飯團好吸引就一於叫嚟試吓燒飯團嘅醬香味十足 表面燒到微脆加埋上面鹹香嘅明太子醬 滋味十足呢碟蒜香牛柳粒黑醬油炒飯係餐廳signature 果然好好味！蒜味好出 加埋啲蔥勁香口牛肉味道香濃且嫩 份量仲好多撈埋蛋黃更順滑成碟飯好大碟 好抵食…查看更多

喺街唔知食咩 經過見到呢間睇menu幾抵食嘅越南嘢就試下佢首先介紹成餐飯最有驚喜嘅蝦餅濱海先！濱海係蒸嘅米粉 面頭有炸蒜同香蔥 米粉彈牙 夾埋蝦餅一齊食好味個蝦餅好新鮮 炸成金黃色 涵料新鮮彈牙拌碟仲有大量蔬菜 可以夾埋一齊食 可以解膩另一個小食嗌咗春卷 都好足料 仲係即炸一上到嚟熱辣辣用生菜包住食同時可以享受生菜爽脆加春卷嘅香脆感 值得一試！小編成越南嘢必嗌生牛肉湯河！呢度個湯清得嚟味道恰好 唔油有兩大塊牛肉 肉質辣滑同好夠肉味河粉都彈牙 整碗份量多 好滿足！豬扒撈檬好清爽豬扒好一塊 肉質鬆軟有肉汁 唔老又入味 檬粉配埋酸辣汁好開胃 啱哂炎炎夏日嘅天氣嗌嘢食可以用優惠價加嘢飲叫咗個椰汁珍多冰同青檸可樂 消暑之選…查看更多

成日經過呢度都好多人 終於有時間嚟試下～星期五晚當然坐得好滿 不過啲人交枱都快 等一等就有枱啦打頭陣胡椒湯清得嚟好勁胡椒香味啲雞好淋 而且夠入味 唔會好似煲湯雞肉咁份量都好對得住價錢 有兩層雞肉 我地冇加錢要髀位 都有半胸半肉食個飯粒粒分明 而且唔會太油 雖然呢度叫水門雞飯 其他嘢食都好食呢個冬陰公湯河 湯底味道剛好 唔會太濃食到後面會覺得膩 而且只係少少辣 鍾意食辣又食唔到太辣嘅就啱晒個豬頸肉都好好食！雖然相比佢地嘢食價錢高少少 但絕對值回票價份量好足 有肉汁唔會鞋烚烚而且燒得好香 加埋個汁食淡淡肉 正啊個芒果沙冰比想像中好飲啊！佢唔會好水 飲到後面都係淡淡芒果味 又唔會太甜夏天消暑或食辣嘢揀佢就啱！…查看更多

天氣凍就梗係要打邊爐啦！香港成日都有新邊爐舖 真係試唔哂㗎今日同朋友嚟試呢間 環境靚 食物新鮮 可以再嚟！叫咗個醉火入鍋湯底 見幾特別同埋係呢度招牌所以試下呢度有四個唔同湯底 一次食到唔同口味唔怕悶有啲花神玩下🤣醬料盤好齊全 啲料都夠新鮮打邊爐一定要食肥牛！呢個細份頂級安格斯牛小排肥瘦各半 夠冧 同埋肉味都好夠 呢個手打蝦丸好新鮮同爽口 又係手功嘢黑松露蝦蟹餃好香口 個皮又唔會太厚 黑松露味都好夠什菌拼盤有好多唔同菇食 正蔬菜都好新鮮～食埋個三色生麵夠哂飽啦竹蔗茅根同紫貝天葵都夠解渴 又唔會太甜…查看更多

聽聞呢度開咗間性價比好高嘅omakase 拉咗朋友嚟試 我地揀咗$1580/位嘅 omakase set 同埋呢個set做緊優惠 二人同行就送 300ml 嘅 sake!頭盤有菠菜同南瓜打頭陣嘅魚生係鱈魚嘅白鮨 配上酸汁、味粉同蔥口感綿密 夠滑嫩富山灣嘅冰結寒鰤 好肥美 呢個賣相好特別嘅係池魚碎切同菊花  口感亦好豐富個醬係醬燥麵豉岩首縣生蠔 比較crispy 好新鮮又大隻 配上酸酸嘅mousse泡 好好食！又有好特別嘅菜式! 梳打水柚子皮浸住昆布湯粒貝粒貝好新鮮 浸咗梳打水仲會爽口啲 同埋咀嚼仲會有梳打水啲氣賣相同整法都好新穎深海池魚 燒鐵網再將佢「辣」落魚皮度迫油份  面頭係炒香咗嘅木魚成個刺身都好香口安康魚肝撈咗士多啤梨碎 面頭係海鹽碎 咁樣食就冇咁溜磯煮鮑魚 係呢度其中一個signature 面頭係鮑魚肝醬果然冇令人失望 好新鮮彈牙個肝醬更加係錦上添花 金雕立鱗燒 南瓜湯分子料理個魚整得好好 面頭好脆 魚好嫩滑多汁一粒嗰個入面係南瓜湯嚟 好得意之後就係壽司環節赤貝、喜之次、北海道BB銀鱈魚、海膽全部都足料又新鮮 最後仲有個天婦羅紫菜夾住兩塊拖羅 好香口 一咬落去個口充滿住魚油 好滿足之後有個好濃嘅魚湯 好飽甜品係上信玄餅 蝶豆花茶 唔會太甜第一次食呢樣嘢 幾有趣呢度嘅裝修都好靚…查看更多

呢日喺呢頭搵cafe食brunch, 見到呢間新開嘅cafe就嚟試下～大蝦香辣蒜香欖油意粉 呢個意粉整得好好呀！意粉好彈牙好爽口，食落夠哂乾身唔會油笠笠咁，又好香蒜同黑椒味蝦都幾大隻同夠新鮮呢個意粉幾有驚喜見到menu有牛角包窩夫多士食，第一次見呢樣嘢所以叫咗嚟試，又幾得意！呢個係牛油果醬炒蛋，個牛油果醬整得好好食 入面有啲醋香料同洋蔥撈埋一齊勁香口，夠哂開胃！炒蛋夠滑同埋係半生熟，全部嘢一齊食好正～伴碟仲有好多蔬菜呢個抹茶牛奶超好飲抹茶係有幾種日本茶粉比我地㨂，我地揀咗山政小山園，好濃好香抹茶愛好者一定要去試！咖啡師拉咗個聖誕老人公仔出嚟 好靚咖啡豆都係有幾隻揀，我地揀咗哥倫比亞考卡省天堂莊園，係比較fruit嘅飲落士多啤梨味同荔枝味較重 好啱女仔飲～門口仲有啲位，可以喺度chill下…查看更多

之前行海旁嘅時候見到呢間新開嘅café好有feel, 就叫埋朋友一齊嚟試下首先嚟嘅係餐前嘅麵包 有三款咁多 – 無花果 黑松露同五穀配埋佢嘅garlic butter同 pumpkin bacon醬 好好味D麵包好軟熟 雖然驚會食飽咗但最後都忍唔住食哂Main course 叫咗個炭烤牛骨髓同慢煮和牛面肉意大利闊麵 醬汁係紅酒牛尾個牛骨髓好香口 而且好嫩滑 D油滋喺口腔中散發 好好味意粉同好彈牙同好掛汁 連埋D牛肉同牛骨髓一齊食真係回味無窮!另一個嗌咗北海道帶子意大利飯個香草南瓜忌廉醬好濃郁 南瓜味好出之餘仲好creamyD意大利飯都係粒粒分明 又唔會太淋我就嗌咗杯pineapple passionfruit vodka好靚呀! 好啱用嚟打卡~酒味都夠 又唔會太甜呢度真係好啱約朋友嚟食嘢飲嘢同傾計～入面裝修好靚 好溫暖同cozy 好似時光倒流去咗d外國地道餐廳仔咁…查看更多

好耐無去過樓上cafe, 聽朋友話呢間有靚景嘢食唔錯就嚟咗試下。呢度啲嘢食比想像中好食，下次會再嚟！個饅魚飯好滿足，條鰻魚好大條，啖啖肉，夠哂餸成碗飯。啲飯粒粒分明，個汁都好夾仲有其他配料，撈埋一齊食好味帶子明太子意粉都有驚喜個汁唔會太重cream味食到好膩同時又好足料 啲明太子同蟹柳絲都有好多面頭主角帶子夠大粒同新鮮，煮得啱啱好唔會太老推介呢個意粉！ 個抹茶豆乳好好飲！完全唔會太甜，飲到好濃嘅抹茶味同淡淡嘅豆乳味，兩個味都好平均，一定要試！個芝士蛋糕做甜品幾light唔會太滯，同時都好夠芝士味。呢度個景夠開揚 望住海旁嗰邊，無論日頭定夜晚同朋友嚟傾計食嘢都好啱…查看更多

呢間餐廳喺一棟大廈嘅樓上所以唔起眼，係有朋友介紹先知道有呢間餐廳。今日搵埋個好鍾意打邊爐嘅朋友一齊試下～啲食材係超級超級新鮮，超級驚喜🤩餐廳喎工推介咗個百花齊放套餐150分鐘放題比我地，除咗大量火鍋配料揀，仲有得叫點心🤣 我地見幾得意就試下 同埋宜家做緊優惠價 $328 (原價$398) 好似幾抵食！湯底揀咗花膠雞同野菌豆乳 兩邊都足料食完無咩頸渴 係真材實料冇味精👍🏼花膠雞湯底嘅花膠 有好多片 同埋夠冧 補補身我地叫咗啲點心 全部都好好味如果一家大細嚟 有啲鍾意食點心多過火鍋嘅都可以嗌多啲點心食 (叫呢個餐仲有得免小童嗰份錢!)嚟到火鍋主菜啦！火鍋餐跟嘅一碟牛同豬 新鮮好味個安格斯牛雪花分佈平均 有肉汁個豬都係肥瘦適中仲有呢個海鮮盤，啲嘢全部都超級新鮮，份量都幾大睇下啲蝦嘅顏色都知有幾新鮮 仲好爽口個魚好嫩滑啲菜勁大盤又新鮮 好正啲竹笙勁新鮮爽口 叫咗勁多嚟食🤣啲丸同滑都係佢地手打同自家製 好食👍🏼打邊爐點少得響鈴😝…查看更多

聽聞海港城開咗間日本過江龍居酒屋, 之前行街經過見到有個靚景, 就搵日約埋朋友去試下啦~呢度環境好靚, 對住個大海景, 如果早d book枱可能會request到窗邊位?! 望住個景食嘢心情都靚d呀!呢個梳乎厘玉子燒-鰻魚($108) 好好食, 同埋都幾大份下佢個外貌同平時食嗰D唔同, 但質感同味道都好好呀😋 高湯味好夠又唔會太咸。啲鰻魚喺最底，餸玉子好味火鍋叫咗澳洲牛同鹿兒島天然豚肉($628)，雞湯底，都算係有驚喜呀！個雞湯就咁當湯飲好好味，之後淥埋啲肉同菜仲好味火鍋個賣相幾特別🤣啲牛肉同豬肉個樣唔係話好吸睛嗰種，但食落係好新鮮同好味呀！啲肉好林，有肉汁，同啲湯好夾厚薄度都啱啱好個豬冇膻味，好新鮮，如果肥膏少返啲就完美啦！最估唔到係啲菜淥完係超好味！啲菜好新鮮，同埋全部切到細細塊咁好易煮，同埋好吸到啲湯味，正呀！走嗰時經過見到有人淨係食哂啲肉無食菜，浪費咗咁靚嘅食材…查看更多

新開咗咁大間商場梗係要去行下啦！呢度好熱鬧，見到呢間燒肉裝修好靚，就同朋友入咗嚟試下～我地唔想諗咁多，所以嗌咗個二人餐嚟食，見佢有前菜主菜同甜品嗌咗嘢食無耐就有職員拎幾碟小菜嚟，有青瓜，泡菜同芽菜 etc.D小菜好開胃，加錢就可以任添Order左冇耐店員就送上前菜嘅燉牛筋牛舌，睇落冇乜特別，但食落有驚喜！牛筋同牛舌都煮到好淋，蘿蔔亦都好入味。味道方面有啲似日式嘅牛筋煮，啱晒我地口味😋個豆腐海苔沙律D菜好新鮮，份量都夠兩個人食。食咗D菜因間食燒肉無咁大罪疚感仲有冷豆腐同車厘茄～之後就上咗芝士粟米同埋帶子牛油燒，啲帶子好大粒呀！好期待煮完會係咩味餐廳主打燒肉，但估唔到呢度嘅冷麵都好好味。呢個雪梨水冷麵嘅麵質煙靭，配上清爽又酸酸甜甜嘅冷麵汁，加埋醃蘿蔔同青瓜絲一啖擺入口，真係夠晒消暑😌而且冷麵份量都幾多，一碗兩個人share都夠晒。終於嚟到主打嘅燒肉啦！呢盤係和牛肩肉盛，好正呀！見到D雪花分佈得幾平均，肥瘦適中，D顏色都好鮮艷，厚度都係適中呢碟牛仲會跟個蛋黃同D甜甜地嘅醬比我地點牛食，幾得意，都幾夾呀～呢個係慶州黑毛豬水果醬油五花肉同埋和牛外裙肉個牛係大一塊燒到咁上下要剪開嘅，呢個係厚厚地嘅肉，但唔會韌，仲好有肉汁個豬都醃得好入味，同埋幾林，同牛肉一樣咁出色呢個係肩肉盛嘅肉，薄薄地咁唔洗燒到全熟，超好味！一路燒D肉一路燒芝士粟米同牛油帶子～D帶子好新鮮，連埋D牛油好香口，不過我地唔小心煮得太耐（掛住食肉😖）呢個烤香蕉配朱古力肉桂粉嘅甜品好特別呀，未見過呢樣甜品🤣職員會換過燒網同埋同我地燒埋如果面頭曬多D糖就好啦！因為個焦糖燒得好香，再多D會仲好食！呢個焦糖布甸嘅質感同出面嘅布丁有啲唔同，有一種類似食moose嘅口感，夠滑，又好濃味，小編同朋友都好鐘意，係下次encore之選！我地叫咗個柚子檸檬梳打同荔枝梳打嚟餸，夠哂refreshing!…查看更多