冬天的冬兒的个人专页

每逢冬天倍思東東呀 東京個東 係香港食炸物正既地方唔係太多 但我敢寫包單呢間tonkachi會係其中一間 炸豬排同大蝦最好味係係新宿高島屋最高個層既炸物係十分好味 好味因爲行左成日街好攰既時候有熱騰騰既飯配脆卜卜既炸物係會有助舒緩疲勞 而呢間tonkachi都有異曲同工之妙 點解？ 因為係隔離_ _ 城行到攰到死 食番d邪惡野就最好啦 ！ 今次食既seto 係二人餐 有刺身沙律炸物湯 甜品同飲品 肯定係會捧住個肚走 仲十分開心 頭盤有唔同款既刺身 仲有小砵 開胃一流再黎就係晚上既高潮之時點解？因為啖啖肉 配清爽椰菜絲 係一種口腔上既享受 豬排醬加自磨芝麻又香又balance 日本米煮成既米飯更加粒粒分明 好咬口 但成個餐兩個人食係真係有d full 所以建議同個大胃王一齊食先最過癮😆😆😆…查看更多

今日放左工就同男友一時興起之撐下枱腳 先去黃金行下電腦野 。再接下來就係去醫肚喇！ 男朋友話要帶我去試下d新野喎。。行左成十幾分鐘先去到間餐廳 :( （最後我發現左其實有路係近好多） 一入到去 餐廳係勁驚喜！ 有old school 音樂 又有old school 裝飾 真係好似去左80年代咁！講番食物 芝士麵係略略唔夠汁 但味道係okay既 ！ 蜜焦薯仔牛肉有驚喜 整個飯都好好味 最後係個蝦多士！ 蝦膠成吋厚！仲炸到脆卜卜 十分滋味！最後係個飲品 我地一pair人飲左一pair飛仔飛女 有cream係上面之餘仲有脆粒 非常非常之飽 ！ 其實有少少甜 唔係好甜既人士留意番anyway ， 食飽飽就搭車番歸 亦都比呢間茶記一個like 有heart味道都好好 會去再食…查看更多

見到網上面咁多人吹捧呢個村爺爺雞包翅泡飯 咁到咁抵食咁正 作為為食妹既我當然想去試下啦 利用左有兩個鐘食飯時間就即刻仆過去食啦 12:10已經有人係到排隊喇！ 但本住一定要食到既心情所以都排左一陣隊 入到去被安排左係一個放貨既地方到坐（有塵飛來飛去） 同事嘴角都開始向下揚 但係有雞煲翅喎 忍一忍啦 等左五六分鐘之後終於可以點餐啦 ， 雞。煲。翅。竟。然。賣。哂。 咁冇計架 都排左咁耐隊喇唔同走咩 所以就是但點左個龍蝦湯飯 同事就點左個芷芎魚頭湯配飯啦 。。 之後再等多左十五分鐘鐘 問左幾次之後終於都上菜喇 但奈於實在太肚餓所以相都冇影張就開左餐了 。。 龍蝦湯味比較淺 得個咸味 而我同事就中哂伏了 。 個魚頭湯腥架😭😭😭 好腥個隻 😭😭😭 所以我地食完d白飯就非常失望而回了…查看更多

正所謂朋友係要見既！所以我地就約定左放工之後去食下好野 ， 而今日呢三條肥妹仔就去左食一餐法國餐 。 呢間餐廳係冇menu 既 唯一比你揀就係幾成熟😳 咁諗好飲咩之後呢 就會有沙律送上 係有野莓同合桃 食起上黎酸妹妹 非常開胃 而我地都繼續一路講一路笑到成間餐廳都聽到喇 食完個沙律 好快就上主菜 牛扒喇！個陣肉味好濃同好香 如果食7成仲燶邊tim😜😜 好正成件事 食食下 肥妹朋友就同我地講話佢最近join左個妹貴既facial course 佢話 「個肥唔緊要架 最緊要就係個人靚 咁先有美 肥美肥美咪咁黎囉！」 而我地都非常buy 呢點 ，笑到收唔到聲 所以今晚既肥美club 就誕生左喇 ！ 為左我地又肥又靚既女人舉杯🍻同埋再舉手加薯條🍟 因爲薯條係任食架 幼薯條黎 不過都炸得幾香脆最後食飽正餐 當然要食甜品架啦 而法國咁出名甜品 我地肥美club又點會唔食丫😋😋 照舊佢都係冇menu 但就有一架好似人咁高既甜品車推到你面前 加上店員落力介紹 我就叫左個蘋果批同店員推介最出名既拿破崙 拿破崙就好似陣風咁但勁脆 法式蘋果批黎講就清甜得黎帶少少焦糖味 配上vanilla sauce係一絕食完就捧住個肚走喇 肥美club既活動就完滿結束喇！！…查看更多

你地有冇試過 有開心既事 食飯係食得特別起勁？ 今次就係我其中一次。話說今次食飯係朋友宣布佢訂婚既一個晚餐 少不免show off 下佢隻訂婚介指粒石有幾大粒 求婚畫面有幾唔浪漫 男朋友有幾笨手笨腳咁啦 話哂要講呢d咁開心既野 一個舒適既環境都好重要既 所以我地揀左呢間dan Ryan 黎做我地既晚餐場地 坐得舒服d丫嘛首先一行三個收工飢餓嘅女人要黎個頭盆先 有招牌水牛城雞翼伴blue cheese醬 薯皮 同蔬果棒 之後主菜係 porkrib配烤雞 同lasagna 個rib係入口即化個隻 烤雞既BBQ 醬都好有味道💃🏿 其實係食唔落個lasagna 所以打包左但係你知啦 甜品係女人第二個胃黎架ma 所以我地都堅持叫咗個甜品🍮 可算係飽上加飽食完就捧住個肚帶着甜蜜離場lu 哈哈😄…查看更多

鍾意美食既人 除左煮得一身好菜 或去高級食府食野之外 地道既美食都係非常之吸引 係外國耐左既人 久唔久都係掛住一樣野 而呢一樣野就係 魚。蛋。粉。彈牙爽口既魚多配上生麵個種梘水味 夾得黎之外 仲好令人回味 今日我就同我既為食同事突登黎到呢間老字號長發黎食一下撈麵 我點左一個五香牛肚配雲吞撈粗 加支可樂 呢個配搭唔錯 可能你覺得唔係好大碟咋wor 你錯了 梘水粗麵撈上鵝油豉油既滋味係形容唔到 個種地道既味道你唔會係第二到食到！ 加上一支懷舊玻璃支裝可樂個一啖落到肚 ， 「嗝～～～～～」 個下既滿足感 係幸福爆棚 雖然佢係大排擋既格局 我覺得唔太怕污糟既你 絕對可以黎試下呢種幸福既滋味 ps 佢既魚蛋係手打架 有興趣食手打魚蛋既朋友都可以點黎食 最後提提 想食多兩樣餸既朋友 可以叫浄餸配豉油皇撈麵 咁又可以飽d又食多d喇…查看更多

每逢有d咩大節日（新年呀 咩節乜節）或者突然feeling fancy 我地都好鍾意黎呢一間ouioui食飯 細細既一間鋪但就有藍帶廚房既水準 的確係一個開餐既好選擇 ！適逢今日情人節正日 我同我既好同事就黎到呢度撐枱腳喇 一坐低一陣已經滿左場喇 睇黎情人節呢個節日係幾重要！係呢到既餐點選擇唔會好似出面大型餐廳咁多野揀但佢係好正地會有每日special 務求比你食到當日最好既食材！ 所以不防問吓店員嗰日有咩好味呀老細會好樂意答你 今日我呢個港女食既係海鮮crepes 有帶子同埋大隻鮮蝦 我既港女同事就食all day breakfast 兩樣都非常之足料同新鮮 鮮蝦夠彈牙 帶子又夠香 鍾意食呢種餐既人可以試下！另外佢既龍蝦意粉都十分之正 都可以試下！…查看更多

事關眾朋友最近都係到討論呢個大陸喜茶 因佢既水果茶同奶蓋都係打卡之選！ 而我呢個冇時間上東門但都好想試下呢個咁熱門既飲品既人就黎左呢間聽講係扮喜茶既喜茶黎試下味 因為本人係十分之喜歡街頭個間台灣奶茶店個個瑪奇朵奶蓋 所以今次都要貫徹始終咁嘗試一下佢既奶蓋 ！ 非常次欣賞佢呢個有芝士咸香味既奶蓋 仲要好濃好厚 物一啖仲會成嘴都係奶蓋！ 男朋友個杯朱古力就係重口味之選 朱古力既濃配奶蓋既厚 真係膩到十足 重口味人必試 我就淡淡地叫左個烏龍茶 茶味唔係十分出眾 但都有清香 奶蓋都係要比個like佢！下次就可以去試下佢既果茶係唔係真係咁好飲先（首先前提係我要飲厭奶蓋先） 所以都要一段時間。。 同埋店面比較窄 所以拎到一袋二袋就叫朋友入去買好d！…查看更多

唔知你地既童年係屬於咩味道呢？ 而我既童年最開心就係同屋企人去太平館食乳鴿 瑞士雞翼同梳乎厘 ！ 而今日就襯早早地仲未好多人排隊揀左呢間老牌子西餐廳 太平館 入到餐廳 個一陣懷舊味簡直係湧埋黎 無論餐具 裝潢 都係十年如一日 我都可算係由d 侍應由哥哥變到做叔叔 ！ 細個總係一班屋企人食 所以就會有多d款式食 但今日呢 得兩個人所以就叫左呢個 瑞士雞翼餐！ 有一個呠酒豬扒飯 瑞士雞翼 同餐飲 因為我同朋友都想食甜品所以就冇叫太多主飯 個呠酒豬扒飯既豬扒係用左麵包糠炸成既 所以食起上黎都比較脆口 再加上呠酒汁配飯 個口感都非常之豐富 而個瑞士雞翼都係保持十年如一日既味道 雞翼浸到脹卜卜 啖啖肉最後唔少得我地既重頭戲 梳乎厘 以前細個侍應哥哥會淋上冧酒再點火 但而家可能係安全問題 所以冇做到啦 但拎到出黎都仲係全場注目 因為個size都幾大下 食起上黎仲係蛋味空氣感十足 四個人share都係幾夠 童年味道唔係成日都食到 所以間唔時黎下呢度食飯都係十分之回味😋😋😋…查看更多

為左食，你可以有幾盡？ 我就盡地一煲 請左個假食左個semi-buffet lunch 因為生日既關係 生日飯既約會係一個接一個 但係屋企人請既 當然要食番d 靚野 所以我地就揀左呢到既lunch黎造我生日喇 一個semi-buffet 最緊要既係有一個靚既生蠔bar 沙律bar 同ham section 。 而呢一度 係有齊哂 ， 雖然佢唔係有好多選擇 但絕對講得上黎係貴精不貴多既 生蠔係新鮮開 ham 同煙三文魚都有幾款比我選擇 而我係呢part係非常滿意講完個buffet 就要講講個主菜 因為你以為得buffet好味咩？ 唔係囉 ， 佢既主菜都係十分吸引 。 就好似我呢兩款為例 煎牛柳 同海魚 都係好好味 （只係有一點可惜我同我爸爸既5成熟3成熟調轉左所以我食唔到3成熟之外） 所以擺盤賣相都令我滿意 最後semibuffet 都可以選擇一款甜品 所以我地兩款都揀左 有brownie同 wild berries既蛋糕 🍰 但我地已經飽到食唔哂 食左一啖好rich既brownie就停左手了 呢個午餐可謂飽到上心口 物有所值！…查看更多

每一年既生日我既姊妹都會同我食餐靚靚既生日飯 今年都唔例外 佢一早就book左去呢間海港城新翼既呢一間意大利餐廳 papermoon 🌝🌚環境係唔洗講 真係贏哂 完全既維多利亞港陪你食呢餐飯 但若果係window seat會更perfect ！講番食物先 意大利人主理既餐廳 食既野的確係okay既 點完食物會送一個麵包籃 配意大利醋加橄欖油食 先番一個前菜先 我地點左一款似tapas既野 茄汁八爪魚配小米糕 暖暖地 茄汁同小米糕幾夾 不過對兩人既前菜黎講 係大份左少少既之後係一個佢地最推薦食以佢地為名既一個意粉 pappardelle papermoon 咸香既煙肉配上粉紅醬汁 ，香濃得黎唔係太膩 再黎一個halibut with spinach 比目魚佐菠菜 因為我地兩個諗食完個pasta 都驚食唔落牛扒呀個d大舊肉 所以點左個魚 條魚估唔到係咁滑同香 好快我地就食哂 其實食完呢d野都飽哂 不過我個姊妹死都話要食個甜品 死死地氣叫左個清清地既蘋果批 點知.... 原來佢一早叫餐廳寫個生日message🌹太開心之後我地仲拎埋飲品出左去佢地既cocktail area 望下靚維港傾下心事咁❤️❤️ 好滿足…查看更多