sophia20的个人专页

因為係街坊，所以已經幫襯過好多次，個招牌酸菜魚真係好好食，應該係我暫時係香港覺得最好食嘅一間，夠酸又夠辣，個人比較喜歡鱸魚，比較重魚味啲。今日仲叫左菠蘿咕嚕肉，炸得黎唔厚粉，肉汁又彈牙，仲叫左薑蔥霸皇雞，味道都好食😋 水準每次都keep到，所以黎食一定唔會失望，會繼續帶朋友過黎食…查看更多

係港島放工，可以揀平啲野食既地方唔多，所以見到有呢間，環境又幾舒服咁，所以都想試下，餐廳好貼心，有dinner set，咁就可以唔洗絞盡腦汁，諗下要食咩啦，我地兩個人，因為唔係好肚餓既關係就叫左一個人既dinner set plus軟殼蟹牛油果沙律，個沙律既配搭幾好，軟殼蟹炸到啱啱好，個沙律汁同牛油果又好夾，dinner set入面前菜就揀左個雞翼配水牛汁，店員好窩心咁提醒要幾辣，因為朋友只能食到少少少辣，主菜就揀左安格斯牛扒，牛味好濃，配合埋少少既脂肪，味道啱啱好，餐飲加左錢要紅酒🍷，配紅酒簡直一流🥰甜品當然係叫左佢呢度出名既窩夫啦，配埋vanilla ice cream，生果可以中和到個甜味，所以好食❤️…查看更多

放完工諗緊食咩好既時候，搜尋緊openrice，見到呢間西餐廳，所以就揀左呢間野去食，環境都幾舒服，坐位都唔會話好逼果種感覺👍🏻我地兩個人，所以叫左兩個dinner set，一個係松露蟲草花形粉，另一個就叫左慢煮燒春雞，兩個set都有包餐包同埋湯，個湯都幾ok，上菜速度都算快，個松露粉個感覺都幾似Risotto，松露味相對比較出，味道唔錯，同埋用花形粉黎配搭真係少，值得一試👍🏻另一個就係慢煮燒春雞，用左脾既位，相對肉質比較嫩同埋多汁d，配埋d配菜食，味道好夾飲品就叫左凍latte同茉莉花綠茶，甜品係紅莓芝士蛋糕，兩者配合得好好，一啲都唔漏…查看更多

話說小妹今日係中環放工，咁就約左男朋友係中環附近，但又唔知食咩，咁行下行下就係萬宜大廈後面搵到間台灣野食~我地叫左二個麵 (紅燒牛肉麵同和風牛肉烏冬) , 2 杯野飲 (桂花雪梨茶, 冷泡茱前毛尖茶) , 紅燒牛肉幾好食, 牛肉好入味, 而牛肉烏冬就相對比較清淡, 而野飲方便, 雪梨茶感覺上偏甜, 我個人喜歡冷泡茶, 茶味好濃, 入口回甘不錯, 我推介呢個飲品, 另外我地叫左小食, 鹽酥雞新鮮炸起, 食落仲有少少肉汁, 個人都好鐘意餐廳位置易搵, 環境ok, 經過附近既話值得一試…查看更多

之前都有食過同類既熱石牛係深水埗要排隊果間，個人就覺得呢間既環境服務，同埋材料方面做得好好多。 呢間店雖然開左無耐，但都幾full下環境都坐得幾舒適，點既餐可以揀飯，沙律，野飲或者湯，而我就揀左沙律，湯同埋薯條，個沙律用既菜都好新鮮，完全係做到開胃既感覺，而個湯係西洋菜湯，同中湯既好大分別，喜歡西洋菜既朋友一定都會喜歡佢牛方面就點左3份，有和牛100g，西冷200g，牛側腹200g。 圖中見到店好細心有圍裙，唔驚整到啲衫。好啦講翻個和牛先，佢只係需要燒完一陣就可以放入口，味道係好易入口，同埋係入口即溶既感覺，加上價錢真係唔貴，非常值得一試而個牛側腹個位置係無咁多脂肪，所以怕油膩既朋友可以一試，肉質鮮嫩，另外仲有叫西冷，佢係比較重脂肪比例，牛味都好重，夾雜埋啲脂肪係好夾既，個人比較喜歡西冷🤤 唔記得左講店真係好有心思，有出到醬，記得個西冷係配紅酒牛肉汁，味道係非常夾，牛側腹就係配阿根廷青醬，感覺比較清新d。…查看更多

呢間真係平民又抵食既日本飯，係朋友帶我過去的，可能係早左過去食晚餐，所以基本都唔洗等好耐，佢既每一個飯我都好想試哂佢啊，最後揀左個咖哩豬軟骨，佢真係炆到好冧啊，一食即溶咁，個咖哩配合埋d飯真係一流，d配菜食得出係同出面既唔同，間店標榜著係有機既菜，所以用料方面一d都唔求其，係一間有心經營既店鋪，所以真係值得一試，自從上次食完，已經係心思思想去試佢其他飯菜啦。唯有唔好既地方係坐位唔算好多，同埋晚餐等既人都會多d，未必可以坐咁耐。…查看更多

因為食飯得兩個人既關係，所以我地叫既野食唔多，小食叫左個buffalo wings，食落覺得都幾咸下，如果無咁咸，味道就會更好食啦，脆度係啱啱好既，因為太掛住美國食到既buffalo wing，見到餐廳有，所以就叫左，可以一試既👍🏻另外仲叫左個黑松露意粉，味道幾夠creamy，d菌類又幾鮮味，佢係一道素菜，我覺得幾好食，因為係黑松露粉絲👏🏻👏🏻👏🏻😬最後叫左個pizza，去到意大利餐廳無理由唔叫個pizza食平下，都有幾多款式下，實際我都唔記得叫左邊個，因為係細size，所以款就會少d，不過兩個人食就剛好。…查看更多

今次因爲慶祝生日，就去左試呢間餐廳，個餐廳既裝修好有森林清新既感覺，由於三人都唔係話好肚餓，首先叫左個小食拼盤，都幾多野食入面，有腸，薯條，雞翼，原本我地仲想叫多份黑松露薯條，服務員好好，再三提醒我地個小食拼盤入面有薯條，所以最後我地無叫到，因為真係好夠食啦已經，另一個小食係黑松露薯蓉大啡菇，味道都ok，不過d薯蓉係會令到你太飽，主食就叫左明太子意粉，真係好好食，好值得推介，意粉煮到剛好，配埋明太子真係好夾，甜品方面就叫左西西里檸檬🍋，感覺好清新，但有d酸…查看更多

呢間係間西式餐廳，一入到去個環境都舒服既，好有家庭式既感覺，佢平日係有set dinner，我地叫左個二人套餐，入面已經色左前菜，主食同埋飲品，前菜就叫左個tata，其實就係個chips配d牆，感覺一般姐，可能個人真係唔多喜歡個tata，主菜就叫左個olive chicken pasta，店員話會有d辣問我地洗唔洗少辣，我地叫左少辣，但最後發現係無辣既，不過都ok既，味道唔錯，另一個主菜就揀左肉眼扒，叫左五成熟，但發現都係有少少生，不過係可以接受既，野飲就叫左冰紅茶，係有unlimited flow👍🏻👍🏻…查看更多

呢間係葵芳d工廈，佢既地點係有d唔方便，不過絕對可以一試，入面係無menu既，想食同飲d咩可以直接問staff，我地就揀左latte and Hand drip coffee, 因為太肚餓既關係，仲叫左兩份三文治，hand drip有幾隻咖啡豆俾我地揀，店員都好好，好詳細咁講解翻每隻咖啡豆既特性，最後我地揀左隻來自印尼既豆，對於印尼既咖啡真係會覺得個土味好重，反而果味同咖啡味無咩啊，而呢隻同以往既印象真係好唔同，佢個酸度係好接受，剛沖完最好等一陣先飲，個口感會出d，飲手調既好處真係好有驚喜，由嗅覺到味覺會隨時間而唔同，想試下手調既朋友仔，絕對要一試，最後想講個ham and cheese sandwich好好食，另一個係mushroom tomato sandwich就屬於比較fresh d果type👍🏻…查看更多

今日同女閨蜜約左係D2 place附近，係門口見到呢間又有優惠wo，即刻入左去試下啦，坐得好近個台附近，有live聽既，不過如果係要傾下計就會有d嘈，入面d food都係半價，如果係平日6點打後入席，所以我地叫左個blue mussels, truffle fries, cheese burger，同埋梳甜品soufflé pancake，個mussels係ok既，作為前菜真係無得輸，入味好食既，個truffle就一般般啦，無咩大驚喜，個cheese burger都ok，d牛肉係有少少唔夠肉汁姐，味道大致ok，最好食係個甜品，好軟化啊…查看更多

因為見到d飲食既網頁有介紹，所以就貪得意去左試下，因為係新開業所以有送埋和牛兩片果d，d海鮮就如圖片咁，一開始建議落左d貝殼類既食物先，所以我地都跟足指示，都有講明係幾多分鐘，有埋個計時⌛️俾你，所以好方便，食材真係好新鮮，海鮮都好鮮甜，剛食完d海鮮都驚會唔夠食，但之後都有埋d配菜，再加上有粥底，所以係完全夠食既，食埋d配菜之後，服務員會幫你加入南瓜、芋頭，先煮好先，之後先再加埋粥入去，因為之前d海鮮既關係，個粥底係有埋海鮮既味道，所以食落係幾好味…查看更多

因為兩個人，又唔算話好肚餓，所以就去左試下呢間日式餐廳，入面既裝修都幾有日本風格，會令你好似置身係日本咁，同埋地點實在太方便啦，所以經過既朋友仔，都可以入黎試下，我地叫左個章魚燒咁既野，配埋一壺茶咁既物體，初初以為係茶，點知原來係醬汁，因為初頭唔知，所以無加到，淨食個章魚燒都ok既，仲有叫左個清酒煮蜆，味道一般，無咩酒味，同埋d蜆唔夠鮮甜所以可以不必一試，最後叫左個滑蛋豬扒丼，味道幾好食，如果有多d汁配埋就perfect池…查看更多

都幾開心今日唔算排左好耐，大約15分鐘左右，條隊都唔算好長，排到就黎到自己既時候，就可以去自助機度揀好哂要咩牛扒啦，我地叫左份三拍子牛扒，同埋西冷牛扒，一入到去店員就會帶位，之後就可以俾張飛佢，之後就會俾部bibi機你，如果到自己既話，部機會著燈，咁就可以去counter度拎啦，呢間店都幾細心，有埋圍裙供應，食既時候唔洗驚整污糟件衫，如果需要水，湯，飯，沙律，係個counter度可以自己拎，對比起三拍子同西冷牛扒，個人喜歡三拍子多d，因為佢帶多d肉味同肉汁，所以食起黎三拍子真係又平又抵食…查看更多

一去到見到個環境，真係啱哂同朋友傾計，或者係拍拖，隔離枱有人係度慶祝生日tim ah，當日叫左個smashed potato,外面係脆既，入面個potato好入味，幾好食，值得推介 見都多人會叫huger steak，我地都叫左份，感覺係麻麻，因為無咩肉汁，偏乾，唔夠juicy,所以可以唔洗試，另一個令我驚喜既係linguine, 個pasta煮得剛剛好，配埋個海鮮同d汁真係好match 野飲方面就叫左杯red wine同beat the hit，個cocktail真係好有心機，有個骷髏骨頭係度😂…查看更多