sharon615_2001's Profile

特意由香港來澳門吃這餐飯預先訂位，deposit 每位500大堂Lift只到39樓，此為餐廳接待處，由職員確定booking 再一起轉專屬Lift 上43樓，所以私隱度相當高，絕不會有白撞/想打卡的客人到餐廳餐廳樓底很高，落地玻璃，餐桌向海。2人提供4椅，可放袋。set lunch 很多款，中英對照，松露餐3000多- 4000 MOP不等，經濟的set lunch 由2道菜998起，其實所胃的兩道菜還有加上沒在menu上的麵包，開胃菜，甜品….,所以都非常足夠。先來的是麵包車，很震撼，有多款口味，牛角包，酸種包，波菜包..軟身的，脆口的..每款也會放於籃上檯，有來自法國原味及鹹味牛油，如果包未吃完的，最後會入袋給你外帶。之後是menu 上沒有的開胃菜，花花彩紙過膠托底方便隨季轉換，器皿是透明酒杯但躺型，內裡是南瓜口味配菇及葵花子。Starter 加了400轉魚子醬配海鮮凍椰菜花忌廉，賣相就是一幅藝術品，蟹味再加上魚子醬口感一流，不過多吃就有點鹹，最理想只選一客，二人淺嘗。Main course 加了400轉鹿兒島和牛，5成熟，口感就是大家一致認可的日本高質，另配沙律及薯蓉。另一個選了帶子，好鮮甜大粒之後有雪糕車，雖然賣相一般，但開心果口味非常香濃，水準極高之後是Madeleines蛋糕，暖暖的，剛焗起，新鮮套餐含coffee or tea , 點了latte 甜品可選芝士車or甜品車，我們就揀咗甜品，多款口味，每人可選兩款，香印蛋糕，粟子蛋糕..我就點了signature 啤梨，紅色外層，口感爽脆，另外一件是拿破倫，一般般原來還未完..再來另一架甜品車，份量較少，選了開心果蛋糕及彿手果糖總括米芝蓮三星你值得擁有…Read More

很久沒發文雖然餐廳座位少，但唔難訂位，可能因為要deposit 吧，online booking每位按金HKD 500大廈位於威靈頓街，有三部電梯只有一部可以上倒一樓餐廳，半開放式廚房，大廳及一間VIP房，侍應人手充足，招待技巧成熟，呢度無提供tap water , 可選蒸餾水or sparkling , 電子menu , lunch 4個course HKD888 或5個courses 1088, 其中caldoso rice 係已指定菜式，所以如果點4個course 只需選三款。不在menu 的三個餐前小食，上菜時配上生果籃介紹，用上三個白色器皿方便擺拍，第一款是火龍果，第二款用脆片承托住生果，第三款係一個粟米撻上面再配上Parma Ham麵包做倒外脆內軟，配上2種橄欖油Starter 我揀咗 Saba fish crudo, 黃色及紅色車厘茄都好甜，魚有煙燻過，個汁酸酸地好開胃另一款我地要 Balfego tuna(加HKD380), 擺魚子醬嘅過程都幾賞心悅目，不過食落感覺就有啲HeavyMain course 加270要咗angus beef 牛配上本地南瓜👍另一個點咗羊配自家製醬汁指定嘅湯飯用上北海道米，配上魷魚，湯香料比較重，好濃味甜品白桃好清新，有人話對甜品最高嘅評價就係唔甜🤣, 如果係咁呢一款甜品可以攞到好高嘅評價🤭Amarena cherry 面層望落去似糖霜，食落口應該係蛋白加少少糖都唔係好甜👍埋完單之際原來仲有甜品，繼續係精緻地上碟，打卡able，當中最欣賞個焙茶，茶味非常香濃好出色😍大多米芝蓮餐廳食材都係用澳洲同埋日本，Ando 有部份食材係嚟自阿根廷，比較少見另外大部份餐廳都會喺你用餐完之後立即問你感受，呢間反而就係之後e mail send返問卷俾你…Read More

很久沒發文3月天氣大多陰暗潮濕, 難得天晴乾燥預先BOOK了位, 其實不是第一次光顧, 上次來食過手工意粉, 很高興疫情後paper moon仍屹立不倒。預先要求坐窗邊 (其實這天氣坐OUTDOOR 還理想)下午茶是3點開始,落地玻璃可望倒IFC及半山豪宅, 下午陽光很好, 照在維港金光閃閃令人心曠神怡, 可惜檯有點細, 旁邊檯距離有點近, 袋亦只可放在檯下的籃。點了2人英式下午茶, 價格為528, 一切已既定,要選的是飲品, 有些名字令人莫名其妙, 如Cinderella 同paper moon sunshine , 其實都是果汁, 另外單點了黑松露薯條, 侍應很忙, 不能及時落單, 不過都有禮貌, 又樂意幫忙拍照📸。先來的是牛扖, 由於我們沒有細心看MENU都沒注意有此項, 用煎PAN盛起, 感覺像晚餐, 牛煎得都算香, 旁邊還有些薯角, 另外有個PIZZA, 主要是青瓜及芝士, 不太吸引。主角下午茶來了, 賣相不錯再配上藍天打卡當然是無得輸, 以綠色為主, 大部份是綠茶口味, 質素當然不是京都抹茶的等級啦!由中層鹹點開始吃吧!多士HAMS 配火箭菜比預期好上層置中的卷卷中間有點CREAM, 外層的酥不太鬆脆了2杯mousse 應該是放底層的, 但由於我們是慶祝生日, 大概是抽了出來在碟上寫生日字吧!近年大眾對甜品最高的評價:不太甜。這個Mousse 值得擁有🤣用餐時間至5點, 如果要打卡的話就不太夠時間了, 另外有一點怪是我們在用餐不時有職員在掃地, 感覺不太良好。…Read More

唔記得食過幾多次, 尖東OL日常，飯堂咁滯🤣開店大概2年吧, 白色及簡約的裝修, 大落地玻璃係我鍾意style, 只係檯比較細張, 食起野要小心門口有4張檯, lunch time如果唔想等位唔介意可以坐outdoor, 多數有位。QR code 點餐📲, 款就唔多, 不過都算彈性, 我最鍾意食漢堡包, 食過應該十次以上, 可以5成, 7成或well done, 仲有得remark, 我有時會remark 走沙律 (其實沙律都幾新鮮, 只係我個人唔太鍾意食生菜), 咖啡加HKD28, 轉大杯只需加2蚊。包Size 唔大, 唔會好似美式burger尺寸, 同M記大細差唔多吧, 有烘過, 另外上面有芝麻, 所以好香, 咬落少少脆口, 中間嘅牛味道就唔太穩定, 有時鹹有時無味, 其他材料都豐富，有無花果，芝士，洋蔥…整體算高質。咖啡奶泡就打得麻麻😏, 埋單自已攞QR code 出去埋, 大部分payment 都收, 包括AE💳，雖然接近全自助，不過要收10%服務費🤔除咗主食，櫃面仲有掛耳包裝咖啡同麵包賣。 …Read More

很久沒發文…打電話Book 檯先接去酒店再轉去餐廳, confirmed有位後會問e mail , Send dress code details 同需提供信用咭資料, 綁定咭號, 如不出席便會扣取HKD500, 用餐前一日會再有同事致電提醒。二訪Caprice, 上次是坐最右手邊靠窗的一張檯, 今是是最左邊的一張, 同樣擁有海景, 即使未能Book 倒窗邊的位置, 其實後排景觀都不會太差, 因為設計是高了2級, 而且樓底極高, 落地玻璃，裝修保養很好, 跟幾年前一樣高質。手袋有另一張櫈擺放，很貼心。Waiter 比例外國人減少，香港人增加星期六MENU, 有3道菜, 4道菜及5道菜, 3道菜就不考慮了, 因為選擇少而且價錢比4道還高。4個course 定價為1088, 不過很多菜式也要加付一開始waitress 會介紹酒品種, 但我地唔飲酒, 所以skip 米芝蓮餐廳水也有多款選擇, sparkling water, still water..., 不同價錢, 我們沒什麼要求, 只點tap water餐前會提供很多款包, 牛角, 酸種包..., 牛油有2款, 正常及加鹽, 包我選了酸種(可選多款的), 質感有點硬。先提供一個湯, 酸酸的, 很開胃第一個course蕃茄小麥餅碟不是平的, 形狀不太規則, 很有藝術氣色, 蕃茄很新鮮, 餅底鬆化另一個點了鵝肝撻, 但賣相似cheese cake (忘了影相)味好濃, 好heavy 第二個course西洋菜湯心目中西洋菜只可做中湯, 是啡色的, 想不到可做青色的西湯, 賣相不錯, 味有點鹹，羊芝士不會羶第三個course日本和牛配櫛瓜(加HKD750)是A4和牛, Chef 建議4成熟, 我怕太生, 最後選了5成, 來到熟度適中, 油脂分佈剛好時令鮮魚伴甘筍魚🐟介紹完我都忘了是什麼品種，只記得是日本甘筍很可愛第四個course榛子忌廉伴雪糕, 撻型, 朱古力味香濃, 餅底出色。另一個選了是日梳乎里 (加150)是日杏仁味, 外表及味道很平凡呢送的甜品有三款，用小盒盛著，伯爵朱古力， berry ..Set lunch 含 coffee or tea 印象中上次有甜品車，現在取消了…Read More

疫後澳門非常熱鬧，盛放荷塘令人賞心悅目。永利大門轉左就見倒川江月了，由於只做晚餐所以比較難book 位，預早WhatsApp send menu ，其實只有兩個餐，價錢不同主要有幾款用上名貴嘅食材，我地就揀咗平啲嘅set ，每位2888葡幣加10%入門確認訂檯，之後職員會幫你保管行李, 會問點稱呼，態度服務認真高質，相比香港米芝蓮更勝一籌。入內大概十張圓檯，六人檯嘅大細其實只會坐兩個人，因為要預留空間職員介紹菜式。餐前茶喺bar 位品嘗，用上高山水，特別嘅炭沖泡嘅普洱花我未飲過，連聽都未聽過，職員廣東話幾好，笑容都好好👍前菜三款，係自己揀，太多，事隔兩個星期我都唔係好記得，一款係棕櫚樹，有一款係筍。和牛酥口感非常鬆脆，好岀色😍Menu 係用奏摺型式展示，好有氣派👑。餐前小食共八款，四層塔模樣上菜，好有心思，有夫妻肺片，淮山…當中蟲草花係炸過好香口，冰菜亦好開胃🤤。酸辣湯辣椒油係後加，我唔太食得辣，所以staff會減辣避風塘蟹蟹係用上日本🇯🇵蟹，我覺得避風塘做法雖然惹味，但浪費咗新鮮嘅食材。黑松露鹹蛋糍粑新派川菜用上名貴嘅食材。扇貝珍寶扇貝用酥皮圍邊，打開見唔倒原粒大扇貝，原來做了扇貝麵條，真係別岀心材😊，不過配上椒我就覺得唔太夾野菌鴨肝凍由於一共有廿四味菜，嚟到呢道已經好飽好heavy , 縱然中途有提供茶消滯。麻婆豆腐每一道菜都好精緻，用雀巢為概念嘅麻婆豆腐好美觀，不過太濃味。擔擔麵麵由壺原條拉岀令人意想不到。甜酸苦辣一粒軟糖，4種感受整體係一個好好嘅體驗，打破傳統川菜感覺，耳目一新💗，雖然服務好，但主要用普通話介紹部分我聽得唔係好明😅😅…Read More

完全唔似喺香港樓底好高，空間感好足，人手好充裕，四周冇乜人，落地玻璃望藍天同外園，景觀唔會好密集星期六有set brunch HKD688我地選擇單點。壽司併盤壽司好細件，魚生係薄切天婦羅拼盤HKD260 啱啱炸起好香口，蝦新鮮，個粉唔錯，有冬菇，南瓜同茄子甜品拼盤抹茶係有爆炸糖💥，估佢唔倒，整體賣相同味道都一般串燒自選，有幾個選擇，粟米🌽…我地就揀咗牛，雞，秋葵同菇，唔可以重覆，其實係小食當佐酒🤭點咗三杯飲品🍸，係bar tender 即場調嘅，每杯HKD110, 我要嗰杯係茘枝，唔太甜橙嗰杯有個波波最賞心悅目之後行岀小庭園，有小錦鯉池，仲有龜，有幾張檯同太陽傘，感覺好寫意好療愈😌😌…Read More

唉食過好多次茶記，未試過咁奇，兩間野一齊用同一個入口，入口好細😑1030門口已有幾個人喺度等，應該幾好食，等咗20mins , 入到去見到環境真係幾差, 幾張檯，好暗，摺檯，污糟，2個職員無主動幫我地落單，有一個應該唔太識廣東話，我地自己叫，西多原來一點先有，咁叫三文治，佢話無麵包，唔知有無😅，老闆岀咗去，返嚟先知，我叫咗個豬扒蛋米，等咗15mins 先有，因為廚房連水吧得一個人，完全無味😅，好無奈。老闆返嚟買咗包嘉頓方包🙄，終於有希望😅奶茶ok , 有風味其實我唔明點解要排隊😓😓…Read More

商場樓底好矮, 不過入到餐廳感覺都幾舒服，幾有空間感，大玻璃睇倒街景，木製傢俬為主，我地三人坐近牆嘅四人檯，矮檯，舒適預早book 咗檯，唔使等。QR code 點餐Pizza 8件，好邪惡，好cheese , 邊夠脆👍，唔加側邊個糖漿都好夠味。雞翼係全翼，有芝麻喺面所以香。沙律都幾新鮮Mocha 細杯咗啲花茶係壺上可以refill 😌…Read More

本來係去厚福街食嘅，路過見倒幾吸引就入嚟試下，裝修幾好，似bar , 半開放式，有高檯，有酒飲，不過周邊環境就麻麻，始終內街，附近又地盤。Lunch Menu 定價ok 嘅，68 蚊起，我點咗個魷魚炒飯，配個泰式凍奶茶。好快就有得食，好大碟，泰式花伴碟點少得，魷魚新鮮大隻，飯炒得乾身，香草味濃。同事點咗個冬陰功，超多蜆，好足料。…Read More

530人唔多，日式設計，樓底高，不過舖都有啲細，有bar 位有榻榻米，我地坐正常餐檯。餃子雞翼，好香，有芝麻喺面，一邊食一邊滴油。抹茶雙層窩夫唔太似窩夫，似bagel , 抹茶香，但淋喺窩夫面所以窩夫唔脆，入面口感係軟熟嘅👍。鐵觀音梳乎厘茶味唔夠濃，入面太濕，旁邊雪糕太甜。點咗個茶，木製碟，上檯好靚，不過好細杯。唔知點解open rice 有寫可儲Asia miles 嗰啲餐廳我次次都儲唔倒🙄，我問staff 係咪可以儲Asia miles 佢答唔知😑…Read More

諗住放假去離島行下，hea 下，由於公衆去吉奧嘅船只有星期六日同紅日，而且每日只有一班，去完鴨洲過吉澳就係lunch 時間，島上獨市嘅餐廳就好忙好似做團餐咁，檯number 定好晒，檯好細好迫，仲迫過我平日喺尖東食lunch , 自助點餐，俾錢同裝飯😑，好嘈好壓迫🥺用order 紙岀去點完餐即時俾錢，大概5mins 就有得食，因為選擇少，其實一早已經煮好，但都熱嘅。炆豬肉好稔好入味，西蘭花🥦肉片好大碟，最岀名嘅墨魚丸當然有點，幾彈牙，不過又唔覺好有陳皮味😅10蚊飯，任食樽裝及包裝飲品自取再俾錢以獨市嚟講食物都有質素，不過以地段嚟講定價就高同非常迫。…Read More

估唔倒長洲有新加坡菜，好耐無食肉骨茶所以試下，新店新裝修，有indoor 同outdoor ，樓底矮，indoor 開咗大門都有啲困聲。Menu 有註明每位最低消費80蚊。點咗肉骨茶set 128除咗肉骨茶，仲會有一個白飯，有油炸鬼，配個茶。肉骨茶望上去啲色比較淺，飲落去胡椒味勁濃。油炸鬼仲脆嘅，茶就係用車仔茶包😅燒雞椰漿飯set 138燒雞好香，飯側邊有個醬，有少少辣，另外仲配咗啲桔仔可吱落雞度調味。收費無加一，好難得👍…Read More

星期五，早一星期book位，四人檯得返最後一張7點人好多，我地坐中間卡位，非常迫，其實檯唔夠位擺野，近飲品區所以係每個食客必經之路，職員又推餐車，我岀入好易撞倒人🥺前菜一般無限是任食368一位，星期五加20，另有加一，所以埋單每位426職員解釋都清楚，不過佢地好忙，檯又細，無位擺，其實執唔切。首先一個主食(唔係任食)，有幾個選擇，雞煲…，我地要咗酸菜魚，都幾好食。之後係一個刺身拼盤(唔係任食),每位鮑魚一隻，帶了一隻，蝦一隻，三文魚一件。海鮮併盤(唔係任食),賣相幾吸引，有墨魚滑，蝦滑，蜆…牛，都可以自助飲品區，有基本可樂，綠茶..自家製飲品有洛神花，比較淡味。自取任食有丸，南瓜，麵..,…有菜喺凍櫃，西洋菜，生菜…，雖然係任食，不過到9點已經唔refill最後每位送雪糕一杯整體食物ok , 唔係任食嗰啲其實質素ok, 但地方太迫，搞咁多花款，不停上菜又收碟好煩，燈光暗，樓底唔高又困聲，食完成個人都好攰😓…Read More

近清明，天氣唔多好，不過都想郊遊,所以入嚟長洲行下，星期四嘅長洲都好熱鬧。Cafe outdoor 較受歡迎，我地當然都係揀outdoor ，望嘅境係街景，感覺幾街坊，幾舒服😌Menu 選擇非常多，特別係甜品，但落order時先知原來好多都無供應，我地想食嘅卷蛋所有口味都無最後揀咗焙茶cheese cake 🍰, 茶味幾好，唔太甜，不過口感有啲鞋窩夫揀咗原味配焦糖，雪糕就配玄米茶，窩夫都做得幾差，個樣麻麻，顛覆咗窩夫造型，焦糖只有甜唔香，窩夫又唔香唔脆，佢好似想做類似酥嘅效果又做唔到，所以食咗一啖無食。職員都有留意到我哋冇食窩夫，都有問我哋意見，同埋又講唔好意思嘅👍檸檬梳打係泰國原支梳打水👍只收現金，要留意。…Read More