losinlam的个人专页

原本衝住老字號黎試 諗住實無死 點知勁失望 一黎到冇曬河粉唔緊要 試下佢個生麵 叫左撈粗啲鹼水麵勁黏 好似漿糊咁 個店員仲問我地係咪食唔慣鹼水麵 叫我地落啲醋 落完當然冇幫助 而且邊有鹼水麵係咁黏 唔通係長洲獨有？🤯招牌魚蛋 牛肚 雲吞 牛丸都完全唔好食 特別係魚蛋 一啲都唔彈牙 冇魚味 雲吞仲要勁細粒 一般市區嘅麵鋪都做得好食過佢🥲價錢預左唔平就一定架啦 但質素都要對得住顧客同自己☹️炸魚皮勁油 超失望 早知去對面海龍王大排檔食好過 希望頂住老字號嘅招牌 好好改進下食物嘅質素 唔好令其他香港人/遊客失望😣…查看更多

原本見呢間評價唔錯又幾多人食 滿心期待入去試下 點知麻辣串串味道好一般 火煱粉得個油字 又冇味 又唔夠辣 叫左杯豆漿 個阿姐話冇曬枝裝 用杯裝一杯半比我 飲完一杯有禮貌地叫佢倒埋嗰半杯比我 佢兩個職員態度極惡劣地話我唔係食放題唔可以無限添飲 大姐 我係叫你倒埋嗰半杯比我 唔係要無限添飲 自問當時我態度絕對唔差 亦講得好清楚話「唔該，想要埋嗰半杯」但換黎嘅係兩位阿姐嘅"良好"態度 真係食到一肚氣 味道仲要咁一般 真係去葵廣企係度食好過…查看更多