29 mama的个人专页

其實一路都係呢間舖嘅常客因為欣賞佢嘅雞煲夠入味 就算冇堂食阿媽都會特登去買外賣返屋企食 今次有返堂食即刻去回味一下 點知真係一肚氣 醬料不遲少少調味都吹你 啲員工態度影真嫲嫲 唔係因為啲嘢好食都唔會貼錢買難受 今次個雞煲嗌小辣多麻 嚟到完全冇味 以前係好入味 辣得好過癮 真係追住食 可能疫情關係個廚師唔喺度 個味道根本就係兩碼子回事😭講返碟牛肉 正正常常 阿媽食咗幾件就停啦 話好難食😅嗰個牛白肉真係經典 我自己本人好鍾意食 可以一個人食一碟 但係呢度呢嗰疊嘢都唔知似乜超難食 又多筯又硬骨骨 真係咬到牙都軟埋都未吞到落肚 我同朋友食幾件都放棄咗 其他火鍋配料不過不失 唯一讚嘅就係珊瑚蚌拼桂花蚌 鮮甜爽口👍🏾👍🏾我哋走嘅時候都8:00 咁細間舖都爆唔到場 希望可以回復以前水準 好失望😫…查看更多

好耐冇嚟食啦因為以前中過伏今次應朋友約 俾多次機會啦😅我哋基本上所有嘢都叫中辣但係講真仲衰過BB辣 一啲都唔辣嘅土豆絲有味但係唔辣 黃金海中蝦不錯至少蝦肉唔會霉 鹹蛋黃醬入味 孜然羊肉 感覺啲羊肉好似切碎咗嘅肥牛 朋友話一啲蘇味都冇好正🤣 我就覺得麻麻地 佢啲串燒都入得口嘅 個雞皮望落去嚇死我以為成隻田雞落去燒🤣 好脆口但唔會好乾 雞軟骨太細粒又少咗啲 不推 水煮牛肉正 牛肉有拿過佢 好嫩滑 味道就真係似返中辣 份量不太少 推👍🏾泡椒田雞特登最後外賣攞走放到第二日食 即使用微波爐叮返肉質都可以唔會嚡十十 但係敗筆就好多背好少脾 冇乜特別…查看更多

平時食開一味泡椒田雞仲要係攞走嘅今次可以坐低試下 6:15攞飛都要成7.0幾分先有枱 下次要再早啲先得 用餐時間個半鐘泡椒田雞即場食仲正 個豬手都係牙籤羊肉冇乜特別油左啲串串蝦非常之油雖然肉爽但唔建議食有驚喜嘅竟然係個炒花甲 係不錯 肉又大粒個人覺得比大排檔好食 😋🙈芒果沙冰好香芒果味 解辣一流整體唔差 但係比較油啲 一次半次冇問題😅…查看更多

唔好比個標題嚇親可能小妹未食過其他更好佢嘅酸菜魚真係大件夾抵食有少少藥材味但接受到（但係我本人好討厭藥材味）魚無腥味 無骨 無泥味有大中細分 雖然加咗價但一樣會支持 成日特登入元朗就係為咗食酸菜魚 身邊嘅朋友都比我杜咗去食冇靚裝修 但有真材實料 值得一試佢嘅凍奶茶幾好飲🙈…查看更多

以前真係宵夜飯堂 質素對得起個價錢有多而家分兩個價錢貴嗰個有海鮮同靚牛食唔好以為任食 係得一碟㗎咋啤酒任飲得獅威同冰藍千祈唔好揀貴啲嗰個餐好伏牛肉就超薄 隻蝦又細隻咗質素差咗 但變相加價真係冇下次…查看更多

花膠湯底聽聞好出名但係食落淡茂茂 嗰舊花膠唔似花膠牛肉有驚喜嘅 唔係點會收你288一位啲音樂好大聲 好似落左吧咁一夠鐘就即刻講你走 唔夠時間食呢間野食環境嘅啫 冇下次 貼錢買難受😣…查看更多

一心諗住支持同路人 但換來嘅系失望雞皮擺到明係炸嘅 唔係燒嘅 炸得太脆好難食另外啲串燒 濕立立嘅 串燒唔係應該乾身嘅咩濕立立都唔緊要 但醬汁唔好食 唔知食緊乜啲牛肉好銀有渣❌秋刀魚本身冇味 攞咗啲粉返嚟 諗住可以點下 點知嗰支粉受潮 一粒粒 同個職員講可唔可以俾個第二支 佢走入廚房 敲敲敲 攞個兜仔燉返受潮嘅個樽俾你😑唯一出色嘅就係海鮮係真係鮮甜 但係好貴 七百幾蚊我真係唔知食咗啲乜嘢 建議想支持下嘅人 三思而後行先好去幫襯如果唔係會一肚氣👎🏿…查看更多

呢間野係試業中嘅 希望有改善嘅空間佢嘅酸菜魚真係麻麻哋 未見過酸菜魚會落蒜蓉落去 可能我大鄉里 花椒都無粒 完全覺得自己食緊酸菜魚 薯粉另上但係上到枱 薯粉已經變咗一個麵餅咁樣一舊嘢 另外嗌左個口水雞配薯粉 但係個薯粉係冇湯架 一餅嘢我朋友都唔知點食 好尷尬咁問姐姐攞咗清湯🤦🏿‍♀️我返到屋企屙咗三次 上網睇到原來都有人為咗食呢間野訓練到自己唔屙為止😰腸胃唔好嘅 唔係好建議試 …查看更多

走入九龍城搵泰菜食朋友話呢間成日都排隊 所以走入去試吓啦 結果名大於實😔😔先講天口慶一坐低嗌左支啤酒 等咗好耐都未有 吹咗兩次先有🥲泰式生蝦肉質爽甜👍🏾👍🏾冬陰功 完全冇冬陰功味 唔知飲緊乜嘢湯👎🏿但係冬陰功隻蝦係新鮮嘅🤣🤣🤣$163.3隻大聖子 食落去唔新鮮的 冇味道可言泰式燒原隻鮮魷 呢個菜式千祈唔好期望太多上到嚟係好似魷魚乾咁 總之就係好奇怪泰式鳳爪同埋海南雞就正正常常建議真係入去食嘅朋友唔好有咁大嘅期望咁樣食千$2其實好唔值…查看更多

呢間舖頭啲串燒真心不錯牛舌厚身好食😋雞軟骨唔會乾爭爭一般食串燒嘅嘢一定唔會出事🤣推介嘅就係雞皮 佢唔會敷衍你落攞去炸真係用心燒 燒到外脆內軟 正到暈🤤每次都起碼食六串或以上🙈🙈食到我身邊啲朋友都話我痴線🤣🤣真係會專程入西貢為食串燒另外推介豬軟骨烏冬 豬軟骨夠淋又入味燒茄子就唔推介比較冇乜味 整體來講係唔錯有機會入西貢玩開可以試吓呢間👍🏾…查看更多

今日去朝聖#瀝源盛記真係隱世小店搵勁來都搵唔到😑落到去難聽啲講句好似鬼屋咁😅但係原來入邊燈火通明 💡💡鍋底來講麻辣湯唔係正宗麻辣❌但入邊嘅鴨血同埋豬肚有驚喜牛肉點左豉油都仲係好重牛肉味👍🏾👍🏾水魷爽口厚身又大塊🤤牛胸爽好少何切到咁大塊超滿足象拔蚌刺身鮮甜無比 切得厚唔會博切切整體來講大件夾抵食 第一次嚟朝聖真係非常滿意會有下次🥰🥰🥰…查看更多

喺香港火鍋關注組睇到有推介今日試到大紅袍 真係名不虛傳先講湯底真係唔錯 話就話麻辣但有少少藥材味令個湯都幾香 細細啖飲係唔錯🙈再講牛肉嗌咗安格斯牛頸脊個口感食完係唔會濟 又唔難咬 又唔溜牛骨隨食得出新鮮唔同平時食嗰種口感唯獨牛胸爽 太細塊 6完上嚟縮晒水 唔夠過癮鴨血都好正 又夠大塊又大份🤤田雞出到嚟仲識郁 果然係叫動感田雞😂😂有好多古靈精怪嘅嘢食 食材新鮮👍🏾價錢以質量來衡量正常價錢會回頭下次試吓其他嘢😉…查看更多

名叫雖然酸菜魚 但係淡茂茂係酸菜水嘅味 好似清湯加啲酸菜水落去 恰啲魚落去就叫酸菜魚 魚肉就散嘅❌刺身拼盤正正常常冇乜特別 有一隻蝦冇咗半忽背脊 見到條黑色蝦腸 建議挑左條蝦腸會好啲😉小食拼盤 有四款 除咗有呢一餐最好食嘅蝦多士之外🥰其他都又唔係難食又唔係好食 但食咗第一夠就唔會有第二嚿🤷🏿‍♀️海鮮拼盤 如果有魚片會好啲 鮑魚上枱都仲係生嘅⭕️嗰個胡椒豬肚湯先係經典 第一次見啡色嘅胡椒豬肚湯 可能自己見識少啦食開都係奶白色㗎 感覺就係加啲牛骨粉掉幾舊豬肚粉腸落去 咁就叫鍋底 仲要鹹到甩轆🤮話就話任食 其實冇嘢俾你揀 我諗得10樣左右 有豬肉牛肉（牛肉係靚嘅）炸魚皮。響鈴。芋頭。魚皮餃韭菜餃（韭菜餃有香濃韭菜味）。蝦滑墨魚滑（墨魚滑蝦滑都不錯）同埋蔬菜拼盤就係咁多😳甜品就系一人一個雪糕🍦咁樣嘅質素收275😅唯一有啲誠意係白酒汽酒啤酒任飲 我哋六點幾去10點前離座 算可以坐耐少少 但係都冇下次🙅🏿‍♀️…查看更多

滷豬脾夠淋好入味👍🏾👍🏾。燒豬頸肉 肉質怪怪地 唔係變咗酸咗嗰隻怪 類似諧霎霎鬆泡泡咁樣😔。生蝦刺身有進步 啲肉係爽口 可能轉左貨。生菜包 幾好食 鹹辣適中。香葉辣椒肉碎炒飯 哇呢個超好食冇得輸😍。三色冰 可能佢叫三色冰所以好多冰 啜下都冇晒😅 以前有幫襯過幾次 所以有對比感覺今次係有進步咗少少🤏係個豬頸肉失色左 不過還可以接受😅今次係外賣返屋企食 我諗堂食應該再好食啲。…查看更多

本身食開隔離嗰間點知七點先開心大心細咁入咗嚟做試伏專員點知真係瀨晒嘢 嘢食真心貴貴都唔緊要交唔到功課俾我九成嘅食物都係無味㗎 除咗條茄子有蒜蓉味之外其他都係淡茂茂 就算擺喺枱面嗰啲調味粉落咗都係無乜味 慘過食齋嗰串雞腎硬到好似石頭咁 完全食唔到食咗一舊擺番低 叫個職員收走佢佢同我講話仲有串嘢未食我話硬到食唔到 個職員已笑姐醜唔知食咗啲乜嘢食咗差唔多五舊水真心食返隔離168好過 千祈咪入去中伏…查看更多