超級大食妹的个人专页

今日好開心因為我收到了男友送的曲奇餅禮盒，當中除了傳統的原味曲奇及鳳梨酥，更有特別的黃金南瓜曲奇及伯爵茶法式薄燒，我一向鍾情以茶製作的食品，所以特別鍾意其中的伯爵茶法式薄燒及阿薩姆茶曲奇，脆脆地，又有濃郁茶味，用來作個簡單的下午茶小吃，休閒之餘又令人食上癮呀!!但這份禮盒的份量都唔少，而最重要的是個盒包裝都好靚!!…查看更多

空中花園酒吧，全天候即時提供爐端燒、關東煮、拉麵和日式燒餅可能有人會問, 乜呢間野唔係食意大利菜既咩?無錯, 主理人日籍行政總廚小野利春最擅長將傳統日菜加d創意，變成意式fusion菜:)話晒間野新開, 問個侍應食咩好, 佢話招牌菜有三式茄子，燒帶子金菇配蟹子，香辣忌廉汁同埋野菌山芋餅我一行2人，叫左個野菌山芋餅打開menu，order左個 "麵豉焗鱸魚"厚切鱸魚味道偏淡, 但勝在煎得夠香滑今次食lunch唔想曬，坐室內下次夜晚黎，要坐露天睇夜景…查看更多

大家唔洗驚~我唔係食物中毒, 而係食翡翠食既次數多到好似中左毒咁今次都係例牌叫返酸辣湯, 手抓餅, 小籠包, 擔擔麵, 黃金蝦酸辣湯：同以往一樣咁好味手抓餅：唔知點解今次份量好似少左... 不過都係好好味小籠包：好多肉汁呀~~擔擔麵：今次無上次咁鹹，但仲係好香口，唔錯唔錯，麵條亦都煮得岩岩好黃金蝦：真係好鍾意佢用鹹蛋黃黎包住佢炸，勁香口，個蝦殼炸到好鬆化，我次次都連殼食其實翡翠真係唯一一間我會keep住光顧既餐廳，希望佢地既水準可以一直keep住啦! …查看更多

今日係前度既生日，所以琴晚一大班舊同學加埋而家既同事同佢慶祝一行十個人，要響銅鑼灣搵一個容納到我地既地方真係話難唔難話易唔易．．上星期訂左位，今晚等齊人就一齊上去人多有咩好？想食咩就叫咩囉！１：一堆牛拼盤，唔洗爭２：芝士煙肉，非常好！ 燒後外脆內香，食完第一set都有再返叫３：燒肉拼盤，有雞肉、豚肉、牛肉、雞翼同埋少量野菜４：海鮮拼盤，有大蝦、扇貝同埋魷魚５：豚肉泡菜鍋，成個鍋都係泡菜同豚肉，食完飽晒．．．６：餐飲　－　箱根之日出，其實是椰汁，雪白得黎飲落都好香甜間野既服務都幾好，會自動自覺幫我地換個燒盤，咁d肉就可以燒得靚d 啦食完燒肉就搭車返屯門，唱通宵做飯後活動:)…查看更多

為左紀念兒童節呢個重要既日子，我同愛人呢兩個拎左身分證好耐既人，今日要去食一食甜品 =]本來就想食綿綿冰既，記得銅鑼灣美珍香後街有一間奈何呢幾日天氣轉涼，加上之前感冒未好，就只好轉戰熱食啦 =]黎到銅鑼灣，出名既甜品鋪首選發記不過原來世貿對出果間最近搬走左，咁就直接上世貿既滿記啦同BB食完晚飯再食甜品，今次一人一樣再share先黎芝麻糊配合桃糊，女仔食芝麻糊好呀～頭髮會烏黑亮麗d好好味呀～～～～芝麻咪好濃好香，合桃味又岩岩好，唔會重到苦害我食左大半碗先肯收手今次終於唔係食芒果pancake喇，bb叫左個榴槤pancake話晒榴槤都係滿記出名之處，有時轉下口味都係一件好事黎既嘩．．．我後悔咁遲先試佢既榴槤榴槤肉好香好軟好滑，食得出係用靚榴槤去整！！另外個pancake皮都值得一讚，好薄好滑好煙un =v=我諗我下次都會再食滿記，因為要試晒佢既榴槤甜品！哈哈～～…查看更多

今日行K11時發現有個可以通往大街既出口, 對面馬路原來有一間「唯一」其實一直以來都只係鍾意食上海美美豆漿大王 不過既然友人話呢間都ok, 咁就試下啦叫左一個雲吞麵, 另加一塊炸豬扒上菜速度好快, 等左不過5分鐘 叫麵加豬扒就$9, 如果單點一塊就要$20, 但其實$9果塊都有2大片 建議想食多d豬扒既朋友可以加2塊=$18, 不但平過叫一塊$20, 而且份量仲多d tim 豬扒炸得好酥軟, 香口得黎唔會乾身, 唔會似食餅乾咁而且好味之餘唔會太多醃料, 至少食完無覺得口乾至於個麵, 一開頭以為係粗身上海麵, 但點解d麵條咁幼既仲心諗.....麵條咁幼, 浸兩浸就淋晒啦....點知原來唔會wor, 佢地都仲好彈牙, 真係食過返尋味 下次想試佢地既餡餅 …查看更多

曾經聽過有人話, 食甜品既女人會幸福d, 所以今晚我地3個女人仔就去左cova既甜品 buffet喇一個星期前已經訂好左位, 期間上網睇到好多人都話麻麻地, 其實都有擔心過 .... 但係食完之後就覺得, 都唔係咁差丫~~ 今晚有5款蛋糕, 另外仲有d好精緻既high tea tart 個朱古力mouse蛋糕好夠味, creamy得黎又唔"漏"最喜出望外既係個藍莓cheese cake, 好食過出面好多cake shop既 blueberry product !!!好多人話咸點好味, 果然係真既!!!不過我地3個女仔都唔覺得太細件wor, 一啖一件, 咁先係high tea既質素丫麻 :)好鍾意係佢個闊麵pasta, 我地3個女仔食左人地半盤另外個大蝦tart都好好味, d蝦好新鮮, 個醬好味, 個tart底又keep到唔"林"very nice =v=不得不提就係個煙三文魚, 出色之作wor因為煙三文魚唔新鮮既話就一定好腥, 但cova果d好好食, 唔落lemon都好鮮味誇張到呢..... 我地3個女仔清左人地一大盤 唔講唔知, 原來個buffet係包埋雪糕既今晚有8個口味既gelato, 其中開心果咪係我意料之外地好食聽落開心果雪糕好似好怪咁, 點知出奇地好食!!waiter 幫我地落drink果時仲話我地知出左2款 long cream puff咁我地就順便食埋啦, 都好好食wor,. 無諗過既個puff都係cream, 都唔係話好甜個朱古力puff上面仲有金箔向我地揮手 佢地既cappucino 好好味, 好滑, 好香咖啡味:)甘而唔苦, 先至係正宗既~~總括黎講, 呢間cova比其他分店略為出色, 選址唔錯 …查看更多