0919phoebe的个人专页

相約朋友嚟到新城市廣場，上OpenRice 大熱推介呢間餐廳”butlery “我哋見到個裝修都幾靚，環境亦都舒服，有啲歐陸風格，睇完餐單，亦都適合小朋友口味同慶祝生日。我哋為了避開高峰人潮提前5:49開始用餐，不用等位✌🏻Pancetta Carbonara 🍝卡邦尼意粉，軟硬適中，煙肉香口，醬汁香滑夠Creamy，味道好味😋雞肉溫泉蛋沙律🥗新鮮沙律菜配有雞肉，車厘茄，煙肉，麵包粒，沙律醬，口感清爽，健康開胃。安格斯牛肉肉醬拌麵+溫泉蛋🍝因為小朋友食，所以我哋將溫泉蛋轉了炒蛋😂安格斯牛肉碎香濃蕃茄味，闊條麵煙靭，濃郁好味。Pancake鬆軟，滿滿的空氣感，面頭有層薄薄焦糖及雲呢拿吉士醬，配搭香蕉同士多啤梨，大人小朋友都愛吃😋…查看更多

自從壽司郎嚟咗香港，一直非常之受歡迎，keep住長期大排長龍，佢食材新鮮而且價錢大眾化，每次等個幾鐘真係等閒事。要食嘅朋友仔就預返時間攞飛先喇～～然後再慢慢周圍逛下再一邊等吧😄我哋叫咗特大赤蝦🍤，特盛甜蝦，爽口鮮甜，CP值高。特大帆立貝，肉厚鮮甜，啖啖肉非常新鮮。炙燒三文魚，肉質介乎生同熟之間，又滑又軟，又有少少炙燒味道，無限encore大愛。松阪牛肉，節日限定。其他壽司，大致上都好好味，而且都係新鮮！整體嚟講，大部份食材新鮮，價錢亦都合理，而每個月亦都會推出限定Menu或者換購禮品，所以每個月都會去幫襯👍🏻😄…查看更多

📍牧羊少年咖啡館唔係第一次嚟食，因為地方就腳方便，食物質素亦都唔差，而且餐廳環境坐得舒服，如果冇人喺出面等候，即使過咗用餐時間，都會俾你繼續坐，所以都係朋友聚會傾偈好地方～～🍕日式大阪燒風味三文魚薄批Pizza即叫即制 新鮮出爐，熱辣辣，配上煙三文魚及芝士，令到口感更加豐富，薄批邊亦都好脆口。🔺拉差醬法國雞翼雞翼超脆口，肉質嫩滑，個醬汁好好味😋🔺龍蝦汁鳳尾蝦意大利麵意麵略為硬身(適合鍾意食煙韌D嘅食客)本人口味鍾意軟身少少（如果有得選擇軟硬度就更加好）但整體味道OK，鳳尾蝦大隻爽囗，好新鮮。…查看更多

🔺愛民生🔺香港地道大排檔之一，鑊氣一流。其實唔係第一次食，以前細個讀書年代都有黎食過2次。事隔10年再嚟幫襯，以前只有一間店，依家擴展到幾乎半條街，真係勁！！都知道一到夜晚任何一日都好多人排隊，我哋為左避開人龍，所以五點幾就嚟攞飛，唔使等～～😄今次同朋友們嚟到點咗啲人氣小菜：⭐️小炒皇腰果蝦乾魷魚份量算多，韭菜翠綠冇渣，加上爽口菜脯粒，食落口味道豐富爽脆。⭐️避風塘炒蟹超級惹味，蒜香夠香夠味，肉質鮮嫩，非常之有鑊氣，好味！⭐️椒鹽九肚魚炸到外脆內軟，新鮮熱辣辣，香脆惹味，送酒一流👍🏻😄⭐️鐵板黑椒豬手肉質好腍好多肉，好入味👍🏻⭐️薯仔牛柳粒似係預先整好，薯仔應該唔係即刻炒同炸，薯仔同牛柳粒就較為乾身，肉質唔算滑，味道一般。…查看更多

朋友為我慶祝生日提前於網上book位一於試吓日本大熱吉列專門店-▪️京都勝牛▪️分別荃灣同銅鑼灣有分店店舖以木色日系裝潢，店員安排四坐卡位，位置寬敞，感覺舒服，當晚見到就唔多人。Order food : ▪️極上和牛M9後腰脊(附日本溫泉蛋）和牛炸得外脆內腍，不會太過油膩，肉質鬆軟吾會韌，不過牛味就淡咗啲，另外會送上一個爐同煎pan,可以按自己喜好生熟程度再煎，我會略為煎一煎，在沾上山椒鹽，非常香口好味。😋😋▪️和牛壽喜燒分量十足，除左牛，裏面仲有豆腐雜菇芋絲等，可以沾醬汁或直接沾蛋都得。而每一個set到配有白飯,麵豉湯和沙律菜，白飯同沙律菜係可以無限refill，再配埋胡麻醬，清淡開胃，令腸胃不用太Heavy。👍🏻▪️豚肉炸餃子餃子一大片脆底，皮簿餡多，味道香口，不過真係要趁熱食，凍咗腍左味道就會爭啲。▪️枝豆枝豆翠綠，上面沈左啲黑椒同鹽，鍾意食枝豆的可叫。整體食物質數方面吾錯，佢呢間有限時60分鐘，一到60分鐘職員即刻過嚟同我哋講要埋單，我哋想叫埋個甜品都冇得叫，而我們眼見冇人等位及成間店舖仲有一半吉台以上，如果滿座或者有人等緊，我地絕對明白，呢方面個感覺就不太好喇～～…查看更多

突然同朋友好想食串燒，於是上網搵下，見到呢間門面整齊新淨，座位都較為寬敞舒適，跟住見佢有個較為得意有趣既布袋吊喺每張枱上面，幾有特色於是揀咗呢間串燒店····· 《粗店燒烤》一坐低，店員便在碟上加上辣椒粉和孜然粉，然後捧上一個爐，原來係俾大家暖住啲串燒用，竟然有細心位👍🏻👍🏻我哋QR code落單：-烤生蠔； 有辣椒同蒜蓉，生蠔肥美好味。-椒鹽魷魚鬚, 雞軟骨：吾會太多粉，酥脆可口，雞軟骨粒粒爽口，再加埋辣椒粉和孜然粉，相當惹味。😋-蜆煲：原本我哋諗住叫錫紙卜卜蜆，可能我哋order錯咗，嚟咗個煲😂不過本身都鍾意食蜆，所以都冇問題，蜆煲亦都鮮甜冇沙。-韭菜，娃娃菜：鮮嫩juicy唔乾身，必叫。-涼拌青瓜：新鮮爽口，辣到適中。之後掛住食，有啲冇影到，牛肉串，蒜蓉金菇，炸饅頭等⋯整體食物質數吾錯，燒得亦好味，環境座位寬敞而且冇太大浸油煙味，啱晒朋友們三五知己傾偈，會繼續幫襯👍🏻…查看更多

+》麻辣風雲《++四個朋友好耐冇見，於是想搵間坐得舒服啲嘅川菜餐廳食吓嘢，呢間位於旺角瓊華中心，地理位置較為方便，環境都算乾淨企理，座位寬敞不會太逼夾，坐得較為舒服。我們提前上網預訂座位，所以一到時間已經可以進入餐廳，限時90分鐘(可能外面沒有人再等位，職員沒有前來提示我們要埋單，所以我們繼續食到店舖閂門）🙈因為當中都有朋友食過幾次，都有推介某啲菜式，首先我地點左，炸饅頭：賣相有噱頭⋯ 船上乾冰會冒煙(影相要快條船好快被職員收走，應該唔夠船用😂）饅頭新鮮炸出，外脆內軟，再配埋個煉奶，趁熱好好食👍🏻酸菜魚：可以選擇唔同辣度，我哋叫咗小辣，辣到適中，魚肉嫩滑，配料有酸菜、萵筍、豆卜、金菇等等⋯酸酸辣辣都幾開胃😋椒鹽魷魚鬚：椒鹽香口炸得好香脆，魷魚爽口鑊氣十足，較為濃味拔絲咕嚕肉：咕嚕肉外包滿糖醋汁，酸酸甜甜，拔絲賣相有新鮮感。掛住傾計有啲我哋都冇影到相，但整體味道適合我哋，可以再食～～…查看更多

三年前食過，印象深刻好好味，而且環境古典優雅有情調，服務亦都非常貼心。所以三年後嘅今日生日再嚟過，但今次係失望失望同失望⋯⋯我哋叫咗4個set，菜式擺設雖然有落心機，但係味道認真嫲嫲，海鮮沒有鮮味，牛肉韌過樹皮，龍蝦湯有陣燶味，甜品雖然有擺盤但味道亦都好普通，唯一好食要讚嘅就係個生蠔(另外加$328）鮮甜肥美，除咗呢樣，成晚我地都唔知自己食咗啲乜嘢，真係有史以來食過最差嘅fine dining !!果然軒公退股後啲食物質量同樣退步，真係吾會再有下次⋯⋯我哋亦有向店員反映！…查看更多

++ Ann Mamma Thai Kitchen by張秀玲++見呢間門面裝修幾靚，初頭以為係文青Cafe，原來係泰國餐廳，但walk in 好難食到,所以想食嘅朋友們要上網book位先唷～～夜晚有兩段時間：-6:00pm-7:30pm用餐時間90分鐘！!我哋order咗:生菜玉碎包，豬/雞沙嗲串，豆醬炒通菜，炸墨魚餅，泰式炒飯，泰式咖喱炒蟹(需要提早一日預訂，為返五百幾蚊一碟，略為有少少貴）其實大致味道都唔錯，但份量較少，而個泰式炒飯就麻麻哋，個飯太硬)其他就ok飲品和甜品：椰青+🥥🥭椰汁芒果糯米飯，個芒果糯米飯就不過不失。呢度樓高兩層，同一般泰國餐廳逼夾嘅感覺呢度就真係坐得舒服好多，感覺休閒放鬆，而環境也是打卡一流，不過真係要預90分鐘時間內食完，職員收碟及埋單速度都比較趕急，趕下一round晚市。…查看更多

2次都被安排坐喺窗口卡位，環境寬敞，而且有格調，想坐得舒服傾計既朋友仔可以試吓呢間，而且食物質素都唔錯,價錢亦都大眾化。特別鐘意佢個’牛油果香芒烤雞沙律配胡麻醬’ 蔬菜新鮮爽脆，芒果好香甜，再淋上胡麻醬真係好好味而且份量十足好大碟，特別適合鍾意食沙律或者減肥的靚靚們。另外叫咗個‘牛肝菌大啡菇黑松露醬pizza’係小型pizza，即叫即製，熱辣辣，趁熱食好香好好味，不過就冇乜黑松露嘅味道喇！最後叫咗個’海鮮青口意粉’味道其實唔錯，不過意粉口感就較硬身(我諗個人口味吧，有人鍾意食硬身啲有人鍾意食淋D)而帶子就偏向細粒,而青口及蜆肉既份量就正常。因為朋友生日，所以預先喺book位時訂咗個tiramisu蛋糕, 少少的儀式覺朋友也感到驚訝和開心❤️…查看更多

放工後相約同事到旺角呢間”烤魚工房” 地道風味烤魚！門口好多人排隊，等等下有位職員姐姐問大家有冇人想食雪糕，原來有免費雪糕派🍦大熱天時食個雪糕真係透心涼😄等都等得開心啲。入座後QR code落單，烤魚有三款種類和六款選擇，亦可因應自己嘅喜好去選擇不同程度既口味。因為當中有同事唔食得太辣，我哋就order左’鹹蛋蒜香酸菜魚‘ 大大盤烤魚鋪滿蒜粒，酸菜及鹹蛋碎，魚肉厚滑又唔多骨，好入味👍🏻另外再叫左‘串燒組盒’當中有羊肉串，牛肉串，牛肚串，雞腎，雞肉，五花肉，豬頸肉和魚豆卜48小串，另外亦都叫左燒韭菜，吾老亦都吾乾，加上孜然粉真係樣樣燒都勁惹味😋另外不得不提呢杯’至尊水果茶‘ 裏面有足足8款水果，有士多啤梨，蘋果，橙，奇異果，百香果，藍梅，西瓜和紅肉火龍果，真係啖啖果肉，誠意十足，酸酸甜甜，清爽又開胃，真心推介。另外亦有其它特飲選擇，不過本人就鐘情呢款😄會再encore ⋯推薦～～…查看更多