譚棗棗的个人专页

難得約到朋友食下午茶揀咗間裝修精美，可以慢慢坐慢慢食慢慢傾嘅Cafe 估唔到平日下午四點都仲有咁多人坐喺Cafe裏面吃嘢 好在唔洗等位都坐到好位玟蘭椰子咖啡 $48估唔到班蘭椰子同咖啡味咁夾，唔會太死甜，好似一杯飲得到嘅甜品一樣慢煮牛面肉迷你红蘿蔔意大利飯$89.8意大利飯嘅口感偏淋（不過我鍾意）配上清甜爽脆嘅甘筍，有啲似食緊BB糊仔飯，非常之適合小朋友食，又或者係口淡淡嗰時候食牛面肉入口即溶，啖啖牛肉味配上飯有畫龍點睛嘅效果松子香草闊條麵 $89今日仲有驚喜嘅竟然係呢個闊條麵，面非常之有咬口，慢慢咀嚼，仲有淡淡麵粉香味，配以Creamy嘅醬汁，令人忍唔住一啖接一啖咁樣食雖然我覺得個汁同香草無咩關係，但係啲松子非常之香，沒有一陣油溢味經典伯爵茶梳乎里$158成餐飯最貴最貴係依個疏乎厘，食到半飽，都要忍唔住嗌個甜品作一個完美嘅句號呢個甜品有啲失望，pancake嘅口感，並唔係空氣又或者係蛋糕個種，似係未煎熟，充滿粉漿感，我唔知道係一間pancake嘅特色定係今日嘅特色，總之我就唔識欣賞配角小蛋糕太乾 配角蕨類餅正常唯一最欣賞係pancake嘅cream 係mix左雪糕兩種配搭好新鮮…查看更多

油尖旺有好多居酒屋，但係環境又靚食物又正嘅真係第一次試🤤🤤餐廳裝修日式雅致，有日式榻榻米卡位又有一棵大大嘅櫻花樹可以打卡，環境一流，俾其他居酒屋更適合女仔傾偈下午茶居酒屋點少得就酒呢，由老細推薦左支清酒，入口即能嘗到豐富的米旨味同濃郁的鮮甜口感，帶有香氣，尾韻帶點苦澀味，係一款層次感極為豐富唧清酒見有啲肚餓，嗌咗個燒飯團同蕎麥冷麵厚燒玉子燒玉子一口大細表面有焦香，加分唔少，玉子入口有即溶嘅感覺，甜絲絲又帶有濃濃蛋味燒鯖魚鯖魚燒得剛剛好，有肉汁又唔會太乾，香脆可口，調味剛剛好帶有魚味明太子雞翼無骨雞翼再釀入明太子及肉碎，雞肉煎得入口聯華，再配以明太子重口味嘅質感令味蕾滿足感大增燒水果牛肉捲平時燒荔枝豬肉串就吃得多，第一次試雜果配燒牛肉，清甜雜果大大減低牛肉嘅油膩感，中和牛肉鹹味，獨特嘅配搭，令人忍唔住食多兩件都唔怕肥是日蛋糕估唔到居酒屋都有芝士蛋糕，完全滿足到女士甜品胃口估唔到依間有外表又內涵嘅日式居酒屋咁有驚喜，推薦朋友來試下…查看更多

終於有機會試吓依家間餐廳社交平台上邊係勁多人推薦嘅炸雞pizza韓國嘢青醬蒜蝦意粉其實個人都幾鍾意食青醬，吃開紅醬、白醬，一有機會就會叫青醬。青醬的馥郁香氣很獨特，很適合配以大蝦做意粉意粉同大蝦爽口彈牙、醬汁偏多非常掛麵，多到好似湯意粉咁，我好鍾意❤️蒜香甜辣炸雞6件炸雞點咗半份6件，蒜香味濃郁，味道甜甜地一啲都唔辣，調味做得相當唔錯，唔單止炸雞表面裹上蒜味，炸雞入面嘅味道都非常之足夠，雞腿肉嫩滑多汁，肉質同味道都相當討好。最緊要係炸雞新鮮炸起外皮酥脆，內裏爆汁，食嘅時候要小心係會辣親㗎🤤🤤初頭以為六件細細件會唔夠食，但係其實食多就會滯，強烈建議叫多幾個朋友仔一齊share唔同口味可惜lunch menu 冇我最想試嘅炸雞，同埋芝加哥系列pizza俾大機會自己可以嚟多次🥹🥹…查看更多

荃灣又唔少食川菜嘅舖頭，大型嘅連鎖嘅花多眼亂，今次就試吓荃灣街市附近嘅細鋪頭好在一早預約咗，七點未夠就已經座無虛席酸菜魚，小辣每次食酸菜魚，我都習慣飲一啖湯試吓先嘅，好多連鎖大牌子嘅酸菜魚湯都比較偏油，都只可以試一啖就夠，但係今次嘅魚湯呈奶白色，味鮮帶酸味而且唔算好辣，忍唔住飲咗幾碗酸菜魚魚肉特別嫰滑無骨，酸菜夠味又夠多佢嘅份量都好多種配有粉絲同萵筍另外仲帶咗牛舌串同埋燒白鱔估唔到細細間嘅舖頭唔單止有酸菜魚做主打亦都有唔少嘅四川爆炒菜式同埋串燒食，啱晒鍾意食辣嘅朋友白鱔燒到恰到好處，皮脆肉嫩調味適中，唔會過鹹，而且魚肉處理得恰到好處啲骨係切斷晒，唔會食到有骨要吐出來唔過癮牛舌串，肉質鮮嫩多汁 好吃，一串4粒越食越辣，好過癮估唔到仲有驚喜，係隻燒蠔，第一次食係七成熟（我估）只需簡單的烹調，最純粹的蠔鮮味味來打動你的味蕾，似生非生，似熟非熟 好特別…查看更多

臨急臨忙book間餐廳食母親節飯約左5:30 一個鐘後交檯 雖然有啲趕，但係又真係可以食吓喎金柚沙律未食過咁甜嘅柚子，非常之有驚喜，柚子嘅香甜，配以大蝦嘅彈牙肉質，好開胃奶蓋泰式奶茶奶蓋烏龍茶奶蓋非常之特別唔同一般手搖店嘅鹹芝士奶蓋，飲落去冇一般來講咁厚質感同埋滯口，比較清新同少d罪惡感兩杯茶底一般正常黑松露薯條新鮮出爐嘅薯條，唔會唔好食！香脆可口嘅薯條配以濃郁黑松露醬，真係會食唔停口㗎！大蔥鴨肉薄餅薄餅底鬆脆，鴨肉略嫌太少，醬汁只淋喺薄餅最外圍令到中間鴨肉味道略欠層次個人為全場最好食嘅嘢青咖哩魷魚意大飯食咗咁多樣嘢，終於揀番個有泰式fusion菜嚟試吓！意大利飯口感適中，唔會過硬，青咖喱汁融入每一粒飯入面，相對於平時嘅醬撈飯，我而家每一粒飯都有恰到好處嘅醬汁唔會過多又唔會太水（我唔知你明唔明總之就係太好食啦）意大利飯入面仲有粟米仔同埋蘆筍增加口感！唯一敗筆就係飯上面嘅魷魚，魷魚同飯好似無交流，而魷魚又唔咩調味 比較可惜芒果糯米飯…查看更多

同事極度推薦宜間中東菜，餐廳位於中環歌賦街，佢話嚟到依度就要必定要試吓呢間餐廳未夠六點，我同個女仔朋友就已經去到餐廳試吓Walk in，當時餐廳只有一兩檯客 但係由於冇預約嘅關係，就只可以坐喺吧枱不過都唔緊要，可以近距離欣賞廚師煮野食又可以同廚師交流 未嘗唔係一件好事RED SEA New York Sour 擁有完美嘅漸層，飲嘅時候好，個人覺得不太需要攪拌，就可以可以同時感受到紅酒與威士忌酸在口中漸漸融合的口感非常奇妙！用ROSEMARY SYRUP 隱約掩蓋BALLANTINE'S SCOTCH 嘅嗆口 SMOKY HUMMUS 煙燻鷹嘴豆泥。 配 。HOMEMADE FLATBREAD 自家製薄餅煙燻鷹嘴豆蓉在中東菜中算是入門級，順滑綿密的鷹嘴豆蓉帶淡淡煙燻木香，配新鮮烤餅是絕配。HONEY BAKED FETA蜜糖菲達芝士亦是好評如潮的餐點，芝士面層澆上煙燻香料蜜糖和香橙汁，蜜糖的甜味與芝士咸香十分夾，單吃或配包吃都十分出色。個人非常喜歡呢個蜜糖以及建議唔好搞爛來吃，大大啖蜜糖配小小芝士亦都可以減低芝士油膩感，食多幾啖都唔怕黑松露鴨胸飯（我唔記得影低叫咩名）🥹🥹其實我好怕食意大利飯，因為好怕中間個鐘夾生嘅口感，但係擔心係多餘宜個飯完完全全煮透又帶有鴨油黑松露香味，每一啖都係幸福令人驚喜係fan入面，除咗有肉粒之外，同埋有木耳，增加左成個飯嘅口感同埋唔會咁易食滯！食完鷹嘴豆泥同埋芝士呢啲咁飽肚嘅嘢之後，我都幾擔心呢個飯係食唔晒，但係一邊傾偈一邊享受餐廳嘅環境不知不覺又吃曬喔！Comment：可以再翻兜…查看更多

傳聞中屯門最好吃嘅米線等位時間0分鐘12:15去到餐廳 好好彩唔洗等位 已經見到餐廳幾乎做滿餐廳有餐牌但係提供QRcode落單手機menu 簡單易明 容易操作酸麻金湯小窩米線 走蔥走韭菜 來到先發現無最愛肉碎 問過職員原來無得回來加單，其實都幾愕然因為完全無提示米線軟硬適中 都幾掛湯 湯頭味道 酸麻失衡 酸味佔7成 剩下的是辣味 完全無麻味 湯亦好重姜味 越食越熱配菜剩下芽菜 好孤單跟餸叫了最出名豬頸肉 份量多 味道普通朋友多次光顧都覺得今次豬頸肉偏硬 無肉味小吃 脆皮豬大腸脆皮豬大腸的口感非常獨特，腸皮烤得酥脆，大腸則鮮嫩多汁，兩者搭配在一起非常美味。可惜係大腸完去無調味 浪費曬試過就算…查看更多

屋企煮飯煮到唔知食咩？好樓下有間酒樓都一個唔錯嘅選擇依間酒樓飲茶就飲得多啦，都係第一次食佢啲晚飯時間段炒嘢片皮鴨唔洗一百蚊一隻幾乎每台客都會叫嘅餸隻鴨由經理係一旁片好再分畀幾台客，我哋3人每人都可以包到4-5份，份量都好足夠至於味道就中規中矩，鴨有少少騷味（尚可接受）皮嫌未夠脆，有機會係一次分幾台嘅關係另外都有加錢嗌咗個茄子炒鴨架 味道一般，茄子比鴨好吃，重口味，但係茄子比鴨仲要少，每人都係得2舊另外叫左個海鮮孖寶B餐澳洲龍蝦加錢用芝士焗，龍蝦肉再配以芝士，奶香味加鮮味原來可以咁夾，啖啖肉，真材實料！我覺得這道菜式重點不是龍蝦，而是吸收了龍蝦精華湯汁的伊麵！明知有幾肥都忍不住吃了2碗另一道脆皮雞，雞皮皮脆肉嫩，脆過片皮鴨☺️☺️好吃呀！…查看更多

久違的約會約咗好耐冇見嘅朋友去食威靈頓牛柳嗌咗個AMPLIFIER SIGNATURE SETFor TwO HKD 988STARTERSignature Fresh Oyster (4pcs)除了酒店buffet 有生蠔之外，我都唔會特別主動嗌來食 不過朋友想食就試生蠔質地軟滑。新鮮帶有鹹香。不錯喔另外仲可以揀Cherry Wood Smoked Roasted Crispy Suckling PigParma Ham & Melon港女就係鍾意咩都細細份 可以試多dSOUPCrab Meat lobster Bisaue啖啖龍蝦味嘅湯 有口感又有質感MAIN DISHSSpachetti w/ Prawn. Mushroom & Tomato Sauce印象中係好吃嘅義大利麵主角 ：Slow Cook USDA Beef Wellington我唔係第一次吃，但係初體驗，真係令我印象深刻地難食今次酥皮鬆脆有咬口，唔會中間夾心未熟牛肉嫩滑，但係略嫌欠缺牛味，配以醬汁就剛剛好Daily Set Dessert 奶凍原本以為每份嘢都係細細地就唔會好飽，仲覺得九百幾蚊好似好貴又唔飽啦但係食到最尾係幾乎吃唔落 初嘗試一間餐廳嚟講，我覺得係對得住價錢可惜，今日冇live Band 有機會藉口下次再來…查看更多

約咗個朋友食晚飯，由佢推薦咗幾間半價餐廳揀咗依間位於旺角市中心評價最高嘅意大利餐廳由於半價優惠，所以不能同時間享受店內其他套餐優惠加入在已經由侍應送上餐前香草麵包，配以橄欖油同香醋，麵包鬆軟可口，香草味濃郁，單吃已經好好吃🤤，反而我唔太欣賞配搭醋同埋橄欖油嘅味道‼️招牌拼盤，應該係炸物拼盤，入邊有2隻軟殼蟹、魷魚同埋芝士薯條炸物熱辣辣，香脆可口最啱配以啤酒，唔會唔好吃，驚喜係入面仲有炸嘅蔬菜（紅椒同脆肉瓜），第一次吃炸蔬菜，多汁，正‼️另外嗌咗個千層麵，可惜唔記得影相去味道中規中矩，份量足以兩個女仔食‼️當初揀呢間餐廳就係比Signature Tiramisù 吸引左我係勁鍾意吃宜隻義大利提拉米蘇芝士蛋糕如果餐牌有得揀我都一定會嗌個種不過可惜，今次嘅蛋糕無驚艷嘅感覺，覺得就試過一次就可以，蛋糕手指餅浸得太淋又欠咗啲啲酒味，可以話係入口即化。cream cheese尚算軟滑 甜絲絲的奶油絲毫不滑膩 合格…查看更多

同朋友食完晚飯，梗係要來食個甜品啦☺️☺️呢間甜品店喺OpenRice荃灣區可以係話係排top 10😋😋朋友又話想食pancake咁梗係要來試吓先啦🤪🤪鋪頭last oder 時間接近9:00都明白因為商場舖嘅原因甜品Menu主要分pancake同刨冰可惜當日炮兵已經售罄，未能一試而pancake 主要分為疏乎厘同埋夏威夷兩種由於太飽啦 就揀咗有興趣嘅疏乎厘嚟試吓🥞🥞🥞我哋試咗焦糖香蕉疏乎厘pancakePancake口感鬆軟，相對於其他疏乎厘pancake相對紮實🤏，唔算吃空氣（個人鍾意食空氣pancake）🥹🥹香蕉🍌有2.3條份量相當多再加上有啲早餐脆脆，增加口感 最令人驚艷嘅莫過於，係pancake上面嘅cream，用我朋友嘅說話就係佢係高級cream唔似一般唧唧忌廉，冇廉價口感同甜味cream 好吃又唔膩口…查看更多

依間越南嘢，算係少數天水圍越南嘢混牛湯粉65價錢略貴，可以試得出用濃郁嘅牛骨熬湯而成，湯底清澈帶又有牛味配上熟牛肉以及彈牙嘅牛丸，都算對得住價錢另一個蕃茄湯河粉就味道中規中矩、勝在燒豬頸肉串有4串，每串有3塊，幾多肉食2杯咖啡都ok …查看更多

今日收工之後同同事一齊去咗沙田新城市一期覓食同事揀咗一間未試過嘅Cafe Sensory Zore 選擇嘅原因係被澎湃嘅朱古力吸引蒲燒三層鰻魚滑蛋飯$138 +25（黐_線朱古力）無骨鰻魚口感超好，魚身表面焦香，配上淡淡粒粒分明嘅日本白米飯，令人回味無窮紐西蘭肉眼牛扒 （250克) $198肉質豐富 對得住價錢喵喵西多配乳酪及㭱糖糖漿 ＄83貓貓形麵包加入蛋汁再用食油煎至金黃色而成嘅西多士、充滿蛋香同埋幸福嘅蜜糖味最後當然唔少得Crazy Chocolate 跟餐㗎加$25 …查看更多