Livia C的個人專頁

大圍開咗一個新商場叫圍方，新開關係好多人，間間餐廳都要排隊，我經過攞咗四間嘅飛，有食日式、台式、上海菜同火鍋。大約等咗二十分鐘，最快係台北倆伴，餐廳座位舒適。餐廳選擇食物都好多，價錢合理，午餐有宜蘭蟹肉蟹黃拌麵（限量），當然要試下，包一杯飲品，叫咗桂圓紅棗茶，另外一樣係彰化雞卷便當，飲品係黑糖薑母茶。蟹肉蟹黃拌麵都好大碗，試一啖食不出蟹肉同蟹黃味道，加埋黑醋一起食感覺好食一點，還有一碗海帶湯。花雕雞卷有淡淡嘅花雕味，雞卷味道正常，還有兩片鴨血，飯面有肉燥同半隻糖心蛋，味道好食。整體味道不過不失。…查看更多

酒店buffet 食得多，第一次食weekend brunch，Aria位於中環加州大厦24樓，餐廳有室內室外座位，可以欣賞到維港景色，環境同服務都好好。招牌前菜美點以自助型式供應，海鮮方面有生蠔、長脚蟹、凍蝦、翡翠螺、龍蝦、青口、煙三文魚。生蠔入口creamy ，淡淡海水味，長脚蟹多肉鮮甜，海鮮refill 速度快。意式前菜同沙律都有多款，烤南瓜、烤茄子、番茄配水牛芝士、磨菇奶油、意式肉丸、蘆筍等等，仲有多款芝士同ham，水牛芝士球。甜品方面有 tiramisu、macaroon、朱古力噴泉、水果、幾款蛋糕同Gelato 雪糕。…查看更多

現在香港有不少風格創新，而且味道不錯新派素食店，朋友帶我去咗慈素小聚，店舖地方比較細，像家庭式經營。忌廉蘑菇湯佐菠菜苗蘑菇湯味道濃郁，加上鮮嫩菠菜苗，味道恰到好處。北京片皮鴨素片皮鴨一上枱有驚喜，模仿都十足，用餅皮包上片皮鴨、青椒、紅椒同青瓜，加上甜麵醬，包起來吃幾可亂真。日式芥辣蝴蝶蝦（蜂蜜）蝴蝶蝦外皮炸得香脆，口感像蝦肉一樣，爽口彈牙，沾上蜜糖芥末醬，清新開胃。香芒天婦羅炸豆腐炸粉比較厚，豆腐嫰滑，淋上芒果汁味道上可。…查看更多

生隆餅店係一間傳統中式糕點餅店，到了中秋節就有月餅賣，又係食月餅嘅時候，餅店月餅每日新鮮出爐，選擇都幾多，最欣賞可以單個買，試多的味，喜歡食邊款再嚟買過，揀埋四個可以入禮盒，唔要盒仲可以減10蚊。蛋黄綠豆蓉月餅嘅皮好薄，餡好似綠豆餅嘅綠豆蓉，蛋黃有油水，咸咸甜甜，味道麻麻，試一次都還好。陳皮紅豆沙月月餅嘅皮好薄，餡中有粒粒陳皮碎，豆沙蓉夠香滑，陳皮嘅甘味會慢慢咁出嚟，同豆沙蓉互相融合，口感軟滑香甜。…查看更多

樂拉麵係一間用貓貓做背景，連拉麵名都以貓貓為主題。9月份推出［慢煮牛舌芫荽牛白湯沾麵］身為芫荽控點會錯過。慢煮牛舌芫荽牛白湯沾麵湯汁質地唔算好濃，芫荽味不夠，可以$8追加芫荽山，麵質口感彈牙，如果湯汁濃就可以掛麵，慢煮牛舌牛味夠重，肉質嫩滑，還有半隻糖心蛋。（白貓）豚骨拉麵有荀、黑木耳、炸藕片、有葱、糖心蛋同二片叉燒，叉燒肥瘦適中，湯底濃郁，麵質軟硬啱啱好。（赤貓）赤辛豚骨拉麵覺得湯底不夠辣，加了好多七味粉，令到碗麵睇落好辣。櫻海老拉麵面頭灑上大量櫻花蝦，湯底有超濃郁蝦味，不過食得耐有少少咸。…查看更多

Goobne chicken 中環店，每一次去都覺得無論食物同服務都係相當滿意。UFO芝士火鍋（無骨）6種口味中揀2種口味，我哋揀咗甜辣烤雞，三重芝士烤雞，中間芝士用上馬蘇里拉芝士、車打芝士同巴馬臣芝士。首先要煮溶D芝士，然後就可以將D芝士捲住雞肉嚟食，店員服務好好，會主動幫你捲住一件芝士烤雞比你，非常貼心，烤雞外皮好脆，雞肉嫰滑多汁，軟軟芝士捲住雞肉一齊食，味道超夾。鐵板海鮮煎餅煎餅裏面有蝦、魷魚、蛤蜊同香葱，兩面都煎得好香脆，略嫌海鮮餡料太少。食韓國嘢點少得凍飲，一人叫咗一杯特飲，賣相吸引，好飲感覺透心涼。…查看更多

尖沙咀滾得棧推出午市點心，放假行開尖沙咀便去試一試，環境乾淨又舒服，好多大圓檯，亦有卡位。冬荀活剝鮮蝦餃皇蝦餃大大粒皮薄，蝦肉爽口彈牙。黑松露蒸燒賣燒賣用上豬肉和蝦肉去做，大大隻加上黑松露提升香味。青芥脆蝦小漢堡小漢堡入面有炸蝦同菜，加上青芥末醬食落清新好味。白汁芝士磨菇雞批牛油皮不夠鬆化，餡料飽滿，比較飽肚。蝦膠釀油條爽口彈牙既蝦膠釀在脆卜卜油條上，油條不會太油膩，沾上酸甜醬味道啱啱好。迷你青酒雲吞雞有雲吞同雞肉，湯中有雞味又有青酒既香味。脆炸墨蝦荔枝球外層係脆米，包住蝦滑同墨魚滑，雪白彈身，造型同真荔枝十分相似，打咭一流又好食。竹炭流沙包流沙包不夠鬆軟，撕開後流出滿滿奶黃餡，甜道適中。迷你法式焦糖燉蛋甜點小巧，蛋味香滑，上面焦糖面脆度剛好，味道不會過甜。…查看更多

今晚去咗銅鑼灣名店坊食街，試一間新派韓式居酒屋GYOJASANG ，裝潢以木系為主調，燈光暗黑。食材大多數來自濟州，食物賣相精緻，酒類抉擇又多，夜晚嚟把酒言歡既好地方。Jeju Tasting Night $385 per濟州柑橘黑芝麻布拉塔半軟芝士布拉塔，切開見到中間流心，奶味十足有少少鹽味，配上酸甜既濟州柑橘和芝麻醬，味道清新又開胃。濟州黑毛豬白切肉配生蠔生蠔飽滿大隻，冇乜海水味但鮮甜，黑毛豬白切肉味香濃，捲住伴菜一起吃，感覺不會太油腻。喜歡辣可以揀另一款海鮮年糕。濟州韓牛 +$200主菜共有兩款選擇，烤濟州八爪魚腳或濟州韓牛，韓牛充滿油花好大件，店員會親自烹調，完成後剪成一片片，一啖入口肉味濃郁，肉質軟滑多汁。濟州產鮑魚飯用石鍋保持温度，表面煎過既鮑魚香脆，口感煙韌，米飯用上紫米，甜甜米飯帶飯焦，飯焦脆口，米飯軟糯。Baum Sea Breeze Mulberry Wine酒帶果既香味，容易入口，甜甜酸酸好好味。…查看更多

這間小店係名厨推薦，放假就去試下，地方不數大，用QR code 落單藤椒魚皮**BB辣，味道尚可凉拌羊雜份量小，羊內藏煮得過淋燒羊蹄被調味蓋過哂，食不出羊味羊肉芹菜蘿蔔餃，芹菜同蘿蔔絲，小小羊肉碎，味道淡而無味總括而言，試一次就夠…查看更多

篤篤船麵裝修色彩繽紛，環境地方不數好大，晚飯時間都多人，好好彩等咗十分鐘有位了。海南雞船湯河海南雞雞皮金黃色非常吸引，雞肉嫩滑又無骨，點上惹味酸辣汁好好味，船麵湯底濃郁，湯裏面有一嚿豬紅同蘿蔔，金邊粉被湯汁吸收，但唔會太鹹。豬扒泰式青咖哩配蒜蓉包茄子同青咖哩，加上豬扒鬆軟入味，香脆蒜蓉包，淋上青咖喱好好味。芒果糯米飯糯米飯有兩款，原味同班蘭味道，糯米飯軟硬適中，配上芒果香甜，淋上椰奶一齊食啱啱好。…查看更多

又去尖沙咀K11 Art Mall 食午餐同行街街，呢間韓國餐廳The Jang 裝修幾靚，地方非常大。炸雞四重奏炸雞有招牌原味、韓式甜辣、白郡主同蒜香醬油口味，炸雞係無骨雞件，外層炸物香脆無比，雞肉保持嫩滑juicy，又可以試齊四種味道，各款兩件份量唔會太多啱啱好。炸醬蝦仁炒飯炸醬係由黑豆醬、洋葱、薯仔、豬肉同蔬菜炒成，咸咸地又帶甜味，炒飯粒粒分明蝦仁鲜甜，飯面上加咗一隻煎蛋，撈埋炸醬食超正，套餐送一罐汽水。…查看更多

又到食午餐嘅時候，經過茶木見到午餐牌轉咗，係門口等咗十五分鐘就有位。松露塔塔醬雞絲微辣手工拌麵手工麵彈牙有口感，有少少微辣加上半隻糖心蛋，手工麵份量都好多，松露塔塔醬拌雞絲同青瓜絲，醬汁非常好味，仲有麻辣鴨血（台灣直送）拼素鴨，送餐飲揀咗紅豆薏仁水，可以去水腫，去濕，味道清甜。盬酥排骨肉燥飯排骨外皮炸得酥脆，肉味濃郁，肉質嫩滑多汁，配上半隻糖心蛋、青瓜粒同醃茶，肉燥肥瘦適中，肉燥撈飯認真一流，飲埋紅豆薏仁水，食完個餐都好飽。…查看更多

朋友帶我去咗一間隱世工厦餐廳，食台式小食同甜品，牆上有好大幅台劇主角嘅特色牆，好靚呀！小店地方簡潔，員工好有禮貌，食物種類還有飯同麵食。炸物拼盤一次過可以品嚐幾款不同小食，有香腸、盬酥雞、牛丸、墨魚丸、蝦卷同薯條，熱辣辣一小口，兩個人分享啱啱好。黑糖芋芋鮮奶有黑糖珍珠、白珍珠好有咬口，杯中芋泥軟滑又多，加上黑糖同鮮奶，甜度適中好好飲。仙草芋圓配雪糕仙草滑嫩有甘甜味，芋圓有三款，煙韌有口感，配上雪糕好好味道。…查看更多

餐廳店面不大，地方太逼但算乾淨，人多冷氣唔夠，店員都好有禮貌，講解點樣落單同付款，用QR Code 落單揀咗食物，然後去櫃檯落單加付款，設有自助吧枱，水、餐具、調味料都係自助。加錢叫咗沙律及墨汁包多士，兩個南瓜湯，一杯綠茶拿鐵西蘭花黎麥薯仔沙律，墨汁包脆脆外皮好味，南瓜湯唔夠杰身，綠茶拿鐵味道正常。大啡菇、雞肉配南瓜汁燴意大利飯大大隻啡菇，雞肉比較細粒，意大利飯充滿南瓜汁味道。帕爾馬火腿、無花果可麗餅可麗餅有咸有甜，揀咗咸味試下，加錢叫多一款牛油果，中間有芝士同雞蛋，火腿及無花果都好新鲜，可惜餅皮比較厚。…查看更多

Coti the Bistro之前都食過幾次，便帶同事一齊去食午餐，地方舒適，四人座位為主，食飯時間通常要排隊，去到冇人排隊，店內還剩一張四人座位，真好彩！ 紐西蘭肉眼扒配黑椒汁肉眼扒揀咗七成熟，肉味濃郁，肉質嫰滑，配上香脆薯條同新鮮沙律菜。大蝦鱿魚日式芥辣忌廉意大利飯上枱時大起一驚，以為得兩隻蝦，撥開D飯就見到蝦同魷魚，意大利飯軟硬適中，日式芥辣忌廉汁，唔算好軟滑，味道就十分普通。套餐包一杯飲品，湯/沙律總結：冇至前咁好食。…查看更多