debbietang96的个人专页

$438連加一，可以話對得住價。啲野新鮮，種類豐富，份量多到食唔哂。/刺身厚切新鮮，除咗蝦、三文魚、帶子，仲有其仔唔知咩魚😂係好味，又有魚油香味既。全部無雪味，甜甜的，居酒屋水準吧。/叫咗魚湯底，真係好白好正。menu有寫加唔知$90-100就可以升級A4和牛同黑豚肉。但我無加錢。豬好味過牛。薄啲嗰隻牛好鞋，厚啲嗰隻反而有牛味同淋啲😂/蔬菜全部都好甜，尤其係南瓜。其實就咁菜，已經有三款。值得讚賞係佢有燒過啲豆腐，好日式，唔易散。/到打邊爐既海鮮，我最滿意係龍蝦同蜆💕龍蝦多肉，好彈牙。蜆肉好水潤脹卜卜，會爆汁。蝦普通、魚腥（唔知關唔關我地好遲先食）。/甜品有柚子雪糕同埋海鹽雪糕。um..柚子雪糕好似平時沖濃縮飲品嗰隻味，好重，有少少雪吧嘅感覺。海鹽味容易接受啲，好香奶香味。/環境舒服，店員都好積極換碟同加茶👍🏿overall 種類、質素、同份量都唔錯。…查看更多

原先已經set好訓醒要食個All Day，經過呢間裝修幾靚，又有外國人喺入面就試試佢。叫咗份All Day同 Egg Benedict，碟同擺盤仲靚過啲menu相，見到已經好開心，牛角包同炒蛋都已經聞到好香。///🥚所有野都新鮮整，Egg Benedict熟度好好，有深色嘅蛋黃流出來，係有蛋味嗰隻❤️🥗好開胃解「漏」，幫助我食哂成碟早餐😂🍄啡菇雖然細，但juicy好果/💁🏿‍♀️ 叫咗杯涷 mocha，44蚊，係幾靚但味道唔太值。但啲蛋同牛角包係正，會再黎。…查看更多

我訂咗8點四位，有兩個人唔食生蠔所以就冇加錢upgrade，但見其他枱一盤盤生蠔好靚仔！我認為必食既係佢既蝦，無疑係MVP! 好鮮甜，厚肉爽口，0雪味臭味。燒扇貝都好正，蒜蓉味勁香，啲肉都係甜的（好怕其他放題嗰啲沙律醬芝士燒扇貝，又膩又食唔到海鮮味）。仲有⋯白色既貝類（馬刀貝？）都勁爽勁好食啊😭啊啊啊，仲有，左口魚壽司都一定要叫，又滑又口又香魚油。牛肉壽司都叫咗好多轉，因為真係太軟滑，又重牛味。有幾樣野係遲遲都無黎要吹到last order先黎到：炒烏冬、炒雜菜、炸豆腐⋯呢啲可能無咩人叫，所以佢地等唔到其他客人一次過炒。但最後所有一次過出俾我哋，熱辣辣好正🤤 炸豆腐真係外脆內滑！！Um..麻麻地既有炒蜆、鮑片。仲有一杯杯嘅小甜品，係真係唔好食😅…查看更多

今次等一次食，放lunch叫咗外賣。一開始俾錯第二個客既外賣我，好彩未走遠佢就叫返我轉頭。返到上office打開先發現佢比漏咗一個餸，之後又要返去攞。去到見佢地仲手忙腳亂咁處理緊啲外賣。嬲嬲地返上office食，依？又幾好味。牛腩同豬大腸都好入味，隻蛋又真係糖心。一開始見啲麵少怕唔夠飽，但啲餸既量都合理，都滿足既。下次都係堂食算，仲可以省2蚊。…查看更多

Post完社交媒體網站 story 先決定寫食評，所以啲相唔真實😂必食既有：魷魚鬚，超肥美，又爽燒饅頭，外脆內軟，入面仲突出左麵團嘅甜一兜蜆，鮮甜，脆脆其他正常發揮，係好味的。有叫肉類，不太熱。雞軟骨可以不用叫，很細粒。試業中，會再來！…查看更多

我買前睇咗好多食評先買，見好多人話職員態度差，但我去買外賣serve我嗰個超好，可能差嗰啲抄哂😂佢好好禮貌，好醒神，處事好彈性。仲主動問我住邊，遠仲幫我包一包飲品好貼心。Anyways，啲雞夠香同埋份量足，奶茶好香椰奶味。但嫌啲飯唔夠，可能堂食會多啲。…查看更多

Boxing day同屋企人去慶祝。12月8喺ig見田中小太郎介紹，咪喺openrice用咗全單7折訂枱。去到加埋我地得4枱，我地坐卡位，十分窄。去到想叫海鮮同佢有名既豬鞍，因為賣得差，再賣就執笠都有份。set dinner有雞、西冷、肉眼、 牛柳、雜扒選，4款意粉，會跟餐湯同野飲。試咗肉眼同鴨胸cream意粉，塊扒超大，叫四成有四成，薯菜都好食，意粉份量都大，熱辣辣。開頭見個環境少人，餐單選項少，真係想走人。但後尾咁平食咁大份既肉眼，仲要好食，真係唔想佢執笠。…查看更多

平安夜前一日透過官網落單，第二日未見佢confirm訂單就打電話去，之後就搞掂咗。 去到攞時已經準備好，熱辣辣，仲送咗兩份聖誕禮物仔。店員勁nice又窩心💗 叫咗carbonara，parma ham tortellini, truffle and mushroom fettucine，真係好creamy好好食，睇人地openrice comment先知好像係手工意粉。超級推介，高質又唔貴。 parma ham tortellini有驚喜。 食完哂想讚先發現無影相😑…查看更多