Ken_Gor的个人专页

有時候返工太忙太大壓力都想放鬆下自己有啲人會選擇搵朋友出黎吹水食飯但我放鬆自己既方式就係自己一個人搵間餐廳食好少少，坐低冥想下或者睇下書去減壓今次我就近近地搵左公司附近既初味Lunch黎過幾次，晚市都係第一次黎大腦話俾我聽想食下肉，仲要係牛肉於是就order左一份西冷同埋生蠔去慰勞下自己，另外再加多杯紅酒西冷肉質唔錯，生熟程度如我預期般啱啱好生蠔係新鮮來貨，甘甜鮮味有齊哂，好滿足今晚佢地晚市都算幾多人，斯文客居多，幸好無難以受控既小朋友在場，可以寧靜舒適咁享受下我既晚餐。…查看更多

係附近辦完正經事見有點肚餓但時間唔多充裕，見到有間潮發入面仲有位，就入去坐低食個快飯啦今日胃口唔太想食雲吞麵個類，就叫左我都幾鐘意食既柱侯牛腩飯多數牛腩飯都係跟白蘿蔔，呢度就唔同啲，佢跟幾條菜心牛腩份量都幾多，每一件都幾大舊肥瘦比例大概係4:6，對我黎講啱啱好，肥瘦適中汁底帶少少陳皮香味，牛腩痴住少少牛筋，食落有少少黏口，唔係硬身個種，證明佢煮得幾淋，我就最鐘意呢種質感成碗牛腩送飯一流，又夠哂飽肚，唔錯唔錯…查看更多

今日呢工作壓力大，所以要通過食好多嘢嚟安撫焦慮嘅心情。所以就算一個人都叫咗好多嘢食，西班牙黑毛豬火腿配哈密瓜：呢個前菜食得好滿足，西班牙黑毛豬火腿嘅鹹香濃郁同哈密瓜嘅清甜甘香相配合，營造出一種平衡嘅味道。好似心情也似乎平穩了一些。流心水牛芝士配法國雜茄：一向都愛芝士，無論咩種類都喜愛。呢隻水牛芝士口感綿滑，味道濃郁，配上法國嘅番茄，為濃郁嘅芝士增加一點清新感。意式蜆肉墨汁闊麵：闊麵煮得口感啱啱好，唔會太韌，亦唔會煮得太淋。墨汁特有嘅鹹香，配上蜆肉嘅鮮甜都幾夾。一個人食完呢餐飯，心情好似稍微平靜返。呢間西餐質素都做得幾好，環境都幾安靜，下次可以帶埋朋友再嚟食。…查看更多

去完element睇戲行返出去搵嘢食，沿著寶靈街一邊行一邊睇下有咩係餐廳醫肚啦。寶靈街其實都有D餐廳，不過唔係唔啱口味，就係要排隊，所以轉入上海街搵食啦。沿路係經過小籠家族，見到有位，上網search到餐牌價錢又合理，馬上入去啦。平時食上海菜都係食醉雞，今次轉下口味，點咗口水雞。雞肉唔鞋，雞皮滑溜又唔帶肥膏，皮都可以食埋。靈魂口水汁辣得嚟唔算好麻，啱我口味。涼拌茄子味道正常，汁醬開胃小籠包係上海菜主打，點到要叫嚟食嘅。外皮唔算過厚，$36有4隻，性價比都唔錯啦鍋貼幾好食，最愛係個脆皮，好多地方煎得唔好，個底係淋嘅share咗個擔擔麵之後就好飽啦，都食唔到甜品，下次先試啦…查看更多

天氣涼咗就想食雞煲，阿妹問我食邊間好，一諗邊度有好味雞煲就醒起回到未來啦。我食過1次，記得係好食仲要唔貴幾抵食，阿妹未食過就決定同佢去食呢間。上次食最貴嘅set係包埋任食串燒海鮮，其實係食唔到咁多嘢，所以唔須要點最貴嘅set。平D嘅套餐都有串燒食，只係無海鮮，其實都一樣係食到好飽，$188套餐性價比更高。去到就梗係食辣嘅雞煲啦，佢招牌係惡魔雞煲，不過我地做唔到大魔頭啦，食唔到咁辣。雞煲嚟到煮一陣就香氣四溢，雞肉又唔會老，好好食，keep到水準。打邊爐食埋牛肉加少少配料再加幾串串燒已經好飽，唔選擇最貴嘅餐真係明智之舉呀。…查看更多