SharonShare的个人专页

呢間土瓜灣嘅韓國餐廳係由韓國人親自主理，主打活魚刺身，適合一班好友嚟chill。先講雜錦刺身套餐，我地就叫左個細既，刺身有螺片、八爪魚、鮑魚、海參同海菠蘿，新鮮爽甜甜，好開胃。活魚刺身就更吸引，有肥美嘅𩶘魚腩位同爽口嘅左口魚，口感豐富，配埋辣醬，正宗韓式風味。 蔥煎餅煎得好出色，我地掛住食刺身，擺左一陣依然係好香脆，外層焦香帶嚼勁。生牛肉他他同生八爪魚刺身絕對係韓國名物，八爪魚上枱仲係識郁，夠晒新鮮！韓牛燒肉嘅牛肋骨肉味濃郁，油花分布均勻，仲有爐邊蛋同芝士粟米，真係好有韓國風味。 最後，刺身既魚骨會用黎煮湯，帶啲微辣同濃厚大醬味，麵團煙韌彈牙，食完刺身可以暖下個胃。…查看更多

係旺角行完著名既運動連鎖店，點知見到間新開既日式居酒屋，未食飯既朋友同我就決定入去試下！近排天氣終於有返啲冬天既感覺，凍凍地當然要叫個火鍋，叫左A4和牛壽喜鍋，見到啲牛肉油花唔錯，應該真係有A4等級，壽喜燒湯都幾日式，配料仲有薯粉吸晒湯嘅味道幾好食！另外，仲叫咗前菜柚子蝦沙律，好fresh 好清新，可以解一解和牛既油膩感！另外仲叫左啲特色卷物，係龍卷風同青龍卷，青龍卷既「青」係牛油果，同卷物既鰻魚同蟹柳都好夾！仲有叫左龍卷風，呢間餐廳啲名都幾特別，有機會真係試埋其他！…查看更多

沙田呢間Butlery開業至今人氣都咁旺，今次同朋友再嚟到食晚餐～～朋友話想食沙律,雞扒牛油果沙律，加上溫泉蛋，口感豐富，健康之選！另外，encore多次個意粉，就係海膽帶子蟹肉意粉，充滿超Creamy嘅忌廉汁，食唔停口嘅意粉~帶子厚肉Q彈！呢個burger有驚喜，本身擔心個酸忌廉醬會好怪，點知酸尾尾好清新、開胃好食～～仲有牛油果醬好綿滑，雞扒啖啖肉好食～～最後當然要留肚食返個梳乎厘，叫咗個原味厚pancake, 配邪惡嘅焦糖牛油同淋上楓糖醬，加上水果配料，賣相睇得，味道都好得，軟綿綿好幼滑嘅質感～～飲品揀咗杯薄荷朱古力奶昔，香濃好飲，唔會過甜，好解渴～～…查看更多

最近同朋友去咗一間餐廳聚餐，有驚喜！首先，上湯金魚餃配水晶球，擺盤別有心思，成個魚形狀嘅餃子，外觀吸引，仲有蝦嘅鮮味～皇朝蝦餃皇皮薄而不失彈性，層次分明，每一啖都有滿滿既蝦肉～黑毛豬北菇燒賣係一個驚喜，黑毛豬嘅鹹香同燒賣嘅咬口結合，口感豐富～皇朝三式蒸腸粉有鮮蝦、叉燒、牛肉，晶瑩剔透，皮薄多餡，每一啖都滿足，真係唔可以錯過～～脆皮乳豬例牌肥瘦均勻，外皮脆口，唔會太油膩，食完唔會覺得滯～酥炸魷魚鬚酥脆鹹香，調味適中，唔會過鹹～金磚豆腐外面酥脆，裏面嫩滑～XO醬煎蘿蔔糕唔會太粉，口感適中，唔會黏口，XO醬嘅香味提升咗整體味道～櫻花蝦蟹膏海鮮菜粒炒飯粒粒飯層次分明，唔會痴埋一舊，亦唔會太油～～鮑參翅肚羹入面嘅鮑參翅全部都極有咬口，調味適中，啱啱好～椰汁桂花糕唔會死甜，桂花嘅清新香味令人印象深刻！最後，楓蜜脆蛋散係小朋友至愛，飯後甜品，少少甜，結束呢個美食之旅～呢間餐廳值得一試，無論係擺盤定味道都令人滿意，係一個唔錯嘅選擇！…查看更多

今次去嘅文興酒家喺蓮香樓後面，喺轉角位轉入先見到～ 我哋4個人，叫咗8樣嘢～首先係每人一個燉盅，都幾足料，有猴頭菇，螺肉，元貝等，飲落都幾清甜！跟住就上蝦餃、燒賣、叉燒、櫻桃鴨、熱情果黑豚肉及蟹皇豆腐蒸帶子～櫻桃鴨蘸上醬料，幾好味～～熱情果配黑豚肉十分合適，仲其他蔬果一齊煮，食落清爽～蟹皇豆腐口感嫩滑，蟹黃味都幾出～比較有驚喜係海佬脆河粉，本身河粉無味，但配上湯汁，口感似泡飯，又脆又可口！最後食埋暖心千層糕，外表平凡，但椰香幾出～…查看更多

約左朋友去觀塘食飯，一向都知工廈多野食，但朋友帶我去酒店食潮州中菜，平時食潮洲野都係大排檔，而係酒店食都真係第一次~食得潮洲菜，當然要叫滷水，滷水鵝片係必叫的，鵝片好入味又淋，底層豆腐又幾滑，加上辣椒油食都幾唔錯！另一個叫既餸係金絲煎蠔餅，職員送上黎既時候係熱辣辣，係岩岩炸好的，食落鬆脆！另外叫左個蒜蓉龍躉荷葉籠仔蒸飯，職員打開個蒸籠後，滿滿既蒜蓉味，再加上嘅鋪滿蒸籠嘅龍躉，份量好足，差少少先食得哂！最後餐廳準備左好耐既夏日推介菜式胡椒大虎蝦，一上台就充滿胡椒味，係用好多胡椒鋪滿虎蝦一齊煮，令虎蝦充滿胡椒味，虎蝦食得出係新鮮蝦，成個餸既擺盤同味道都good！…查看更多

大圍圍方商場開幕嘅時候幾咁震撼，我都係要等熱潮過咗先好嚟呢個商場食嘢，呢度果然有好多嘢食先吸引到咁多人過嚟，朋友想食海南雞，所以今次揀咗一間新加坡餐廳試試佢！佢個二人餐都好抵食，有小食，兩個主食，一碟菜同兩杯飲品，小食揀左鹹蛋黃雞翼，好香濃嘅鹹蛋黃味！一個小食唔夠喉嘅話可以再加，另外再加左半件黑醬油蘿蔔糕，黑醬油煮得好入味，唔錯！另外主食叫咗海南雞飯同肉骨茶，海南雞好嫩滑，醬汁有齊黑醬油、辣醬同薑蓉，鍾意點咩口味都得，另外個雞湯清清地都唔錯！另一個主食肉骨茶係胡椒味，有別於馬來西亞嘅藥材味，肉嘅份量都唔少，仲有金菇豆卜油炸鬼做配菜，量多到個白飯都食唔晒！飲品方面就揀咗夏日特飲菠蘿梳打同椰番石榴梳打，兩杯都有配雪糕，炎炎夏日飲杯冰凍梳打同食到雪糕真係好爽！…查看更多

蘇媽蘇媽以前係深水埗見到成日都好多人，咁岩今日係旺角見到有分店，可以直入，就入左去～天氣好熱，即刻叫返杯椰汁斑蘭冰解暑，冰冰涼涼，充滿椰汁味！小食叫咗串燒，沙嗲醬香濃！馬來西亞餐廳一定要試吓最出名嘅肉骨茶，揀咗傳統嘅一字骨，一煲入邊有四件骨，肉質好淋好易咬開，濃濃既藥材湯底好入味，仲可以自己加蒜蓉辣椒黑醬油去食，有馬來西亞風味！另外仲叫咗個檳城白咖喱海鮮麵，白咖喱湯底好香，建議食少少辣味，海鮮都有幾多款，有蜆、青口、蝦、豬紅同蛋，都算幾足料！…查看更多

早餐食過一次，有蕃茄湯濛粉同咖吔多士，仲難得有得揀拉茶、美祿一啲特別啲嘅嘢飲！今晚經過就試埋佢晚市！主食嗌咗蕃茄蟹檬！上桌有驚喜，有成隻軟殻蟹😍蕃茄原件上，蕃茄湯頭濃郁！仲有豬肉九同扎肉，豬肉九係好似肉餅嗰種，索晒湯汁成粒勁Juicy！扎肉就偏彈牙！仲有豆卜都好索湯🥰檳海我喺蜆港食過一次，嗰陣冇人教都唔知道原來要配邊隻醬食😝檳海其實即係米粉，當地人會捲埋生菜金不換酸蘿蔔配搭肉一齊食！不過我就麻麻哋金不換加咗啲炸蒜蓉同埋蔥頭食好香口，我地嗌埋燒豬頸肉😍啖啖肉嫩好好味！馬來串燒配沙嗲汁即係食雞串燒！我覺得佢個雞真係做得好出色好香都買佢嘅花生醬沙嗲汁我覺得好食過九龍城嘅泰金國！本身我嗌個薄餅係諗住攞嚟點少少喇沙食！但原來佢都有配埋個咖喱醬！印度薄餅香脆！我點咗串燒個沙嗲醬都好襯！飲品試咗牛油果沙，感覺好fresh🥰十分解暑解辣！哩度嘅食物選擇真係好多！啱一大班人嚟都會揀到有嘢啱！下次想同屋企人嚟試下肉骨茶嗰啲😚！…查看更多

本身約咗朋友喺九龍城食泰國嘢，點知落大雨，去咗九龍城廣場避一避雨，咁索性睇吓有咩嘢食，點知發現咗一間幾有特色嘅中式餐廳叫城寨風味，一於去試下！餐廳裝修充滿懷舊香港嘅味道，有種好舒服嘅感覺！朋友想食蝦球，但又唔想太過重味道，揀左個芒果蝦球，蝦球幾大隻，配上芒果汁同果肉，味道都好夾！另外仲叫左紅燒豆腐班腩煲，用料好足，原來呢間餐廳啲份量都幾大份！最後無飯不歡既我叫左個招牌既城寨風味炒飯，好大碟又夠多配料，口感豐富！…查看更多

聽朋友介紹咗一間位於尖沙咀高性價比嘅Omakase 鮨岸，係海防道既中達大廈，地點非常近尖沙咀地鐵站！揀左個叫”櫻”既18道菜既Omakase set，首先食三道前菜，係慢煮南瓜、糖醋車厘茄、糖醋天婦羅魚，酸酸甜甜開胃！ 之後師傅開始準備刺身5點，石垣鯛魚配柚子醋，日本象拔蚌，鰤魚，鯖魚同華漣生蠔，刺身生蠔都好新鮮，鯖魚刺身最有印象，平時係日式餐廳都係食鹽燒鯖魚，估唔到做刺身都咁肥美，另外華漣生蠔配上柚子汁，鮮中帶甜，真係值回票價！去到壽司部分，有熟成深海池魚，北海道帆立貝，北海道牡丹蝦，和歌山吞拿魚，喜之次，北海道海膽，池魚油分豐富，帆立貝，加上少少柚子皮，鮮得黎帶點清新，吞拿魚唔使講，超級好食～海膽配上冠軍級嘅脆度海苔，完美配合！另外最後一件壽司係江户前玉子燒，師傅用傳統手工將蛋做到蛋糕既口感，當中完全唔用麵粉，呢種手工真係買少見少，就算係日本都唔係容易食到！去到一品料理部分，係香箱蟹釜飯，香味十足，配料豐富，蟹肉分量都唔少！食完之後，配上一道石斑清湯，中香返今日食嘢嘅油分！最後加埋甜品雪葩，非常完美既一餐！…查看更多

今晚約左朋友食飯，去左都好多推介既尖沙咀厚福街鮨一食日本野！店員安排左坐bar 枱，可以近距離欣賞師傅切刺身既手藝！首先前菜叫左個招牌既鮨一沙律，用得自己名做既菜點都有啲保證，沙律用左好多角切刺身，仲有一個大蕃茄，份量足！另外仲叫左什錦天婦羅，蝦天婦羅都幾大條，茄子南瓜都炸得幾好食，擺盤又精緻～再叫左個特上十貫壽司，睇住師傅一塊一塊咁切，然後再手握壽司，都係一個唔錯既表演👍🏼魚生新鮮，赤海蝦同帆立貝都好新鮮，瑩光魷魚好特別，吞拿魚都充滿油份～再叫左幾串串燒過下口癮，叫左煙肉帶子卷、豚肉露筍卷同和牛粒串，加上特製嘅芥末醬，呢個配搭都唔錯！…查看更多

最近食左間好值得推介既日本餐廳～ 首先，粟米脆餅壽司 － 和牛三文魚籽。呢款壽司好特別，第一次食脆片包嘅壽司，食脆片嘅同又有牛肉嘅油香味，幾開胃～ 跟住既金龍珠海膽吞拿魚蓉卷，裡面有一個巨形溏心蛋，我可以話係超級出色！配上鮮甜嘅海膽同吞拿魚蓉，一啖入口，真係絕佳嘅組合～ 仲有就係餐廳必食推介金酒杯。呢道菜嘅海膽份量十足，又夠鮮甜，令人好滿足～再加上三文魚籽、拖羅蓉同松葉蟹肉，令整道菜更加豐富多樣～ 另外一款金丼－月見海膽三文魚籽拖羅蓉，絕對係三文魚籽嘅天堂。佢地慷慨地加入咗超多三文魚籽，再配埋蛋汁既醋飯，每一啖都飽滿而鮮美～ 之後就係串燒，厚燒牛舌心係又爽口又軟淋。牛舌心燒得恰到好處，口感外脆內軟，又有濃郁嘅牛肉香味，真係想食多一串～ 自家製雞皮蝦，脆皮雞皮外脆內嫩，包裹住蝦既肉汁，口感一流～ 西班牙豬肋條，精心烤製嘅豬肋條肉質鮮嫩多汁，口感豐富～ 最後就係壽喜燒和牛鍋（鹿兒島A4 和牛）。即使已經飽都令人難以抗拒呢道菜，絕對係和牛嘅極致享受～優質嘅鹿兒島A4和牛，肉質細緻，紋理清晰，油脂分佈均勻。每一片肉都有濃濃牛既油香～…查看更多

今日約好左個同樣鐘意食海鮮既朋友黎試下呢間既磯燒海鮮有多款海鮮可以選擇，我哋就揀左蟹肉甲羅燒、鮑魚同魷魚。磯燒全程由店員服務，坐喺度等食就得喇蟹噌甲羅燒新鮮的蟹肉搭配濃郁的蟹膏醬汁，整體味道鮮美豐富。每一口都能感受到蟹肉的鮮甜和蟹膏的濃郁。鮑魚殼燒、鳥賊磯燒新鮮既海鮮配上少許既燒汁，味道鮮美豐富。麻醬蕃茄豆腐沙律豆腐的滑嫩口感搭配濃郁的麻醬和新鮮的蕃茄，係一道好開胃既前菜左口魚刺身左口魚刺身係不能錯過，鮮甜爽口海鮮什錦丼如果你喜歡海鮮丼飯，他們的「海鮮什錦丼」絕對是最佳的選擇。新鮮的海鮮搭配著飯飽滿的口感炸雞炸雞外皮酥脆，內裡多汁嫩滑冰菠蘿梳打係呢度仲可以點杯冰涼的「菠蘿梳打」，酸甜口感絕對是一個完美的結尾磯燒海產…查看更多

又去左九龍城揾野食，平時通常都係食泰國菜，今次一於試下打邊爐！去左間叫大邊爐火鍋店，係一間九龍城屹立多年既老店！今次叫左個鴛鴦湯底沙爹配清湯，沙嗲香味好濃郁，食物方面叫左安格斯肥牛，油花同肉質都好好，唔會太薄！另外仲叫左西班牙黑毛豬、三寶丸、鮮蝦水餃等等，分量都算大，水餃又大粒，手打丸有牛肉、豬肉同墨丸，有口感！黑毛豬都幾爽口，很不錯！另外仲有叫左蝦滑，口感彈牙，食得出都幾足料！總括嚟講，餐廳鄰近宋王臺地鐵站，環境幾乾淨，嘢食性價比都幾高，值得一試！…查看更多