BarrySuper的个人专页

尋晚黎到啟德零售館行, 到了晚餐時間, 就揀左the pantry club 食dinner.揀左Parma Ham 沙律, 青口, 薯條 同埋chesse cake waffle.Parma Ham 沙律賣相好靚, 入面有 Parma Ham、 哈密瓜、水牛芝士、菜~  哈密瓜甜得黎清新, 仲可以中和parma ham 既鹹香.而水牛芝士好香好滑, 仲有忌廉tim! 沙律菜好健康~另外點左藍青口, 入面有: 白酒、蒜茸、小茴香、仲配埋忌廉酸種麵包. 青口份量好多, 食完一隻又一隻, 白酒煮得幾好味.仲有麵包, 可以mix 埋d 汁食, 好正.sour cream 牛油果醬薯條, 薯條香脆可口, 食完一條又一條.最後大推呢個 Cheesecake Waffle House, 真心正. Waffle超級鬆脆，容易切又唔會有碎. waffle 夾住自家製芝士蛋糕，芝味濃郁又creamy! 入面仲有焦糖香蕉同雲呢拿雪糕，誠意滿滿~~一定要試!!…查看更多

早排出左花紅, 同老婆食佢最愛既日本菜.佢揀左荔枝角金酒屋, 屋企樓下巴士一落車行1分鐘就到, 地點方便~前菜點左個"金酒杯"入面好多配料組成，有海膽、松葉蟹肉、三文魚籽、吞拿魚蓉、紫蘇葉等～側邊有紫菜可以包住嚟食, 食落超fresh，三文魚籽粒粒晶瑩剔透，吞拿魚蓉軟綿綿。之後黎個"金丼·月見海膽三文魚籽拖羅蓉"由於上面既金酒杯太正, 我地黎個丼, 呢個丼入面有哂海膽、三文魚籽、拖羅蓉~賣相好ok，食出鮮味，份量足夠2個人食, 食完已經有d飽肚.最後點左個"壽喜燒和牛鍋"和牛超靚, 雪花均勻, 淥幾秒已經可以食，入口即化~~另外鍋入面, 仲有金菇、配菜、薯粉，極飽肚。overall 性價比高, 環境又舒服, 下次可以再試其他食物~…查看更多

最近黎到九龍城食泰國菜, 揀左小曼谷泰國美食~~我地2個人叫左: 明爐蒸桂花魚、飛天通菜、海南雞飯.明爐蒸桂花魚 - 每次食泰國菜都想點, 好彩今次有人陪我食. 桂花魚魚質嫩滑又冇咩骨, 好岩我呢d 唔係好識食魚既人.飛天通菜- 通菜爽脆、嫩綠又無渣，微辣又夠鑊氣，好惹味，值得食。海南雞飯- 雞肉非常嫩滑，我地仲連皮食，雞肉仲要去哂骨，好貼心。飯全油飯黎架，食完好滿足。overall 食物質素高, 價錢合理. 下次可以再黎.…查看更多

難得好友最近黎我屋企, 佢又中意食韓國菜, 就試下屋企附近間韓國餐廳啦.先點左炸雞, 炸到卜卜脆, 外脆內軟. 雞肉又juicy 多汁.牛肉紫菜卷, 入面有青瓜絲、蘿蔔絲, 牛肉, 食落美味又飽肚.海鮮純豆腐湯, 熱辣辣奉上, 豆腐、蜆肉、金菇都好多, 飲完個身好暖笠笠..海帶湯, 清清地, 好多海帶, 健康又清新. 牛肉炒粉絲，比較腍同乾身，好滑溜，不知不覺食完一條又一條～ OVERALL 好抵食, 食完仲好飽肚, 呢頭韓國餐廳唔錯既選擇.…查看更多

最近同屋企人食飯，大家都想食潮洲菜，於是黎到新開既潮藝館試下。由於大家都冇意見，我地點左晚市套餐。 先來前菜，再加壺菊花茶，侍應都好友善。 串茄核桃沙律：蕃茄仔酸甜爽脆，入面仲有核桃粒，食落開胃。茅台醉鮑魚：茅台酒味香醇，淡淡的，醉鮑魚質感彈牙，正。 普寧布包豆腐：非常香口，炸得外脆內嫩，再點埋鹹味既醬汁，味道唔錯～胡椒豬肚湯 ：胡椒湯底，有點辣，如果冇咁辣會好d，豬肚爽滑好食。.日本椒仔炒嫩牛 - 牛肉嫩滑非常，炒得好香，食完一片又一片！碧綠川椒雞 - 雞肉嫩滑可口。蜆肉鵝肝炒飯 - 粒粒分明既炒飯，入面真材實料，有好多蜆肉、鵝肝粒，食完有d膩。 最後甜品，燕麥一口薯 - 紫薯軟綿微甜，表面沾滿燕麥脆脆，好鬆脆可口。overall 高水準, 而且環境, 食物, 價錢都好合理, 性價比高。…查看更多

最近好友生日, 佢request話想食中菜, 當然要帶佢黎到高質既餐廳啦. 為左方便大家放工, 我地黎到尖沙咀中間道15號H Zentre 家全七福.睇完menu 好多野都想食, 就一於點個2人餐~先黎前菜:雞子戈渣 、皮蛋醬蘿蔔、蜜汁燒脆鱔雞子戈渣，其實係豆腐，炸得外脆內軟。皮蛋當蘿蔔非常入味。蜜汁燒脆鱔片香脆可口。雞蓉燴官燕 – 非常矜貴, 火候充足，飲到鮮香，成個人即刻暖笠笠。釀焗鮮蟹蓋 - 蟹蓋外層炸到金黃色，入面充滿鮮味蟹肉同洋蔥絲，食到一啖又一啖既蟹肉, 好正!油雞樅菌炒四季豆 - 四季豆爽甜，好香. 彩椒炒手切牛肉 – 牛肉非常大片, 而且又軟又嫩。瑤柱荷葉飯 – 每啖飯都食到荷葉同瑤柱既香，食完有飽肚感.鴛鴦棗蓉糕 – 非常煙韌, 而且唔會太甜, 仲食到啖啖紅棗味.整體感覺唔錯, 下次可再黎.…查看更多

最近去荔枝角買野，順便約表弟食飯~佢suggest 我黎到新開既日本餐廳 - 金酒屋.我地點左三文魚牛油果卷，三文魚非常新鮮，牛油果豐滿，份量都多，每人三件竟然有少少飽肚感。自家製雞皮蝦 - 呢個真心正, 雞皮炸到脆卜卜, 而蝦肉非常大隻又彈牙, 食完再encore, 唔好講笑.宮崎和牛海膽 - 又和牛又海膽，完全岩哂我同表弟, 大家都最愛. 宮崎和牛一食即溶化，海膽亦新鮮唔會腥, 必點!!最後怕唔飽, 點左個安格斯牛肉鰹魚湯稻庭烏冬, 呢個份量非常多, 一定要share 食. 牛肉口感順滑嫩口，鰹魚湯清清地幾正. 價位合理, 而且食物質素非常高， 下次可以帶朋友/同事黎食～…查看更多

平時都會在新蒲崗出沒，但竟然最近先發現有間唔錯既韓國餐廳～～～買左外賣，點左個韓式二人餐，個餐有六-七件雞、一個小食、仲有兩罐汽水! 我哋仲揀左芥末蜜糖醬~另外點左個韓式炒牛肉粉絲～炸雞非常香脆可口，而雞肉都好嫩滑，肉汁豐富，仲食到有少少胡椒既調味！韓式炒牛肉粉絲，係一款韓國傳統食品；入面好多材料，有菠菜、牛肉、洋蔥、青椒等，食落粉絲滑嘟嘟，正！雖然餐廳唔算大，不過真係好抵食，而且好好食TIM! 有機會下次可以試其他野.…查看更多

自從有左宋皇臺站真係好方便，九龍城真係有好多正野~除左泰國菜，呢間燒肉店都好值得推介！早排同好友黎到，點左個二人套餐 - 極上和牛盛會。個餐包左沙律同櫻花蝦味噌湯，沙律好FRESH，而且份量都唔少；而櫻花蝦味噌湯都好驚喜，賣相又幾好，飲落唔錯！之後開始黎前菜，有日本甜薯、中華沙律等，份量望落簡單，食落不過不失～接住重頭戲 - 主菜有幾款和牛！澳洲和牛封門柳 — 肉質軟腍，油花少。日本九州A4 和牛三角胸 —  霜降紋理，大理石油脂分佈平均，食落肉質柔嫩，牛味濃郁日本九州A4和牛上前腿肉—  雪花般紋路油脂分佈，口感較結實，肉味更濃.  如果唔夠食，可以再單點的~另外，套餐仲有飯、雪糕 同飲品~個甜品絕唔HEA場，好好玩又好食！…查看更多

早兩晚同朋友慶祝生日食飯，佢揀左間日本餐廳，位於登龍街，time square 後面都幾方便.入到餐廳，感覺舒服闊落！點左個酒煮鮑魚，食落質地軟熟糯口，而且酒味濃郁，食到鮑魚嘅鮮香，正！櫻花蝦多士，多士上邊鋪滿櫻花蝦，賣相極之吸引，食落多士脆口好味！𩶘魚烏冬，魚湯非常濃郁，飲得出用咗好多時間熬出嚟，烏冬非常滑口！點咗串燒菠蘿，超甜又多汁，必食！最後終於有甜品送，喺cheese cake，非常濃郁嘅芝士，唔錯！…查看更多

早排黎到黃埔行街，經過嘉里酒店，記得入面有個food court，可以充充肌，食飽又可以再行街～入面個food court 叫百味村，入面有好幾間餐廳~ 睇完, 想食牛，就一於試”岩盤牛扒”. 餐廳裝飾唔錯，仲有桌球、飛鏢機可以玩，最正係呢度有海景睇，一邊食飯一邊欣賞海景，個人即刻放鬆哂。 今次”岩盤牛扒”我揀左食rib eye，一開始職員會問你要大概幾多gram, minimum係200g, 然後先計錢. 我仲加左錢跟餐，餐會包飯、飲品、味噌湯，而配料可以揀蒜、洋蔥或者蔥。今次肉眼扒跟餐，鋪滿蒜，仲有粟米～rib eye好香，重牛味，岩岩好5-6成熟，切落仲見到少少紅肉，亦好多肉汁！overall 價錢都性格比高，下次有機會再試下先!…查看更多

黎到朗豪坊買波鞋，行到咁上下想搵嘢食，同好友嚟到丸十日本食堂😊最近丸十原來出咗啲新嘢，有手鞠壽司😍 外型好精緻，幾靚又好食，會有時令食材，例如三文魚、海膽、帆立貝、蝦等等，一啖食一嚿👍 另外，一葉舟，可以揀三款或者五款，我哋揀咗五款，嘩有長達成18吋，壽司飯上鋪滿鮮味十足嘅刺身🥰 睇到都流晒口水🤣 當中有三文魚、帶子、長腳蟹、吞拿魚蓉，全部好新鮮，值得一試🥰重點咗啲串燒，雞皮、雞翼、雞軟骨、免治雞肉，全部都笑得幾好食，唔錯唔錯😆荔枝梳打，飲落透心涼👍…查看更多

好想食串燒, 咁岩有海港城coupon, 就黎到一直都好想試的日本餐廳 - 鮨勘！今次揀左串燒餐，餐廳光亮，座位闊落😍呢個串燒餐有: 先付、串燒13道、食事、甜品🌟先付 -前菜有番茄、蠶豆、蕎頭，估唔到味道幾夾wor，唔錯! 串燒13道 包括: 雞柳、雞肋、雞頸、雞心、雞腎、雞肝、雞翼、雞尾、雞皮、雞髀肉每串都燒得好好，咸味適中，而且外脆內嫩👏仲有燒和牛，和牛油脂分布平均，食落肉質唔錯😊仲有２款燒海鮮，鮑魚新鮮又彈牙；芝士燒蝦，蝦大大隻，啖啖肉，正😄食完串燒，再黎個雞白湯拉麵，入面有三件雞、半隻糖心蛋、竹筍，好多料，食到好有飽肚感❤️最後來埋個綠茶雪糕，為今晚劃上完美既句號👍…查看更多

最近黎到旺角食DINNER, 揀左令和食日本野～先黎個關東煮，係日本既大眾料理，包括雞蛋、蘿蔔、蒟蒻、海帶結、蒟蒻絲等，每款都好好食！再黎個清酒煮蜆，好香酒味，食落蜆肉啖啖肉，又鮮美~再黎個魷魚軟骨，脆卜卜，好有咬口感，唔錯！之後點左個燒魷魚一夜干，經炭火烤過，食落軟硬適中，風味濃郁。再SHARE 個令和魚生丼, 入面有好多材料, eg. 三文魚、吞拿魚、帶子、海膽、蝦 等, 每樣都好新鮮，食完已經好有飽肚感~最後點左２梳打，菠蘿同荔枝乳酸，味道都唔錯～整體來講, 價錢都唔貴, 下次可以食其他野！…查看更多

最近同好友行MK, 夜晚黎到佢一早BOOK左既私房菜 - 如一~ 一直都充滿期待, 因為太耐都冇食過私房菜喇~~~ 我地點了幾款招牌菜，每款都有驚喜!!杏汁花膠白肺湯奶白色既杏汁白肺湯，好巧功夫的！飲落杏仁味超香濃，質感濃稠幼滑！入面有豬肺同花膠，真材實料，超好飲，特別係我地２女人～超養顏又滋補！！ 冰鎮醉鮑魚酒味清香唔算重，口感冰涼～ 鮑魚超肉厚，食落仲爽口彈牙，讚！燒乳鴿太耐冇食燒乳鴿，香脆可口，食落皮脆肉嫩！好回味~~咸牛油椒鹽蝦第一次食咸牛油椒鹽蝦，牛油味香濃，蝦酥脆，入面彈牙～口感和蒜香味都令人欲罷不能！陳皮蒜子欖角蒸龍躉脊　連皮食既龍躉脊，少少既陳皮香味，唔會遮蓋魚肉既鮮味~ 食落嫩滑又可口。OVERALL 環境、食物質素都唔錯, 呢度一定要BOOK, 當晚係勁FULL呢～～…查看更多