Chau cys的个人专页

天氣涼左就更加想打邊爐！今次同朋友到牛氣食Lunch，新開尼間食物質素更加好，湯底款式有好多，配料區都有好多食物可以選擇，甜品都有成10幾樣，每樣試少少都夠晒滿足。一入門口，侍應已經好有笑容咁帶位，落單同收碟嘅時候，語氣都好有禮貌，完全冇黑面或者唔耐煩，成個氣氛好舒服。今時今日，好食嘅餐廳好多，但服務好就令成餐飯加分。呢間餐廳由帶位到埋單，全程都感受到佢哋嘅用心同專業，令人食得特別開心。一定會再嚟幫襯！…查看更多

之前食過旺角分店兩次，其實佢哋既食物種類又真係幾多元化同湯底都好吸引，最緊要係有活蝦夾。但因為服務態度好差所以都無再去。無意中見觀塘開左分店就決定俾多次機會尼個集團，但都一樣失望到爆。首先，必須承認既係觀塘分店食材種類仲多，仲要開正我哋海鮮友既口味，勁多新鮮海鮮，活鮑魚，活蝦，新鮮蠔，扇貝，花甲，湯底又係勁多選擇，仲要打邊爐前有雞煲食，大癲！不過廳面服務真係令我大打折扣失望由入店到離店，服務員全部面無表情，反應遲鈍，問乜嘢都敷衍了事，想加湯又需要叫幾次，肯做又機械地完成任務，唔知以為入機械人餐廳，未夠鐘又吹人走，明明無人等又有大把位吉左。唉，其實點解唔諗點解會無生意呢？咪就係因為無人中意食飯俾人黑口黑面對待囉…查看更多

一家四口夜晚食火鍋放題，因為第一次光顧，所以我唔知道這間餐廳點餐方式，成班員工好似好忙，想找一個人問清楚都沒有。我就詢問一位站在接待處穿便服既女店員，他自稱經理，講真除了大排檔，我未見過有餐廳經理係著便服番工，佢態度十分惡劣，成晚俾錢買難受。點解服務行業都做到咁樣。食物就認真唔錯，湯底都夠味，不過都唔會再光顧…查看更多

最近去試左旺角新開間大牌檔 見佢網上宣傳做得好勁 一於一試！第一次嚟當然要試個招牌乾炒牛河，乾炒牛河做到唔油膩👍🏻另外我地仲叫左個西冷扒要五成熟，但食落去好似七成，於是搵著灰色衫嗰位經理問下，佢好友善咁致歉再幫我地更換但第二次嚟到反而太生，未夠五成，根本唔敢食。我哋再搵返嗰位經理問清楚，本來諗住旺角呢d茶記服務都預左一般，但意外係佢地都好好態度，仲好好人咁幫我換多一次！食到咁上下呢位經理專登走過嚟問返我地意見！又會同食客交流呢點都值得一讚👍🏻呢度除左食物ok，服務都係會令我再次返嚟嘅原因…查看更多

喜歡食日本餐的我經常要出去銅鑼灣，旺角，而家將軍澳終於有一間食完覺好好滿意的日本餐了，唔洗同人迫餐死！同屋企人做冬，本應一如既往食中菜，但見到海濱長廊開了一間日本餐，所以改變決定就衝過去睇下有沒有位置，事關經常性滿座，等了半小時一家五口可以入座了！點了最喜歡的 *明太子蛋卷*，入面真係好多明太子好足料！點了一些海鮮，雖然好似人手不足，但都有店員過黎幫我們燒！平時都好少食生蠔因爲去酒店食完個肚一定會唔舒服，但今次啲生蠔真係太肥美了忍唔住食了兩隻，出奇的是個肚竟然沒有唔舒服…查看更多