食物部的个人专页

朋友想食酸菜魚，所以就搵食酸菜魚嘅食店，最後選擇左呢間。其實呢間門店都好多客，訂左位都要等，佢啲坐位安排有啲混亂，但啲員工都算有禮貌同回應迅速。食物方面，全部都好好食，一行四人，本來朋友想叫4人餐，但我提議不如計下個餐散叫幾錢，再睇下我地想食嘅計下幾錢再決定。結果計完後發現散叫同餐只差11蚊，冇計飯，因為大家都唔係好食飯，所以最後散叫。點左4個餸加一小食，分別係標準版酸菜魚，咕魯肉，欖菜肉碎炒四季豆，黃金軟殼蟹，木耳。埋單505,冇加一。抵食。…查看更多

朋友約食韓國菜，都搵左好多間，但佢要坐得舒服，結果佢選擇呢間。其實開頭有啲擔心，因為又冇餐牌，食物相大多已經係好多年前，食評又唔多，唔知呢間啲嘢好唔好食，但我諗傳統嘢應該都可以一試。 結果比想像中好， 服務都幾好，老闆娘好 nice, 食物味道唔錯，但部分菜色稍為貴左啲，希望新食評幫到大家，所以我都寫返個食評先。是晚點左醬油蟹 $450， 二人餐$600包括海鮮煎餅，泡菜豆腐湯，牛仔⻣，醃牛肉，石頭鍋飯，生菜，兩罐可樂$40其實三個人叫二人餐食都夠飽， 個二人餐好抵食。部分食物唔記得影，啲燒肉好食。…查看更多

跟同事慶祝生日，佢選擇呢間泰菜，見都有好評，又好似感覺幾好所以一試。餐廳都幾大，而且會留一半座位比 walk in 客，放便冇 book 位嘅客。坐位都算寬敞，舒服，食物味道都幾好。是晚點左豬頸肉木瓜沙律，正，好味。黃咖哩軟殼蟹加酥餅，味道偏甜但都算好味。炒通菜，味道正常。最後係炒金邊粉，其實味道不錯，份量都算多，可惜中間見到有條頭髮係粉入面，好彩未開始食， 於是叫員工更換，已經指住條頭髮問可唔可以換左佢，佢仲問乜嘢事要換，所以再指明話有條頭髮，佢連唔好意思等簡單嘅道歉說話都冇講，仲好似一臉疑問問行開左，其實肯定唔關佢事，但幫公司向客人道歉應該係常識吧。應該加強食物衛生同員工服務培訓。…查看更多

琴日同朋友行完山係荃灣落腳, 結果就叫朋友陪我食, 自從轉工後真係好耐冇食喇, 以前真係會由觀塘入荃灣食碗麵就走, 而家忙咗又懶咗就好少咁做, 話說回頭, 我琴日食咗腩肉, 雲吞, 豬肚同蘿蔔, 真係好正, 最正嘅係啲香而唔辣嘅椒醬, 啲米線都好好食, 好食過譚仔嗰啲, 如果觀塘附近有一間就好喇, 最可惜佐敦嗰間我知道有時已經執咗............我會再幫襯的, 但真係貴咗好多囉…查看更多