wahahahaa的个人专页

成日聽朋友講, 有間二十道, 食十六道好出色. 今晚終於忍吾住, 要去會一會佢. 我個人好鍾意小店, 因為小店好有氣氛, 好親切. 同廚師咩都傾得. 今晚仲有一對母子坐旁邊. 傾下傾下, 仲一齊傾埋一份. 好正環境吾多講, 日本小店feel. 舒服講返今晚食咩先. 十六道 顧明思義就係 有16 款菜 吾記得左影餐牌, 但我相信上網應該好易搵到. 呢個前菜不得了. 送酒一流我食兩塊之後, 飲左半支靜岡果汁 (如果飲酒會係點)跟住以下呢兩樣必試. 真係要讚西班形蘋果酒生淹蝦 / 薰衣草漬生蠔 好味到我地問有無得追加. (*點知吾係話加就加, 前期功夫實左太多*)好喇, 開始食壽司喇. 先黎個青橘啫喱帆立貝壽司, 自問食咁多次壽司 Omakase 都未試過青橘 做成啫喱 好似放左檸檬咁 口感爆燈手卷無飯, 用手接 , 懷石料理跟住黎個和牛 已經飽左一半. 呢個餐越食越驚喜. 因為有我最like 既厚爆牛舌.跟住仲有極樂最中種, 雪酒煮大蜆, 燒魚, 燒魷魚去到呢度, 開始有小小飽, 仲有小小空位想填補.跟住兩碗拉麵 一到, 我同朋友仔都wow 一聲. 正.最後仲有我最鍾意既千層雪糕, 完美既埋尾!總結, 十六道係非一般既Omakase, 絕對俾你另一種感覺21年經驗既師傅傾計既時候有講到, 魚生最緊要食個鮮度. 呢間小店絕對做得到. …查看更多

Michelin ONE star restaurant 氣氛同環境 我可以講係滿分. 如果吾係天氣仲有小小熱, 我一定會坐室外, 佢個室外好有大自然feel 今晚終於有機會試 bookmark 左好耐既 Louise 所有野都無失望. 講返餐廳先. 環境: 由入門開始, 好有一種古典歐洲餐廳感覺, 有個大布簾, 神秘感滿滿. 燈光溫和, 位置都好闊, 同隔離檯起碼有兩米以上距離. 長長既bar 檯, bartender 不停咁整cocktails. 未食野, 環境已經係滿分服務:門口兩位餐廳員工, 笑容滿面 餐廳經理 滿場走, 仲會親自行埋黎傾下計. 好舒服. 詳細講解餐牌, 仲好主動建議我地食D 咩. 掂口味:今晚都講明, 要食飽, 仲要好飽 (*因為要慶功*), 餐單如下: 先黎兩隻生蠔先. Cadoret “La Lune”, 夠鮮, 海水味 正經理推薦小食 - Sago & Mimolette “Arancini” 炸飯團油漬甜椒, 法式田螺, 油甘魚, (喂喂喂, 個法式田螺, 不得了) 必食前菜朋友指定要食既 - 傳統生牛肉他他仲要有位靚女桌邊現製. 配料仲會詢問你意見. 多D 定小D. 貼心呢個睇食評成日都有推介 - 法式馬鈴薯丸子 (黑松露 & 巴黎白火腿)餐廳經理, 百忙中抽時間黎同我地簡介, 仲幫我地上汁, 讚地中海烤八爪魚, 嘩佢個 紅椒蛋黃醬 好食到呢. 我食左一大半肉眼- 澳洲安格斯 無得輸 5成熟 準甜品方面. 我想食泡芙 但係朋友仔想食橙香可麗餅....... 點知意見不合. 兩個都叫哂. haha  咁咪吾駛爭囉. 巴黎布雷斯特泡芙 橙香可麗餅 總結黎講. 要有親民價錢既米之蓮一星餐廳, 呢間首選. …查看更多

今晚朋友仔突然想食海底撈，上網睇睇 發現海底撈開左間: 海底撈火鍋（宴聚）立即訂座 出發講下環境先：一樓係大廳，二樓係房，房間寬敞樓底高 成個裝修及環境我俾110分服務：由出升降機門開始，已經有位靚仔恭敬迎接我地，經理亦親自介紹餐廳特色，大贊整個點菜過程有一位溫柔的女侍應下單！海底撈服務 吾駛質疑 啦。味道：湯底今晚點左牛油麻辣火鍋，蕃茄火鍋三個我認為要必點的菜式是：M9和牛，深海東星斑，雪花牛小排另外還有雙拼千層肚，現炸酥肉！大滿足成個尖沙咀火鍋 要坐得舒服 食得開心 最緊要是好味 一定要黎試一次 :)…查看更多

早兩日有一位外國客人, 想食粵菜. 中環區 最好係新既. 即時上openrice 搵一搵. 地點方便, 又近蘭桂芳 廚魔新厝, 即時訂位餐廳座位真係要讚一讚, 好寬敞 張椅超舒服, 最緊要個客人好滿意.講返菜式, 我最欣賞係個頭盤同埋個魚翅撈飯, 個鮑汁真係不得了. 必試因為客人趕住去蘭桂芳飲兩杯, 叫餐廳經理可以keep 住上菜, 佢地都好配合, 仲笑容滿面. 好值得推薦同朋友, 家人, 客人黎食既一間 (潮粵式 中菜)…查看更多

最近我去咗The Pantry Club，呢間餐廳真係幾好，位於啟德球場隔離，環境舒服到不得了！坐喺大玻璃窗旁，心情特別好，日頭黎仲可以望住個大球場，有比賽睇就要提前book定呢間餐廳啦！餐廳嘅設計簡單有型，燈光柔和，坐得好舒服。服務員好 Nice，介紹菜單時好有耐性，仲會主動問你需要咩，感覺好親切。我試咗幾樣菜式，真係唔錯！Iron Grilled Flank Steak，牛排煎得剛剛好，肉質嫩滑，搭配焗蔬菜，味道真係好正！燒汁同香蒜青醬都幾合襯，薯條外脆內軟，真係一流。試咗Beef Cheek Bolognese，呢個意大利麵真係好味。慢煮嘅番茄牛面頰肉，肉質滑溜，搭新鮮嘅闊麵，醬汁濃郁又唔膩，食完唔夠，仲想再要多碗！再來試咗MOE-安格斯牛肉漢堡，漢堡肉厚得嚟，仲有煎蛋、炒洋蔥同蘑菇，味道層次多得嚟，食到好滿足。薯條依然好味，外脆內嫩，真係唔錯。最後，當然要試下The Pantry‘s Pancake！呢個厚班戟鬆軟，淋上焦糖牛油同楓葉糖漿，仲有新鮮水果，甜得剛剛好，真係完美收尾！總括嚟講，The Pantry Club真係一個好地方，食物、環境同服務都齊全。無論係家庭聚會定朋友聚餐，呢度都幾合適。下次一定要encore，試下其他菜！…查看更多

近排天氣涼涼地，又唔想去任食打邊爐火鍋 上Openrice 打火鍋，竟然彈咗呢一間 金凡潮汕菜即刻send出嚟俾班朋友，個個say Yes ！ GOGOGO 環境就唔多講啦，好有feel嘅有冷氣嘅室內高級大排檔感覺打邊爐又點少得牛？ 我地三個都係牛魔王 叫齊哂吊龍心，封門柳，牛頸脊，牛胸爽個湯底係我今日寫呢一篇食評嘅主要原因，因為打邊爐最緊要係個湯底。我哋今日打邊爐嘅湯底係：牛骨白蘿蔔湯底 食食吓成口都係牛，有人提議想食羊腩！咁啱得咁蹺，今日啱啱出羊腩煲，大滿足的一個晚上…查看更多

4個大人 一個小朋友 想係堅尼地城食意大利菜，一上Openrice 即時見到 Pizzeria Italia, book 位仲有恒生Fun Dollars賺，即訂行到門口，咦 咁細個門口既原來係有樓梯上去的，樓上直頭別有洞天 古典風格，格仔檯布，好有feel服務：因為正宗意大利菜，所以全部員工都係外國人或者意大利人，英文為主 小小廣東話係無問題👍🏻 朋友個女 仲幫手order食物 （10歲咋，叻叻）今晚所有食物岩口味，讚不停，睇相啦（最後仲叫左個Pizza 外賣） 掂…查看更多

推薦呢間韓國菜！性價比高，環境舒服，座位舒適，職員服務態度好好，正宗韓國人但識講英文，溝通無阻！前菜好特別，六宮格上碟，擺盤靚食物正。甜豆好正呀，唔會太甜，醃辣菜脯、辣泡菜嘅辣度適宜，唔會太辣。黑胡椒土豆絲，拔絲南瓜同埋韓國炒粉絲都係比較少見嘅前菜，不過都幾正。人蔘雞湯 好清甜，好足料，好多米，又唔會滯。釜山豬肉湯飯，d肉好正，又淋又大嚿，d湯都好正，又唔會太鹹，凍咗都好飲。…查看更多

有幾日lunch 行過 見好多人排隊 幾日都試吾到，尋晚星期五收工6:30pm 即時同同事走去試試佢 （好在早到，7pm 已經坐滿左）好好彩 岩岩拎到酒牌，仲有本地少爺啤酒 （生啤）飲 正呀 建議試哂兩隻味 一隻果味重d 岩哂我今晚兩個人叫左以下菜式，夠食到爆 性價比高，我最鍾意佢嘅話梅車厘茄，磯煮鮑魚同埋雞蠔肉😋 A五鹿兒島和牛他他白鱔秘汁燒生蠔北海道刺身及帶子北寄貝厚燒牛舌心雞蚝肉話梅車厘茄煙肉荔枝卷芥菜苗磯煮鮑魚聽老闆講，嚟緊會搞好多Event 做會員仲有優惠👍 掂 又多一個食飯好去處 Highly recommend ⭐️⭐️…查看更多

香港大學站附近有一家寶藏越南菜，物美價廉，人均50+，學生來吃都毫無壓力🤩生牛肉撈檬🐂第一次嘗試檬，沒想到那麼好吃😋入口順滑，齒頰留香～牛肉份量很足，連湯都很好喝，桌上有醬料，喜歡吃辣的朋友可以自己調味😋咖喱軟殼蟹飯🦀️他家的份量就是超足，女生可能都吃不完這樣一份飯！除了有軟殼蟹，還有炸土豆、彩椒、洋蔥🧅、青瓜、鹹菜等配菜呢～小食小食可以自選一種或多種，可以選擇自己喜歡吃的，不會捆綁銷售，這樣挺好的～吃完發現他家外賣48，包一款主食和一支飲品，真的超划算，CP值很高！…查看更多

今日我同屋企人一齊去慶祝生日，呢餐真係食到好滿足！我先試咗佢哋嘅煙三文魚拼盤，超正呀！仲有個優質芝士拼盤配脆餅，真係好好食！主菜我揀咗經典炸魚薯條，真係一級棒！個魚炸得好香脆，啖啖都係鮮嫩多汁，加埋新鮮薯條同埋薯條醬！好耐都末試過食到咁好味嘅炸魚啦！最後，甜品方面我叫咗草莓芝士蛋糕同開心果白朱古力泡芙，真係好豐富！草莓芝士蛋糕好滑，帶返啲酸甜嘅草莓味道，而開心果白朱古力泡芙就係一個絕配，口感酥脆同埋濃郁，真係令人垂涎欲滴！食物質素高，每一樣嘢都令人驚艷！ …查看更多

好好飲嘅玫瑰朱古力奶🌹！行過以為係普通coffee shop，認真睇個menu先發現係專賣朱古力嘅飲品店。超愛朱古力同玫瑰嘅我，即刻買左杯玫瑰朱古力燕麥奶。朱古力濃得黎唔膩！餘韻有陣淡淡嘅玫瑰味，唔會搶左朱古力嘅味😚朱古力食得出係靚朱古力，唔會死甜，飲晒成杯都唔膩。完全唔會好似其他玫瑰味嘅野飲咁有陣難飲嘅香精味🙅🏻‍♀️！杯朱古力嘅base仲可以揀牛奶/椰子水/燕麥奶/杏仁奶，啱晒想飲食要低卡啲嘅人。店員好好人，選擇困難嘅話可以問店員推介一杯野飲比你😆仲有排裝朱古力買！朱古力控去到真係好開心🤭唯一美中不足係佢淨係得外賣，冇櫈比你坐低飲埋先走。大家可以係counter邊飲邊同店員傾下計或拎走邊行邊飲~…查看更多

車仔麵嘅餸都好多選擇 麵款方面有多個六種選擇 選擇餸方面 都有十幾款以上選擇 我就叫咗麻辣魷魚 沙嗲牛柏葉 秘魯腩仔肉 再加一個油麵 餸菜方面唔係就咁簡簡單單淥過就算 都會有經過調味 係有心之作 👍🏼👍🏼 另外湯底都可以揀牛腩汁 蕃茄湯 啲名好好笑 有冇個叫做求奇辣汁 下次試吓佢先 另外我亦都叫咗兩款小食 炸爆汁韭菜餃 香煎虎皮尖椒 兩樣都好好食 個韭菜餃真係爆汁 同埋好濃嘅韭菜味 另外尖椒條都幾好食 😋 呢度嘅車仔麵真係食得屎同埋餐廳風格都具有特色可以嚟試吓…查看更多

呢到係食廚師發板 OMAKASE 好耐都冇食過日本料理所以我決定今日帶埋朋友一齊食 首先--定要講既就係拖羅真係好新鮮-睇顏色就知係好野 見到係咁靚拖羅又夠厚 魚既油香味真係食落口 零舍唔同 件拖羅係入口即溶 真係好好味 呢個值得一讚 另外壽司方面都有十二件 其實都幾豊富 廚師服務好好 有講解每道唔同既菜式 亦都照顧得好周到 而呢到既裝修淡雅秀麗比到人-一種舒服既感覺 好滿意既--餐因為食又食得飽 坐又坐得好舒服 口感方面係大讚既 我同朋友都食到津津有味…查看更多

同朋友一齊食雞煲 黎之前係有book位既 叫左個花膠雞煲 味道偏淡 雞件份量都正常 好食在於墨丸係人手打既 彈牙 又有口感 另外 午餐肉都唔錯 本身上菜時係熟既 之後滾兩滾就食得 外脆內軟 味道不錯 肥牛都新鮮既 …查看更多