lazzie的个人专页

伯伯，你的雞蛋仔好香、好有蛋味﹗最重要是有人情味﹗每次經過一定聞到香味，然後見到你，身水身汗仍然照用炭爐做雞蛋仔，淨係呢一點，就好過舖頭冰凍僵硬的多多聲﹗伯伯，我撐你﹗一定會再幫趁你﹗希望各位支持伯伯賣雞蛋仔﹗寫滿佢個食評﹗…查看更多

一晚與家人去聚餐，一行六人，當天才得知六人只分得一個爐...六人一爐，相當不足夠，但他們說8人有兩個爐，所以建議想去試的朋友，組織4人一團吧。還有，漏單情況嚴重，要人樣樣問幾次有冇落單，令人食都食得不痛快。食物的環節﹕牛胸腹﹕說真的，只有吃過一碟是好味的，其他的肉味都唔好，可能放得耐，好似賭大細咁一啖砂糖一啖屎。一口牛﹕唔好味，唔好幻想好似某火煱店那些咁好食。牛䩗骨﹕普通貨色，唔好試。試咗浪費quota帶子﹕一點都不新鮮...黑豬﹕叫做好食大蝦﹕一貫的不新鮮靖魚﹕ok當然，睇相係好吸引，食落係另一回事了...ok，若果想食好多肉，不太計較肉味的朋友，這裡是天堂，不過基於限時限刻的關係，4人分一個爐係極限，否則兩小時也不夠的時間內，根本唔夠時間燒嘢食。還有，要注意爐的焦碳量相當嚴重，每食一口肉，必定黏著起碼一粒焦，忠告一句﹕多吃無益，小心小心。…查看更多

經過看到賣相不錯，落疊後發現遇賊船。今次中招蛋糕包括﹕朱古力軟心蛋糕（＄23）－話明軟心，但口感卻不夠軟，明顯魚膠粉佔大比數關係，蛋糕亦變得膠膠地，最離奇係個怪味餅底，唔知係乜，難食呀，這個價錢唔值囉。Tiramisu杯 （＄15） － 魚膠粉再一次多到出晒面，膠味十足，唔講都唔知自己食緊Tiramisu，講真美心個杯足料得多。士多啤利菓tart （＄16）－個底堅硬，挑戰你棚牙﹗士多啤利樣貌尚算新鮮，但食落卻無乜味，怪﹗之後發現個袋寫住double star group， 唉！呢個group仲有好嘢咩...…查看更多

在這裡要回應之前vanculo 的食評。對你無禮的菲籍女waitress， 今回向我們發火了。事緣我們一行6人，由這中年菲籍女waitress安排入坐，一開始，她想我們分枱坐﹗分枱？下？咁我地咪建議拍埋兩張枱囉，佢不情不願嫌我們麻煩，求其拍埋兩張枱，要我地尷尷尬尬地迫埋隔離果枱客，由於迫住人地太近了，後面又有空位，咁我地咪移後少少囉，一移，岀事啦﹗菲籍人士立即飛身走來指責我地，話我地佔地太多喎，阻住佢接客喎，跟住我地想order嘢飲，嘩佢用「睇你唔順眼嘅目光」，見到當你透明，黑面兼蔑咀，結果由好心地嘅香港waitress接手理我地囉。真係一萬個sorry囉﹗係我地唔啱，人多就唔應該入呢間地方淺窄嘅酒吧，而且仲要係華人，畀人歧視就當然架啦，你睇人地對鬼佬幾咁熱情至得假。最後，到我地走，都再冇新客入去，佢可能唔滿意我地阻住佢啲無形嘅客卦...咁嘅服務，唔怪得間嘢冇乜人氣la...…查看更多

再興喎，曾經堪稱叉燒王﹗早三個月吃過，好吃到不得了，叉燒軟熟，味道一流...三個月後才可時間再温舊夢...但...叉燒卻硬了許多，大惑不解，隔兩天再試，靭硬依然，天啊﹗再興的叉燒啊﹗是香港之宝，不能掛掉啊﹗一間老字號保不住招牌???願上天保佑大的食福。…查看更多

慕名而來，為的是吃好嘢。忘了訂座，後果可以很嚴重，眼見有人沒訂座等了個多鐘，才獲安排座位﹗10 個驚﹗食物，是可以。試了推介black truffle pizza，實質似多士，很飽滯，黑松露味道不突出，感覺是以平民價錢試貴嘢，所以只吃形而沒真味。磨菇意大利飯，有我喜歡的靭口感，這個不俗。Caesar 沙律也跟到足，只是份量較少。平民的地方，附近的食客，也就是比較吵吵雜雜，如果期望candle night dinner 情調一點的，算罷了。但若果是以吃大排檔心態，大吃一餐吵吵鬧鬧的，還是可以去。服務嘛，也一如大排檔，以吃叉燒飯的心態面對，沒期望就沒失望。…查看更多

想吃平價日式咖哩，選擇不多，這間bee japanese curry shop ， 可能是唯一選擇，於是也造就了其驕橫的行徑。顧客不能選座位﹖OK慣了。但何須好像呼喚工人般﹖係喎，係顧客被呼喝。Ok係我唔醒目，坐錯位。叫一個咖喱雜菜飯、一個咖喱豬排麵，麵來了，吃到一半，才被通知咖喱雜菜飯沒有了…這個情況下，因本人吃素，根本沒另一個選擇…沒有咖啡色雜菜供應，要別人吃到一半，等了20分鐘才發現﹗﹗還有， 那個咖喱雜菜飯的雜菜，說串了還不是只有紅羅白、薯仔和少少磨菇…okok，食平野別要求多多。別想要有禮貌的服務，別想吃有質素的食物，別想坐得舒服…囉﹗在此特別鳴謝那位黑面嬸嬸服務員，全因為你，令我不再踏足此店，虐待自己。…查看更多

貴，未必一定值得。到底吃素的人，有哪一點對不起The Mix 呢﹖中午到太古城分店，素食選擇只剩Mediter 素菜卷，我個人冇機心，一不留神要了賣剩蔗，如果好食就冇所謂啦，怎料…講出來怕且沒人信，一打開，素菜卷餡料是麵包…皮﹖﹗你沒看錯，整個素菜卷有一半饀是麵包皮…如果我要吃麵包皮，為我不買三文治，而卻買下這個所謂菜卷﹖整個卷頭尾只有少少菜，加啲豆蓉，狂賺＄38大元，味道﹖咪就係麵包皮咁味囉﹗講完。…查看更多

來得這裡，求的，無非是一種歐陸式的舒適，吃出一點閑情，享受些微體貼。重温前者食評，才確定餐廳於上年易手，怪不得。餐廳的擠迫，與嘈吵，已多少令人卻步。食物空留外表，烹調的心，早已喪失。Caesar salad的脆麵包，味道像是過期的，破壞整個菜。Pizza的餅底，硬，另一個冇心烹調的表現。想喝杯暖水吧，它來一杯滾的，從前的體貼哪去了﹖添水時弄得滿桌濕漉漉，也不見來人抹乾。從前的夜宵English Scone，當然也消失無蹤。經營一間餐廳，有沒有心，食客挑通眼眉，心裡一清二楚，看來和這間Eos，確是緣盡了。…查看更多

奉行味覺至上的你，閒時搜盡雕轉美味，忙裡唯有快餐果腹。在太古側魚涌這充滿4As 的一帶，開夜通頂稀疏平常，開工成晚，預咗冇得食住家飯。然，囍點就如荒漠中的綠洲，想有一點無味精真正煲的湯水滋潤，12塊錢便有一碗。清淡的烹調，當然算不上是人間極饌，但起碼，不會覺得自己在饕餮中磨蝕生命。三餸一湯白飯任裝(這裡顯然係每碗計﹗)，誠然是廣東人最親切的飲食模式，也許亦是我們腸胃最期待的平靜洗禮。…查看更多

幾差，食唔過。叫了$248的二人餐，有豆腐沙律、炒菜、金菇牛肉卷、炒飯、燒雪魚、羊架、甜品。看似豐富，細細份，其實份量都不比質量重要。炒雜菜，無甚味道…魚，像吃舊的塑膠…羊架酥得要命，並不是肉本身的酥味，是放得太久的酥味。沙律可以。甜品…不吃也罷。總之一句，味道賣相均不合格。另加了燒三文魚頭、芝士年糕、燒南瓜…三文魚頭居然不是原個，即是立雜碎上，份量肯定沒有整個魚頭，也不新鮮…燒南瓜不如改叫油浸南瓜好了…只有芝士年糕比較好味，但一碟只有兩粒﹗﹖還要砌開一半企圖扮4粒…算了，在旺角吃東西，沒期望總比有期望好。埋單$450，不值這個價。不如到隔鄰的土耳其餐廳揾食仲好。…查看更多

不明白為何要花$78到這一間環境不舒服、服務不周、味道無特別的餐廳吃午餐，肉腸+ 意粉(就真的只有條腸和一堆無味意粉,配菜都冇...), 意粉根本冇任何味道... 還竟敢標榜意粉為賣點...重點是飲品:凍咖啡．．．味道是茶餐廳普遍存在的那一陣酸味... 酸的咖啡都夠膽serve畀人...根本不professional, 午餐menu 千年不變...午餐都未食完，在我們隔壁枱就想開始小型維修工程...使唔使咁趕時間呀?評語一個字: 差…查看更多

久仰Cafe Eos。這間極具歐陸風味的咖啡室，不單讓人感到舒適自在，食物質素更加激賞。久不久去閒坐，除了享受到平日難得的悠閒，還會令人產生“以為自己百吃不胖”的錯覺。點來一碟忌廉汁雞肉意粉，我喜歡啖嚐忌廉香味，不太膩。加上有口感的雞肉，彈性適中的意粉，一個完美組合。香草三文魚意粉，煙三文魚舖滿碟上。夾一小片魚一小口意粉，它就是要你慢條斯理的品嚐。意粉，始終需要橄欖油和香草陪襯，清新香草伙拍鮮濃三文魚，造就一片晴空。 英式焗鬆餅，一出爐那種混合牛油、雞蛋的香氣，瞬間把我俘虜。記得趁熱塗上牛油，以及陶醉入口鬆化的感覺。完全滿足的口慾，一頓悠閒的宵夜豈能缺乏這樣的鬆餅﹖配以英式紅茶香，嗅覺得到最高形式的致敬，Salute﹗壓場Tiramisu，軟滑的忌廉，甜度適中，只嫌餅底的酒太濃，接近苦澀。難道美，始終會有所不足﹖…查看更多

呢度個88所謂任食，其實無想像中咁扺，又唔包牛肉，而且其他服務好一般。個重點係，我原本想食嘢兼睇波，但兩樣都不能令人滿意。食物，只係一般，唔算好好味。送上嘅份量又唔定，一時得兩粒，一時成碟，都唔知點預點食。個廚房根本亂來一通。湯到咗，滾到蒸發晒要加湯啲餸都未到。我上咗二樓，兩部電視嘅擺位，被侍應遮住晒，根本睇唔到。不過，就算唔為波，我都唔會再幫趁。…查看更多

每次來開餐，都被牛燴吸引，因為覺得茄汁同牛肉味最夾，有時我會加腸，有時加蛋，十分滋味。比較少吃燴通粉，總覺比較酸。好鍾意飲茶走，但呢度嘅茶走只落少少煉奶，搞到我次次都要補加些少糖，但茶好滑，好味。不可不提，呢度仲有提子汽水。下次看看能不能抵擋牛燴，試試雞湯通粉。…查看更多