日本食玩的个人专页

涼涼哋最好食臘味➕煲仔飯🤭唔想去西環咁遠，揾吓揾吓見到筲箕灣有幾間最後揀咗呢間，因為除咗煲仔飯都想試小菜。環境餐具都乾淨企理，掃QR code落單好方便。煲仔飯要6pm後先可以叫，早咗15分鐘去到，餓底友人表示叫兩個小菜攝住牙罅先😆小菜 「野山椒炒牛肉」 - 小辣🌶️上菜好快夠熱，牛肉炒得好香味道唔錯😋仲有不同顏色甜椒一齊炒，好甜好淋都係好入味，友人發現有一款係醃製過酸酸哋鹹鹹哋但又最辣嘅椒仔，應該就係野山椒，送飯一流，不過未等到煲仔飯嚟已經食晒😆小菜 「椒鹽雞翼」 同平時嘅椒鹽雞翼味道唔同，有啲紅紅哋似係辣椒味嘅「椒鹽」而唔係平時食胡椒味嘅「椒鹽」，味道都唔錯，係乾咗少少同埋凍咗會鹹啲。終於夠鐘叫煲仔飯🥳我哋揀咗要招牌「蒜香牛頸脊飯」➕臘腸，同埋「合時臘味飯」➕荔茸，有荔茸係好驚喜🤩可能係第一輪，等咗10分鐘左右就有，上菜後職員會打開蓋淋一圈秘製煲仔飯豉油再冚蓋焗一陣，我哋唔知要等幾耐見隔離枱開蓋我哋先敢開😂「蒜香牛頸脊飯」蒜味好香入晒啲飯度，牛頸脊完全無渣好入味👍🏻👍🏻「合時臘味飯」最出色嘅竟然係加餸嗰兩大球「荔茸」，好香好滑，加埋飯一齊食入口即化好滿足😌油鴨有啲乾同嚡，要啲牙力先咬到。每枱都有壺自家調嘅煲仔飯豉油，味道唔鹹剛剛好。有食過其他餐廳煲仔飯啲飯太生，呢度飯粒飯焦唔會過硬或者好濕，最後竟然兩個人食晒兩煲煲仔飯➕兩個小菜好瘋狂😜值得再嚟，下次想試其他小菜😋…查看更多

食物無問題，係好食㖭。環境衛生無問題，夠乾淨。問題係：我哋兩個人，12:15pm入座即刻叫嘢，兩個人叫咗兩個主菜一個小食，12:25pm所有食物先至到齊。我算食得慢，12:40pm放低筷子，朋友早我5分鐘食完。食完想洗下手帶番個口罩，當預備攞錢出嚟之際，12:42pm有員工埋嚟催我埋單，話出面好多人等😳我哋只係用咗15分鐘食曬所有嘢仲想有幾快？？重點係：我哋只係食得快，食完帶口罩帶得快。但其實食一碗越南河基本要45分鐘係咪正常呢？但我哋計埋坐低等上菜加食完，只係用30分鐘都唔算過分啫吓嘛？疫情期間生意難做，午市的確好緊要，想快啲番枱做多輪呢點絕對明白，但嘢食幾好食都好，員工嘅細心度都一樣會影響生意。唔通食得慢就可以坐耐啲？食得快反而要逼人走？咁做生意未免太人無情味…查看更多

跟同事一起叫午餐，這家沒試過就試一下。需預先訂，沒有送貨只設自取。日式咖哩飯，餐牌可選牛扒/雞扒/豬扒。選了雞扒，回覆說雞扒之外可選餐肉煎蛋，心想可能是同事理解錯誤，應該是沒有雞扒所以轉了其他餸，免得轉來轉去就說可以。取貨後打開，裡面有一隻煎蛋，加上半塊4厘米乘4厘米的午餐肉咖哩甜到好像只用糖煮一樣，差點以為在吃甜品同事說可能漏單，因他們也欠了一些餸應該絕對不會再叫，無論性價比和味道都難以接受…查看更多