話說尋晚情人節同我女朋友去左銅鑼灣，我又大頭蝦冇book位，當然好多地方都爆晒啦！於是我地就周圍搵啦，行行下急急地就去左times 後面間Holiday inn Express 個洗手間，出到來見到有間叫飯廳0既野，佢地個情人節餐係星座，見幾得意有好似幾有心思，於是走去睇下有冇位啦，又好好彩有人埋緊單，等左5分鐘左右就有位。佢地個menu幾得意，每款菜都好配合個星座，個前菜係射手，都真係幾靚咖喎，至於個主菜，有牛又有羊，Ｄ肉質都幾好，羊就有少少蘇不過唔過火。甜品就好靚呀有兩個心形，未方面就好似甜左少少，可能我太sweet食咩都甜啦，哈哈哈。最令我欣賞0既係Ｄ環境同服務，氣氛好好，而且個個都好有笑容，仲有人現場唱歌，我地坐到10點幾都冇hard feeling，仲不停幫我地加水，下次同朋友傾計好地方。…查看更多
