熊貓姐姐的個人專頁

連續幾天假期，節目都不外乎食、食、食。 假期第一餐，就由番茄麵開始，好耐冇去樓下冰室食嘢，非常掛住佢嘅瑞士汁雞脾，所以叫咗個套餐有齊蕃茄湯公仔麵、瑞士汁雞脾、配炒滑蛋，再加多杯鴛鴦走。個麵一貫味道，幾好味；瑞士汁雞脾都好味，不過似乎醃耐啲更好；但今餐最敗筆就係杯鴛鴦走，冇啡味冇茶味亦冇煉奶味，唔知飲緊乜。 做冰室連水吧嘅質素都控制唔到，似乎冇咗 “冰室” 嘅精神！ 另，似乎用好多味精，之後下半晝口渴到不得了！！…查看更多

7 個月前首次到此用餐，感覺十分良好，店員好 nice，解釋點樣下單，可以點樣配搭，最後仲幫我哋落單，唔駛我哋掃 code 慢慢摸。印象中食物質素亦好好，故會令到有今次的再訪。今日想食得健康啲, 故再度到訪，點知 ... 不似預期。店中只得兩檯客，店員亦只得兩位，我要咗壽司醋飯底，一食落口，我就問，呢個係壽司醋飯？ 答案是的！ 但 ... 冇醋味，飯粒一舊舊的，口感奇怪，最後只能食咗啲 topping 就算，啲飯真係食唔落口！ 另外，個飯面舖滿沙律醬，與 menu 亦不相符，本人是不食沙律醬的，但詢問店員時，男店員態度十分不禮貌。沒有服務，食物沒有質素，此店不會再回頭！ …查看更多

見到呢度咁多好評，放工經過 MetroPlaza 就特登搵佢嚟試吓，買咗呢度好多人推介嘅普洱珍珠奶茶。 點知難飲到不得了，成杯嘢冇茶味，冇奶味，珍珠又冇甜味。 真心唔明點解咁多人讚！！ 結論：難飲！冇下次！…查看更多

於 OR 搵素菜館時搵到呢一間，見評語不俗, 餐廳位於尖沙咀樓上舖，地點又方便，就即刻訂了檯。用餐當晚是初一，全場滿座，亦是意料中事，每檯限用餐時間 1.5 小時，在香港的營商環境，亦諒解。我倆叫了此店出名的片皮鴨，時令的羊腩煲，一個蝴蝶蝦和一碗冬蔭功金邊粉。滿心期待 .. 但，冬蔭功？ 此店廚師究竟有冇食過冬蔭功？ 我只食到一碗有酸味嘅粉，顔色和味道都不是那回事呀！食到成頭黑人問號！！第二味上的是羊腩煲，小小一煲索價 $198，但用上大量平價的笋墊底，汁底帶甜，不是我杯茶，配上的腐乳醬，顏色怪異，食落甜味很重，明顯不是天然味道，食到最後有 “喇” 脷的感覺。第三味是蝴蝶蝦，只是炸過的蒟蒻，沒甚麼好評價，但配上的醬料亦是顔色怪怪的。最後就是最多好評的片皮鴨，但食落味道一般，只算合格。整餐飯的體驗，味道一般，有些甚至 below average ，不明為何有咁多個 “讚”！服務：好 👍🏻店內裝飾：好 👍🏻味道：平均 -> 差 👎🏻價錢：性價比低 👎🏻最後兩人只用了 45 分鐘就完成用餐，埋單離開，時間比起去大家樂還短，但性價比還比大家樂要差。此店不會再回頭。有感而發，一間餐廳最重要的甚麼？ 究竟是食物的味道，還是餐廳的裝潢？…查看更多

今天在附近上堂，午餐時段周圍搵食，見店內光猛闊落，就試這間吧！ 店員推介午餐 menu, 但不合口味，故自選。湯底選了港式胡麻酸菜湯，選了兩餸，魚片頭 + 流心炸蛋。米線上枱，只見一份流心蛋原來只有一只蛋。食落湯底完全冇味，冇酸菜味，食到差不多食完才有少少辣味，好像溝了水一般。魚片頭冇魚味，口感偏硬，所謂流心炸蛋，冇流心。配菜又少，整碗米線視覺味覺嗅覺都欠奉。跟餐的飲品更是敗筆，叫了柚子蜜，到食完米線催店員才奉上，一望，點解有檸檬嘅？ 柚子蜜喎？ 飲落冇柚子味，冇檸檬味，整杯飲品都是冇味的！ 😔😔這樣的質素，收 $56，性價比會否太低了點？ 難怪南記和譚仔和三哥到現在都始終有一定嘅捧場客。…查看更多

星期六往中環取驗血報告，便計劃順路去陸羽茶室午餐，途中致電想訂檯，被告知沒有訂檯服務，只得 walk-in。抵達後門口知客指示我們上二樓，一上到去，沒人理我倆，逐主動找服務員，服務員眼尾都冇看我們一眼，是是但但叫我倆坐樓梯口隔離的檯，坐下時發覺面對一條出菜的冷巷，很影響胃口呀！眼見很多吉檯，問可否轉坐其他檯，得到的答覆是早已被 “預訂”😨。又話冇得訂檯嘅？？？？ 第二位服務員暗示那些檯是留給 “熟客” 的！！！！ 哦，明白了。。 😔太耐冇得去澳門食嘢，好掛住六棉的杏汁豬肺湯，故試試陸羽的又如何？另外叫了一碟炒河，三個點心。 雞球大包完全不是我想像的，我想要的是蓮香樓那種，而陸羽的是將材料搞勻成一團料放入包中 🙄。 河粉一般般，沒啥特別；杏汁豬肺湯算是整餐飯中最好的，但未算真材實料，相對澳門六棉，我仍然鍾情六棉。服務一般般，食物味道一般般，“陸羽” 這個曾經的高檔品牌，似乎已掉落凡間！…查看更多

還有不到一星期，大榮華便會光榮結業了，趕忙與男友來作最後的光顧。最後一星期，沒有電話訂座服務，只接受 walk-in，用餐時間亦只限 1.5 小時，但老顧客應該沒有甚麼不滿，因大家都會想讓同好都有機會與老闆講句再見。是晚叫了大青斑兩食，半隻雞，當然不能少的是馬拉糕和豬油撈飯。餸菜大大碟，豬油撈飯一貫的對胃口。老闆滿場飛與顧客拍照留念。員工照舊勤快好招呼。食的是一種回憶，是店東與人客的連繫。希望將來有機會，各老牌子的食肆都可再捲土從來。…查看更多

早上打完風，中午又冇乜胃口，諗住食碗譚仔刺激一吓味蕾。公司附近有呢間譚仔，直接行去點餐，見到門口期間限定推介「濃汁豬軟骨寬麵」，迷頭迷腦就去點呢個，阿姐問我要幾辣，我話十小，點知佢話最少都有三小，建議我轉湯底，就聽佢講轉咗個湖南酸辣湯底，就中咗伏。外賣攞返公司食，湯少，餸少，果兩件豆卜硬到呢，送咗一條蟹柳，完全冇味兼口感差，三小件豬軟骨，還可以，起碼夠軟身同軟骨部位唔太硬，但果碗寬麵 ... 完全唔好食，望落似河粉，咬落徧硬，但最主要係口感好差，糊口的😖😖。湯底酸還酸辣還辣，好似夾唔埋咁。我不嬲都好環保，好少食剩嘢，但呢碗麵最後掉咗半碗，真心食唔落。…查看更多

平時經過，見到這裡有兩餸飯賣，今天在附近買完生果，就幫襯一吓。買了一個泰式豬扒+咖哩薯仔雞兩餸飯。負責夾餸裝飯的師奶員工態度悔氣，第一感覺已不好。回到公司打開飯盒時整個外賣袋都沾上咖哩汁，感覺好差，而薯仔雞內薯仔的比例太多，個汁冇乜咖哩味，準確些說應該是全個餸都冇乜味。 泰式豬扒味道正常，但肉質很硬很乾，size 大約半個手掌大一件，但三件都附好大條骨。$36 一個兩餸飯，價錢不貴，但態度 + 味道都 👎🏻👎🏻；附近太安樓都有兩三間兩餸飯舖頭，態度和味道都比呢間權發好，所以呢間應該不會再幫襯了！…查看更多

十幾年前在九龍灣其士商業中心返工, 成日過嚟 Sidewalk 食 lunch, 當年食物徧貴, 但質素和環境都值。今日咁啱經過, 想回憶一吓舊時, 坐低食個下午茶, 食物質素一般, 但環境嘈到成個街市咁。感覺像入了高級少少的茶餐廳, 但絕對唔係西餐廳囉 。不會再嚟! …查看更多

初一十五茹素這習慣已經有十多年, 男友亦會陪我一起每月兩天 "無肉食"。 記得此店初開時, 門口人龍一直沒有減退過, 亦令我卻步。今天有勞男友打來訂座, 亦讓我有機會初嘗。準時六點抵達, 兩小時的用餐時間 $108 一位沒有加一服務費, 先付款後用膳; 杯碟碗筷用完後自行清走放進清潔大盤。 大部份客人都懂得響應環保, 由始至終只用一碟一碗一筷。餐廳裝修用色低調, 西式設計很舒服, 食物種類算多, 兩小時的用餐時間絕對足夠食飽及試勻每種食物。最深刻的有兩樣 : 泰式肉末生菜包, 嗜辣的吃得過癮, 但耳聽很多長者說太辣了, 他們不是想浪費食物但有可能真的不能嚥下, 建議店方可調較一下辣度。另外就是甜品 "拔絲", 但可惜糖絲煮得過火, 眼看已覺火色較深, 取來試味, 糖已變苦, 稍為失望, 只可用來拍照呃 like 。另看到有些客人, 不論三數位或一大夥, 習慣取來十碟八碟一起享用, 另每人又加一個用餐碟, 如此一來, 餐飲用具用多了會增加清洗資源, 另外亦對其他客人取食物的機會有不公; 其實茹素除了減肥, 除了健康, 亦應有其他更深的理念, 希望各位在口福中善待眾生時, 亦在其他態度/心態上善待其他眾生。…查看更多

過年到而家都是食中菜, 心思思想食西餐。今天難得男友放假, 剪完髮後相約到此試試它的 set lunch, 滿意的話再來試它的晚餐。一時許來到, 因為餐廳面積大的關係, 很多座位, 不用等位, 直接入座。餐廳昏暗的燈光很有情調。Lunch set 由 $59 起至 $109。男友叫了炭烤肉眼, 我叫了雞扒。食物質素不過不失, 沒有令人驚喜的感覺。隨餐附送的墨西哥脆片尤其令人失望, 食落滿口油膩感, 像用千年油翻炸再翻炸再翻炸 。反而洋蔥圈很好吃, 夠熱亦夠香。食物質素以外, 反而引起我興趣的是職員對突發事件的應變態度。進食期間, 我對面的一檯五位客人, 因送餐職員的疏忽, 打翻了桌上的水樽, 導致檯面地下全濕了。但眼看職員只草草抹了一把, 整頓用餐時間, 坐重災區位置的那位客人, 一雙皮鞋就這樣浸在水灘中。其實職員是否可以做多少少? 整個用餐時段, 我看到的都是一張張目無表情, 聲調冷漠的機械人型侍應。再加上今次平平無奇的食物質素, 應該不會再幫襯第二次了。…查看更多

在 Openrice Macau 找到這間小舖, 蔥花蛋腸美麗的色澤絕對 eye catching。剛好今次酒店在十六浦對面, 退房後向沙梨頭方向走, 很快便到。舖頭面積不大, 賣的不是花巧的裝修, 是食物的味道。叫來蔥花蛋腸, 看到店主利落的手勢, 是食味以外的另一種享受。蔥花蛋腸口感較香港腸粉較軟較黏, 蛋味亦不算濃, 但色澤鮮明亮麗, 加上醬料, 滑進喉頭, thumbs up! 再試粟米魚滑腸, 餡料不算多, 魚味亦不算濃, 但主角是腸粉本身, 亦不會計較太多。粥品我們叫了鮮牛肉粥及豬骨粥, 兩者之間較推薦豬骨粥, 粥底有一種香味。以後再住十六浦那區一定會再訪。…查看更多

食物質素並不好，與 Hungry Korean 般快餐並沒兩樣。但起碼 Hungry Korean 服務態度比它高幾班。前後幫襯過三次午膳，因每次會派一張 $10 現金劵才再作幫襯。今次在公司拿錯了晚市用的折扣劵當午餐劵用，因劵的背面大大隻字體寫住午市，沒為意下拿著此劵幫襯，埋單時女侍應未能入機，求救於一比較高級的男職員，此男用沒有感情的語調叫我比 $60.5。 我向他解釋現金劵背面寫住午市，我只是拿錯出來。對方冷冰冰的說：背面係寫午市，前面有寫晚市八折，咁妳有午市果張就攞出嚟，冇就 $60.5 喇。 其實入不到機我明白他亦無能為力，但對方的態度好像我用來搏大霧般。不去想想他們印刷上是否有誤導？ 這樣的待客態度真令人大開眼界。此店我亦永不會再幫襯。…查看更多

叫了大家都推介的 (1) 奶茶紅豆冰 - 坦白說真的沒有甚麼特別, 除了紅豆真的煮得很稔外, 我覺得根本兩件事係溝唔埋的, 硬將兩種東西放在一起, 喝下去都只是兩件事, 完全感受不到盧覓雪在鏡頭前那種享受的感覺; (2) 豬扒蛋飯 - 很好吃, 豬扒雖然很薄, 但很香口, 亦很入味; (3) 雪菜肉絲(炒)米粉 - 結果來了雪菜肉絲(湯)米粉, 向落單的女士clarify 時, 她說單是落了(湯)米, 我說我們是要(炒)米, 她聽錯了, 她一句 "得" 埋來, 星期六是沒有(炒)米供應的, 你們沒有看牌的嗎? 跟著就轉身走開, 我看著那碗來錯了的(湯)米, 請原諒我脾氣硬, 我決定不會掂它, 結果要勞煩"就得人" 的男友全嚥下. 當情緒完全受到破壞時, 味蕾亦受到影響, 只想儘快逃離這 "貼錢買難受" 的地方. 怪只怪我只是普通客人一名, 如果我是蔡瀾的話, 就不會盛興而來, 敗興而返. 幸好還有 Peter Wong 的 cake 可安慰一下趺落谷底的情緒.…查看更多