victoriatam929的個人專頁

最近疫情緩和，即刻約好朋友食個lunch係商場周圍搵下睇下有咩岩食，而好朋友話想食意粉，經過outback見到個餐牌都唔錯，咁就試一試先我同朋友都叫左個午餐，芝士白汁大蝦意粉，送黑糖麵包同餐湯一黎就黎左個黑糖麵包比我地食，食落都好新鮮滾熱辣，再配埋個醬都幾好食而個芝士白汁大蝦意粉真係好出色，賣相已經好靚，個面頭仲要有芝士醉，食落勁重芝士味，仲有蒜蓉包做配菜不過食到一半就已經好飽，太膩整體黎講都好滿意，值得推介既西餐廳…查看更多

有日阿爸生日，限聚令又出唔到街食飯，咁就唯有叫下pizza慶祝阿爸生日，今次就簡左叫pizza hut外賣，因為好掛住佢既芝心批，今次叫左個3人餐，有2款意粉同飯，再加個大批同蒜蓉包，大批叫左個至尊芝心批，另外飯同意粉就係芝士海鮮焗飯同香蒜肉絲意粉，過往以前叫pizza hut外賣既質素一向都唔錯，但今次真係非常差個pizza難食到一個點，個皮好硬個芝士完全食唔到有芝士味，其他意粉同飯都麻麻地，啲料同份量都好少，無下次…查看更多

雲川燒係屯門都算係幾人氣既米線店，今次就試下叫外賣食，不過今次唔係食麻辣湯，而係食佢既魚湯，今次叫左個魚湯韭菜雲吞米線，米線既份量都好多，魚湯食落都好鮮甜同好濃郁，而韮菜雲吞有3粒，食落個皮都幾薄，都唔錯…查看更多

有日突然間好想食日本菜，咁岩又係外賣平台見到呢間日本菜既餐廳，之前都試過係呢間鮨秋堂食，都唔錯，而係戶戶送見到有午餐可以叫，所以就試下叫外賣，今次食返我平時食開果個壽司烏冬餐烏冬係豬骨湯烏冬，而佢既烏冬唔係個啲讚岐烏冬，口感相對無咁彈牙，但都可接受壽司賣相都唔錯同新鮮，全部都係我鐘意食既壽司不過食落有少少爛飯，無平時堂食咁好食，整體都一般吧…查看更多

最近好想食泰國野，疫情嚴重都係避免堂食，還是叫外賣最好，咁岩係戶戶送見到呢間泰國菜，咁就試一試，今次叫左個泰式海鮮炒金邊粉，望落賣相唔錯，份量都ok多，味道都算係幾正宗，不過有啲海鮮洗得唔係好乾淨，食落去有沙所以都算不過不失吧。…查看更多

Dr.burger既burger一向都好有質素！平時最鐘意食佢既飛毛腿辣雞包，真係超好食！我次次都係叫呢個包，食落酸酸辣辣咁，最緊要係唔漏！而佢個包食落好重既牛油香味，入面個雞腿仲要好juicy，入面仲有啲配菜，羽衣甘藍同蕃茄，簡直係絕配…查看更多

平時食民華都係食常餐多，而堂食都見到好多人食點心，所以今次就唔試常餐，試下食點心，今次叫左叉燒煎蛋飯，燒賣同鮮竹卷！本身自己都想試叉燒飯好耐，所以今次就試一試，可能對佢期望太大，叉燒唔係肥叉，仲要無乜汁成個飯好頹，燒賣同鮮竹卷不過不失啦，整體黎講一般般，都係常餐好食啲！…查看更多

最近都係喺外賣平台叫外賣多，咁岩見到呢間野係食馬拉菜，自從第一次試左馬拉公公既白咖哩湯底，今次又係叫佢既白咖哩湯底，實在好好食！今次叫左個白咖哩豬頸肉滲滲配米線，佢既湯底真係超濃郁，好重椰奶味，好正宗既喇沙佢既豬頸肉都唔錯，食落都香口，真心推介…查看更多

自從搬出元朗，日日都好掛住食葩既滾湯同佢既撈麵，咁岩行開元朗就買個撈麵套餐返屋企食！平時都係好鐘意飲佢既枸杞豬肉丸湯同埋佢既手打撈麵，食枸杞可以養目，同埋佢既滾湯出名無味精飲落都唔會覺得口渴，而佢既豬肉丸好足料，食落無乜麵粉既口感，另外佢既撈麵真係超好食，我鐘意佢既麵夠彈牙，再配埋肉碎同辣菜圃，真係超好食…查看更多

疫情關係，最近都少出街食，而家都係叫外賣返屋企食比較安全啲，今次用左外賣平台叫孖寶之前試過佢既口水雞超好味，再配薑黃飯，簡直係絕配，而今次我就唔試薑黃飯，試下口水雞撈米線，份量超級多，食落好惹味不過就有啲辣同蒜味好重，係有少少重口味不過整體黎講都ok…查看更多

疫情嚴重，都係留係屋企算啦，落街買野咁岩到左下午茶時段，咁就入去大快活睇下有咩食先！望見餐牌都好似唔錯，都好多選擇，今次簡左食西多士，再加左香辣肉醬上海麵，佢既西多士標示寫住蛋味香濃，食落真係好重蛋味，再配埋煉奶簡直係正呀！而佢既香辣肉醬上海麵都幾好食，正體黎講都ok的！…查看更多

平時去日本旅行都會一定要食壽司郎，而家開左黎香港，仲要開左咁多分店，終於可以黎試下啦係佢個apps book位book唔到，唯有同朋友去walk in拎飛，5點幾去拎飛，大概等幾個字就可以入座估唔到咁快就可以入座黎壽司郎緊係要食拖羅啦！叫左中拖羅同大拖羅，呢個價錢食到拖羅已經好抵食落雖然唔係入口即溶，但都好有魚味另外再叫左池魚壽司，食落都唔係好腥，可能加左薑，郁算唔錯…查看更多

夜晚屋企無煮飯，又唔想煮野食，咁岩屋企樓下有間大快活，咁就決定買外賣歸家食，大快活既小炒一向都覺得係幾好食，價錢唔算貴，都算係平民既快餐店啦，平時自己就好鐘意食佢既咕嚕肉，果然都係一如以往咁好食呀…查看更多

今日好肚餓，但又唔知食乜好，諗住平平哋食啲嘢，但周圍附近又冇乜好食，咁啱行過麥當勞，又見好耐無食麥當勞，就決定買外賣返屋企慢慢嘆叫左個麥樂雞餐轉薯角，再加多2隻脆香雞翼正呀！！…查看更多

今次同親戚飲中午茶，因為同行有14個人，所以分開左2張枱坐，呢間既服務生態度麻麻，同埋衛生做得好差，汁完枱都無抺一抺張枱要我地自己抺返，唔知係咪人手唔夠，啲野食黎得有點慢，食物質素都還可接受到，唯一係價錢有點兒貴，無下次…查看更多