Lee888888的个人专页

禮拜日夜晚十點幾專程去西貢買個甜品食，喺西貢兜咗一個圈，淨係發現滿記甜品仲開緊，於是我order了一個白雪仙草芋圓盛為$42，點知個外賣盒比豉油盒大小小，咁都算啦！打開個盒之後第一啖食落去係薏米嚟嘅！心諗以為佢比錯咗，再撈下就發現一細球芋泥、三至四粒芋圓和幾粒紅豆，其餘都係薏米，我心諗有冇搞錯比40幾蚊有一半都係薏米，如果太夜唔夠賣就同個我講，叫我order其他甜品好過比薏米囉！薏米我都鍾意食，只不過比42蚊買半盒薏米有點不合理…查看更多

由舊舖幫襯好多次，到依家新舖幫襯第二次，食物咖啡水準依然keep到，唯獨keep唔到嘅係食物份量實在太細，上意粉隻碟size就好似其他餐廳比客放麵包般大小小又或者俗稱骨碟，目測份量比以前細一半，menu上舊舖的辣炒蜆肉意粉消失了，轉咗做麻辣蜆肉炒意粉，嗜辣的我覺得兩種都好正，不過份量少到就連嬌小女士都話食到2-3碟，但呢個意粉$98一碟仔㗎！另外，叫咗杯Hot Latte$38，不用加一，埋單尚算可以抵消意粉的不足，喺出面再食過環境方面，新開張暫時十分乾淨，裝修跟以前舊舖style簡潔清新，不過略嫌比較嘈吵…查看更多

大約兩個月冇光顧呢間cafe,諗住比多次機會佢，之前飲過八、九次，可能剛剛開張只有第一次好飲，印象中第一次係老闆娘冲嘅，之後再來都係新手冲，職員拉唔到花之餘，杯latte好似cappucino咁非常厚泡，因為價錢實在太便宜，所以之後都再來，當時熱latte大約$26今日再光顧一杯熱latte竟然索價$45一杯，職員話一月份加咗價，好！我就比多次機會，外面咖啡店一杯熱latte都係大約$38-$48水位,呢啲價位通常杯咖啡都唔太差和有濃濃咖啡香講返呢度杯latte,拉花不太靚，不過我對拉花冇咩要求，杯latte的確係好飲過以前，不過冇乜咖啡香，相比起外面咖啡店，呢度咁嘅環境真係價位過高，$35會合理啲，以上純粹個人意見，不喜勿插，by the way,以前同一時段上來總有幾個客，今日坐咗超過半個鐘暫時只有我一個客，可能疫情影響…查看更多

海膽忌廉扁麵：麵太稔，份量不多，忌廉汁太濃稠，海膽很細塊，$138不值熱Latte: 我對拉花冇咩要求，個拉花尚算可以，不過忘記影相，但咖啡很苦，可能豆不太新鮮，大約$48，不值餐廳內很多佈置，一班朋友去確實係幾好可以影相，但現場睇不是太吸引到我，而且白色櫈有啲污糟加一後埋單$20x以呢個食物質數和環境喺旺角區算係貴，平日下午沒有坐滿人，坐咗超過1.5hrs冇職員趕走，就當比二百幾有一半價錢係借地方坐咁諗會好過啲…查看更多

假期大約下午五點幾入去，只有兩檯客人，最初心想應該伏多，我們叫咗tea set炸魚薯條和西多士加兩杯咖啡（忘記影相），tea set大約$49/set（唔肯定價錢），另外散叫卡邦尼意粉，炸魚薯條非常脆和熱要小心燙口，而且份量也算多，cp值超高，另外，西多士也很熱，味道跟茶餐廳差不多普普通通，卡邦尼意粉上有隻半熟蛋，很creamy好好食，埋單兩百幾算係咁啦！值得再來！…查看更多

見到銅鑼灣和何文田店咁多好評，梗係近近地要去沙田新店試吓，點咗勁多人推介嘅flat iron steak$150，lunch送薯條/沙律/湯一份，我選擇咗薯條，和另加$8香港奶茶（凍），等了幾分鐘第一樣送來嘅竟然係個扒，個扒沒有肉汁，只是微暖，完全唔熱，就算五成熟牛扒面層應該係熱內裡暖，恐怕是一早整定了，幸好個扒係有牛味。跟著凍奶茶送來，恕我直言，杯凍奶茶真係非常難飲，又淡又苦咁唔知點形容，跟著薯條熱辣辣又脆非常好食，不過最好快啲食，幾分鐘後薯條凍咗就冇咁脆，埋單連加一$174，呢度主打係牛扒但咁嘅質素唔算抵食囉！不過我會比多次機會下次試吓burger…查看更多

今次係第二次幫襯cafe@off-white,上次散叫mushroom risotto, 水牛城雞翼和flat white都ok, 今次set lunch見到有自己喜歡的蜆肉意粉，所以就點set lunch了，set lunch包埋薯仔湯或tuna沙律,我選擇了tuna salad, 賣相不錯，不過隻蛋冇味，菜加咗啲酸汁係好食嘅！tuna有一塊味道普通啦！蜆肉意粉辣辣地和意粉硬度適中合我口味，不過蜆肉有啲un很難咬爛呢個set lunch $98,另加$18 flat white, 不用加一服務費，扣減海港城coupon $50, 埋單$66, 比起有部分茶餐廳還要便宜，雖然高凳位坐得不太舒服，就算付正價也不算太貴，下次還會光顧的…查看更多

每次下午或夜晚經過JS Foodies都有十幾廿人排隊，今日禮拜二下午四點幾幸運地路經JS Foodies冇人排隊, 梗係立即入去，量咗體溫和用搓手液後就坐低了，本來想點黑松露意粉，不過剛剛食完lunch，所以只好點甜品和飲品，見到 menu嘅pancake原來係flippers, 由於本人未食過flippers, 所以順理成章點咗原味班戟$99和hot vanilla latte$36Hot vanilla latte 價錢合理賣相不太差，少少甜味，對於本人不太喜歡太甜，呢杯vanilla latte甜味剛剛好等咗大約廿分鐘原味班戟就到，嘩嘩嘩三塊超大塊pancake加超大舊cream,有蛋香又鬆軟，本人覺得好食過喺東京的bills 和eggs’n things, 本來以為食唔晒，點知差啲連隻碟都食埋，實在太好食，希望下次有幸再來不用排長龍啦！不過座位後面啲樹葉太大塊，坐喺到會整亂頭髮，如果可以修剪一下啲樹葉就好了…查看更多

見到咁多好評梗要試吓啦！平日夜晚大約八點到達門口等了十幾分鐘便可入座，如果坐露天位不用等，我哋點了兩份鵝肝牛肉漢堡、牛油果醬芝士薯條、蜜味辣雞翼、hot cafe latte 、汽水和鮮蘑菇牛肉漢堡鵝肝牛肉漢堡$168超級juicy, 一路食一路滴汁，除了要挑剔個鵝肝和牛肉唔夠熱之外，冇其他野要挑剔了，下次一定要再encore呢個牛油果醬芝士薯條$65都幾貴，薯條有薯仔味不過係稔嘅！牛油果醬加芝士正常味道唔會唔好食蜜味辣雞翼熱辣辣好好味，不過很細隻，$60 （6pcs)有啲貴Hot Cafe latte$38味道普普通通，份量算大杯，價錢ok後來因為大家都覺得唔太飽，所以order了鮮蘑菇牛肉漢堡$95，蘑菇太少，塊牛肉味道跟鵝肝牛肉漢堡裡的牛肉味道不同，呢塊牛肉唔juicy下次還是點鵝肝牛肉漢堡😋…查看更多

諗住禮拜二下午大約三點冇訂枱walkin有位，點知receptionist 話已經fully booked, 見到bar枱冇客人坐，但又唔比我坐，我話只不過食過lunch就走唔坐得耐，跟住佢就安排我坐冇遮嘅露天位比我，我諗住食物好食嘅話曬一個鐘冇問題就坐低了，我order咗happy hour嘅50%off sausage pizza (原價$218），paper moon tiramisu (收正價$128)和一杯cappuccino （收正價$58）首先飲品來了，cappuccino竟然冇咩味，大約有三分二係泡，算！輪到個pizza，係腸碎並不是一片片，睇幅相就知冇呃你，可能租金實在太貴了，pizza味道普普通通，然後tiramisu, 冇咩酒味，大部分係cream和小小蛋糕碎，加一埋單盛恵$335，幸好有海港城coupon扣$150= $185大約下午四點鐘走，竟然室內有幾張枱係冇人座嘅！但個receptionist 之前又話已經有人book咗呢個時段，好明顯見我一個客唔比我坐，但其實我叫了兩個人食物份量囉，以後就算有coupon都不會再光顧了！服務和食物質數都有很大進步空間…查看更多

平日晏晝冇人排隊即入，立刻點咗黑松露芝士牛堡、薯條和支裝椰青水，盛惠$70，原本點埋炸芝士不過個女仔話冇貨，由於堂食有位所以坐低咗，等了幾分鐘食物好快送到首先薯條非常粗非常熱不過我覺得冇味，跟住食黑松露芝士牛堡，雖然牛堡賣相不太好，麵包有一部份凹咗，心諗如果好食都冇所謂啦！點知一咬落去個人覺得個包好似隔咗幾個夜晚唔新鮮勁鞋口差過金x門，黑松露醬有點兒酸，個人覺得塊漢堡扒完全唔juicy冇咩牛肉味，感受不到一路食一路滴牛肉汁，失望😞！塊芝士正正常常，值得一讚係嗰塊生菜係新鮮青綠色的，可能之前睇到太多好評，所以本人對呢餐食物質素感到有啲失望，覺得大部分食評overrated咗呢間餐廳，奉勸繼續努力改善總好過禁止留劣評，由於收到feedback比我留劣評要負責法律風險，所以唯有試吓修改一下呢個食評，怪不得只有一個喊様😂…查看更多

話說之前幫襯過IFC Kiki 嘅麻辣蹄花伴麵和芝士海鹽芋圓烤茶本人覺得極度好味，所以今次去K11 Musea Kiki encore呢兩樣食物，小食今次order蒜片台灣腸，套餐價$98加飲品差價$18可惜今次呢個廚師煮麵太稔，而且太多汁，豬蹄都太稔了，還是覺得IFC廚師煮得較合我口味，蒜片台灣腸有點甜味都ok好食，另外，芝士海鹽芋圓烤茶一樣好飲，咸咸地芝士奶蓋正呀！不過略嫌奶蓋份量太少，芋圓有咬口，想像如果全杯都係芝士奶蓋加芋圓就好了…查看更多

上禮拜見到fb page介紹呢間將會喺尖沙咀開，估唔到禮拜五經過尖沙咀加拿分道原來ChaTraMue已經開咗，可能新開張關係而且下午五點幾可能上班一族未放工，我完全冇見到其他客人，於是立刻入去，原本想點正宗泰式凍奶茶，不過剛剛食完tea太飽，於是點了泰式奶茶雪糕$28，雪糕不太甜而且很滑，不過很失望雪糕冇咩奶茶味，而且可能天氣太熱關係，一出門口冇耐雪糕已經溶到滴晒落手指，個雪糕筒都很快稔咗，雖然有些浪費不過我忍唔住食剩三分一就掉咗佢，下次飲凍奶茶應該穩陣啲…查看更多

星期六下午一點半入座叫咗米蘭豬扒拼奶油蘑菇意粉和雞扒蕃茄辣意粉餐，首先上了薯仔湯，味道冇咩特別，喺日本買嘅即冲湯好飲過佢，因為咖啡機壞咗於是點了凍奶茶和熱奶茶，從來唔喜歡飲西餐奶茶所以唔comment啦，兩碟意粉非常熱辣辣，不過兩碟意粉煮得有些稔我個人不太喜歡，朋友叫的雞扒蕃茄辣意粉汁太多了，雞扒冇咩味道，而我叫的米蘭豬扒只是炸豬扒，有點似老式快餐店製作的炸豬扒，奶油味道剛剛好不太膩，最後跟餐點了吉士蛋和tiramisu,tiramisu要加$7，吉士蛋賣相ok不過唔好比佢呃咗，喺超市買嘅日本入口布甸比呢個吉士蛋好食好多，tiramisu似舊式餅店蛋糕，個人覺得唔好食，埋單好似$69+$71+$7+凍飲錢，唔太記得了，不過值得一讚兩位叔叔（可能係老闆）非常有禮貌👍，個人覺得呢間店似舊式港式西餐快餐店只不過呢度附加service, 試過一次就算了…查看更多

因為有海港城$50 coupon才去，但堂食排咗幾個人，唔想排隊所以唯有外賣蛋糕，點咗檸檬茶和菠蘿包，減咗$50盛惠$77超抵，蛋糕賣相像真度很高而且超靚有啲唔捨得食，由於乾冰只能凍大約45分鐘，所以在商場附近坐低食咗先，菠蘿包好清新不太甜，特別裏面塊假牛油非常好食，檸檬茶塊黃色皮超甜，內裡cream有檸檬茶味道，個人覺得兩件蛋糕都好食，不過如要正價買就有點兒貴，試過就算了另外，只是買兩件蛋糕，又硬紙盒又硬紙袋，好似有啲浪費…查看更多