janue的个人专页

喺大概半年前同朋友慶祝生日嚟過食拉麵感覺都唔錯所以今次又同另一位朋友再黎食晚餐 聊聊天今次我哋都算早到 所以都唔使等位由於今次想同朋友慢慢傾偈聚舊所以都叫咗唔同嘅嘢食1）沖繩黑糖珍珠牛乳烏龍本身諗住黑糖會麻麻地夾牛奶但飲落口意外地夾 珍珠唔硬連朋友一向唔多飲牛奶都大讚！2）照燒魷魚筒Size唔細 燒得剛剛好同朋友一邊傾計 一邊食好輕鬆～3）鮮海膽，火灸帶子 （一口壽司）以往試過一啲一口壽司真係一啖食完但係呢到既一口壽司都比我想像中大至少可以分幾啖食慢慢品嘗食材好新鮮 食完滿足感level 🔝 4）三盛燒肉don (煙燻雞，五花肉，牛舌）肉同飯既分量分配得唔錯肉質亦唔會太乾朋友評價不錯5）甲羅燒好有蟹味而且分量比想像中多一個人食都幾飽啲飯亦都好有咬口好好味好欣賞呢度啲職員見到你食晒啲食物仍然會幫你添茶，唔會令你有一種趕你走既感覺所以今晚同朋友敘舊，都傾得好開心…查看更多

Urban Cafe應該好多人都識，佢喺觀塘同旺角都有開設分店，知道佢哋喺荔枝角開咗新分店，咁我都即刻過嚟同貓貓玩下，食下嘢！新分店行小清新路線，空間感好強，裝咗好多落地玻璃，光線充足。同時亦設有貓樹同貓架比貓貓休息同玩，設計有心意。而場地都好乾淨，唔會有任何貓貓嘅味道，客人入場前都要着鞋套同埋消毒雙手以確保場地衛生同保障貓貓嘅健康👍🏻雖然urban cafe係貓cafe，但食物味表現都唔錯。封門柳配上松露汁同薯蓉，大約係五成熟，肉味濃，都唔會靭，份量都ok。無食開咁生既我都覺得好唔錯！甲羅燒長通粉，意粉有咬口，撈上醬汁同蟹膏，味道濃厚，係打卡之選👍🏻 比想像中好味🤭新分店嘅貓咪一如既往嘅咁得意🐱肥嘟嘟，毛毛順滑，全部都可以摸，見到好多小朋友都可以玩得好開心。想喂貓貓嘅人都可以向店員購買乾糧或者濕糧，不過數量有限，想喂就要提早同店員講聲。眼見小朋友有得參與其中，佢哋都好開心😁整體嘢食質素唔錯，鐘意貓貓嘅朋友唔好錯過！🥰有得食又可以同貓貓玩一舉兩得如果用餐時間再長啲就更理想啦！…查看更多

之前幾次經過呢間餐廳都已經想食但係每次經過門口都好多人，所以都放棄咗今次七點前去到就唔使等位啦餐廳環境都幾舒服我哋見過二人餐性價比都幾高又唔想煩所以好快就決定咗要食二人餐二人餐都有幾款㗎可以睇吓邊款最岩自己食因為我哋想食豆腐湯所以最後決定叫左呢款二人餐前菜就有呢兩款泡菜唔會太辣酸酸地好開胃如果可以再要多一碟就好啦豆腐湯嘅辣對於我嚟講啱啱好佢仲有一碗飯附送㗎所以將啲湯撈埋落啲飯到相當開胃豆腐亦都非常滑身海鮮方面都有蝦同青口等等至於石頭鍋飯方面我哋就揀咗雞肉食石頭鍋飯，當然唔少得個飯焦加埋店員攞過嚟嘅辣醬即時幫個飯生色不少份量都唔算少，所以食完兩個飯都飽架牛扒好大塊 味道都唔錯唔會好硬飲品方面我哋就叫左朱古力同埋朱古力沙冰有濃濃嘅朱古力味飲得好滿足呢有機會一定會再光顧…查看更多

一坐底已經聽到韓文，連韓國人都支持既餐廳令我非常期待呢間餐廳提供既食物都花多眼亂，我地結果都要用左少少時間先決定到食咩好餐廳牆身上既畫作非常可愛韓國餐廳當然唔少得前菜，3款都非常開胃令我地食慾大增！苜先送上熱騰騰既韓式海鮮鍋。韓式海鮮鍋係佢哋嘅招牌菜之一，裡面有新鮮蝦、蟹、魷魚同鮑魚等等，海鮮種類十分多而且新鮮！每一口都附有豐富既海鮮風味，味道鮮美怡人。由於食材新鮮，食完之後好有有滿足感。不過個湯底有少少辣，大家要留意。牛骨湯飯係另一個值得推薦既主菜，湯汁鮮美，搭配白米飯，令人垂涎欲滴。湯入面既牛肉都非常嫩，口感豐富，湯帶有微微既甜味，令我飲唔停D湯，非常出色！最後，口感酥脆既香蒜炸雞。炸雞係韓國菜黎講非常受歡迎所以我地都叫左半份試下。炸雞外皮酥脆唔油膩，肉質都非常軟嫩，而且食落有香蒜味並非以往食過既只有甜味。隨炸雞附上既炸年糕口感都非常好，令人食唔停口。今晚食得好滿足…查看更多

今日去到九龍城搵貓店長行到入黑都開始攰啦見到呢間餐廳都幾多人幫襯所以就決定入去試吓不過最近皮膚敏感好多野都唔食得😢所以食物都偏向一啲無咁刺激連平時最愛既馬拉盞都唔敢叫但係唔緊要 餐牌仲有好多吸引既食物選擇🥹飯方面我哋選擇左焗椰青海鮮炒飯第一啖食落已經好有椰汁味而且有啲細細粒嘅椰青碎喺啲飯入面所以食落都好有口感感覺好新鮮值得一試蝦醬炒椰菜苗本身自己唔係太鍾意食菜苗但係呢度炒得好有鑊氣而且蝦醬味道都相當濃郁令我食唔停口海南雞半隻肉質鮮嫩醬汁令海南雞更上一層次配埋飯一齊食會更好味飲品方面就有芒果沙冰同埋椰汁珍多冰來泰國餐廳點可以唔飲😍份量唔算少 相當足料飲完就好滿足啦💕下次再試埋其他美食先！…查看更多

無得去旅行又要醫下思鄉病最好既方法就係去間裝修得似外國既餐廳至少用餐時間都可以令自己誤以為去左旅行開心下~Happy Friday決定去韓國一轉!!今次黎到既餐廳淨係睇設計風格都已經好Chill急不及待想快d坐底餐廳既外圍都用左綠色植物加上室內多數用上木色送餐時又有藤盤配合 有Feel!! 真係好似去左旅行咁!本身自己好鐘意食韓國手卷所以就叫左一條試下 手卷內既材料好多而且每一舊都有一定既厚度 所以如果唔係好餓食呢個手卷都係一個唔錯既選擇另外 仲叫左一個Waffle 因為見到好多人叫而且賣相十分吸引見到實物不禁嘩左幾聲 作為喜歡朱古力既朋友見到呢個Waffle真係太開心了!雖然睇落好似好多cream但係食落一d都唔heavy最後我係清哂的!! 不過如果有埋雪糕就更加完美啦!!飲品方面試左綠茶梳打第一次飲呢個組合估唔到又幾夾有新舊融合既感覺滿足到想飲茶但係又想有啲新鮮感既朋友仲有一杯就簡左濟洲既代表柑橘乳酪本身好驚飲落有陣酸味但係一啲都無成個用餐時間都令我覺得自己係濟洲咁😻好開心！…查看更多

雖然依家好少出街食但係總有想偷懶唔煮飯既日子😆呢間餐廳以前係龍門居既時候都食過特別佢既豬扒令人十分想念所以就決定今晚黎食啦！呢間餐廳主打無味精當然吸引唔少人黎支持7點既時候門口已經有唔少人排隊但係等左一陣已經有位啦！係未睇餐廳之前已經比佢牆身既畫作吸引壁圖紀載住舊屯門真令人懷念！本身我哋想食手工麵可惜今日已經賣哂啦！所以最後叫左大檸樂手羽飯同香煎蓮藕豬扒飯！每個餐都附有湯 唔洗額外叫架正！今日既湯係冬蟲草百合無花果豬展湯真係有冬蟲草同豬肉食架！好好味😋份量一如既往都係咁多雞翼最後食唔晒不過可惜既係檸檬味比想像中少！如果可以再濃郁啲就好啦！蓮藕餅都比想像中厚身食落好爽口亦都好有口感！食下食下我哋兩個都好飽希望下次黎試埋其他湯啦！…查看更多

就憑門口呢個霓虹燈就已經知道老闆想提供一個好輕鬆嘅環境俾我哋係黑暗嘅環境之下個人會特別放鬆亦都好配合呢間餐廳主打嘅CBD初初聽到帶埋呢兩個字都好驚㗎不過唔使擔心 如果你唔知咩嚟侍應會好細心解釋俾你聽詳情就唔多講啦不過當然如果你有顧慮嘅話可以要求唔落CBD落食物度👍🏻今次我哋就叫咗兩個主菜其中一個就係海鮮炒米飯老實講二百幾蚊食一個飯都真係幾貴不過條八爪魚食落比想像中新鮮好多而且都好大條加上其他海鮮份量都唔小家個飯仲咸咸幾好味所以對呢個飯都幾滿意！鍾意食海鮮食呢個唔會失望而我就叫咗肉眼扒相比之下呢個味道就冇咁出眾塊扒都幾多牛味 而且唔多筋就連隻碟都暖呢啲細心位做得唔錯！呢間餐廳都幾多人食7點就滿座而且唔少人係再次光臨如果唔想等位記得早啲度或者book位啦…查看更多

今日咁岩要出去金魚街買金魚喺去搭車走嘅路程就見到呢間日本料理俾佢放喺門口嘅餐牌吸引咗！原來佢有兩層㗎而且好多人嚟食！所以如果想食就記得訂位啦因為咩都唔想諗所以我哋叫左兩set壽司今日落完雨好凍呀所以有碗好熱嘅麵豉湯覺得好幸福呢個蟹籽沙律好足料見到啲蟹籽已經好興奮！正呀火灸壽司定食睇下啲芝士！真係不得了 啖啖都好多芝士！睇下呢兩舊幾厚肉舊鰻魚放左入口之後成個口都充滿芝士同鰻魚超正！個人鍾意呢set多啲！呢set壽司定食都唔差！性價比高！而且食完都會夠飽我哋見佢啲壽司都幾新鮮說決定要食埋刺身所有刺身都好新鮮而且好厚下次要黎試其他食物支持同路人…查看更多

幾個月冇出街食晚飯所以對於可以夜晚出街食飯都感到好興奮唔知係咪因為冇得去旅行嘅關係最近都特別想食拉麵平時都有喺AEON買開壽司咁岩見到佢有間拉麵鋪就決定試吓不過個舖位有少少難搵都用咗啲時間呢間拉麵同其他嘅拉麵店都大同小異不過佢就冇+1服務費所以性價比比其他店舖高一啲佢有白/黑豚骨湯/味增湯另外仲有一個魚介沾麵Size方面 有正常同特大兩個size 我哋都有叫分別就唔係到多介紹餐牌上都寫得好清楚朋友話好肚餓叫左個特大size佢都好飽套餐包一個拉麵 沙律 小食 飲品個人覺得真係幾抵湯底味道好濃但係一啲都唔味精就算飲晒都唔會好口渴叉燒都笑得好香而且唔會好厚 食落岩岩好 唔會好heavy 炸雞同雞軟骨表現都唔錯可以encore !白豚骨拉麵就清少少不過一樣咁好味！鋪頭位置唔多想食就記得早啲黎啦！…查看更多

最近疫情開始受控所以我都開始約返朋友出嚟食飯啦搵餐廳當然要揀返自己之前嘅經濟圈啦由於實在太耐冇出街食飯啊所以今次就想食喺香港傳統嘅車仔麵今次去到經由朋友介紹嘅新式車仔麵餐廳一睇個裝修就知相當新潮而且見到啲佈置就知係自己友冇理由唔支持掛咁似我就叫咗一個蕃茄湯底嘅車仔麵配菜方面就揀咗蘿蔔/咖喱魷魚/墨魚丸唔知大家對食米粉有冇要求有啲米粉真係好難食㗎又硬又粗呢度嘅米粉就算係好食過一種啦平時食開嘅咖喱魷魚一啲都唔辣但係呢度嘅咖喱魷魚就相當足料！辣得幾過癮蘿蔔亦都煮到好林而且好大舊加上送埋啲咖喱汁真係一流呀朋友叫左菠菜麵小食方面我哋就帶咗個餃子同埋蒜泥白肉兩樣食物份量都唔少！值得一試呢！支持自己人！加油…查看更多

今晚黎到界限街附近諗住搵下小店支持一下老實講 門口招牌真係唔吸引我但係店內既裝修反而係我杯茶所以最後決定支持呢間小店加上店內都幾多人食黎到越式餐廳又點可以食生牛肉湯檬個碗真係好大!但係份量又係咪真係好似個碗到咁多呢?首先黎到已經聞到好香既湯味而且D牛肉係未熟哂湯既熱度亦都足夠令D牛肉全熟牛肉既份量比起出面多仲夠薄身所以唔會咬唔爛另外D粉都唔少但個人覺得有碎左少少總括黎講都好唔錯!飲品方面就點左椰汁冰同三色冰選取左呢個包裝就方便我呢D飲得慢既人可以拎埋走椰汁冰飲落唔會好甜似真係本身椰子入面既汁好淡既清甜味仲有D椰子肉添友人就點左美國黑毛肉撈檬份量都幾多朋友最後食唔哂D豬扒整得幾好味唔錯唔錯值得一提既係火五特式鳳爪$22 有咁多隻好抵食!夠凍夠味呢D唔洗講推薦大家食!…查看更多

啱啱搬來屯門有時候都有去過呢個商場但係個陣未裝修所以都無入去行過最近發現佢變左新裝好似好多野食咁～好似好耐無食過泰國野所以決定試下！我地叫做個凍鳳爪估唔到會有咁多件而且味道調得好好！唔會太辣真係食到停唔到口我哋見到佢個豬手係招牌菜而且好多人叫好期待！黎到既時候已經聞到好香！果然係招牌菜啲豬手好入味雖然有皮但係食落一啲都唔Heavy!強烈推薦大家叫呢個餸配飯超正呀！另外我哋仲叫咗個海南雞啲雞肉比想像中滑好多而且份量都唔少好足料晚飲品我哋叫嘅食物性價比都唔錯決定下次同朋友黎再食過！晚市仲有折添…查看更多

最近情人節由於唔想比餐廳賺一大筆所以我亦都係情人節之後先食大餐近近地就係屋企附近嘅呢間餐廳食飯啦！咁有情調嘅西餐廳係虹橋來講真係比較少有所以今日就算閒日都幾多人嚟食！今次我哋就各自叫咗一個餐仲仲加咗$45升級添我哋唔一人揀咗湯一個揀咗沙律咁就可以試哂兩款食物啦！沙律菜都好新鮮而且蘑菇湯依然係咁足料啊！蒜蓉包依然係我嘅最愛好啦！終於到左正餐！我叫左龍蝦意大利飯都有半隻龍蝦㗎意大利飯最怕煮到啲飯唔夠淋好彩呢度都煮得幾好而且好夠味隻龍蝦都比想像中新鮮啖啖肉㗎而且店員仲會俾埋工具我哋添相當細心男朋友就點左黑松露芝士火鍋好重芝士味分量亦都好夠食到最後都仲有剩㗎配菜方面有炸雞薯條通粉等等炸物全部都好新鮮男朋友食到停唔到口最後仲有個還在圖案嘅甜品添咁有心思嘅餐廳真係好值得同情人黎食下！…查看更多

灣仔係以前男朋友工作嘅地方所以佢都好熟悉㗎今次佢就帶我嚟到位於杜老誌道嘅杜老誌大飯店離遠嘅時候都見到招牌所以好容易搵㗎餐廳裝修主要都係以懷舊做主題有好多唔同嘅設計所以入到去好似去咗以前咁呀雖然位置於灣仔但係都幾多人食架喎餐廳有啲好懷舊嘅甜品添我哋今次就叫咗鹽焗馬友呢個菜式幾多人揀㗎店員會幫手打爛面頭啲鹽先！條魚好多肉食又入味！正杜老誌炒飯果然係招牌炒飯真係炒得好好而且份量好多兩個人都食到好多碗紅燒乳鴿店員仲會問你使唔使斬件上超級細心呀乳鴿燒得好趣口令人食到停唔到口呀而且佢哋會有手套俾我哋㗎唔使驚整污糟手今晚點嘅菜所有都好好味估唔到咁有水準！…查看更多