stupid520的个人专页

今日lunch同同事出左深水埗搵食😋第一次去呢間大排長龍既車仔麵店！呢條間有四間都係呢間車仔麵😲有兩間比較新既，有兩間就懷舊D，懷舊D呢間就比較多人排隊啦，而今次我地都係選擇黎呢間比較懷舊既店到食既。呢到既落單方法係，先嗌野食比錢，之後再安排入座。我地等左大約15分鐘。今次既麵底我就揀左車仔麵最夾既油麵，餸就揀左豬腸、白蘿蔔同埋瑞士雞翼。油麵配車仔麵真係無得輸，煮得岩岩好，唔會太軟或太硬。而豬腸咬落有彈性，白蘿蔔好甜！而瑞士雞翼就係同事推介既，我見到好似９成既人都會嗌，入口有瑞士汁甜味，唔會太咸，有驚喜！枱上面有好多其他調味料比客人用，如果下次再去會再試埋其他餸！…查看更多

岩岩既周末我地試左一間人氣沾麵店🌟麵鮮醬油房周月🍜呢間係黎自日本愛媛縣既拉麵店，除左係日本，佢係英國、美國、香港等地都有分店。而香港仲有3️⃣間分店添，分別係中環、鰂魚涌同埋啟德。「周月」仲係全港唯一連續12年榮獲米芝蓮指南推介既沾麵專門店添🤩餐廳門口望入去就見到有一部大機器係到，原來果部就係佢地特別從日本訂購返黎既製麵機，為左確保麵條每日係香港新鮮製造❤️燒黑豚沾麵🍜好欣賞呢到有好多野比顧客選擇，包括麵量可選100/200/300g (圖為200g正常份量)，麵底可選涼麵/熱麵，汁可選濃/淡，最後仲有得揀少油添！今次媽媽揀左淡味汁同少油，好適合媽媽既口味。呢到既沾麵麵質煙韌有彈性，汁無出面d汁咁愈食愈鹹既感覺，而且仲有濃郁既鮮味同鹹香。和牛拉麵🍜和牛肉質嫩滑，拉麵麵質彈性足夠，湯底濃郁鮮甜，能夠帶出和牛既鮮味🐄兒童餐🍜拉麵、小食同飲品都可以揀小朋友自己鍾意食既口味，今次我地就揀左鹽味叉燒拉麵配周月餃子，兩兄弟清晒成個餐，見到佢兩個都食得津津有味，就係對味道最好既肯定👍🏻呢餐我地全家都好滿意，食得好滿足😋另外值得一提既係，由於我地溴住兩兄弟有時手忙腳亂，店員都好nice，會主動提出協助，真係好加分💯非常推薦大家下次去啟德都去試下🤩…查看更多

今次嚟到旺角廣華街呢間Black Coffee ☕️呢間係一間暗黑型格主題嘅餐廳，由門口到內部裝修都係黑色為主色調🖤午市套餐$88起，套餐包咗Black Coffee☕️我哋仲加埋午市套餐甜品tiramisu添！🌟口水雞扒窩夫三文治🧇口水雞扒入口啖啖肉汁流出，雞扒嫩滑唔嚡口，而且仲有麻辣香味，令人一試難忘👍🏻窩夫好脆口，配搭埋雞扒個感覺好特別，必食‼️🌟自家製煙燻豬腩卡邦尼意粉🍝豬腩嘅煙燻香味好濃郁，而且外皮酥脆，入口唔會油膩，而卡邦尼意粉嘅醬汁蛋香味都好濃郁，意粉仲好掛汁添👍🏻🌟Tiramisu🧀入口順滑，咖啡香同酒香豐富，有可可嘅微苦，中和咗甜膩感，整體甜度適中🌟桂花菠蘿咖啡🍍層次好靚，打卡必嗌‼️入口除咗有咖啡香之外，仲有菠蘿天然果香同埋桂花清香，口感好清爽，適合夏天飲用☀️🌟黑咖啡☕️午市套餐附送黑咖啡，入口帶酸，聞落有果香味，唔會太苦令到難以入口👍🏻佢哋仲有疏乎厘甜品都好吸引🤩而且生日仲有寫字服務，下次朋友生日嘅時候再嚟試埋先！…查看更多

呢日黎左黃竹坑食lunch見到呢間餐廳，見好似氣氛幾好就入去試下啦前菜有得揀他他牛多士或者餐湯我就緊要要試下份他他牛啦一d都唔腥喎！好新鮮好正仲有三塊多士，同朋友share都得👍🏻主菜方面，我就叫左海蝦蟹肉意大利雲吞蝦好新鮮，口感都好彈牙意大利雲吞都好好食，d皮唔會太厚同個白汁好夾餐飲我就叫左凍檸茶估唔到有得無限添飲一飲到咁上下就有侍應問仲要唔要添加，幾好👍🏻如果有時間坐耐啲同朋友吹下水都幾好…查看更多

呢間餐廳爸爸同媽媽拍拖嘅時候都有嚟過，但係自從有小朋友之後就少咗出去拍拖食飯啦🍴今次嚟食先知佢哋原來有兒童餐架！小吃貨梗係要嗌嚟試吓啦😋除咗正餐之外，呢度嘅甜品真係做得特別出色，一定要留肚食🍰🌟吉列豬扒炒蛋三文治配薯條🍟
新鮮炸起既厚切豬扒，配埋香滑既炒蛋，三文治入面仲加埋椰菜絲，增加左口感之餘亦令到整體無咁膩，必食！🌟迷你三重丼🐟
三重丼包括吞拿魚蓉丼、海藻烏冬同埋鰻魚飯，岩晒媽咪呢d選擇困難証又咩都想食既人！吞拿魚蓉份量好多而且唔腥，海藻烏冬口感彈口清新，鰻魚好香甜！三款都好好味！🌟明太子海鮮忌廉意粉🍝
濃郁既明太子醬，加上面頭粒粒既蟹籽，配埋新鮮大蝦同埋珍珠帶子，入口好鮮甜🌟兒童餐 — 蝦天婦羅蛋包飯🐣兒童餐有三個選擇，我地今次就揀左B餐，蛋包飯上面畫左個笑哈哈，軒軒見到好開心，爭D唔捨得食！炸蝦脆卜卜岩小朋友口味，配菜有西蘭花同紅蘿蔔，軒軒今次好乖全部食晒 🌟焦糖布甸🍮睇落平平無奇，但估唔到入口係好似食緊日本d布甸咁，又香甜又幼滑！兒童餐加$10就有埋，好抵！🌟抹茶軟雪糕芭菲鐵塔🍦
每次黎都必食既抹茶軟雪糕，好香濃，唔會太甜！芭菲入面仲有紅豆、抹茶Jelly、小丸子同埋杏仁脆片，配埋抹茶軟雪糕一齊食有不同既口感，其中我地最鍾意係入面既杏仁脆片，甜甜地又脆口，加埋雪糕食味道好夾！…查看更多

第一次嚟食lunch之前都係食dinner呢度個view好靚今次帶埋小朋友黎食嗌左個兒童餐比佢食，佢揀左漢堡包🍔大人就揀左三款不同嘅前菜而主菜都係揀左鵝肝配牛柳蟹餅好特別既Parma ham 雞尾酒蝦三款都好好味主菜方面，牛柳五成熟啱啱好鵝肝好厚薯蓉都好creamy 超滿足既一餐…查看更多

第一次食呢一間嘅海南雞飯感覺好有驚喜啲雞好滑黃油飯好香三個汁我最鍾意就係辣辣地紅色個喎有好開胃嘅感覺個餐仲包咗碗湯，不過個人就麻麻哋，好重蒜頭味天氣咁熱我哋加咗杯特飲紅莓鮮果梳打，味道正常，飲完都好解渴…查看更多

平時經常都要排隊先食到，難得呢一日可能因為落雨，所以冇咩人食，直接就可以入座我哋一行12人，店員推介我哋食套餐，價錢會比較抵啲個人最鍾意食係佢碟豬手（ 唔記得影相）辣辣地，好開胃咕嚕肉都係必點，啱晒小朋友食今次仲試埋芥末沙拉骨，有芥末味，不過唔會辣，小朋友都鍾意食…查看更多

兒童餐係小朋友最鍾意嘅飛機造型，呢一款係有腸仔，另一款就會有炸雞，今次揀咗腸仔呢個，仲有得選擇要肉醬麵定係肉燥飯，小朋友揀咗肉醬麵，嗰隻麵嘅質地係平時烏冬嗰隻質地，煙煙韌韌好有咬口麻辣手工拌麵，少少辣好過癮，隻糖心蛋做得好出色👍🏻草莓米麻糬嘢飲好清新，冇得選擇甜度，不過都唔會太甜，入口有淡淡嘅米香，仲有少少米粒可以咬下，下次會試吓其他口味👍🏻…查看更多