社工都要吃飯的个人专页

依間專食牛舌嘅餐廳都聽聞咗好耐，終於有機會食到佢中午12點開門，舖位座位得十幾個平日基本1230前已經滿座，所以想食嘅朋友建議12點或早少少去等就比較穩陣。我叫咗佢個二重牛舌+套餐（$28），有普通牛舌尖同牛脷芯兩款肉，另外套餐有飯、沙律、酸薑、漬物同汽水。首先飯嘅部分加$10可以升級滿溢牛舌溫泉蛋丼，請無論如何都一定要升級，佢個飯真係精華！因為佢牛舌用汁煮煮得超嫩滑，口感似煮淋嘅牛根但更重牛味，配埋溫泉蛋個口感真係無得彈！牛舌嘅部分，牛舌尖好飽滿同爽口幾好食。但重點係牛脷芯嘅部分，佢原條上首先可以保持返肉嘅水份唔會咁易流失，同佢嘅口感真係比普通牛舌嫩滑得多！版上好多朋友最多的挑剔就係牛舌芯的熟度，的確如果由邊食起應該係五成熟左右，食到中間應該大概係三成熟到。我果日食緊時都有兩個客人退貨要求再煮熟啲。我個人覺得熟度反而幾好，不過好睇個人口味；我本來食牛扒都會食三到五成熟。我覺得佢熟度令個肉質更加juicy，食落又咬到得嚟又無渣。如果接受唔到三成熟又想食牛脷芯，建議上碟時立即中間切開牛脷芯然後用鐵板燒燒個中間位，應該可以令個食物體驗更優。另外講少少配菜部分，佢一開始俾碟酸薑我覺得怪怪地，但之後發現（如果你配埋牛舌飯），太多肉整體會有少少膩，酸薑嘅酸度同口感令到件事食落更平均。沙律都一樣效果但個人覺得酸薑更夾。佢仲有一小碟漬物，但口感好辣…因為比較小食唔知係咪正常。整體而言，依間牛舌餐廳真係好值得推薦，都係近期嘅必食推介。…查看更多

西貢平時假日大部分cafe都迫爆哂人食飯打卡，有時想靜靜地食過靚飯都好難，就算搵到位食lunch有時都要成百幾二百蚊落樓今次分享一間平時成日食嘅超超超樸實西餐廳。餐廳外型同裡而好多海洋生物嘅配飾，但打卡就勉強啲…因為感覺比較似小朋友生日會用海洋主題，但佢食物性價比就真係好高白咖喱斧頭豬扒 $98 跟湯+飯/意粉/薯條佢個汁望落去無咩嘢，但食落去係重忌廉味嘅咖喱，同豬扒平身幾夾。個人食咗幾次覺得跟意粉最夾。豬扒份量好有誠意，厚切豬扒熟度幾難拿捏，佢切落好易切熟度幾好，食落幾juicy但有少少渣，但整體性價比有80分另外佢個椰香荔枝烤鴨都幾好食，椰+鴨肉依個組合好夾同好香，鴨肉佢起埋好易食。（但唔記得影相有機會補返…）如果去西貢想平平哋鋸下扒可俾機會試吓依間小店店員好nice同樓上一樓有豆袋坐幾relax。…查看更多

之前見到依間蛋糕攞獎又買咗個試吓伯爵茶無花果拿破崙 (1lb $328)佢酥皮好厚好脆，牛油味好香。中間嘅伯爵茶cream做得好滑，茶味又夠足；加埋無花果果種甜可以中和酥皮嘅油膩感。味道上都係我食過嘅拿破崙比較喜歡嘅，值得一試。個人喜歡cream嘅比例再多少少會更好…查看更多

石門一直都係沙田區嘅街坊飯堂，出名多小店價錢又親民。但如果你星期六日想去食個lunch度度都人山人海，同普遍餐廳都偏迫同坐位偏窄…今日試咗間幾chill既日式+西式餐廳出面睇同第一眼好西式酒bar feel，但裡面又有啲日系擺設同電視播下MV，比起石門其他地方食到趕頭趕命都幾舒服。座位好闊，好有個人空間。午餐餐牌好簡單，一頁係日本菜，一頁係西餐。我叫左西班牙黑毛豚肉扒8oz配薯條，意粉 （$88）+$20西式套餐第一眼見到最特別係薯條同意粉一齊上唔駛揀。意粉係普通意粉但有落足蒜炒仲有啲蒜片係上面ok。薯條即炸，本人幾鍾意食連皮既薯條覺得幾好食。黑毛豬偏薄，但有兩塊（影相影得唔好）同keep到裡面剛熟唔乾身。+餐部分無牛角包轉做炸洋蔥圈，飲品有烏龍茶同汽水揀，還有一個湯及沙律，$20也算便宜。如果你在石門想有個小天地自己靜靜地食個飯，依間餐廳大推…查看更多

之前聽米芝連介紹依間好耐，今日係附近就試試佢。鴛鴦腸雜錦糯米飯（$64）上碟時明顯聞到臘味香味，食落無想像中咁油/濃，所以食到尾都無覺好膩，同食落口都有陣油香味。個人更喜歡潤腸，味道比出面既潤腸更香濃，配淡少少嘅糯米飯好夾。臘腸唔會有出面有啲臘腸果種死咸味，死到尾個口都唔會有食味精果種麻麻嘅口感。同除左面果幾舊，食到底仲有一層臘味+冬菇臘味量幾足。建議加個小食，飽腹感剛好。香煎蝦米腸粉+雞蛋煎（$26+$6）腸粉面做到煎完嘅脆卜卜口感，腸粉本身滑身又唔散；同佢本身都有海量芝麻同蔥，更香口想食唔停口。豉油度我估有調整過，比平常無咁咸。雞蛋方面我覺得可以再多啲，因為有1/3腸粉痴唔到雞蛋，有少少可惜。同如果雞蛋可再炒耐少少應該會更香口。不過因為餐廳無俾水，如果無叫嘢飲食糯米飯中途會口乾啲。埋單100$唔駛性價比高…查看更多

最近成日食一間cafe嘅lunch，覺得啲嘢食幾高質。食咗幾款特別想推薦俾大家。蟹肉南瓜粒煙三文魚他他 $98依個一定係最愛，煙三文魚嘅份量非常足，因為煙三文魚食落會有種咸嘅油脂香味；配埋下面蟹肉（有小小沙律醬嘅sauce）再配底嘅南瓜果種甜味加埋好夾。旁邊圍住嘅沙律令成碟多返啲爽嘅口感。第一次食見到會落爆珠覺得怪怪地，平時食yogurt先會落。但之後發現又唔會唔夾，成件事個口感又豐富啲。同佢份量都算幾多，男仔食應該都沒問題，食完又唔會好quilty。香煎挪威三文魚配米形粉莎莎 $118果陣試係俾「米形粉莎莎」吸引覺得幾特別，佢用茄汁煮味道似risotto，但米嘅口感係類似煮淋嘅扁身日本米，個人好鍾意食，覺得個酸味同咬口令人想食落去。三文魚方面最怕煎耐咗乾身，但我食幾次都keep到裡面紅紅地，食落口感仲好juicy。同依個份量好足，有男仔fd都食唔哂，想飽肚首選。和風鮮帶子明太子醬蝴蝶粉 $128明太子醬+帶子依個組合其實無得輸，配蝴蝶粉本身都好索汁，第一啖到食到尾都好濃郁。如果唔係明太子粉絲食到尾可能會覺得小小膩，但整體都係幾出色。小總結：套餐另跟湯同特飲（果茶/咖啡），性價比不錯。…查看更多