tsecret的个人专页

有次經過見新開張都有幾個人係到排隊決定搵日黎試下未入門口前姐姐話好多野食揀坐低見到個餐牌真係揀唔落手最後叫左個$52「台式滷肉拌麵」一見到真係嚇一嚇碗就大呀 麵就得個少少食落去完成冇台式滷肉個陣炸油蔥香味得個小小甜味滷肉就瘦肉偏多 無咩特別食完都唔覺得飽 但係冇信心再叫其他野食另外朋友叫左個高湯小雲吞蛋麵湯底淡而無味雖然灣仔食野偏貴但係咁既質素咁既份量 完全唔值50幾蚊依個價錢食個三餸車仔麵都好味 多料過佢唔會再幫襯…查看更多

見平時都有人排下隊，今日見未有人排就試下叫左個特濃櫻花蝦蝦湯拉麵 叉燒就揀左豚肩一黎到就覺得個湯好濃好傑，飲落去冇咩蝦味得個鹹字自問都算重口味，開頭都仲覺得可以，但後尾真係鹹到連麵都食唔到麵揀左適中硬度 正常叉燒偏瘦但唔話會好鞋 冇咩香味但已經係全碗麵最好食嘅野朋友試左豚腩 有舊好爽好食 但係另一舊就好乾好硬炸蓮藕一睇就知唔得 炸到黑晒 第一次食諗住咩都試下 點知硬到咬都咬唔開溏心蛋黎講煮得有啲過熟 蛋黃邊位都熟晒加埋一近$100碗拉麵 真係一啲都唔值…查看更多

之前試過赤柱間分店覺得一般 今次尖沙咀依間反而唔錯雞肉凱撒沙律雞肉煮得非常好，唔會好乾好柴醬汁味道調得剛剛好，唔會太酸生菜都好新鮮，整體黎講好好食迷你德國腸拼盤拌酸菜及燒薯一次過可以試到三款唔同味道嘅腸，味道各有特色配埋酸椰菜，感覺一啲都唔油膩脆烤德國豬後腿配煙肉薯仔及忌廉卷心菜佢有另後一道菜係豬肘配酸菜，但係因為德國腸拼盤已經有酸菜，所以就叫左豬後腿依個皮烤得非常香脆，但同時入面啲肉都唔會太乾，調味亦唔會過鹹份量好大，食到最後好飽食食下開始有live band 表演，幾好聽又有氣氛係一個同朋友聚會唔錯嘅地方…查看更多

首先講講環境, 地方好大好寬敞可以同朋友坐得舒舒服服咁慢慢食、傾下計叫野食係要自己填好張紙之後拎出去俾錢, 好快就會有人送餐黎我同朋友都叫左個招牌紅燒牛肉麵, 但係我轉左做新竹米粉先試左啖湯, 一啲牛味、香料味都冇, 得個咸字牛肉位置唔錯, 有筋又有肉, 但炆得有啲柴米粉好吸湯, 相信如果個湯底好味嘅話應該會唔錯朋友嘅麵就正正常常見到咁多好評諗住可以係香港食到正宗台灣口味嘅牛肉麵但係個湯底只有色, 而冇香、味, 扣晒分…查看更多

藍田有好多小店, 今日就揀左間壽司店試下店面好細, 只有4個堂食位好彩時間尚早所以都唔洗等位除左普通壽司之外, 菜單最主要有芝士同黑松露口味先試左個三文魚腩壽司, 魚肉大舊過舊飯, 好滿足! 但係腩位黎講唔夠油份再試埋芝士三文魚卷同芝士鰻魚卷芝士係水牛芝士 燒得好香 一啖食晒口感豐富唯一缺點係鰻魚太多骨再試左黑松露帶子手卷同黑松露赤海蝦手卷手卷由上至下一整個都掃滿黑松露醬, 唔會話食到最尾食白飯咁, 非常有誠意係赤海蝦解凍時間唔夠, 否則整個手卷就完美最後試左個芝味三文魚腩刺身連皮一齊燒, 食落好脆好香口但係因為芝士夾左係中間, 未必有燒到, 比起芝士卷依個啲芝味就冇咁香整體黎講好味又抵食, 一路食都見到好多人買外賣, 一定會再黎…查看更多

想食辣野嘅時候朋友推薦左依間 自己又中意食川菜嘅辣 所以決定一試先黎三個前菜 包括涼拌小木耳、手拍青瓜同麻辣雞塊小木耳酸脆爽口 青瓜蒜味十足而麻辣雞塊即係食開嘅口水雞 辣油好香好味 但雞塊似雞骨多啲 冇咩肉食而麵方面分別叫左重慶金錢肚酸辣粉、酸菜魚片粉條同四川擔擔麵落單個陣侍應已經提醒酸辣粉係好辣 所以我都叫左佢少辣 雖然食落都仲係好辣 但十分惹味 紅薯粉係粗薯粉 食落唔淋而酸菜魚片粉條嘅粉條其實都係紅薯粉 比起酸辣粉冇咁辣 但魚肉略嫌煮得唔夠嫰身而擔擔麵唔夠花生味 但麵質唔錯最後用紅糖糍粑做結尾粉團軟糯煙韌 中間有合桃 而外面鋪滿芝麻 炸得好香口 點埋紅糖漿 既好味又解辣…查看更多

開張以黎已經好想試 但係驚多人 所以等熱潮過左啲先黎試平日夜晚黎到等位 大約等左50分鐘就有位見到menu有個期間限定嘅日本國產草莓配軟芝士班戟由2月1日至日本國產草莓供應期完結期間限定當然要叫返個黎試下我對鹹嘅pancake冇咩興趣 所以另外一個就叫最傳統嘅幸福班戟先黎左個幸福班戟食落好鬆軟 空氣感適中 亦好有蛋香味牛油充滿左蜂蜜嘅香味 配埋微苦嘅焦糖醬 甜而不膩而草莓班戟嘅草莓唔夠香甜但芝士醬食落有cream cheese嘅香味一啖食晒草莓、pancake同芝士醬 口感豐富 好好味比起幸福班戟 我更加中意食依個期待下次再試其他期間限定嘅pancake…查看更多

有次經過覺得餐廳個名好得意，所以決定今日黎依到試下。 一入到去，唔係好多張枱，得四張左右，環境不過不失。但係枱入面拎出黎嘅餐具上有污跡，衛生麻麻。叫左個生牛肉湯檬，同其他餐廳食開嘅好大出入。首先唔係一般食開用牛骨淆成嘅啡色湯底，似係清水加啲鹽咁，亦冇一貫越南粉要有嘅香料及配料，例如金不換、青檸、芽菜等，試左啖湯除左有少少鹹味之外、係冇任何香味。而我朋友個碗生牛肉河粉湯底係正常食開嘅啡色，唔通轉左麵底連個湯底都轉埋?! 雖然佢個湯底比我個碗好少少，但一樣算唔上係好味。再試下啲牛，係鮮牛肉而唔係肥牛，份量唔少，但老到咬唔開。食左幾啖真係頂唔順，果斷放棄去買其他野食。…查看更多

宜安街開左幾間新食肆今日有機會決定試下依間泰國野蒜蓉牛油雞全翼雞翼還雞翼 蒜蓉牛油還蒜蓉牛油好似炸完隻雞翼淋啲蒜蓉上面咁咬落去一啲味都冇黃咖喱軟殼蟹麵包啲軟殼蟹勁厚粉 又炸到勁硬食左一舊已經唔想再咬第二舊個麵包都軟身 索左啲咖哩汁都叫ok既去到後期都食到冇心機影相仲叫左半打串燒同馬拉盞豬頸肉炒米粉串燒好一般 個沙嗲汁冇咩味而個米粉一啲都食唔出馬拉盞個種辣味同鹹香味 成碟豉油炒米粉咁成餐飯得個麵包叫做好少少啲食泰國野都係出返九龍城啦…查看更多

本身諗住去bbq 不過天氣唔好取消左上網見到工廈竟然有串燒 一於試一試燒即開生蠔生蠔幾新鮮配上蒜頭辣椒黎燒 相當惹味 不過都幾辣下 唔食得辣既人未必食到燒白鱔串好厚肉好彈牙 燒得岩岩好 唔會太老墨汁墨魚腸有啲似台灣既香腸 外皮甜甜地 咬落去有陣特別既香味厚切牛脷好juicy好淋 燒得好香 即刻再encore燒聖子王唔係太新鮮 叫多兩隻燒蠔好過羊架唔夠騷煙肉芝士大蘑菇一切開啲汁即流晒出嚟 非常juicy不過啲芝士唔係太香 冇咩芝士味綿花糖薄餅開頭以為係pizza個種薄餅 點知係印度薄餅有啲格格不入 仲有腐乳雞串好伏 腐乳同雞一啲都唔夾…查看更多

之前已經試過太子分店覺得唔錯經過觀塘見到開咗新分店立即試一試豬軟骨炆得唔夠淋成條骨完全咬唔開同太子個間入口即溶嘅豬軟骨冇得比最重要係啲麵 食幾啖就食完走個陣好似冇食過野咁唯一可取係湯底唔錯 夠酸夠辣但係下次唔會再嚟…查看更多