june_19850616的个人专页

車仔麵真係食得多，無加味精嘅真係無食過。櫻花蝦湯底出色👍🏻牛腩同雞翼都係必選，十分入味。檔車仔麵質素好唔好一試佢個牛腩就知道👍🏻👍🏻揀咗我最愛嘅午餐肉，竟然係厚切😍😍好耐無見過咁厚嘅午餐肉龍蝦腐皮卷口感特別，甜甜哋，魚肉彈牙三餸都只係$38😆😆😆😆（重要包飲品）加餸都只係$5一款香港地到處都係商場連鎖店，想試到用心製作嘅美食真係買少見少。今時今日重有人肯用心真係值得多多支持。…查看更多

長話短說!!!!好想表達哩間咁0既嘢有幾差，但又唔想為咗佢而浪費我時間。所以Point Form說明，簡單易明!是日任飲任食$78免加一打邊爐(2小時)1. 星期六多人等位耐我可以理解，但點解入坐無人帶位呢?2. 湯底正常速度到達，但衛生極差!!!成個煲蓋都係上一手D湯渣連埋一齊叫0既嘢食就等咗45分鐘都未到。3. 追問Order時竟然同我哋講因為我哋填錯Order紙，點解收我張Order紙0個時個阿姐唔同我哋講????!!!點解我入坐0既時候無人同我哋講D Order紙有分別???!!!!要我等你45分鐘追你單先講!!!!重要我哋寫過第二張!!!!4. 同個好似部長咁0既物體理論竟然我哋未講完就走咗去!!!!!5.結果2次Order一齊哩，好在我哋人多食得晒咋!6. 任飲汽水無人拎，要自己四圍揾人問最終要問個倒垃圾0既叔叔先知放係邊(無錯!!!!!!係要自己行入後欄雪櫃攞!!!!)7. 食物質素同D侍應一樣差，唔食到肚痛都算命大。 8.侍應個個都帶曬隱形眼鏡，當啲客係隱形！！成枱吉碟都唔收，只係收走D吉0既汽水罐??!!!!!(大家明啦~)9.叫人埋單就準時過天文台，埋哩收錢就快過劉翔。10.全自助!!!無論醬汁丶汽水丶加湯.......全部自己哩!!!為何重要請侍應呢?????11.食物質素完全垃圾，雖則係$78都唔可以抱太大期望，但係都唔好俾D垃圾我！！--->肥牛有如橡筋可以o趙一晚！--->炸魚皮硬到咬唔好，重要淥完都唔淋！都唔知搵咩做ga！--->雲吞是臭的！--->菜芯好似係街市個地下執返哩咁--->所有丸類哩到o既時候好似有層潺係面咁如閣下真的要一試的話請拎出全部心理準備，食唔飽都激餐飽~…查看更多