之前未去過LUXE MANOR呢間HOTEL, 原來裡面有間咁正的意大利餐廳。一入去覺得環境好別緻, SERVICE都好週到, 菜色上枱伴碟方面都有花功夫, 証明細心。我們一家5人, 共點了2個3 COURSES LUNCH+3個2 COURSES LUNCH SET先來麵包, 好軟熟, BALSAMIC VINEGAR都算醇, 唔嗆喉~APPETIZER:CARPACCIO WAGYU-唔駛講, GOOD!SALAD- 幾夠份量, 牛肉中間夾住D醬又幾好食~SECONDI:意大利雲吞- 好味, 因有好RICH的CHEESE味白汁意粉- 白汁都係帶CHEESE的, OK~ BUT已經開始飽, 仲有MAIN未上AR!MAIN COURSE:羊架- 我無食到, 老豆話唔錯TEDERLOIN- OK, 有D似酒店自助餐切的牛肉, BUT厚身D炆羊膝- 媽子話似牛腩, 食唔慣三文魚扒- 呢個有D驚喜! 因為出面食親熟的三文魚都一定會腥同鞋; 今次又唔會WO~ 肉質滑, 腥味比出面食大大減少! DESERT:BAILY'S CHEESECAKE - GOOD! 不太甜, 又不算太RICH, 我鍾意BAILY'S,又鍾意 CHEESECAKE, 所以鍾意!平均每人2百幾, 食到咁多野, 環境又唔錯, 我覺得抵! 會再幫襯!…查看更多
第一次咁有衝動寫食評!不嬲都鍾情泰國菜, 本來想去新天地, 見呢間個午餐幾抵, 就試下!$34 -一碗冬蔭公烏冬, 2串串燒雞肉, 1個泰式甜品糕另叫一杯"泰式"奶茶原本都不錯, 當然我都無期望超水準, 冬蔭功湯底夠辣( 雖然配烏冬怪左D), 串燒都叫OK, 當然係煎的, $34叫做算係咁~問題出在叫左杯"泰式"奶茶!話說香港好少餐廳有泰式奶茶, 見到即時好興奮, 問個侍應係咪真係泰式奶茶, 佢諗左一陣,話係, 仲叫我飲泰式檸茶, 因是日精選 $10/杯, 奶茶要$16點知, 杯野一黎到就出事, 明明係港式奶茶, 點解MENU要話係泰式呢?!仲要勁細杯!值唔值$16 ar?!
搵返幫我落單個WAITER, 我覺得佢唔知咩係THAI TEA, 支吾以對: er.......可能係泰國人沖的奶茶gwa.....(哦! 原來係咁!)本來想叫佢換杯泰啡, but見佢d服務態度, 加埋見隔離杯泰式檸茶 (我expect最少用青檸gwa!)......都不過係港式, 仲係細杯版, 都係算把啦!埋單啦, $34+ $16加埋一應該係$55一睇張單, 奶茶收我$18! 問waiter, 佢諗都唔諗話凍飲加$2阿姐, menu無分凍飲熱飲,根本只供應凍飲, 寫明$16!掲埋俾佢睇, 佢先返去問返黎話叫我俾少數$2 wo都收左我$56, 都仲收多$1 (佢係數$57.2, 直接收$58)平心而論, waiter收野都算快, 食物ok la~(以及$30+來說)but一杯奶茶真係扣哂分!同埋唔係數$2問題, 係我覺得佢唔老實!如果成班人叫野食邊會check到你原來menu同實收價錢不同?!真係只此一次!
