sasapi的个人专页

我通常幫襯都係叫外賣多, 今次第一次堂食, 平時張外賣紙都好似已經好多野食好詳細, 原來佢堂食個餐牌成本野咁厚, 好多選擇, 除非食開, 否則真係要少少時間研究~我今次叫左個魚腐擔擔面$34, 因為唔係餐, 冇熱飲送, 但可以加飲品原價平6蚊, 我叫左杯熱檸蜜, 但原來杯熱檸蜜原價成$17蚊, 即係要加($17-$6)=$11蚊杯食物方面:魚腐擔擔面少辣, D醬都幾惹味幾香, 湯夠味, 亦夠多, 面夠林, 我本身鍾意食較林既面, 所以覺得幾好:)而且魚腐也新鮮有肉, 唔錯:)熱檸蜜檸檬有3厚片, 夠多, LIKE:)…查看更多

以前係尖沙咀返工, 周不時LUNCH都會去食羅宋湯牛腩通粉個餐 (我比較專一, 每次食係而個餐),有羅宋湯牛腩通粉, 豬仔包, 腸仔煎蛋白, 熱飲一杯 = $40, 以前才$36蚊, 都係1-2年既事~羅宋湯牛腩通粉這個都係咁好味既, 料夠走, 薯仔多, 牛腩細粒粒夠林易食, 羅宋湯底夠味, 又唔會太咸, 好味:)豬仔包這個退步大了, 沒有以前好似啱啱烘起咁鬆脆, 牛油亦唔夠香, 有點兒失望:(腸仔煎蛋白腸仔煎得太過火了, 而且好似是番煎的, 煎蛋白就OK既, 適中唔太燶熱檸蜜 (要加2蚊)夠熱, 亦不太甜, OK整體上比我以前食既退步左少少, 不過我仍然鍾情羅宋湯牛腩通粉個餐…查看更多

假日和妹妹出旺角辦聖誕貨, 行到肚仔餓, 本身本人好少係街邊食野, 最多都係買個雞蛋仔食下, 行去火車店途中我地見到間好鮮艷橙色的舖頭, 八卦睇下咩來, 原來係賣橙色鹵味的, 好似幾吸引, 買左幾串野TRY TRY牛下墨魚王 $10蚊串生腸 $8蚊串辣味魚蛋 $10蚊兜 (有9大粒)食食下, 我記得原來之前同朋友食過而間野, 係荃灣, 原來旺角都開左。牛下墨魚王D墨魚好新鮮, 彈牙, 配合甜醬加少少黃色芥末, 好MATCH, 正呀:)生腸D生腸都好新鮮, 好爽口, 喜歡食生腸的朋友一定要試下:)辣味魚蛋個辣汁佢地話係秘製的, 確實好野味, 唔算係好辣, 我本身唔食得辣野既都食到:)這間小食店跟其他小食店感覺不一樣, 裝修好有心思, 睇落乾淨衛生, 而且店員都好友善, 大家行過都不妨TRY TRY…查看更多

夜晚7點幾, 約左人睇戲, 未食野就求祈入左去食。入面都好多人, 2個人食都一定要搭枱, D坐位仲有D迫, 不過我身形唔算肥, 都可以接受既。因為趕時間, 雖然我見都好多餐的選擇, 我求祈叫左個海南雞飯餐加杯凍檸茶。海南雞飯: 雞肉多肥瘦適中, 而且好新鮮好有海南雞味, 飯亦好香, 唔會太油。雖然是間小店, 水準絕能比美較高級的泰式餐廳。飲品: 大大杯, 普通凍檸茶, 幾好。今次食得太趕, 下次有機會要試下其他野食先。…查看更多

晚上8時食飯時間, 餐廳只半滿座, 所以唔洗等位隨便有得坐。晚餐都係40蚊以下, 有特飲送算係好抵。我叫左個粉面餐, 一餸雞絲金邊粉, 加芒果綠茶, 都係32蚊免加一。雞絲金邊粉: 賣相一般, 雞絲既雞肉不夠肥美, 亦一般新鮮, 配菜的菜太熟, 金邊粉軟硬適中OK。芒果綠茶: 太甜, 建議怕甜的朋友叫特飲最好叫定少甜, 不過味道是OK的, 有芒果也有綠茶香。求祈一餐, 都算OK既。…查看更多

中午時間食飯, 好耐冇來而間太興食, 裝左修, 靚左大間左少少坐位都多左。這間太興午餐都有好多選擇, 不過都幾貴, 平均都要$50蚊一個餐。平時係太興都係食燒味多, 今次我揀左個茄茸魚片頭海鮮湯鴛鴦米+老火湯 (紅蘿蔔紅蘿蔔合掌瓜豬骨湯)。老火湯~夠熱, 湯料都好多, 味道比住家飲既偏咸左少少, 不過比起普通茶餐廳, 算是好OK:)茄茸魚片頭海鮮湯鴛鴦米~大大碗, 好多番茄同魷魚, 但得3隻唔大唔細的蝦, 除左魷魚同蝦就冇其他海鮮了, 最重要係我食食下先發覺點解冇魚片頭既 一定係廚師太忙唔記得左落...不過我冇追究, 因為反正咁大碗都夠哂食。湯底味道夠濃, 好有茄味, 番茄都好新鮮, 鍾意番茄的朋友一定鍾意, 有好多魷魚, 不過有D韌, 唔夠彈牙...蝦尚算新鮮有D肉, 鴛鴦米, 米粉軟硬適中, 與粉絲比例恰宜, 唔錯。論色香味整體上都不錯的:)…查看更多

長期都好多迫住買, 夜晚差唔多9點都係咁多人, 好難迫到埋去慢慢揀,不過我好辛苦咁都執左24件, 仲有買多盒$20蚊沙津, total $92蚊。(兩個人食)D壽司真係件件好細件, 三文魚壽司件三文魚好薄冇新鮮三文魚味, 食落完全冇滿足感,魚生類 (魚立魚, 吞拿魚等) 都係魚生太薄而無味。蝦就OK, 不過都唔係好大隻而偏少肉唔肥美。相比之下, 軍艦類就幾好, 款式亦好多, 有芥辣八爪魚, 辣味蜆肉, 螺肉等味道都唔錯, 可以試下。沙津好多生菜, 得1粒熟帶子, 3條蟹柳, 3舊桃肉, 少少粟米, D生菜塊塊好大塊, 不是好新鮮, 而且比個芝麻沙津醬唔夠用,所以有D好似食草咁... 不過講真真係一分錢一分貨, 考慮番佢咁平, 都算係咁上下。對壽司唔高要求的, 求祈食一餐OK既。…查看更多

食飯時間去到有人, 我地5個人, 好彩都係等左2分鐘就有位。午餐星期一至五都有大約10個每日不同選擇, $41 送熱飲, 比普通茶餐廳貴少少, 不過我冇叫午餐, 叫左個自由選1樣餸粉面餐$39送熱飲。因為這裡的燒味好似唔錯, 我叫左個油雞米配熱檸水。叫左午餐的同事, D飯來得快好多, 我個油雞米等左成15分鐘都未到。中午時間D伙記個個都好忙, 不過最後都係D同事未食完之前來左。睇個樣都唔錯, 係D油雞少左D...得小小6舊...不過D油雞幾好味, 豉油味適中, 雞肉好嫩滑, 幾好。個米粉都唔錯幾好味, 我見有D炸蒜所以好香, 有2條小菜心, 米粉是普通米粉,而湯的味道有些複雜, 唔知個湯係咩湯底, 不過配埋米粉幾好味。整體上燒味茶餐廳普通食飯來說算是不錯。 …查看更多

今日中午食飯時間，唔係太肚餓，見入面有位，入左去食左個鯪魚球米粉。阿叔同我落左單，30秒都冇，碗野就嚟左喇，簡直係神速，好有效率。我本身好鍾意食鯪魚球，一碗粉有四粒，咬落少少彈牙啖啖肉，而且好新鮮，有魚味而唔腥，好味呀！仲有個湯底應該係冇味精，鮮甜而清清地，好好飲！米粉就係普通米粉冇乜特別。単拼粉面$25；雙拼$35，相差成$10，不過我見佢地的雲吞大大粒入面嘅蝦都好大隻，下次可以再試下雙拼。…查看更多

平時中午好多人，今次夜晚8點到餐廳，竟然冇乜人，有三分二都係吉位，二個人可以寬敞的卡位。是日晚餐有四個選擇，不過唔岩食，叫左餐牌的野，其實都可以加廿蚊轉餐，有餐包、餐湯、指定飲品（蜂蜜綠茶／黑豆漿...）、甜品（是日甜品：薏米綠豆／果凍）我叫左個帶子番茄天使面跟餐。餐包：黑芝麻包仲好熱皮脆，有好香芝麻味，good！餐湯：南瓜忌廉湯質感不結不稀，味道不濃不淡，吃得出應該沒有加味精，好飲！主菜：帶子番茄天使面都幾大碟，有四粒帶子，帶子上面有d魚子，有d日式，有好多蔬菜，而且都好多番茄汁，不過我覚得今日個汁好似咸左少少，一路食一路覚好渴，飲左好多水，另外我覚得天使面太多，我今日好肚餓都食唔哂。甜品：果凍個質感好似膠膠的大菜糕，有d怪，味道也好似不太新鮮，果味欠奉，入面有三粒椰果，但感覺好似番雪左好耐，質感同味道都變左。我朋友食左一小囗已經唔食，不過我費事浪費食物都食哂。…查看更多

成日出街食野，味精多，油多，菜少，真係唔係幾健康，見到而間標榜健康的餐廳，試下先~午餐都有10款可以選擇，有紅米飯，烏冬，天使面，米線，還有全素的可選擇，我叫左番茄魚柳烏冬，有黑豆漿或指定熱飲送，我叫左黑豆漿，加8蚊可以有餐包同餐湯，不過我沒有加。番茄魚柳烏冬~好多菜，魚柳都好大塊，烏冬份量適中，番茄汁食落唔係出面好重味精味咁，好天然的番茄鮮味，魚柳好新鮮，烏冬加番茄醬食好配合，本身烏冬熱量較其他澱粉質粉面飯為低，加埋咁健康的煮法同食材配料，感覺好健康！而且好好味！黑豆漿~大大杯，天然黑豆漿，好新鮮，非常好！…查看更多

係門口見到個午餐牌，$28起，有烏冬有飯有壽司魚生飯等選擇，好似好抵食喎，未試過下午食板前，就走左入去試。我叫左魚生飯$45，朋友叫左日式吉列豬扒咖喱飯$32。有汽水或麵豉湯送，但汽水是指定的，不可以揀，是日是mountain jew，本人唔太like要左麵豉湯。魚生飯~細碗左少少，不過細食女士應該岩岩好，男仔就一定唔夠食。甜蛋同魚生一樣咁多，如果魚生比例7比3左右覺會好食d。而且d魚生切得細粒左少少，大舊返2倍就差唔多。但味道是ok的，本人喜歡加wasabi來吃，好食。日式咖喱吉列豬扒飯~好大碟，件豬扒好大塊，汁多，相比抵食好多。我朋友比左兩件豬扒我試，除左個豬扒薄身左少少唔夠肥外，皮夠脆，汁夠香，唔錯！我見隔離左右有d人叫左烏冬，睇落都好似幾好食，下次有機會試下先。追坤：著校服免加一仲抵我地兩個冇著校服，埋單共$85…查看更多

朋友生日飯, 因為冇得BOOK位, 我地8個人, 攞飛等左30分鐘左右先有得坐,打開個餐牌, 嘩D野仲平過茶餐廳, 沙津, PIZZA, 意粉, 焗飯都係廿幾三十左右, 而且加$12就可以水吧任飲, 好抵。我地8個人叫左8個湯, 2份蒜容包, 2份芝士包, 3個沙津, 3個PIZZA, 2份小食, 1個長通粉, 4個意粉, 好似係咁多...(埋單都係4百幾蚊)食物方面:雜菜湯~好似稀左少少, 冇乜雜菜, 不過8蚊1個咁上下粟米湯~"潔"左少少, 不過好有粟米CREAM味, 都唔錯蒜容包~一般普通蒜容包芝士包~好食過蒜容包, 好味沙津~我地叫3個唔同的沙津 (三文魚, 蝦, 凱撒沙津), 但係基本上係一樣味的...普通沙津...PIZZA~一個PIZZA可以分到8小件, 岩岩好, 以佢個價錢, 當係普遍PIZZA食, 都算係幾好長通粉,意粉類~要求高的人可以唔會覺得特別好, 不過都係算好味, 但係就好似唔夠料咁, 一分錢一分貨我地有個生日蛋糕, 收左20蚊切餅費本身佢話只可以食1小時半, 不過最後我地坐左兩小時多星期六真係好多人, 夜晚9點半都仲好多人等位, 10點先開始少人, 我地吹下水坐到10點幾先走…查看更多

香港唔多專門賣橙色鹵味的小食店, 不過約左朋友係荃灣, 行過咁岩有D肚餓就試下,我地3個人, 每人叫左兩串試, 我叫左墨魚王同生腸, 每串8蚊,墨魚王都幾有肉彈口, 好新鮮, 生腸唔同出面食既透明而無味, 好有生腸味, 個店員話因為出面多數係用哥士的拿D生腸, 拿到透明同無哂味, 佢地就冇, 所以仲會有生腸原味道, 佢唔講真係唔知...食鹵味一定要加甜醬同黃色芥辣醬, 佢地個黃色芥辣醬唔係好辣, 我本身唔食辣的都接受到, 不過加太多就有D好似WASABI咁攻鼻,食完有D口喝, 我見佢地都有賣野飲, 叫左支樽裝忌廉, 正~…查看更多

名古屋最出名的美食有好多, 之前去過名古屋食過名古屋名物燒雞翼, 打開OPENRICE見到原來香港都有得食, 就打去BOOK位試下,因為BOOK左枱, 加上係平日, 所以去到就即刻有得坐, 而且好似冇乜人, 唔知係唔係因為位置不太易搵, 如果唔係知道有而間野, 都唔會有WALK-IN客。我地兩個人叫左四樣野。胡麻刺身沙津刺身同菜都好新鮮, 佢個芝麻沙津醬好似有少少柚子味, 酸酸地, 幾開胃, 好食。名古屋手羽先唐揚 (燒雞翼):叫左9隻 (4隻甜味, 5隻中辛) (我們都係本身唔食辣的人)中辛同甜味的分別係, 中辛會有好香的胡椒, 野味好食好多。所以有D後悔叫左甜味...味噌豬扒比起專門做日式吉列豬扒的餐廳, 算係普普通通, 未算得上係非常好食, 不過都OK。本身個味噌豬扒冇SET跟, 所以冇飯同椰菜絲。其實主要而味菜係個名古屋特產紅色味噌醬, 係普通日本餐廳食唔到, 甜甜地, 日式的甜醬咁幾好味。名古屋鰻魚飯本身我地都唔係好鍾意食鰻魚飯, 不過係名古屋名物, 點都叫左一個試下。我係名古屋食過, 比較之下覺得當地的好食好多。而間的所謂名古屋鰻魚飯, 除左D鰻魚比出面食到的軟身, 味道食落真係冇乜分別。個店員教我地首先就咁食, 然後加配菜(有紫菜絲, 蔥絲, WASABI) 一起食, 最尾加湯食。不過都係一般, 要$180蚊左個其實真係有D貴, 有D物不所值的感覺。…查看更多