~Darkcat~的个人专页

今日放假瞓到日上三竿先起身去食飯。本來想是但搵間餐廳食，但係撞正午餐時段周圍都要等位剛好經過唐源見到佢bar枱仲有位，之前又一直想試，可惜次次都多人就無試過，今日終於有機會啦我叫咗個午餐，前菜要南瓜配慢煮雞胸沙律，主菜係紅鰹魚柳伴意式茄乾，蘑菇馬鈴薯丸子，再加$30要咗個甜品，藍莓紅絲絨蛋糕同加$10要咗杯凍朱古力咖啡首先前菜，南瓜配慢煮雞胸沙律。賣相很好睇落好有食慾感味道唔錯，但係雞胸個人覺得唔得，口感有啲似生肉同埋有啲難咬開，所以五星滿分我俾三星。主菜紅鰹魚柳伴意式茄乾，蘑菇馬鈴薯丸子。不得不說，佢哋擺盤賣相真係做得幾靚食落去同前菜一樣，哈哈，主角紅鰹魚扣分，魚無味，但係其他配菜做得出色，味道很好凍朱古力咖啡，除咗咖啡有嘅苦味，完全唔覺有朱古力味而且亦無咖啡香。失敗之作最後甜品，成個餐最好食係佢藍莓紅絲絨蛋糕，唔會好甜，味道剛剛好，又有少少藍莓粒埋單$152，性價比一般題外話，我一起身就出咗唻食咗呢一餐，個人腸胃有些少過敏(食生冷野無問題架)，少少唔乾淨都肚痛。食完唔夠半個鐘就搞肚。呢餐之前之後無食過其他嘢，唔知同呢餐有冇關係。又可能係我個人問題，不過唔會再嚟食了…查看更多

好耐無同老朋友食飯，今日聚下舊，簡咗去九龍城食泰國菜我哋叫咗生蝦刺身、酸辣去骨鳳爪、蛋網海鮮金邊粉、芒果糯米飯、椰汁西米糕再加兩個椰青首先講下生蝦刺身先，生蝦好新鮮朋友覺得好好食，我個人就覺得無驚喜。原因係我稍嫌個汁唔夠辣，我比較喜歡辣啲嘅。然後酸辣鳳爪我就覺得好正好驚喜因為好夠辣蛋網海鮮金邊粉好足料一整開塊蛋就見到海鮮，成個粉都超多海鮮有魷魚有青口好足料又係一個意外驚喜食完前菜主菜當然食番個泰國菜必食嘅芒果糯米飯啦仲有椰汁糕甜品ok不過不失。椰青好清甜，靚椰青餐廳環境ok，都好多人去食，好在我哋早，6點多已經去到，7點開始多人。至於服務員有待改善，我哋入到去行到收銀櫃檯叫咗5、6次，侍應先有反應…查看更多

今日下午路經新達廣場就順便去食個午餐，見近近地唔想周圍行又見到八番屋有位就走咗入去食。剛好轉餐牌就試下下午茶餐我叫咗個迷你三色丼飯+餃子配即磨咖啡，男朋友點咗個鯖魚定食配即磨咖啡，另外再叫咗個炸蝦小食即磨咖啡好淡失望小食炸蝦好脆不過蝦肉非常之瘦小鯖魚定食做得幾好唔會有腥味三色丼同餃子普普通通。整體食物ok，算抵食。係咖啡唔多掂至於服務員，收銀員好有禮貌，見我哋想起身埋單，佢又抹緊抬即刻會同我哋講唔好意思，稍等佢一陣。有留意客人，值得讚佢…查看更多

剛剛睇到啲相先發現之前忘了寫下呢間泰國菜嘅食評，真心覺得好食，所以必須補返個食評先同3個朋友一齊食晚餐，有一個提議去上環呢間泰國館，佢話食過好正，特別係甜品。於是乎今次聚餐就決定食泰菜了Samesen 係無得訂枱嘅，全部walk in，晚市6點開門，未到6點已有人在門口排隊。入到入面環境都唔錯，感覺舒服我哋叫咗沙嗲雞串燒、泰北肉碎生菜包、炒泰國通菜、特式姜黃咖哩虎蝦加薄餅、泰式火車炒飯配和牛、芒果糯米飯、泰式街頭椰子雪糕、鮮製泰式飛餅配朱古力醬&煉奶。飲品就叫咗3杯芒果熱情果，一杯椰子沙嗲雞串燒同肉碎生菜包我個人覺得普普通通，無特別。炒泰國通菜唔會食落油淋淋，有少少辣，好食泰式火車炒飯配和牛，我個人就好鍾意因為我比較喜歡辣少少嘅姜黃咖哩虎蝦配薄餅，個薄餅就咁食唔點咖哩都好正椰子雪糕呢個必食強烈推介好香椰子味再配粟米，意外地好夾呢個真心一定要試泰式飛餅都好正，但係好飽肚，所以要試呢個甜品的話就前面唔好食太多另外飲品都好好味。呢間泰國菜值得encore …查看更多

今日即興5個人約一齊食晚飯吹下水簡咗間大排檔，坐outside 嘅一共叫咗7樣嘢，豉油王鵝腸、椒鹽豆腐、豉椒炒蜆、沙薑雞腳、小炒王、椒鹽九肚魚仲叫咗十幾支啤酒因為嗰度有骰盅玩玩到影少咗兩張食物相講返食物先食物質素唔錯，性價比高沙薑雞腳必食。鵝腸同都好好食椒鹽豆腐如果椒鹽味再濃啲就更好。炒蜆整得好好，唔會食到有沙。好多地方都食到有沙，呢間無小炒王不過不失。7樣食物係得椒鹽九肚魚覺得普普通通，太一般。整體食物質素性價比高光頭經理好nice又搞笑會再唻…查看更多

今日落咗葵芳去睇戲，睇戲之前去飲返杯咖啡先我都好耐無落過葵芳，所以都好耐無唻過呢間Starbucks 。以前落親唻幾乎都會去。因為呢間Starbucks 有outside 坐，我個人係比較鍾意坐outside 嘅呢間分店，換過幾次職員，幾次都係一樣好有禮貌。服務態度係我去過咁多間最好，所以係其中一個我比較喜歡唻嘅原因講返食物先今日點咗杯新飲品，烤杏仁鮮奶咖啡星冰樂，然後再叫咗個藍莓士干餅佢哋嘅藍莓士干餅比起其他公司好抵食，好大件而且價錢唔貴大件夾抵食係其中一款我鍾意叫嘅食物味道ok至於烤杏仁鮮奶咖啡星冰樂，好飲呀哎，因為跟住去睇戲，所以只點咗杯大杯裝到喉唔到肺了要特大杯裝先夠滿足甜度剛剛好，帶有淡淡杏仁味，正會再買唻飲…查看更多

今日放假去咗屋企附近cafe食早餐。呢間82之前已經打算試下，咁啱見到有位就走入去試下入到去坐低我就簡咗個早餐Set B同一杯凍MochaSet B有英式腸、炒蛋、火腿、煙肉、茄汁豆、丹麥多士同沙律菜。味道不過不失，無驚喜。但係就好油。。或者係我個人喜好啦，我真係覺得好油食完火腿已經滿嘴油，隻碟都見到油同埋有啲燶咗嘅黑色嘢喺度至於杯mocha都ok嘅，普通咖啡一杯。無咩特別。服務ok，係個場細咗啲，空間比較狹窄…查看更多

每月我都會同一班朋友聚餐。今次係我負責訂座。有朋友話想食燒肉。所以我訂咗安平首先講下訂坐問題，佢哋係無電話訂枱嘅。除咗上佢哋網頁之外就係open rice訂。但係好奇怪，佢哋網訂就多啲時間俾你選擇，open rice就唔係全部時間都有最最麻煩係佢哋訂枱最多只可以訂6人，如要6人以上，必須用2個電話號碼分開訂再喺社交平台messenger找佢哋安排坐附近，呢樣非常唔方便去到服務員同我哋講如果想一齊一張枱嘅話可以開間房，但係最低消費3千蚊，諗都唔駛諗，我哋要咗間房朋友點咗好多食物，因為佢哋每一碟份量都好少。咁樣都好，可以試多幾款又避免浪費食物佢哋嘅食物唔錯，係間房冷氣唔夠，熱咗少少。整體除咗訂枱嗰度非常麻煩之外，服務同食物都ok仲可以即時入會做會員，埋單有9折食物質素係好的，特別係牛肉，幾款牛肉都好食。極黑牛同牛柳粒都加點再3次。…查看更多

之前已經想試呢間金鶴拉麵，曾經訂過旺角嗰間，但係搵唔到間舖取消咗。今次訂咗佐敦呢間試我叫咗佢哋新出嘅牛骨湯拉麵配慢煮豚肉叉燒然後再叫咗3個小食。鹽燒雞軟骨、鹽燒雞皮同埋燒雞泡魚乾首先講下碗拉麵，賣相唔錯拉麵軟硬度適中，都幾好食，個湯可以再濃啲。雞軟骨不過不失。雞皮燒得唔夠乾身，稍嫌遜色。至於雞泡魚干，味道唔錯，但係都係燒得唔夠乾身，再朝身啲會好食啲。不過呢啲都係個人口味。整體來講都好食，可以再唻食價錢同出面其他地方比，2款串燒比出面貴少少。其他差唔多。但係入面環境裝修舒適。…查看更多

約咗幾個朋友食晚飯，同其中一個過去晚飯地點中途咁啱經過am.pm。我想試好耐，又咁啱嗰下佢無人排隊就同朋友走咗去買一個試下因為跟住就去食晚餐，所以我哋叫咗一個Share我哋簡咗招牌炎煙布丁梳乎厘+日本3.6牛乳雪糕賣相唔錯梳乎厘面係一層蕉糖。味道一般。仲要唔覺得食緊梳乎厘囉。。梳乎厘內裏應該係好輕似泡沫咁，但係佢唔係，所以佢唔會好似真正嘅梳乎厘咁好快就塌咗落嚟。至於個雪糕，完全唔覺得係用緊日本3.6牛乳因為唔香濃，就普通牛奶雪糕咁綜合以上，我覺得唔值我再俾$60去食:(…查看更多

今日放假出咗去荃灣廣場睇戲，睇戲前食啲嘢，發現原來荃灣廣場有壽司郎，我剩係食過外賣未試過堂食，於是走入去試下。因為剛開門，所以唔駛排隊，無乜人入到去坐低，望落去環境算ok。我左望右望見到前面有綠茶粉有熱水制，有筷子盒同豉油就係唔見有杯同豉油碟最後抬頭發現。。。點解會放頭頂。。職員又無提示，剩係帶我坐低就算。。喺坐位正前方有平板俾你落單，佢哋迴轉帶都有壽司，不過就得三兩碟嗰隻點咗幾份壽司同甜品，我最喜歡食赤蝦同飛魚子，每次食壽司都必點。但係好失望顧住食，隻蝦忘記影相，蝦唔夠新鮮，飛魚子軍艦塊紫菜已淋。呢間分店開10點半，剛開門2、3分鐘我就走入去食。一開門嘅食物已經咁。。。。我之前喺第二間食過外賣覺得ok嘅，一直想試甜品所以先唻堂食。唔知係咪個別分店問題，我之前外賣拎到返屋企都15分鐘以上，比堂食好食好多至於甜品，好多人話好好食，必食。個人覺得ok，無話必食咁誇張。到出去結帳，個收銀員又好似無乜反應，俾個坐位牌俾佢，佢㩒完電腦就報咗價錢見我揸住信用卡就手勢示意我拍卡。然後做自己嘢。佢哋公司應該係電腦連線到卡機，我見卡機一直顯示金額零就同佢講未有價錢啦。佢先拎過嚟望下，點知我呢頭講完，佢拎過嚟望就隔兩三秒有顯示金額。佢就話，有啦，又手勢示意我拍卡。然後交易成功，俾返單我。成個過程就兩句說話，價錢同有啦。望都唔望下個客，禮貌好到唔識講。整體來講，唔會再嚟…查看更多

補返個食評，之前3月份見到介紹話呢間Tiramisu Lab嘅Tiramisu 蛋糕好好食就特登收工走咗出去買我一共買咗3個，一個開心果Tiramisu 一個芒果椰子Tiramisu 一個傳統嘅Tiramisu 椰子芒果買給家人食，佢哋話非常普通無驚喜。我自己食咗2個，1個開心果1個傳統tiramisu ，開心果都係普普通通，開心果味唔夠濃:(至於傳統Tiramisu 就更普普通通了:(上面層可可粉仲要睇相都見到濕晒。唔係話唔好食，不過亦唔係講到咁好食囉:(完全唔值咁貴，試過一次就唔會再試，性價比太低:(…查看更多

難得同家姐一齊放假，即刻一齊同埋阿媽落荃灣西八月花去飲早茶我哋叫咗咸水角、燒汁煎釀三寶、咖哩魷魚蘿蔔、酥脆鮮蝦腸粉同皮蛋瘦肉粥。一共5樣食物。呢間八月花我唻過好多次，一晏多小小就好多人，排哂隊。食物大部分都ok，唔差。我最喜歡叫燒汁煎釀三寶同粥，好食。其他幾款食物屬於中上。另外我喜歡食馬蹄糕同蛋散。不過無落單原因係試過馬蹄糕太油。而蛋散唔鬆化兼無乜糖漿。呢款不見議落單，其他食物都可一試，唔錯環境舒適衛生。唯獨店內人手不足，睇到職員忙到有客入嚟都唔得閒招呼…查看更多

今朝早咗返工，經過見到bake house 剛開門，得兩個客，未有人排隊，即刻衝入去買唻試下我買咗兩樣，一塊Oatmeal Cookie然後再加咗個Apple Danish ，Oatmeal Cookie 都幾大塊下，價值$20，味道同份量都比某專賣曲奇嘅店好值得推介去試至於Apple Danish ，價值$30，相比之下稍嫌遜色。我早上食完塊Cookie食唔落，夜晚變咗做宵夜個包好鬆軟，不過我稍嫌個餡不夠多，少咗啲。如果個陷多返啲會更好食下次有機會，會再試下其他…查看更多

早幾日收工喺屋企附近食晚餐，見呢間品樂冰室經常都好多人食，未試過就走入去試下睇完個餐牌本來想食海南雞飯，點知佢哋油飯賣哂得番白飯，於是乎我就改叫咗個老街微辣炒貴刁試下另外加咗杯凍檸檬水，凍檸檬水糖水落得太多，我喜歡偏甜嘅都覺得甜咗少少。老街微辣炒貴刁賣相還可以，味道一般般，完全唔辣。也許可能係我食得辣吧？埋單一共六十七蚊。整體味道價錢店員服務都算正常。不難食但亦唔係好食。只係一般。不過回家後不久，我就肚唔舒服，肚瀉我全日就喺公司十二點多食過午餐，自己煮的，一直到夜晚八點幾先再食嘢，點解會食完晚餐肚瀉，自己衡量吧…查看更多