lena garcia的个人专页

今日發現eaton hotel food court內有築地銀章魚小丸子，很開心，一向都喜歡築地銀嘅小丸子，見到當然要買黎食。專登加錢加埋蛋沙律, 外賣返到屋企至發現漏咗無加蛋沙律，想打電話去反映，結果一個聯絡電話都搵唔到。小丸子連基本嘅章魚粒都唔係粒粒有，偷工減料，我似乎係買咗盒面粉返屋企食! 食物質素咁真係令人好失望! 當時下午5點左右，又唔係咩繁忙時間都整成咁.....間分店仲要開喺酒店入面，遊客食到咁嘅章魚小丸子真係浪費金錢。我食到都覺得好失望，唔會再幫襯呢間分店。…查看更多

於南昌邨分店外賣買了半隻貴妃雞，原價$98，有8折，最後折實$80， 雞事前師傅原來已斬好，斬得太細，容易有碎骨，還界損了嘴雞好瘦，無咩肉，食完根本唔知食咗咩落肚，而且薑蔥竟然是變了味，食到‘縮’咗嘅味道，立即吐出，如果你問我雞好唔好味，真係講唔出，唔知道唔會再幫襯呢間酒樓，感覺很差，還擔心食用後會否身體不適，實在令人失望以前有試過堂食，質素較好，唔知係唔係張價就貨，但賣食物至少唔可以係變壞，食壞人…查看更多

雖然已有其他人評論過這態度好差嘅收銀，但只要你都體驗過，就忍唔住要黎呢度俾負俾。之前媽媽已領教過呢位收銀嘅黑面態度，本人入到去，亦只問有無xx賣,因為有時太早未有，個收銀只答，“問阿姐“，問野收銀都係全程唔望你。去過都知間鋪有幾大，根本好窄，阿姐又做緊野，無人招呼，我就要專登行入去條窄巷搵阿姐，呢個時候又有阿叔出緊粥，之後搵到阿姐再跟佢行返出黎。 我想問個老闆點請人，仲有，如果因為咁我發生意外，俾d熱粥倒到，係唔係你負責?其實個收銀叫得個客去搵阿姐，佢都用咗啖氣叫阿姐出黎啦？老闆一係就搵個侍應全程企喺門口招呼，唔係就請炒咗個阿姐。 如果服務呢項可以唔俾星，我會唔俾攞，請著個咁嘅人簡直趕客! 我都去過另一間喺鰂魚涌嘅分店，人地收銀正正常常，有笑容，呢位簡直黑面神!…查看更多

是日星期四，心血來潮去食一蘭，12：10pm到，前面只有四人等候，約等10分鐘就有位！ 不過負責安排座位嘅職員就唔多ok..原來店內條龍係斷開嘅，我喺龍頭，佢竟然派落單俾紙俾後面條龍，前面佢唔記得派！另外，唔係開口問清楚佢，仲以為有2條隊分開排咁唔公平，令人容易誤會講番食物，先食甜品豆腐，跟指示食麵前先食一盒唔落黑糖嘅，有d芝麻味，但唔覺滑，跟住食主食！拉麵叫咗濃湯，普通油膩，普通硬度嘅，1/2 蒜，個湯底雖略咸，但仍覺得好清，味道好新鮮，有清新嘅口感！麵條硬度剛好！不過食唔到香蒜味又跟指示食埋盒甜品，有黑糖落咗之後好好味！如果滑溜d更好！不過幾得意！仲有煮蛋，咸咸地，雖係凍煮，但食時蛋黃慢慢流出黎，正！值得食！…查看更多

諗住食餐好嘅，舒服嘅lunch...叫咗個around $150嘅steak lunch set，medium cook. 初時服務態度算唔錯，餐湯同muffin都幾好幾滿意，點知主菜steak韌到食唔到，有筋, 切到手軟，食到口都攰，最後放棄咗，食咗無2/3……之後叫餐茶熱檸茶順便埋單，三催四請至送到，但漏俾spoon，是但飲就算，費事問, 已經遲到！埋單一早15 mins前叫咗又無埋，最後我要打的返公司兼遲大到！what a bad experience! 好失望！…查看更多

一位短頭髮阿姐好惡，要杯茶好似有罪咁，黑哂面唔應，以為聽唔到，於是再講，就用好差嘅語氣回應你！最後要茶就俾水, 茶水不分！  未食已經無哂mood, 連基本服務都做唔到，好想即場投訴佢！唔會再去！ 叫咗乳豬飯，反叮嘅，皮唔係脆嘅，紅米飯有栗米同蛋白，飯炒得乾身，算健康。海味什菜煲：味道分量過得去，但蝦乾好硬，好難消化最後出去埋單俾錢時，個收銀至通知話單點食物足$100，又用渣打卡俾錢，送奶茶或油菜，叫我地可以外賣攞走，好心就早d落單時講俾人知，咁遲至講，好似博人用唔到個優惠咁攞，總之經驗好差！…查看更多