jenisa的个人专页

住O係西環既人必定知道呢一間O係堅尼地城海旁邊既呢間中式海鮮菜館＜＜西環碼頭＞＞同朋友聚舊，家人聚餐都好適合，衛生環境舒適。Signature 位係佢既海鮮檔，你叫既海鮮可以自己揀GA。食左咁多年，佢既海鮮係一定必吃既！ 今次share既係3 個鍋物黑松露燴豆腐石鍋熱辣辣上，不過好快就凍喇，要快D食。黑松露真係百搭食物，溝埋D汁一齊食好香好夾，加埋豆腐簡直係為普通既豆腐錦上添花。石鍋胡椒蝦平時食開清蒸同炒，今次試下石鍋煮法。勁香胡椒味，你可以睇到食個鍋都係胡椒就知道。蝦都有好多隻下，每隻蝦都好入味又彈牙，胡椒味唔會好似聞到咁濃，味道啱啱好。龍皇泡脆飯第一次食呢個泡飯。呢個泡飯有好多海鮮O架，有蜆，魚，珊瑚蚌等，都大大隻O架，仲有一碗脆米，呢個脆米呢到成個粥加左唔少分，待應會O係你面前將d 脆米加入鍋中。湯底清清地有小小海鮮味，脆米加入湯底後都唔會變得好”林”，超有口感呀!食完仲有糖水送。次次都唔同GA。，Thank you。十分滿足…查看更多

男朋友話好耐冇食過潮州野，今日專程拜訪一下北角近期人名既潮州滷水小店潮樂園。其實我有好多潮州野都唔好，但男人想食，咪就下佢囉！ 舖頭環境唔算富麗堂皇，但勝在燈光光猛，乾淨企理。舖頭唔算好大，所以有D壓迫。不過出奇係已經晚上8點，依然有好多客人進進出出，都幾全場滿座。 一向懶睇餐牌既我，一入門口就見到搶眼既SIGNITURE DISH ON THE WALL 就知道有咩正野食，可見老板好識銷售！ 雖然睇到餐排咁多選擇，最後我只係揀左魚蛋、蠔仔粥同滷水拼盤三併。依個手打魚蛋賣相唔算特別，但口感真係幾爽口彈牙，唔似出面用機做既咁硬！而且食落都幾有魚味，真係真材實料，而且又冇魚腥味！ 蠔仔粥真係讚，勁多蠔 。一向唔食蠔既我，都算左幾啖，而且仲食上隱添 ！蠔仔食材新鮮，非常好鮮甜，冇腥味。雖然唔知出面果d 係咪都係咁既味道，但一向唔食蠔既我，一見到都會啱食同想食！依個蠔仔粥真係用料十足，除左有大大粒既蠔仔外，仲加入魷魚，煙煙靭靭，口感豐富。推介推介 滷水野講真唔太愛好，不過依到既滷水味道唔算太濃郁，又唔係好鹹，非常適中，都算易入口！當中我認為個鵝片係最好食 下次再次一定必叫！ 總括黎講，我食左既只有呢三道菜！我自己就最欣常係蠔仔粥同滷水鵝片。果然係SIGNITURE DISH呀！其實整體食物質素同環境都唔錯﹐味道唔算濃郁，比較健康！份量又算適中！價錢又合理。兩個人食都係唔駛二百蚊！不過係坐得迫左D，CLOSE D 喇！冇辦法，要食好野係迫下先開心。 …查看更多

今日同朋友慶祝生日，一行7人入左三聖村食海鮮，自己買料（發記）再去加工 。試既係廣東名門。 買左7款海鮮，包括：蝴蝶蚌，鬼蝦，奄仔蟹，花螺，瀨㳮蝦，金鼓魚，元貝。叫老闆執多小小海鮮去煲個靚湯,，免費0架 。可以去搵叉燒哥。我地訂左630果段時間，但係都FULL FULL 地，可能係假日啦~所以記得要訂位呀~廣東名門有2間鋪位，第一間近馬路既，睇起黎都幾靚，但入D果間就比較普通d。如公司食飯既話記得request 第一間鋪。(冇影到相，sorry ) 2間鋪都乾淨企理，但唔知點解唔開冷氣，想熱死人咩 上菜速度快，應接不暇，完全食唔切，最後用左45分鐘就清哂7道餸。服務都ok，但一定要check 清楚冇漏單，否則佢地加單再做都要用30分鐘以上。好喇~ 入戲肉:::::: 難得咁多人，緊係乜野烹調都試一試。其實都係果幾類啦~有鹽水浸，芝士焗，辣酒煮，蒜蓉粉絲，避風塘炒&清蒸，都係係睇個人喜好啦~~ 芝士焗鬼蝦～可能第一次食啦。鬼蝦有點龍蝦既感覺。芝士味唔係太濃，不過一定要熱食，味道出好多！金鼓魚～又係新嘗試，肉質彈彈的！蒜蓉粉絲扇貝～勁好味，大大粒，好鮮甜！超讚！鹽水浸蝴蝶蚌～鮮甜，有咬口，有質感，仲有海水味。辣酒煮花螺～一個字爽！其他埋單俾想像中貴，每人大約$350-400 (料+加工)其實味道唔算特別有驚喜，一般中菜餐廳都做到呢個味道。勝在夠新鮮，點煮都好食啦…查看更多