Mountain King的个人专页

去完永安，行過上海街，見呢間鋪無人無餐牌但又貼滿鱔稿，膽粗粗試下。入到去，成鋪都係食物相貼在牆上，於是照圖叫了想食的，牛肉腸、艇仔粥、油條。1.牛肉腸: 嘩，未食過咁難食的腸粉，又鞋又無米香，早知早少少睇Openrice，下面個個都鬧，份量仲要好少。2.艇仔粥: 細細碗，料好少，粥底正，花生唔脆，瘦肉少得可憐。3.油條:就黎食晒，油條先來都知大獲，一睇，呀，已剪開，得果少少，仲要好幼好黑，明顯係翻炸，又一次唔睇Openrice既後果。食到半天吊，埋單算數，一睇張單，我話無計錯下，$108蚊？個疑似老板娘話岩呀無錯，跟手我叫佢拎個餐牌睇! 嘩$40幾蚊個粥，$40幾蚊個腸粉，$18個油條？？大佬我食開圓方正斗都唔使咁既價錢。我無同佢吵，照埋單走，無下次。性價比太差，如果係$10幾蚊碗粥果D粥鋪就OK，$40幾？係咪最少有番咁上下份量先？太少啦。…查看更多

放工去了又一城行街，行到累當然想搵個好地方坐、食。但多了自由客的香港，在Mall食野就是困難!好不容易排了半小時，終於安排入坐一張可以坐2-4人的圓枱。我們才2個人，所以感覺空間好夠。好了，點了下面的。個人偏愛英式早餐，不是其味道好，是因為佢既本質就係帶比人relax既感覺。拎住刀叉不慌不忙咁食，好relax呀!!!一邊食又一邊望下D廚煮下野，又望下人踩冰，真係幾好架。價錢可以平少少就好啦，不過好難，香港而家D租咁貴! 明既，食野其實當交租!…查看更多

首先想講既係，衝入去先知就收鋪，姐姐好快幫我地落單，後來價番先知原來佢公司唔包收工時間，即係日日都要蝕比公司，咁樣其實好易影響服務，因為打工仔一定會趕人落單趕人走。希望聰嫂可以公平D。(好彩呢幾個阿姐都算客氣，難得)講番食物，兩人食了上圖的。推介右邊的薑汁荔枝果凍，夠味又不會過甜 OR 過淡。左邊的鮮什果水晶珠都好味，但算細 and 價錢可以平D。比較過其他甜品點，總覺得聰嫂最好，其他有D太大份，太貴，太普通，OR 太唔識都亂整既感覺。希望聰嫂會Keep 住咁好，加油!…查看更多

由於最近轉了地方上班，於是又有機會試新野啦。今日下午茶如常到我常去的台灣麵食，由於價錢相宜，地方舒適，冷氣足夠，所以常去。佢有好幾款下午茶，但為左飽肚，我都係叫飯餐的，送杯珍珠奶茶。我常吃的有豬扒、雞扒，老實講，料和飯的份量不多，所以之前試過鴨胸和豬頸肉，永不敢再叫，因為份量更少。佢可配幾個味，我多數叫黑椒，惹味D。佢整個飯黎講，不過不失，沒特別。佢杯珍珠奶茶，直情就係差。點解咁普通既店，我仲會去？因為工作的lunch，當然就是想relax，佢係唯一又大又舒服的鋪，所以只要佢D食物唔係太恐怖，我還是會去的。做生意就係咁，唔係食物大晒，裝潢、店員都好重要。好似有次我同店員講次次食唔飽，點知佢問題使唔使「多飯」，我話好呀，果時先知有呢個option!整體咁講，為食既，可以不去。為搵個地方relax下，同朋友吹下水，可以諗下台灣麵。…查看更多