StellaLeung0811的个人专页

份量正常，味道正常；唯老闆態度極度惡劣，我好聲好氣嘗試詢問外賣進度，就被疑似老闆的人士大聲吆喝＂等陣喇＂。但當時我已經是半小時前下單。然後我等左陣，那個人就將我個外賣拎出來。正當我想核對外賣單號碼時，佢就不耐煩地講＂喂？＂十分臭串。對清楚外賣單號都好正常啫，我等佢個餐都冇表現過不耐煩，佢等我幾秒對下張單就躁底。買個外賣都要受氣，大家想俾人鬧就幫襯喇！睇佢專責收銀，又手戴金錶，似乎係餐廳老闆，咁巴閉可以用咁無禮貌嘅態度對人客嘅？…查看更多

叫左碗金錢肚麵，45蚊對得住個價錢，論份量味道都正常發揮，唯一要彈嘅係湯底重手左。加單要個油菜，點知幾分鐘後樓面姐姐就將個油菜拎去剛剛坐低落完單果枱客度，果下我都奇怪。算，食住麵等，到個麵食到得返少少，催下阿姐。樓面馬尾all back姐姐就話：等多陣，廚房未有我都俾唔到你。無奈…終於幾分鐘後真相大白，原來果枱客張單都仲未打出嚟🙄🙄姐姐就走嚟耍冧，我就冇打算追究。到埋單又嚟料，前面果pair大陸人喺收銀前搞勁耐（又係果啲諗住支付寶可以所有地方都通行嘅煩膠）。我等左成5分鐘，無啦啦我後面組同樣排緊隊俾錢嘅客人唔知做乜行左出門口，收銀姐姐完全無視我，一嘢嘟左果組客人張單。我哩下就話：姐姐，我排先架喎。姐姐就話：你排緊隊俾錢架？（我心諗：好問題，唔通我排隊攞你簽名呀？）佢再講：都嘟左囉，無辦法架啦⋯⋯一句對唔住都冇，大佬你地亂到7彩，食碗麵都慘過乞咁，成肚氣，冇下次！…查看更多