lf2rah的个人专页

今日經過海怡，係Openrice搵到呢間中菜，叫左個花甲蒸水蛋，避風塘炒蝦，金沙鮮魷，砂鍋蔥油雞。金沙鮮魷無乜咸蛋黃味，不建議叫。花甲蒸水蛋份量很大份，可惜花甲有啲都有沙。避風塘炒蝦則最出色，整體來講，味道呢個價錢都尚算可以。最後最令人失望嘅係我哋一早落咗單過咗40-50分鐘都仲未出到個砂鍋蔥油雞，後尾我哋話如果未出就唔要啦，因為基本上已經食完其他嘅嘢食連白飯都食晒唔，然後叫佢哋話未做就唔要，點知佢哋都夾硬要落，最後又要等多10幾分鐘先有碟雞出嚟，最後我哋食都冇食過就直接打包。總體嚟講，呢個價錢性價比OK，但服務強差人意，唔值得特登走過來食。…查看更多

今日經過佐敦，咁啱見到呢一間老字號重新開店。以前喺德興街好多年，尤其係小籠包極之出色。 現在相隔多年後重新見佢有開舖頭，即刻入去嘗試叫返小籠包，味道仍然出色，依然係香港最皮薄多汁嘅小籠包，雖然而家四月叫唔到蟹粉小籠包或蟹粉拌麵，要到10月份先叫到，但已經極之期待了！今次除咗叫小籠包之外，亦叫多咗分上海擔擔麵及酸辣湯雲吞。擔擔面嘅雖然配料唔算好多，但麵質偏幼，而且幾香幾嘢味。酸辣湯雲吞都算OK，不過冇其餘嗰兩樣餸咁出色。…查看更多

今個weekend嚟到呢間好似連續四年米芝蓮一星餐廳食中午, 叫左個lunch set, 不過另外加左錢每人二百叫左Bowl of Wonder, 但份量很小，不太worth價錢, 而且魚子醬嘅份量也小得可憐(像沒有一樣), 真的令人”wonder”.其他菜式都可以，特別主菜加錢叫了和牛，燒得挺香而且肉還算嫩滑。另外也有叫了一份燒魚，都是燒得不錯。餐廳環境算很modern，裝修不像傳統高級日本料理，帶點西式工業風，但也很elegant。不過應該不會再來了。這個價錢，香港很多選擇。…查看更多

住喺大角咀附近，呢間泰國菜曾經係本人最愛嘅餐廳之一。對於一個鍾意食泰國菜嘅人來講有一間高水準嘅泰國餐廳，本來係一件好開心嘅事。以前舊店嘅時候(係街轉角位)，差唔多個個星期都同女朋友過嚟食。可惜自從搬咗去利奧坊樓下之後，水準、裝修、環境同服務都比以前差好多。其實價錢嚟講呢間泰國菜一向都唔算特別平，但以前水準高都可以接受，依家食物質素下降，變咗似係主要做外賣嘅一間店。特別係服務管理比以前差好多，啲姐姐都全部換晒人。入到店係無人幫你安排位置，門口個啊姐係背住門口係度禁部機，無諗過招呼客人。之後依家換咗掃QR code落單，呢個都無問題因為好多餐廳都為咗效率轉用晒。但我哋入到嚟，睇完埋枱面上個menu食咩, 成十分鐘都無人比個code我哋。之後我哋叫佢幫手落單佢哋就反而話返個客人…最後，我忍唔住去問個侍應係咪老闆換咗手，佢哋都話係。真令人可惜。…查看更多

睇完日本KOL介紹，專登走過來喺銅鑼灣去試，話出名有好多蠔食又好日本feel喎。但嚟到後連令和之怪物同青森味嘅蠔都冇得揀，而且餐牌上明明有海膽牛肉湯生蠔散叫嘅價錢，但個經理話一叫要成個拼盤咁叫(~$600/set)，無得就咁一款叫，所以最後我哋都係無叫到。剩係散叫左就咁普通生蠔同埋其他野食。雖然聲稱係日本餐廳，不過環境同服務都比唔到太日本嘅感覺。感覺有啲比個日本KOL(大x與龍x)呃左…特別係服務上，個經理唔知係咪新做，管理得比較差。我哋叫左杯水都等左十幾分鐘再催先拿過嚟，而且想拿個籃去放袋, 都足足提左三四次先拿過嚟。最後關於野食，碗蠔拉麵雖然都幾多份量，有成五隻蠔，不過就偏腥，唔算好食。至於重點嘅生蠔，我哋試左”三重”, “大分”, “北海道知內”, “室津”。整體嚟講都算新鮮，不過每隻嘅味道都差唔多，都係偏重海水味，但size上三重會大過其他好多，室律細到得1/3 size。Anyway, since the service is not on par with other Japanese restaurants, will likely not coming again.…查看更多

附近觀塘返工，都唔係第一次嚟。主要因為有semi-buffet又有紅酒白酒任飲，價錢唔算貴，而食物質素尚可。餐牌好似間唔中都會有更新，同上一次嚟對比多左幾款新菜色。味道偏向西方口味，不過份糧唔算特別多，但可以接受。不過，最可惜有個經理服務態度差劣，不停對客人呼喝。係呢度食成百幾蚊餐午餐都仲要受人氣，係今時今日嘅社會仲係咁樣開餐廳做生意相信好難做落去。建議大家嚟之前諗清楚先好去，我就唔會再有下次了。…查看更多

之前飲過一次，咖啡味道正常還可以。今日食完飯諗住入去坐下，點知明明店裡大半空位，但係我哋一行兩人都比佢哋員工逼左出嚟，話要買左野飲先可以入去坐，唔知咩規矩，自己慳人手唔送咖啡唔幫客人落單都算，仲要唔客人同朋友坐住先，一定要所有人都出晒去排隊叫野飲，價錢又唔係平，香港地咁咖啡店選擇，點解要揀佢？行上一層已經有另一間環境服務同咖啡都比blooms好過嘅coffee acaxxxmics, 唔會再幫襯呢間了…查看更多

麻麻地，啲單落錯晒，不過食物質素高The food is actually pretty good while the service was soso as they’ve made a couple of mistakes, i.e. we’ve been waiting for long time before we got the food we ordered.Hopefully the service can be better soon as currently we probably will not be back again…查看更多

特意很遠來到這家在灣仔享負盛名的茶餐廳。門口略有些人已經在排隊，也有些人是在等外賣。我們排了一會隊才能進去，可惜進去之後，地方非常擠逼，但抱著嘗試地道香港傳統早餐的我們，還是勉強擠進了一個小小的卡位，正對著共享同一桌的兩位大叔。我們叫了這裡最出名的早餐和一份凍奶茶，另加網上很推薦的菠蘿油。老實說，早餐真的不怎麼樣。可能吃過華星，澳牛，甚至紅磡冰室都比這家金鳳好吃。只有菠蘿油是比較新鮮，但是附近隨便一家灣仔的麵包店都能做得差不多。看來這家店來一次試試已經足夠了，感覺店員都像等退休的樣子，服務質素和環境，甚至最基本的食物都沒有一般其他的茶餐廳好，還不如去連鎖的算了。…查看更多