dougNdoug的个人专页

推介。lunch 好地方。1) lunch set 多choice 2) 唔多人3） 好坐4）靚景。一邊睇住維港景一邊享受住落地玻璃照入嚟嘅陽光享用美味午餐。5）食物質素高。6）頭盤唔使特登加錢已經有好高質素嘅選擇，我揀咗鯛魚他他。正！7）主菜，我揀咗最平嘅意大利燉飯，一樣係正！好濃嘅芝士同菇菌香，啲飯煮得啱啱好。8）餐包都好好食。9）唔使揀甜品都已經好夠。10） 冇包餐茶係有啲可惜，不過就正好有機會俾你出去再飲過杯真正好飲嘅咖啡。 …查看更多

真心推。1） 好食2）唔似淨係食糖，只係甜3）雖然全部以仿製港式小食甜品為概念，但味道完全啱數。4）唔係死甜5）冇因為係afternoon tea 就特登利用好多好似好名貴嘅食材但又唔好食，有名無實。6）好坐。位置編排鬆動，唔會好有壓迫感。7）好茶。我叫咗玫瑰茉莉茶。回沖咗起碼四次。都一樣有味。8）唔會話好貴。+1 後每人$250。9）服務良好。讚👍10） 鹹點甜點同Pastry質素都好一致。直得趁住佢哋有呢個期間限定，try try…查看更多

基本上所有嘢都好食。生豪真心必食。味道唔會好濃，汁汁好惹味。炙燒帶子好鮮。 和牛好香不過都幾油膩。一定要share。青瓜花天婦羅做得好脆唔油！只係覺得音樂有啲大聲。做返靜靜哋其實會有返啲氣氛。…查看更多

又唔係想像中貴夾唔飽食裝修。叉燒好食，蜜汁好多肉質鬆嫩。烤鴨超級抵食。。。應該係物有所值。雖然都要九百幾蚊一隻，但係真係全隻鴨俾晒你。片完隻鴨啲皮，佢會問你要唔要鴨鬆，鴨殼，定係爆炒。避風塘銀鱈魚。炸得剛剛好。個皮好脆，但係裏面啲肉仍然係好嫰好多汁。本身對佢有偏見。覺得都係呃人。黑鼆鼆嘅裝修，令傳統思想嘅我一入到去就覺得唔係比本地人食嘅餐廳。 食完之後完全改變我嘅睇法真材實料唔怪之得喺呢個市道星期一仲係爆場。至於服務亦都唔錯。對的時間做對的事。Ps: 廁所乾淨。…查看更多

香港多人排隊嘅餐廳未必係好食，但係冇人排隊嘅餐廳，就真係多數唔好食！呢間就係其中之一！未食過呢度，唔會明點解壽司郎會排到咁墟冚，食過就完全明晒！最基本嘅蒸蛋裏面啲料都有啲霉霉哋，好似係一粒迷你零食乾貝，仲有半少隻菇！連最基本嘅蟹柳同魚蛋片都冇！卅幾蚊一件吞拿魚壽司，都會有根 😩 蝦有啲腥間舖開咗冇幾耐，但入面會有一浸味！如果以大衆化比較，。環境我寧願揀元氣！。食物我會揀壽司郎！。有環境食物又有質素都係去返千兩! (不過就貴啲）總結，冇人排真係有原因！…查看更多

之前中秋節搵餐廳食飯，雖然兩個人食，但係都絞盡腦汁！想搵一間人唔多，嘢又要好食嘅中菜。突然醒起呢一間真正係鬧市中隱世嘅潮州菜！完全係傳統高檔老派中式上海風格！總括。啲嘢食真係好好食！我哋兩個人，叫咗潮州滷水鵝片，煎蠔洛，芋頭鴨，炒米粉。甜品係反沙芋！滷水鵝。食到鵝肉香，唔係剩係得啲滷水汁同豉油味！連豆腐都勁好食！至於煎豪洛就更加不得了！蛋漿、蠔仔、仲有薯粉漿 各樣嘅層次都恰到好處！食得出蛋香嘅味道，蠔仔嘅鮮，仲有薯粉漿嘅QQ感。芋頭鴨？只可以用OMG形容！鬆脆，香口，兩個人食晒一碟都唔覺得油膩！佢個炒米粉更加係意料之外嘅好食！反沙芋，一碟8件！上枱嘅時候都嚇咗一驚！後悔冇問一碟有幾多件就嗌！諗住一定食唔晒！點知越食越好味，真係可以一舊一舊一舊咁成碟食晒！係兩個人食晒一碟八舊嘅反沙芋！佢出邊嗰啲糖廂真係用蔥油嚟煮！你唔覺得好油膩！當然我哋一路食都一路搣走啲糖，如果食埋啲糖真係甜到漏！整體佢啲嘢真係好好食！價錢基本上就一定比潮州打冷貴咗一啲，但係如果你想坐得舒舒服服，正正經經，有少少優雅咁食一餐潮州菜，市內真係少之又少！無論「百落」定 「潮X春」都一定比唔上呢度嘅正宗煮法仲有 ～～ 真材實料！…查看更多

基本上嚟親葵廣都一定會食嘅呢一間。我至愛嘅係雞卷。其實都好想食香腸，只不過每次都一定食到好包，跟住就食唔落！今次外賣去朋友屋企，所以可以一次過買晒我想食嘅嘢！。雞卷。香腸。生煎包。蠔仔麵線：雞卷係一如以往嘅外脆，內嫩，肉汁勁多，好香，加埋調味粉，更加嘢味！一個人可以食到兩條！：咬住條香腸，真係好似帶返你返台灣夜市一樣！如果有黑椒味就更好啦！：生煎包$10三粒，其實真係好抵，又可以止吓想食生煎包嘅口癮，因為细細粒，唔會佔到個肚肚好多位：麵線真係估你唔到！真係意外嘅好食！唔知係咪因為外賣，所以佢比特別多湯，唔會返到屋企啲麵”朔”晒啲湯汁! 麵線最重要嘅其實都唔係個麵或者係裏面啲料，而真係個個湯汁！佢嘅調味係唔洗你自己再加什麼胡椒粉，醋或者其他調味料！配合埋麵底同蠔仔真係令你更加掛住台北真心，直得推介！ gogogo! …查看更多

基本上食物係ok, 因為太餓，自己都可以食到五百幾蚊！不過。。。最差係服務！ 記得關門前一個鐘真係唔好去！就算夠時間食，D人個個都趕收工。佢哋可以令你原本打箅食45分鐘，成功令你30分鐘就食晒走人…服務態度趕客，沒通知注意最後下單時間，下完第一次單便立即要結賬，才知原來自已是關門前一小時入坐。幸經理看到，幫我再次下單 。關門前40分鐘，服務員看到我一食完 。即時申手在我眼前 ～ 收碟。大約40分鐘，收咗起碼4-5次碟，完全係壓力！那幾個年輕男服務員以各種行為催趕，最後我都叫自己坐到9:50先離開。仲有，有咩理由，你會聽到服務員係身後不停「鏗」歌！ 好騷擾，搞到成間茶餐廳咁！食物再好，都比不了催逼的服務…查看更多

抵食lunch :- weekend 都有lunch set - 12:00 坐到 2:30- 唔洗三百，3 course，包餐飲，仲有咖啡、茶- 份量唔失禮老實menu, 冇厄人暖暖餐包！自家製。頭盤唔箅少牛扒都夠份量，冇over/under cookdessert自己揀cake ~ 榴連season, 都有榴連主題嘅蛋糕！ 咖啡係正常嘢！講真，出去求其搵間cafe 食個all day breakfast加杯嘢飲 都分分鐘貴過三百，佢3個course 加兩杯嘢飲，落地玻璃，自然光，環境闊落，坐得舒服，而且枱唔算多，真係可以一路食嘢一路傾計，人哋又唔會聽到！Highly recommend! 不過一定要訂位！…查看更多

$988 set dinner x2 4杯pairing $4XX 1 dessert +$100+ 10% =$2800其實係正常，但就係在於太正常，唔可以話service 唔好，D嘢唔好食，就係覺得有少少普通～ 見到有人話去Morton好過，開始時覺得佢都有D mean, 不過食完如果俾我揀，我都會去Morton! Anyway ， 食物quality係好！：D麵包暖粒粒，法包香脆，我食咗兩個，舊牛油都係好好食，好香！：Beef tartare ~ 都係好食 ga ~ 配麵包食，又係唔錯。：湯⋯⋯濃。熱。夠味：主菜～ 西冷！好香 medium 真係medium, 冇over/ under cooked! 肉質好，佢係冇咩調味 如果有用佢啲鹽係真係食得出D鹽同肉味！至於wine pairing , 基本上又唔係好差，正常！Overall，我覺得係好值得試下，食完又唔覺得係中伏，因為food quality, service, 環境. 氣氛 都有齊，只係你食完都 可能發覺有啲更好嘅選擇。…查看更多

上次嚟香格里拉食咗日本菜，今次嚟埋佢哋中菜部飲菜。平均一樣嘅要80蚊 兩個人 4個點心加茶芥，已經五百。值唔值真係好睇個人。讚：地方舒服，闊落，除口罩食嘢好放心。燈光好，唔會太有情調又不至于好光，好坐讚：食物水準 above average 必食係雪山叉燒包！一定一定要食！除咗開果壺茶，仲俾多杯清茶開一開胃！幾細心！疫情之下其實佢哋都full 㗎！ 可能D枱隔得開，少咗枱！不過都可以估計，之前佢哋應該又係要1個月前訂位果類餐廳！…查看更多

之前因為book錯咗所以去咗九龍嗰邊食，勁失望。今次。星期日趁人少少走過來Walk in試吓有冇位，又好好彩星期日都有好多set lunch同便當揀！可能疫情關係，所以人真係唔算好多，如果過咗疫情，之後應該又會好難book位！我揀咗嘅雪魚西京，天婦羅午餐。全部overall 都係above average ~ 已括幾塊魚生片（上次食九龍果間，基本上係同連鎖壽司店冇乜分別）天婦羅係我嘅至愛，基本上整得都好好脆漿啱啱好，熱辣辣，卜卜脆。 至於銀雪魚西京燒除咗塊魚細咗少少，已經冇嘢好投訴。基本上唯一唔鍾意只係個甜品。其實比杯雪糕都好過俾啲隔夜生果大菜啫喱⋯⋯Anyway~ 整體lunch CP值都係高嘅, 因為我個set都係三百幾，正正常常嘅price range la ~! Weekend lunch 嘅好選擇！…查看更多

情意結之下，揀咗呢度！有夜上海嘅mood~ 張枱因為剛剛係自成一角所以坐得係舒服啲。自在啲。食物：烤鴨。皮簿，刀功之選！一隻鴨唔係好多，不過夠！而且跟炒鴨絲！薰蛋。冇嘢講，必食脆膳，一般，好甜.似零食多啲海哲頭，未至於好特別「稻草扣肉」70蚊一粒，舊肉柴BB ~ 賽旁蟹，味道ok,不過炒得好散素餃 同 小龍包 都好食！ 個皮做得好好！甜品大部份都叫咗，冇話特別好食，又唔難食！Overall: CP : 正常。Average 環境：靚，不過唔鐘意暗黑嘅人都係去返金鐘分店好D。仲有，如行動不便，可以搭in-house 電梯！Good ：安全嘅質素，味道，不會太突出，驚喜＄：未至於好貴，太mark-up好勁，fair price 服務：service 係爽直，但係又唔係冇禮貌！如果為食品質數，有其他choice, 但係得體大方請人食飯，呢度有體面之餘，又唔會食窮你 HAPPY NEW YEAR …查看更多

有次做gym聽到有個教練話呢間D牛唔錯，終於的起心肝試吓。12/25 中午，人唔多，地方唔算大，唔多人嘅時候幾好，唔會好大味。店員會要求點咗餐先俾位你坐。重量有 200/300/400g ，各種部位！如果唔想食調咗味嘅肉，唔好食牛肩。可以揀肉眼/西冷Overall 係ok , 當然唔可以同D高檔路線相比，地區之選係不二之選！總結：Price：唔算貴百零蚊 300g 牛扒 白飯·湯·沙律 任裝環境：乾淨、企埋Service: 正常性價比高！…查看更多

星期日去坪州走走，去到先揾D嘢食。老實，坪州除咗茶餐廳多，decent 同 chill chill 啲嘅只係好幾間⋯ 經過見到又唔多人就快快揾個位坐低。 基本上menu 冇咩揀，對選擇困難症嘅人好方便😂 叫咗杯white coffee 同 天使麵。咖啡香，濃！good! 意粉炒得好好，唔會好油，不過返而有啲似炒米粉。Anyway, 係一間值得支持嘅小店。店員店長都好nice ~ 知道係剛剛開店，希望可以keep住開店熱情。加油！…查看更多