吃貨小豬的個人專頁

成日經過朗豪坊每次見到呢間「i cremeria cafe 」都會被呢間雪糕或下午茶吸引最近心情唔太好又無乜胃口去食甜品去補一補😂假期3點幾左右唔算太多人先落單後搵位職員細心地為客人送餐呢度既雪糕及Tea Set都好多款式最後我揀左「Japanese Matcha Roll Tea Set $128」有抺茶海綿蛋糕、紅豆、白玉丸子、蜜餞粟子、抺茶雪糕飲品我揀左熱檸茶呢度環境裝飾有種好高貴既感覺枱面係雲石花紋既設計女生就係愛雲石紋影出黎既相會好靚架💕餐盤用左銀色托盤與雲石紋非常襯呢度係熱鬧既商場中有一處寧靜既感覺好適合約埋閨蜜一齊傾計嘆茶抺茶雪糕好濃好滑第一啖食已經食到好香既抺茶茶味市面上好多抺茶超級奶味我好鐘意呢間既抺茶雪糕配上紅豆、白玉丸子一齊食好夾抺茶海綿蛋糕好軟入面有抺茶忌廉同紅豆蓉唔會好甜甜度剛剛好食完又唔會勁口渴最後飲埋杯熱檸茶中和一下又正又寫意食完個tea set超滿足臨走時再望望其他蛋糕既款式好靚💕睇見都好療癒下次一定會再黎👍🏻…查看更多

平時返工去食lunch食到厭今日與同事去左太古果邊食飯經過見到呢間京林屋呢間價錢比較貴但Happy Friday就食好d啦我揀左鰻魚飯，配玄米茶職員仲拎左壺熱水比我地加水幾細心鰻魚飯好好味唔腥配上紅米飯就非常健康鰻魚汁份量較多但唔會太咸味道岩岩好仲配埋麵豉湯不過飲到最尾碗湯好咸好在有壺熱水可以沖淡d除此之外佢地仲有好多抺茶、焙茶既甜品好吸引啊🤤還有我至愛既紅豆白玉都好想試唯有下次放左工過黎食啦😂…查看更多

終於有機會去南豐紗廠約左朋友去食下野影下相我地12點前去到暫時d鋪頭都未開門襯佢未開門我地搵地方食下野先比我地搵到呢間餐廳一望間餐廳好光猛全部用哂雲石紋既枱環境設計給人一種高貴既感覺女生來食野打卡一流我比佢個「Croissant Lover 軟殻蟹牛角包 $128」所吸引住我本身愛吃牛角包軟殻蟹又夠脆加埋佢地調既甜辣醬幾好味我朋友就叫左「Meat Lover $138」以五花腩做主題如果唔喜歡食肥腩肉就唔好叫呢個佢好都燒得幾香飲品我揀左花茶朋友叫呢款飲品好特別有粒大大的冰裏面係櫻花飲既時候倒入杯度咁就可以keep住凍黎飲…查看更多

行街行到好口渴夏天唔帶水出街真係唔掂行完始創經過「賞茶」比呢杯「黑糖波霸奶茶」廣告吸引左😂賞茶亦係我會選擇飲品既地方鐘情佢地茶味夠重夠香我鐘意食波霸因為大粒珍珠係好味d黑糖對女士都有益（我呢杯係正常，無少冰少甜）黑糖唔會太甜好怕甜到好似飲糖水咁茶味亦濃唔會搶哂d味波霸好食大大粒夠彈咁我覺得有黑糖一定好飲過普通珍珠奶茶啦🤣雖然d人覺得飲珍珠奶茶無益但偶爾飲一次為夏天炎熱天氣解下渴都係唔錯既選擇吖👍🏻…查看更多

原來屯門有間隱世大排檔一般大排檔都係地方污糟又熱又無冷氣所以我好少去大排檔今次應該改觀了朋友介紹呢間「新恆福」一入到去有冷氣正又有大電視正！一邊食一邊睇電視我地兩個叫左幾個小菜「辣子雞」外表好似好辣但食落唔算辣有麻辣味但雞好脆口「燒日本和牛粒 （4串）」和牛嫩而多汁菠蘿甜甜酸酸好開胃加埋青椒爽脆呢個組合好特別「乾蔥魚標」原來魚標即係花膠魚標入味乾蔥好惹味上碟時沙沙聲呢間環境食物味道都唔錯下次叫多d人黎食先…查看更多

今日放假諗住一早去行山點知太攰唔知醒最後十點幾先起身起左身去左屋企附近食左lunch先去行山正午行山有種想死既感覺🤣🤣呢間第一次去食有西式有中式我揀左「咖哩牛腩飯」有餐湯有餐包我仲加左椰青只需加$18好抵飲又清甜又解渴咖哩汁唔算辣幾惹味餸飯一流入面仲有薯仔、牛筋牛腩都算幾林另外老公叫左「海南雞飯」食物味道都幾好吖仲有中湯係d阿姐唔夠識做定係佢地無野搵野黎做？明明我個餐包未食完仲問我要唔要？佢打算想收走我話都未食完😅😅真搞笑食物環境味道ok職員要再培訓先得😂😂…查看更多

尋日放左工去左跑步返到黎屋企樓下都九點幾接近十點了好在樓下有間茶餐廳仲未收鋪我好鐘意食佢扒餐因為一定無伏我叫左個「黑椒汁牛扒煎雙蛋配白飯薯條」用鐵板上黎到「沙沙聲」黑椒汁配牛扒非常好食而且呢個餐$48咋凍飲要加$8都已經好抵了所以我最鐘意食呢個唯一要改善真係職員既態度我地食緊野途中見到有個男職員不停包雲吞又吐啖仲要係我面前好唔衛生😑😑至於其他女職員態度一般友善呢間我比較少去食通常太夜又未食野先去因為佢地都較夜關鋪…查看更多

放假既時候我最鐘意就係跑步或行山今日同老公去左行山 — 元荃古道由荃灣行到元朗大棠一早plan左行完山去食永年醫肚雖然天公不造美行行下落大雨之後又勁出太陽行到我好想中途放棄回家算但我真係好想食永年所以我要堅持經過4小時日曬雨淋終於完成完成了去吃喝一餐真係好滿足每次到永年有幾款都係必食的炸魚皮、豬紅 呢兩款一定要食我諗豬紅除左永年之外其他我都睇唔上眼🤣🤣炸魚皮好鬆脆兩個人食要叫一碟先夠我唔太食得辣微辣就岩哂我另外我叫左雞翼、菜加左凍檸樂可樂絕對是我的運動後的—救命水😂😂…查看更多

天氣咁熱食完dinner時間尚早好想去食甜品舒緩心情香港日日負能量需要調整一下心情唔好比負面影響自己我突然好想食焙茶雪糕記得尖咀有間有得食入到去有位真好原來佢地推出左套餐為食既我緊係要叫套餐🤣我叫左有抺茶蛋糕、焙茶雪糕 & 焙茶 $78唔鐘意焙茶可以叫綠茶呢個餐蛋糕雪糕都有得食好興奮女人見到甜品就會有無比既快樂🤣🤣抺茶蛋糕好軟又唔會太甜甜度適中焙茶雪糕唔洗多講好好味仲有一壺茶下次都係揀返綠茶因為焙茶比較濃唔飲濃茶就唔好試但味道好好👍🏻食完好滿足😍下次一定會再食過…查看更多

今晚放工又去做運動但又未夠鐘一個人去太古城食d野行下街先原來誠品入面有間cafe環境舒適座位寬敞見有位就入去喇我唔想食得太飽我見到有牛角包就即刻要叫我好鐘意食牛角飽架我叫左呢款「雙份日本滑蛋 & 牛油果芥末醬 $42」蛋既份量超多中間有少少醬味道很好牛角包脆脆地不過醬既份量好少我覺得多返少少醬會更加好食熱薑汁紅茶 （加$15）薑加入紅茶又幾正岩哂女士薑可以驅風暖胃平時係office冷氣勁凍有時飲下呢d都好養生…查看更多

每次去灣仔搭巴士返屋企都會經過呢間老虎堂好在今晚十點幾都仲未關門🤣我好鐘意飲「波霸淳紅茶$22」波霸=大珍珠好鐘意大珍珠既口感第一次飲既時候覺得黑糖太甜於是今日叫半甜但每次佢地製作出來既味道都唔一樣覺得上次好飲好多今次好似少左黑糖味老公虎叫左「波霸厚鮮奶」我唔鐘意飲鮮奶所以未有機會試佢地既珍珠奶佢地採用鮮奶代替奶精所以會比市面那些珍奶健康少少夏天天氣咁熱偶爾飲返杯解渴飲品都係一個消暑既好良藥😂…查看更多

約左朋友去鰂魚涌做運動上完堂就係附近食個lunch先之後又上多一堂空中瑜珈😂我唔想食飯想食烏冬就去左呢間食其實佢有好多款式都好吸引好想食最終都叫左「日本帶子魚湯烏冬 $78」加左杯星空荔枝 （飲品半價）魚湯好清鐘意健康人士就岩哂佢份量唔算多岩哂一陣去做運動唔好食得太飽帶子得兩大隻烏冬都ok星空荔枝 $12（飲品半價）顏色好靚 我最鐘意紫色荔枝又夠清新好岩夏天飲好解渴呢間餐廳食物ok環境乾淨食完坐一陣同朋友傾下計都好舒服…查看更多

好鐘意食羅麥記因為有我至愛既朱古力西多 & 煎蛋肉醬焗飯今日我腦裡面出現呢兩樣野食一於就去食啦羅麥記比其他茶記會稍貴一點但佢地既裝修都好懷舊「千層朱古力西多 $36」其實只係普通西多加朱古力醬但佢地既西多好脆配埋朱古力醬食簡直一流熱辣辣好好味👍🏻「煎蛋肉醬焗飯 $62」肉醬汁超多份量好足夠次次食完都攬住個肚隻蛋有少少流黃超正呀👍🏻老公叫左「避風塘軟殻蟹炒麵 $68」覺得呢個麵咸左少少惹味的重口味人士就岩哂喇下一次一定會再黎既！…查看更多

今朝一早約左朋友去沙田跑步一跑就跑左兩粒鐘有朋友陪跑時間好快過夏天跑步飲極水都唔夠解渴好想去飲杯冰凍清新飲品我好想飲喜茶好耐次次見到勁多人就唔想等今日見佢比錢條隊好似好少人喎估唔到比完錢之後要等幾十杯😅佢好好有個area有得坐住等我揀左滿杯香水檸貪佢夠解渴嘛我對含有鮮奶既野都麻麻地終於等到了第一啖好清新香水檸既味道好正好fresh好適合夏天飲而且夠大杯下次過黎沙田跑完步真係可以再來飲返杯👍🏻…查看更多

平日放假總比返工忙一早帶左狗仔去睇醫生返到黎屋企已經好肚餓一陣仲要去銀行處理事快趣去食個茶餐先原來樓下有間民華開左咁耐都未試過今日就去嘆下等左一陣就有位了我叫左個雪菜肉絲米粉腸仔炒蛋轉花生醬多士 加 $2飲凍檸茶 加$3多士好脆加左花生醬好食好多而且醬份量都好適中米粉好「索水」所以要盡快食炒蛋好滑好香覺得佢應該加左牛奶炒味道不錯民華質素比其他普通茶餐廳高少少所以四十幾蚊我都覺得唔算太貴佢地除左有茶餐仲有點心同蒸飯下次又可以試下了👍🏻…查看更多