beebeebaba的个人专页

一行三大三少去到，等一陣有位。order 時，朋友叫一個number 60，女待應回應：咩嚟。於是乎，我好心讀埋個甜品名出嚟比女待應聽，點知未讀完，女待應話：得嘞。重有叫咗一客芒果布甸，一客芒果糯米糍，一客雜果西米露芒果汁底。後加order一客熱杏仁鮮奶樂（原味）。首先，嚟咗芒果布甸及芒果糯米糍，我可以形容係 ""pat ""係檯面，冇同客人講係咩。跟住嚟嗰個甜品，係一碗類似紅豆沙加綠豆沙嘅嘢。但我地叫嘅係，熱湯丸配芝麻糊紅豆沙。當然，我地舉手未意，咁啱，都係落單嗰位女待應，我地話我地係叫咗熱湯丸配，，，，我地都未講完，女待應已經從檯面憤怒地拎起碗紅豆沙綠豆沙嗰碗嘢，而呢位女待應嘅面，由本來已經黑口黑面，變成包公咁黑。全個過程，女待應冇講任何一句說話，冇任何抱歉嘅意思，甚至乎，女待應覺得係客人嘅問題。我想請問吓呢d 係咪 service ? 食到咁上下，我地問另外一個，係收銀機嘅女待應，幫我地追追個order，佢望一望張單，問係咪熱杏仁鮮奶樂，我話係。 不久，熱杏仁鮮奶樂到，小朋友先食，冇留意是否凍定熱。當我老公試嘅時候，發現係凍的。於是同企收銀嗰位女待應講。佢問：係咪唔夠熱。我答：唔係唔夠熱，係凍。於是又係一慣作風，突然係檯面拎走。我地話唔需要換嘞。同時，呢位女待應，大聲地向廚房內叫：嗰熱杏仁鮮奶樂唔夠熱呀。全個食嘢嘅過程，我地d都唔愉快。講真，d芒果布甸及糯米糍，係中央工場整定，交到舖頭，已經冇美味可言。個西米露，唔難食，但我一d都唔覺好食，唔會再叫。個熱杏仁鮮奶樂，好明顯係工場整好，雪凍，蒸得唔夠耐，所以我地食嘅時間，仍然係凍。當晚，又唔係好多客人，待應又有幾個，都得到如此服務。講真，款款甜品都四五十蚊，我真心覺得，得物無所值。唔駛錢我都唔會嚟，因為食物品質，仍唔係好。我地坐係廚房附近，待應放污穢碗碟時，ping ping 澎澎，垃圾桶又無蓋。我唔係第一次食滿記，坦白講，食物，服務，係每況愈下。嗰刻，我只係想，小朋友快d食完快d走。…查看更多

我地一行6人, 訂咗位, 嚟到和幸, 一定要食我至愛既魚生, 刺身, 飛機新鮮運到..勁好食. 我地叫咗 "特上刺身大盛" , "霜降和牛刺身" , "黑松露鯛魚薄切", "胡麻蕃茄沙律" , "自家製冰燒鴨胸肉" , "煙肉蠔串燒 x 4", "鵝肝釀雞翼串燒 x 4 ", "牛舌串燒 x 4 " , "清酒煮蜆" , "燒多春魚", "味噌海鮮鍋" , "一枝上善如流720ml"..所有食物都堅好食, 魚生真係好甜, 好新鮮, 大大件, 肉鮮甜, 唔係出面個d 連鎖壽司店個d貨色. 重有佢地連鎖壽司店d師傅, 帶住隻手套, 周圍摸, 然後又整壽司, 魚生, 真恐怖. "胡麻蕃茄沙律" 夠凍. 所有串燒, 火喉剛好, 味道又唔會太鹹, 通常出面個d, 鹹到要狂飲水. "清酒煮蜆" , 蜆既size 都好適中, 唔係蜆BB咁細粒.環境都裝修到好似日本既居酒屋咁, 坐得好舒適, 檯與檯之間, 有好大空間, 唔怕傾計時, 隔離檯都聽到, 餐廳有獨立男/女洗手間, 整齊, 乾淨, 地下唔濕.服務都好周到, 一叫就有人埋嚟.總括嚟講, 物有所值, 埋單每人大約$430…查看更多

昨晚放咗工, 同朋友及老公, 一行四人, 係尖沙咀搵野食, 呢間未去過, 講真, 如果唔係朋友係個頭番工, 真係好少入到呢條街.我地選咗 Wako Bar, 一來唔想食樓下放題 , 二來, 因為見到呢間餐廳有個露台, 個 feel 好似幾好. 員工介紹話, 佢地既串燒好正, 好正宗, 串燒師傅師承日本大師, 咪即管考試吓, 反正又唔貴. 我地叫咗 串燒: 清酒鮑魚雞翼 , 雞腎, 牛舌, 羊扒, 大蝦, 牛柳, 鵝肝, 白鱔, 紫蘇葉雞皮蝦, 黑豚荔枝卷.小食, 就叫咗: 銀杏, 炸墨魚咀, 炸一口甜蕃薯. 再叫咗個" 特選海鮮黑毛和牛盛" . 首先講串燒先, 師傅幫我地燒...火喉剛剛好, 員工攞埋嚟時, 重見到有煙, 熱熱的...正好配合冬天既氣氛. 味道唔會太鹹,  yum yum. 而招牌"清酒鮑魚雞翼" , 簡直冇得頂, 好好好味..大蝦, 真我夠大, 有質感. 整體嚟講, 好好食. 重有, 叫咗個 "特選海鮮黑毛和牛盛, 自己燒. 有蟹腳, 係我既至愛, 好鮮甜, , 讚.  唔似出面其他餐廳個D咁, 冇味.有花虎蝦, 超大隻....LIKE, 超新鮮, 超好味. 有"帆立貝" , 有"牛胸腹肉" 及"黑豚" , 真的新鮮. 可能師傅燒重好味, 因為有D 食物, 自己燒得過火得濟, 乾了少少.Overall, 食物質素很好...員工服務有禮, 大家有講有笑, 氣氛唔錯. 我地坐出面, 如果天氣熱時, 可能比較辛苦..但而家涼涼地, 就非常正. 唔可以話抵食 , 我可以肯定話" 物有所值" ,成正比囉.…查看更多

我個日去食, 係星期六晚, 好耐冇去旺角, 原來多咗好多餐廳選擇. 落到去 "家樂坊", 選咗 "豚組" 去食.講真,如果唔係係正 "家樂坊"門口,經過, 根本唔知呢度有幾間餐廳.我地一家4口, 有小朋友,. 餐牌有多款式選擇, 開頭以為得吉列, 因為佢地係"吉列專門店" . 我地叫咗一個新出既"水飼豚吉列" , 一個 "安格斯肉眼扒", 一個"煙三文魚蟹籽忌廉意粉" , 及一個" 吉列豚肉豬骨湯烏東.水飼豚吉列 , 肉質很鮮, 好多汁, 唔"鞋" , 夠哂飽 , 唔似平時係快餐店食個d豬, 好大陣豬味, 又"鞋"又"un" . 安格斯肉眼扒, 我地話要5成熟, 真係做得好, 因為好多時, 通常都過熟. 整體上, 所有食物好夠熱, 真的全部即叫即整...好 like. 小朋友好喜歡食烏東.服務都幾好...招呼就到. 價錢一都唔貴, 我地一家4口去又一城 food court, 都成400蚊, 冇 service, 冇環境. 我見佢地都有聖誕餐食..可以包房.…查看更多