LSK97的个人专页

觀塘海濱附近有間高質嘅西餐廳，環境好grand，好適合情侶聚會，室外座位仲可以帶埋寵物嚟～～-牛油果三文魚他他配香脆多士前菜我哋揀咗三文魚他他，刺身份量好足，連埋牛油果食落口感juice，將他他放喺脆薄嘅多士上面食，口感好豐富。-蜜汁燒焗花雕醉香雞花雕醉香雞係餐廳代表作之一，烤雞外皮香脆，食落帶有酒香，有點似花雕雞翼嘅味道，伴碟嘅醬汁類似燒汁，同烤雞好夾。-松露野菌帶子意大利飯Risotto真係超讚，帶子大粒肉厚，兩面煎得好香口，肉質爽嫩；飯嘅味道香濃入味，唔會太咸，松露味突出。-白鱔串估唔到餐廳有串燒食，白鱔皮燒得香脆，加點檸檬令到魚味更鮮，Happy hour邊食串燒邊飲啤酒一定好爽。-Bufferfly Soda柚子檸檬蝶豆花梳打，味道微酸，有柚子嘅清香，合適唔飲甜嘅朋友。-Lychee Soda利寶納荔枝乳酸梳打，果香味濃，味道微甜，上面荔枝食落都好香甜。…查看更多

半半炸雞（原味+甜辣）$188去韓國街必食炸雞，半半炸雞擺碟好靚，真係原隻雞排好咁放，一半係原味，食落微辣香脆，炸粉好薄，皮脆肉嫰。另一半落咗甜辣醬，食落冇原味咁脆，但甜甜酸酸好惹味。-牛肉炒粉絲 $158炒粉絲食落比想像中香口，味道偏甜，粉絲口感彈牙，牛肉同香菇都好入味。-芝士雞蛋卷 $128份量超級足料嘅雞蛋卷，厚身大件，切開入面有流心芝士，加左茄醬係面頭，兩個人真係食唔晒。-蘋果梳打 $38飲品有驚喜，飲落清甜，梳打好多泡泡，但完全冇氣泡飲品嗰種酸味。-餐廳係韓國人主理，不過店員都識講少量中英文，落單點餐唔怕溝通唔到🙈…查看更多

觀塘區有唔少美食，今日lunch去咗間西式餐廳～- -午市套餐 $98澳洲殼飼肉眼扒（+$90）肉眼扒點左七成熟，牛扒厚度適中，肉味香濃，嫩口多肉汁，下面有薯蓉做配菜，混合燒汁加肉汁香味好正。酥炸海苔魷魚 配 青芥末沙律醬（+$28）套餐可以加配小食同甜品，炸魷魚條口感香脆，芥末醬好出色，食落creamy唔辣。吉士焦糖梳乎厘班戟（+$78）甜品加配左梳乎厘，口感比較有質感，蛋香味好濃，面頭嘅焦糖好脆，吉士醬唔會太甜，配埋爆谷一齊食好滿足～～海鹽Kiri芝士奶蓋桂花烏龍茶（+$20）Lunch set 仲有湯同飲品，是日餐湯是粟米湯，味道香甜，飲品點左奶蓋茶，茶底清新，芝士奶蓋都係偏向輕盈唔會好heavy。- -明太子醬軟殼蟹意大利粉$128原隻軟殼蟹香脆多肉大隻，意粉好掛汁，味道ok出色～…查看更多

明火煲湯 $58是日湯品係粉葛瘦肉湯，味道濃郁、清甜，好足料，一碗份量足夠2-3人飲—窩貼蝦多士 $88炸蝦多士酥脆唔油，厚薄適中好脆身，仲附有雜果沙律做伴碟豐富整體味道—鵪鶉蛋松露燒賣 $55超級特別嘅燒賣，平時燒賣鵪鶉蛋都係面頭，但呢款燒賣鵪鶉蛋係包喺入邊，仲做到流心蛋嘅效果，食落爆汁，黑松露味好出—焗叉燒包 $38焗包口感同味道都合格，入面叉燒足料，不錯—XO醬炒腸粉 $78炒腸粉好有鑊氣，XO醬微辣香口惹味，腸粉彈牙可口—排骨陳村粉 $48陳村粉同腸粉嘅質地相似，香滑彈牙，配豉油食，味道比較清…查看更多

最近天氣轉熱，拍拖想搵啲室內嘅節目，所以去咗間broad game cafe-Cafe環境唔算好大，但board game款式好齊全，Rummikub、矮人礦坑、阿瓦隆、籤籤入扣等等熱門嘅桌遊都搵到～～-食物方面，味道同質素都好好，主食我哋點左卡邦尼煙三文魚螺絲粉同韓式牛肋條。螺絲粉味道濃郁好掛汁，煙三文魚有四大片份量好足。而牛肋條味道微甜，配搭菇同埋菜喺底好好餸飯，飯團仲整咗一隻鴨仔形狀幾得意。我哋仲另外加咗小食瑞士雞翼，同叫咗芒果沙冰、水蜜桃益力多沙冰，味道都正正常常，飲品沙冰打得好幼滑，唔會好甜。-因為我同男友都唔太想用腦，玩咗幾款益智疊高嘅遊戲，邊食邊玩好快消磨咗一個下晝，好適合同朋友聚會或者一家大細來玩。依家平日一至四晚仲做緊75折優惠，就倒時間去玩好抵。…查看更多

經過觀塘區見到依家燒肉店價錢便宜，估唔到食物都好高質，性價比超值🤤-餐廳有任食燒肉、燒肉套餐、定食選擇，我同朋友各自點左一個燒肉套餐，價錢已經包左沙津、飯、麵豉湯、可樂、雪米糍甜品。-極上牛小排+五花豚肉+雞腿肉 （優惠價$148）套餐有三款肉各3-4片，再送牛舌芯4片，肉類都好新鮮，豬牛香口，雞肉嫩滑。餐廳有辣味、蒜味同原味燒汁，薄切肉片沾上燒汁好快就食完一碗白飯。-特上美國西冷扒 （優惠價$148）西冷牛扒有腌肉，食落肉質好嫩，味道微咸，牛肉味好出。牛扒厚度適中，已切件燒嘅時候好方便。…查看更多

海旁餐廳有提供戶外同室內坐位，今次揀咗間泰式餐廳吹住海風食個tea chill下～- - - - - -High tea set $268 for 2 person下午茶set好抵食，有9款食物仲包2杯飲品：***·泰式柚子鮮蝦沙律柚子混合醬汁味道酸甜清新，前菜食開胃，飯後食又可以解膩消滯·串燒沙嗲雞肉味道香但不辣，食落有肉汁，唔會乾身·香茅炸雞翼同樣香脆可口，肉質嫩，唔乾身·泰式蝦餅炸蝦餅厚身彈牙，外皮香脆，蝦味好香·素咖喱角入口鬆化酥脆，裏面有薯仔雜豆，比較飽肚·烤印度芝士芝士夾埋一片青辣椒烤，食落口感有啲似硬豆腐，芝士味道唔算太濃·牛油雞咖喱咖喱香濃，味道少辣，非常適合配烤餅一齊食·烤餅（正宗/牛油/洋蔥）三塊唔同味嘅烤餅，口感都好鬆化，配五款醬汁，有辣、酸、同甜味嘅醬***·芒果糯米飯Tea set連甜品都有，芒果粒超級甜，糯米飯有原味同紫米兩個飯團，混合椰漿味道香口***·泰式奶茶奶茶底香滑，糖水分開上，自己調節甜度·伯爵茶味道清香解膩，好啱食完油炸食物飲- - - - - -炭燒豬頸肉 $98泰國菜豬頸肉係必食，燒豬頸肉外表焦香，肉質鮮嫩美味，食得辣嘅朋友仲可以沾埋醬汁，夠晒嘢味。- - - - - -海鮮菠蘿炒飯 $158炒飯份量好足，真係用菠蘿殼上碟，入面菠蘿粒同提子乾都好甜，海鮮加左鮮蝦、魷魚、蟹柳，整體味道唔會太重。…查看更多

牛油果軟殼蟹意粉 $138軟殼蟹香脆，咬落去好多蟹肉蟹膏，味道鮮甜。意粉用咗牛油果同香蒜做醬汁，配搭香菇，食落好入味。-明太子虎蝦燴飯 $128燴飯落咗超多明太子，整個飯都係粉橙色，味道香濃，面頭仲加左黑色蟹籽，令口感更加豐富。虎蝦新鮮實肉，咬落去鮮甜彈牙。-黑色幽默疏乎厘 $138疏乎厘係必食嘅甜品，揀左一款獨家限定全黑色嘅疏乎厘，佢用咗竹炭粉、朱古力吉士、乳酪同牛乳製作，並加入左雜莓乾，味道香滑帶點酸甜。疏乎厘質感鬆軟，整體感覺唔算甜，係健康嘅飯後甜品。-Oreo忌廉沙冰 $41飲落creamy，Oreo同朱古力醬味道香濃。-海鹽Kiri芝士奶蓋白桃烏龍茶 $34奶蓋香滑，芝士味道唔算濃，加上清香嘅茶底，味道清新解渴。-餐廳除咗有主餐牌，平日仲有lunch set同tea set選擇🙈…查看更多

放工想輕鬆下，同朋友去咗間board game cafe ，餐廳環境整潔，啲game堆滿左兩個櫃勁多款色選擇。餐廳老闆好友善，幽默健談，忙送餐整野食同時，仲會抽空推介同教我地玩game，嗰日同fd學識左玩好多款桌遊🙈-拿破倫肉醬煙鴨胸螺絲粉 $138除咗board game齊全，餐廳食物都好高質，拿破倫肉醬配螺絲粉好香口同入味，甜甜酸酸食落開胃野味，至於煙鴨胸肉質嫩口，味道微甜有啲蜜糖味，螺絲粉仲加左好多菇片。-卡邦尼煙三文魚意粉 $139煙三文魚又多又大片，卡邦尼意粉好creamy，味道唔算濃，食落醬汁似係有薯仔蓉煮，同樣意粉都加左好多杏鮑菇片，令到口感更豐富。-芒果沙冰 +$12老闆推薦~沙冰係新鮮芒果打成，飲落芒果味好濃，口感順滑香甜。-士多啤梨奶昔 +$18奶昔香滑，味道微甜，顏色粉紅好打卡。-🌟我去嗰日見餐廳係滿座嫁，所以記得要”電話預約”!!!…查看更多

北海道魚生丼 $142丼飯一共有四款刺身，每款有兩至三件，全部都係大件厚切。三文魚刺身超讚，肉質鮮嫩飽滿，油脂分佈好靚好平均；油甘魚刺身都好肥美，食落香口；至於蝦、帶子刺身味道鮮甜。隨餐仲附送湯、沙律，同牛奶布甸甜品，好抵食。-牛油果軟殼蟹卷 $88脆炸軟殼蟹好大隻好多肉，炸粉厚薄適中，蟹鉗多肉鮮甜，蟹腳香脆，而蟹身會卷係壽司入邊，估唔到軟殼蟹都好多蟹膏，配搭牛油果，味道出色。-冷赤麵 $47想食輕食嘅朋友可以試吓冷赤麵，麵質係唔彈牙嗰款，加入蔥花、芥末、鵪鶉蛋、脆脆落冷麵汁再沾麵食，口感微涼，食落入味。…查看更多

餐廳有室內同露台座位，環境舒適寧靜，播放著柔和嘅英文歌曲，讓人享受美食同時放鬆心情。-蒜片辣椒白酒大蜆意粉 $148蜆肉好大隻好肥美，肉質鮮嫩爽口，咬落去充滿鮮甜嘅海水味，好多肉汁好鮮美。至於意粉因為唔太食得辣所以點左少辣，食落都好香口野味，意粉唔會乾身，調味都唔太濃味唔怕有酒味。-安格斯牛肉芝士漢堡配薯條 $168麵包牛油烘過口感鬆脆，牛肉漢堡扒有兩件，份量好多好滿足。薯條係原個薯仔厚切，口感香脆同時比較實心，再加上沙津菜作伴碟，令口感同味道更有層次感。-芒果奶昔 $40香滑嘅口感再加入芒果嘅清甜，飲落可口順滑。…查看更多

餐廳環境寬敞舒適，係海旁附近，飲完茶散下步吹下海風好寫意～-招牌鴻運脆皮雞(半隻) $250脆皮雞係必食嘅推介菜式，由人手淋油炮製，外皮薄而香脆，雞肉新鮮嫩滑，雞肉本身有醃過味道微咸，如果想更加濃味仲可以落淮鹽同青檸汁，點左半隻雞兩人食份量剛好。-小黃瓜拌海蜇頭 $98海蜇好大件好厚肉，食落彈牙爽口，而小黃瓜爽脆清甜，拌入有麻油香味調配嘅醬料，好適合作為開胃前菜。-銀杏鮮腐竹扒時蔬 $118銀杏腐竹清菜湯好大碗好足料，時蔬係小棠菜，湯底微咸冇味精，係健康嘅菜式。-茶位 $13/ppl餐廳有四款茶品選擇，我揀左烏龍茶，飲落清香回甘，茶葉泡耐左都冇苦澀味，一壼已經夠飲好多杯。…查看更多

海旁大部份都係西式餐廳，今日經過見倒依間台式料理決定去試吓。- -餐廳除咗有Set、小菜，仲有烤魚套餐同燒肉，今次我點左燒肉，烤爐使用固態燃料，感覺完全冇油煙。-日本A1和牛 $168和牛有兩大片，用咗鹽同少量黑椒醃肉，食落微咸又唔會蓋過肉香，肉質口感嫩，燒耐咗都唔會韌身。-汁燒魷魚頭串(4串) $78滿滿一串嘅燒魷魚，味道香口，鐘意海鮮嘅朋友必試，烤肉嘅時候記得落多啲燒汁，甜甜地先夠惹味。- -鹽酥大大雞扒刀削麵 $88脆炸雞扒大件到要搭起兩層，點上類似千島醬嘅醬汁，雞肉嫩滑，外皮酥脆。刀削麵好大碗，湯底入味。餐點仲附有花生、木耳、甜蘿蔔等前菜。- -燒雞泡魚乾 $68魚乾香甜味鮮，口感偏硬，好適合作為飯前/飯後小食。- -戀上生煎包 $38生煎包粒粒都好飽滿，咬落去好多肉汁，味道帶有薑味，肉餡足料。- -Pinku Pinku $45玫瑰荔枝鮮奶冰超好飲，面頭有忌廉同奶蓋嘅香滑，沙冰有玫瑰荔枝嘅清香，夏天飲既清涼又解渴。…查看更多

火熱皇牌香草牛油波士頓龍蝦海鮮盤 $338海鮮拼盤賣相已經非常吸引，滿滿一大盤嘅海鮮，包括有半隻開邊波士頓龍蝦、青口、鮮蝦、魷魚、蜆仔同粟米伴碟，款款海鮮肉質鮮甜彈牙。海鮮盤上菜嘅時候有火烘住keep warm，用簡單嘅香草同牛油做調味唔會搶走海鮮嘅鮮甜，而牛油粟米更加係perfect match。-香煎羊肚菌意式煙肉波菜意大利麵 $138羊肚菌口感特別，肉質脆嫩咬落菇香味濃，而煙肉波菜意大利麵唔油之餘，味道都唔太濃郁，係健康嘅主食搭配。-黑芝麻檸檬柚子雞翼 $98柚子雞翼係餐廳嘅新品，食落表面香脆，味道酸酸甜甜，而入面肉嫩多汁，香口得來唔會乾身。-蔓越莓玫瑰紅棗養生花茶 $42養生花茶味道微甜回甘，飲落好清香嘅玫瑰花味，好合適飯後消滯解渴。-Grapefruit Summer $46柚子特飲味道清新，漸變嘅顏色好靚好適合打卡。…查看更多

餐廳環境優美舒適，提供大量board game，好適合朋友同情侶聚會聯誼。- -Set for two $398二人餐包左一款小食，兩款主食、甜品同飲品，選擇超多，menu 有A3紙咁大。- -小食：避風塘脆炸軟殼蟹軟殼蟹切件脆炸，蟹身大隻厚肉，食落肉質鮮甜，酥脆可口，配合微辣嘅炸蒜，色香味俱全。- -主食：特濃龍蝦汁帶子蟹肉意粉意粉落咗超多蟹肉，味道鮮甜，帶子彈牙，而龍蝦汁濃而不膩，食落唔咸之餘，每啖都充滿龍蝦味道，鐘意重口味嘅朋友必試。-招牌原隻燒春雞配薯菜燒香雞外皮微脆香口，入面肉厚香嫩，好多肉汁唔乾身，啖啖肉食落好滿足。伴碟有烤薯塊、小甘筍同沙律菜，飽肚健康。- -甜品：榛子朱古力牛角包窩夫、士多啤梨牛角包窩夫牛角包窩夫係最近新興嘅甜品，口感比起普通窩夫更酥脆，更香牛油味道。配朱古力醬味道比較甜，而士多啤梨醬則帶有一點酸味，兩款都各有特色。- -飲品：荔枝紅茶冬天女士養生可以點杯熱紅茶，茶底香濃，加入左味道特別嘅香草，再配上喜愛嘅水果，飲落微甜清新。-水蜜桃梳打梳打加入咗好水蜜桃粒同蜜桃糖醬，飲落清甜解渴。…查看更多