LokWoon的个人专页

今日午餐後路過，就俾［蘿蔔絲茶果。7元］吸引住😬，因為真係好少有。行近啲再睇，原來仲有眉豆茶果、咸香介糕呀👀👏🏻咁就買咗蘿蔔絲茶果2個，諗住今晚同老公分享。結果，下午茶時間就KO咗一個，咬落質感真係好軟滑呀！饀料不死咸，好好味！哈！嗰刻好想打俾老公話我食緊正嘢🤪放工後再行去嗰度，啲茶果及其他食品已經俾人買晒😫，剩返兩盒花生糯米糍⋯⋯不過都幫襯咗一盒, 原來糯米糍都好好味呀！又係質地好軟滑，仲有🈵️🈵️花生饀添👍🏻有相為證架！📷…查看更多

早兩日同老公出尖沙咀，途經水門雞飯，諗住可以食返泰國真正水門雞嗰個味道。嗰日唔算好爆，見有兩張空枱，但職員仍然叫我地企門口等，仲係黑面添！企我地後面啲人又想打尖，老公嬲爆！等咗10分鐘終於安排我地入去坐低，咁我就即刻落order啦，叫咗雞飯+冬瓜湯、凍泰式鴛鴦、多士；冬瓜湯太咸，似胡椒粉調味的，飯粒太軟身及不夠味，雞本身不是泰國那種，不夠厚肉，那碟雞醬稀稀的。總之就是失望！寧願食普通海南雞飯，都唔會再去呢度！…查看更多